ປາກຽວເປີດຕົວເງິນດິຈິຕອລຂອງຕົວເອງ

ເມື່ອວັນທີ 18 ເມສາ 2018 ຜ່ານມາ ແມນນີ ປາກຽວ ແຊ້ມໂລກມວຍຫລາຍຮຸ່ນ ວຸດທິສະມາຊິກສະພາຊາວຟີລິບປິນ ປະກາດເປີດຕົວສະກຸນເງິນດິຈິຕອລ ເພື່ອສ້າງປະຖິສຳພັນກັບແຟນມວຍໂດຍຕະຫລາດແລກປ່ຽນເງິນສະກຸນ ດິຈິຕອລໂລກ (GCOX) ໃນສິງກະໂປ ທີ່ເຂົາລົງທຶນຢູ່ ຈະອອກເງິນດິຈິຕອລ ” ແພຄ ໂທເຄັນ” (PAC Token) ໃນທ້າຍປີນີ້ ເພື່ອໃຫ້ແຟນມວຍສາມາດຊື້ສິນຄ້າ ແລະເຄື່ອງທີລະນຶກ ແລະຕິດຕໍ່ສື່ສານກັບປາກຽວຜ່ານລະບົບຖ່າຍທອດສົດ ນັບເປັນນັກກິລາຄົນລ່າສຸດທີ່ເປີດເງິນສະກຸນດິຈິຕອລຂອງຕົວເອງ ຕໍ່ຈາກ ຟລອຍ ເມເວທເທີ ຈູເນຍ ນັກມວຍຊາວອາເມລິກາ ແລະໄມເຄິນ ໂອເວັນ ອະດີດກອງຫນ້າທີມຊາດອັງກິດ

ເຈົ້າໜ້າທີ່ຕຳຫຼວດເຢຍລະມັນ ຈັບກຸ່ມແກ້ງຄ້າປະເວນີ ແລະ ຄ້າມະນຸດ

ເຈົ້າໜ້າທີ່ຕຳຫຼວດເຢຍລະມັນ ຖະແຫຼງໃນວັນທີ 18 ເມສາ ນີ້ວ່າ: ເຈົ້າໜ້າທີ່ຕຳຫຼວດໄດ້ລະດົມກຳລັງຄັ້ງໃຫຍ່ ສຸດປະມານ 1.500 ຄົນ ອອກປະຕິບັດໜ້າທີ່ກວາດລ້າງການລັກລອບຄ້າມະນຸດ, ເຊິ່ງສົງໄສວ່າ ຈະມີການຫຼອກ ລວງແມ່ຍິງຈຳນວນຫຼວງຫຼາຍຈາກຕ່າງປະເທດເຂົ້າໄປຂາຍບໍລິການໃນປະເທດເຢຍລະມັນ ໂດຍເຈົ້າໜ້າທີ່ໄດ້ບຸກ ເຂົ້າກວດຄົ້ນສະຖານບໍລິການ 63 ແຫ່ງ ໃນ 12 ລັດ ຈາກທັງໝົດ 16 ລັດໃນເຢຍລະມັນ ເພາະເຈົ້າໜ້າທີ່ເຊື່ອວ່າ ມີກຸ່ມຜູ້ຖືກສົງໄສທີ່ເປັນແກນນຳຂອງຂະບວນການຄ້າມະນຸດເຖິງ 17 ຄົນ.


ເຈົ້າໜ້າທີ່ໃຫ້ຮູ້ອີກວ່າ: ຂະບວນການຄ້າມະນຸດຈະຢຶດເອົາເງິນ ຫຼື ລາຍໄດ້ທັງໝົດຂອງຜູ້ເຄາະຮ້າຍທີ່ຕົກເປັນ ເຫຍື່ອຈາກສະຖານປະກອບການໃນຮູບແບບຂອງຮ້ານນວດ, ເຊິ່ງບັນດາແມ່ຍິງທີ່ເປັນຜູ້ເຄາະຮ້າຍຈະຖືກຫັກຄ່າ ໃຫ້ເຈົ້າຂອງຮ້ານຄົນລະປະມານ 16.000-36.000 ຢູໂຣ ຫຼື ປະມານ 20.000-45.000 ໂດລາສະຫະລັດ. ສຳລັບ ຜູ້ທີ່ຖືກຈັບກຸມທັງ 7 ຄົນນັ້ນ ເປັນຊາວເຢຍລະມັນ ແລະ ຊາວຕ່າງປະເທດ 1 ຄົນ.

ໄອຍະການເມືອງແຟຣງເຟີດ ໄດ້ເຮັດວຽກຮ່ວມກັບເຈົ້າໜ້າທີ່ຕຳຫຼວດໃນຄະດີລັກລອບຄ້າມະນຸດ ມາຕັ້ງແຕ່ເດືອນ ກຸມພາ 2017 ຄາດວ່າແກ້ງຄ້າມະນຸດສ້າງລາຍໄດ້ຈາກທຸລະກິດຜິດກົດໝາຍເຖິງ 1 ລ້ານຢູໂຣ. ຂະນະທີ່ທ່ານ ໂຮດ ຊີໂຮເຟີ ລັດຖະມົນຕີກະຊວງພາຍບໃນຂອງເຢຍລະມັນ ໄດ້ກ່າວຍົກຍ້ອງປະຕິບັດການກວາດລ້າງ ການລັກລອບຄ້າ ມະນຸດ, ເຊິ່ງເຮັດວຽກເປັນເຄືອຂ່າຍລະດັບຊາດ ມີຜູ້ຕົກເປັນເຫຍື່ອເຄາະຮ້າຍທັງຜູ້ຊາຍ ແລະ ຜູ້ຍິງຈຳນວນຫຼາຍ  ຮ້ອຍຄົນເປັນເວລາຫຼາຍປີ ແລະ ຫວັງວ່າເຈົ້າໜ້າທີ່ຕຳຫຼວດຈະສາມາດຢຸດບັນຫາດັ່ງກ່າວໄດ້ສຳເລັດ.

ສາລະຫນ້າຮູ້ ເປີດງານວິໄຈຫຼ້າສຸດ “ດື່ມເບຍ 10 ກະປ໋ອງຕໍ່ອາທິດ” ສ່ຽງພະຍາດຫຼອດເລືອດທຸກຊະນິດ-ຕາຍໄວຂຶ້ນ

ເປີດ​ງານ​ວິໄຈ​ວົງ​ການ​ແພດລະ​ດັບ​ໂລກ​ ທີ່ລະບຸວ່າ ດື່ມ​ເບຍ​ຫຼາຍກວ່າ​ 10 ກະ​ປ໋ອງ​ຕໍ່​ອາທິດ​ສ່ຽງ​ຕາຍ​ຈາກພະຍາດ​ຫຼອດ​ເລືອດ​ສະໝອງ​ທຸກ​ຊະນິດ​ ພ້ອມທັງເຕືອນ​ຍິງ – ຊາຍ​ນັກດື່ມ​​ ສົ່ງ​ຜົນ​ອາ​ຍຸ​ສັ້ນ​ ເລັ່ງ​ຕາຍ​ກ່ອນ​ໄວອັນ​ຄວນ​ ຊີ້​ຜົນການ​ສຶກ​ສາ​ບໍ່​ພົບ​ປະໂຫຍດ​ຈາກ​ການ​ດື່ມເຫຼົ້າ​ເພື່ອ​ປ້ອງ​ກັນ​ພະຍາດ​ຫຼອດ​ເລືອດ​ຫົວ​ໃຈ.​


ຫຼ້າ​ສຸດ​ມີ​ການ​ອ້າງ​ອີງ​ງານ​ວິໄຈ​ເລື່ອງ​ “Risk thresholds for alcohol consumption: combined analysis of individual-participant data for 599 912 current drinkers in 83 prospective studies” ຕີ​ພິມ​ເມື່ອ​ວັນທີ​ 14 ເມ​ສາ​ 2018 ໃນ​ວາລະ​ສານ​ Lancet ເຊິ່ງ​ເປັນ​ວານ​ສານ​ທີ່​ເປັນ​ທີ່​ຮູ້​ຈັກ​ທາງ​ການ​ແພດ​ຫຼາຍ​ທີ່ສຸດ.​ ພົບ​ຂໍ້​ມູນ​ສຳຄັນ​ຄື​ ການ​ດື່ມ​ເຄື່ອງດື່ມທີ່ມີທາດເຫຼົ້າ​ປະລິມານ​ຫຼາຍກວ່າ​ 100 ກຣາມ​ ຫຼື​ 7-10 ໜ່ວຍ​ດື່ມ​ມາດຕະຖານ​ຕໍ່​ອາທິດ​  (1 ໜ່ວຍ​ດື່ມ​ມາດຕະຖານ​ ເທົ່າ​ກັບ​ປະລິມານ​ຂອງ​ທາດເຫຼົ້າບ​ໍລິ​ສຸດ​​ 10-14 ກຣາມ​ ຫຼື ທຽບ​ເທົ່າ​ກັບ​ເບຍ​​ ທີ່​ໜ້ອຍ​ກວ່າ​ 5 ດີກ​ຣີ​ 1 ກະ​ປ໋ອງ,​ ວາຍ​ 1 ຈອກ​ ຫຼື ​ເຫຼົ້າ​/ສຸ​ລາ​ 30 ມິນລີລິດ​) ຈະ​ເພີ່ມ​ຄວາມ​ສ່ຽງ​ໃນ​ການ​ເສຍຊີວິດ​ໂດຍ​ລວມ​ຢ່າງ​ຕໍ່​ເນື່ອງ​ ທັງ​ໃນ​ເພດ​ຊາຍ​ແລະ​ຍິງ​ ລວມເຖິງ​ບໍ່​ພົບ​ປະໂຫຍດ​ຂອງ​ການ​ດື່ມ​ປະລິມານ​ທາດເຫຼົ້າ​ທີ່​ຕ່ຳ​ກວ່າ​ 100 ກຣາມ​ຕໍ່​ອາທິດ.​


ຈຸດປະສົງ​ຂອງ​ງານ​ວິໄຈ​ນີ້​ ຄື​ ສຶກ​ສາ​ປະລິມານ​ການ​ດື່ມ​ເຄື່ອງດື່ມມຶນເມົາຕໍ່​ການ​ເສຍຊີວິດ​ໂດຍລວມ​ ແລະ​ພະຍາດ​ຫົວ​ໃຈ ​ແລະ​ຫຼອດ​ເລືອດ​ຊະນິດ​ຕ່າງ​ໆ​ ປະກອບ​ມີ​ ພະຍາດ​ຫຼອດ​ເລືອດ​ສະໝອງ​ທຸກ​ຊະນິດ​, ພະຍາດ​ກ້າມ​ຊີ້ນ​ຫົວ​ໃຈ​ຂາດ​ເລືອດ,​ ພະຍາດ​ຫົວ​ໃຈ ​ແລະ​ຫຼອດ​ເລືອດ​ອື່ນ​ໆ​ ທີ່​ບໍ່ລວມ​ເຖິງ​ພະຍາດ​ກ້າມ​ຊີ້ນ​ຫົວ​ໃຈ​ຂາດ​ເລືອດ​ ແລະ​ການ​ເສຍຊີວິດ​ຈາກ​ພະຍາດ​ຫົວ​ໃຈ​ ແລະ​ຫຼອດ​ເລືອດ​ຊະນິດ​ອື່ນ​ໆ​ ໄດ້​ແກ່​ ພະຍາດ​ຫົວ​ໃຈ​ເຕັ້ນ​ຜິດ​ຈັງ​ຫວະ,​ ພະຍາດ​ຄວາມ​ດັນ​ເລືອດ​ສູງ,​ ເສຍຊີວິດ​ຮຸນແຮງ​ຈາກ​ພະຍາດ​ຫົວ​ໃຈ​ ແລະ​ພະຍາດ​ຫຼອດ​ເລືອດ​ແດງ​ໃຫຍ່​ໂພງ​. ມີ​ຜູ້​ເຂົ້າ​ຮ່ວມ​ງານ​ວິໄຈ​ ເຊິ່ງ​ເປັນ​ປະຊາກອນ​ທີ່​ດື່ມ​ເຄື່ອງດື່ມມຶນເມົາ ແລະ​ບໍ່​ມີ​ພະຍາດ​ຫົວ​ໃຈ ​ແລະ​ຫຼອດ​ເລືອດ​ຕ່າງ​ໆ​ ຈຳນວນ​ 599,912 ຄົນ​ ໃນ​ປະເທດ​ທີ່​ພັດທະນາ​ແລ້ວ​ກວ່າ​ 30 ປະເທດ​. ສ່ວນ​ຫຼາຍ​ເປັນ​ປະເທດ​ໃນ​ເຂດຢຸ​ໂຣບ​. ເມື່ອ​ຕິດ​ຕາມ​ຜູ້​ເຂົ້າ​ຮ່ວມ​ວິໄຈສະເລ່ຍ​ 7 ປີ​ ພົບ​ວ່າ​ ມີຄົ​ນ​ເສັຍຊີວິດ​ໂດຍລວມ​ 40,310 ລາຍ​ ແລະ​ເກີດ​ພະຍາດ​ຫົວ​ໃຈ ​ແລະ​ຫຼອດ​ເລືອດ​ຕ່າງ​ໆ​ ຈຳນວນ​ 39,018 ຄົນ.​


ນອກ​ຈາກ​ນີ້​ ຜົນ​ການສຶກສາ​ນີ້​ຍັງ​ຊີ້​ແຈ້ງ​ວ່າ​ ຫາກ​ດື່ມ​ປະລິມານ​ຫຼາຍກວ່າ​ 100 ກຣາມ​ຕໍ່​ອາທິດ​ ຈະ​ເພີ່ມ​ຄວາມ​ສ່ຽງ​ຕໍ່​ພະຍາດ​ຫຼອດ​ເລືອດ​ສະໝອງ​ຂຶ້ນ​ອີກ​ 1.14 ເທົ່າ​, ພະຍາດ​ຫຼອດ​ເລືອດ​ຫົວໃຈ​ຊະນິດ​ອື່ນ​ໆ​ 1.06 ເທົ່າ​ ແລະ​ການ​ເສຍຊີວິດ​ຈາກ​ພະຍາດ​ຫົວໃຈ​ ແລະ​ຫຼອດ​ເລືອດ​ອື່ນ​ໆ​ 1.18 ເທົ່າ​. ພ້ອມນັ້ນ​ຍັງພົບ​ວ່າ​ ບໍ່​ມີລະ​ດັບ​ປະລິມານ​ເຄື່ອງດື່ມມຶນເມົາທີ່ປອດ​ໄພ​ ຫຼື​ໄດ້​ປະໂຫຍດ.​ ຍິ່ງ​ໄປ​ກວ່າ​ນັ້ນ​ ງານ​ວິໄຈ​ດັ່ງ​ກ່າວລະ​ບຸ​ວ່າ​ ການ​ດື່ມ​ເບຍ​​ ຫຼື ເຫຼົ້າກ​ັ່ນ​ ມີ​ຄວາມ​ສ່ຽງ​ຕໍ່​ການ​ເສຍຊີວິດ​ໂດຍ​ລວມຫຼາຍ​ຂຶ້ນ​ ເມື່ອ​ປຽບທຽບ​ກັບ​ການ​ດື່ມ​ວາຍ.​ ການສຶກສາ​ຍັງ​ລະ​ບຸ​ວ່າ​ ຫາກ​ດື່ມ​ເຫຼົ້າ​ 100-200 ກຣາມ​ຕໍ່​ອາທິດ​ ຈະ​ເສຍຊີວິດ​ໄວ​ຂຶ້ນ​ 6 ເດືອນ,​ ຫາກ​ດື່ມ​ 200-350 ກຣາມ​ຕໍ່​ອາທິດ​ຈະ​ມີ​ອາຍຸ​ສັ້ນ​ລົງ​ 1-2  ປີ​ ແລະ​ຫາກ​ດື່ມ​ຫຼາຍກວ່າ​ 350 ກຣາມ​ຕໍ່​ອາທິດ​ຈະ​ມີ​ອາຍຸ​ສັ້ນ​ລົງ​ 4-5 ປີ​ ເມື່ອ​ທຽບ​ກັບ​ຄົນທີ່​ດື່ມໜ້ອຍ​ກວ່າ​ 100 ກຣາມ​ຕໍ່​ອາທິດ

7ຂໍ້ທີ່ຕ້ອງຄິດ ກ່ອນຈະກັບໄປໄປຄົບກັບແຟນເກົ່າ

ເຊື່ອວ່າຫຼາຍໆຄົນທີ່ມີປະສົບການໃນເລື່ອງອົກຫັກ ຕ້ອງເລີກກັບແຟນ ຢ່າງທຳອິດຄືຄວາມເສຍໃຈ ຮ້ອງໄຫ້ ຄວາມຄິດຫຼາຍໆຢ່າງກໍ່ເລີ່ມເຂົ້າມາຈົນບາງເທື່ອຄວາມຮັກແລະຄວາມຜູກພັນກໍ່ອາດຈະເຮັດໃຫ້ຢາກກັບໄປຄືນດີກັບແຟນເກົ່າ ແຕ່ກ່ອນຈະກັບໄປຄົບກັບຄົນຮັກເກົ່ານັ້ນ 7ຂໍ້ຕ້ອງທົບທວນມຫ້ຄິດກັນກ່ອນທີ່ຈະຄົບກັບໄປຄົບກັບຄົນຮັກເກົ່າ
1.ເປັນຫຍັງຄືເລີກກັນ
ຫຼາຍຄູ່ເລີກກັນດ້ວຍເຫດຜົນເລັກໆນ້ອຍໆ ຢ່າງເຊັ່ນວ່າແຟນເຈົ້າລືມນັດໃນວັນທີ່ສຳຄັນ ແຟນບໍ່ຊື້ຂອງຂວັນວັນວາເລນທາຍໃຫ້ຫຼືຫຼາຍຄົນອາດຈະຕ້ອງເລີກກັນດ້ວຍເຫດຜົນທີ່ໜັກກວ່ານັ້ນຄື ແຟນມີກິກ ມີຄົນອື່ນ ທີ່ຍອມບໍ່ໄດ້ ແນ່ນອນວ່າຖ້າເປັນເລື່ອງເລັກນ້ອຍກໍ່ອາດຈະໃຫ້ອະໄພກັນໄດ້ ຫຼືຖ້າຄິດໆກັນແລ້ວເປັນຫຍັງຄືເຂົ້າກັນບໍ່ໄດ້? ຖ້າເປັນແບບນັ້ນກໍ່ຈົ່ງທຳໃຈເລີຍ


2.ເລີກກັນມາດົນປານໃດແລ້ວ
ຫຼາຍຄົນກໍ່ຮູ້ກັນແລ້ວວ່າການເລີກກັບແຟນທີ່ມັນເປັນເລື່ອງໃຫຍ່ຄືໂລກຈະແຕກທຳນອງນັ້ນ ແຕ່ຄິດໄປຄິດມາມັນກໍ່ເປັນເລື່ອງທຳມະດາຂອງໂລກໃບນີ້ມີພົບກໍ່ຕ້ອງມີຈາກ ບໍ່ຈາກເປັນກໍ່ຈາກຕາຍແລະທີ່ສຳຄັນ ເວລາທີ່ຈະຊ່ວຍຍຽວຢາທຸກສິ່ງ ນັ້ນໝາຍຄວາມວ່າຍິ່ງເຈົ້າເລີກກັນມາດົນເທົ່າໃດ ໂອກາດທີ່ຈະກັບໄປເໝືອນເດີມມັນກໍ່ຈະຍິ່ງຍາກເທົ່ານັ້ນ
3.ຈາກກັນດ້ວຍດີຫຼືບໍ່
ລອງນຶກຍ້ອນກັບໄປວ່າເຈົ້າເລີກກັນແບບໃດ ບອກເລີກກັນທາງໃດ ແມ້ແຕ່ສຽງກໍ່ຍັງບໍ່ໄດ້ຍິນຫຼືເວົ້າກັນຕໍ່ໜ້າ ເວົ້າກັນດ້ວຍເຫດຄິດແລ້ວຄິດອີກແລ້ວເຖິງໄດ້ເວົ້າຄຳນັ້ນອອກໄປ ບໍ່ໄດ້ເວົ້າໃສ່ກັນດ້ວຍອາລົມ ຮູ້ບໍ່ວ່າຈາກກັນໄປໄດ້ດີເທົ່າໃດ ໂອກາດທີ່ຈະກັບມາເປັນຄືເກົ່າຍິ່ງຫຼາຍເທົ່ານັ້ນ


4.ເຮັດແບບໃດຫຼັງຈາກເລີກກັນ
ບາງຄົນອາດຈະຝັງໃຈກັບພຶດຕິກຳຫຼັງຈາກເລີກກັນຂອງອີກຝ່າຍ ຢ່າງເຊັ່ນພໍເລີກກັນປຸບ ແຟນເກົ່າ ຂອງເຈົ້າກໍ່ໄປມີຄົນໃໝ່ປັບ ແຕ່ລອງລົມກັນແລ້ວບໍ່ແມ່ນກໍ່ເລີຍກັບມາງໍ້ເຈົ້າ ເຈົ້າຄືຮູ້ສືກບໍ່ດີປານໃດ ແມ່ນບໍ່? ຖ້າເປັນແບບນັ້ນກໍ່ຢ່າກັບໄປ
5.ຜູກພັນກັນເທົ່າໃດ
ຊີວິດຂອງເຈົ້າທັ້ງສອງມີຄວາມກ່ຽວຂ້ອງກັນພຽງໃດ ຄົບກັນແບບໄກໆ ລົມກັນ3ປະໂຫຍກກ່ອນນອນ ເຈິກັນ3ເດືອນເທື່ອໜຶ່ງຫຼືບໍ່ ຫຼືບໍ່ເຄີຍພົບກັນດ້ວຍຊ້ຳ ຖ້າເປັນແບບນັ້ນກໍ່ຢຸດທີ່ຈະກັບໄປ ມັນຄືຈະບໍ່ດີດອກ ແຕ່ຖ້າເຈົ້າມີກັນແລະກັນຢູ່ທຸກຊ່ວງເວລາຂອງຊີວິດ ຮັບຮູ້ທຸກສຸກກັນທຸກເລື່ອງ ຄືກັບເປັນຄົນດຽວກັນ ບອກໄດ້ເລີຍວ່າມີໂອກາດສູງຫຼາຍທີ່ເຈົ້າຈະກັບໄປຄົບແລະຍັງມີຄວາມຮູ້ສືກດີໆໃຫ້ກັນຄືເກົ່າ


6.ຄວາມຮູ້ສືກຍັງຄືເກົ່າຫຼືບໍ່
ຖ້າເຈົ້າຮູ້ສືກໂຫຍຫາແລະໃຈເຕັ້ນເມື່ອໄດ້ຢູ່ໃກ້ກັນ ຢາກຈັບມືຢາກກອດ ຢາກຢູ່ໃກ້ໆ ນັ່ນກໍ່ສະແດງວ່າເຈົ້າຍັງມີໂອກາດທີ່ຈະກັບໄປຄືເກົ່ານະຈະ
7.ໃຫ້ອະໄພກັນໄດ້ບໍ່
ຖ້າເຈົ້າຄິດລະອຽດຖີ່ຖ້ວນ ນັ່ງຄິດນອນຄິດ ຄິດແລ້ວຄິດອີກວ່າເຈົ້າຈະກັບໄປຄົບກັບເຂົາໄດ້ ກໍ່ຖືວ່າເປັນເລື່ອງລາວດີໆ ທີ່ເຈົ້າແລະເຂົາຈະກັບໄປຄົບກັນໄດ້

ເຕືອນໄພສັງຄົມ !! ລະວັງຖືກພວກ 18 ມົງກຸດ

ຝາກເຕືອນສະຕິຈາກຜູ້ໃຊ້ເຟສບຸກຊື່ Shadowz’ mimie Rky: ພີ່ນ້ອງ ຢ່າຂີ່ລົດຈັກຫລືລົມນຳຄົນແປກໜ້າເດີ້ (ເວບ100ສີຟ້າດຳ) ບໍ່ຈື່ປ້າຍ ອ້າງອີງວ່າເປັນຄົນດີຊິໄປສົ່ງເຈົ້າຢູ່ຄິວລົດ ຫລື ໄປຮັບຢູ່ຄິວລົດໄປສົ່ງຢູ່ບ້ານນັ້ນບ້ານນີ້ ທີ່ແທ້ເປັນໂຈນ108 ລ່ຽມ ໂຈນມັນມີແນວກ່ອມຄົນເຮັດໃຫ້ເຊື່ອ ຄືດັ່ງສາວຄົນນີ້ ປົດຄຳໃຫ້ໂດຍບໍ່ຮູ້ສະຕິ ມີ ຕູ້ມຫູ5ຫຸນ ສາຍຄໍ1ບາດ ກະເປົ໋າເງີນອັນໃດມີຄາມັນເອົາໝົດ
ໝາຍເຫດ:ເຫດການນີ້ແມ່ນບັກເກົ່າ ທີ່ມັນເອົາມາຖີ້ມຢູ່ບ້ານທົ່ງຂັນຄຳ ຮ່ອມ3ຊອດອອກຮ່ອມ ຮຮ ສົມວະລີ ສຳລັບເດືອນ4ນີ້ ແມ່ນ2ຄົນແລ້ວ.


👉🏻👉🏻 ຜູ້ນິເປັນເຫຍື່ອຜູ້ທີທໍ່ໃດແລ້ວກະບໍ່ຮູ້… ບາງຄົນມັນກໍ່ເອົາໄປນອນນຳ ແລ້ວລໍລົມ ພາມາປະໄວໃນຮ່ອມຂ້າງ ຮຮ ສົມວະລີ ຕົວະວ່າໄປປ່ຽນລົດ ຕົວະວ່າໄປເອົາເຄືອງ ຕົວະວ່າບ້ານຄົນລວຍໆແຖວນັ້ນເປັນບ້ານມັນ.. ແລ້ວປະຜູ້ສາວທີເປັນເຫຍື່ອຖ້າຈົນຮູ້ເມືອໂຕເອງ ວ່າຖືກຕົວະແລ້ວ ແຕ່ໃນເມື່ອຮູ້ໂຕແລ້ວ ກໍ່ໄປປົດຄຳ ຈົກເອົາເງີນໃນກະເປົ່າ ເອົາໂທລະສັບໃຫ້ມັນໄປຫມົດແລ້ວ
ຫລາຍຄົນແລ້ວເດີຖືກນິ… ມັນຈະເບີງຄົນທີເບີງຊົງຄືມີເງີນໃສຄຳ ຄືຄົນຕ່າງແຂວງ ມັນມີກົນອຸບາຍເວົ້າ ໃຫ້ເຫຍື່ອຫລົງ ແລ້ວຂາດສະຕິໄປຊົ່ວວູບ…

–ແຈ້ງບ້ານແຈ້ງຫ້ອງການກຸ່ມກໍ່ແລ້ວ.. ເພີ່ນກະໄດ້ແຕ່ຈົດບົດບັນທຶກໄວ້.. ແຕ່ຍັງຈັບມານສັງຄົມບໍ່ໄດ້..
#ບໍ່ມີຮູບບັກນັ້ນ ຮູ້ແຕ່ຊື່ວ່າ ບຸນ ເຫດເກີດນີ້ແມ່ນເກີດຢູ່ບ້ານທົ່ງຂັນຄຳ.. ມັນຕົວະມາແລ້ວເປັນ 10ລາຍ
ຝາກແຊຣ ໃຫ້ທຸກຄົນໄດ້ລະວັງໂຕ
#ຂໍອະນຸຍາດເຈົ້າຂອງຮູບເດີ

ຜູ້ຊາຍດີໆແລະພ້ອມຈະຮັກລູກຮັກເມຍຍັງມີຢູ່ໃນໂລກ(ເບີ່ງເລື່ອງນີ້ແລ້ວຈະຮູ້ວ່າຮັກແທ້ຍັງມີຢູ່ຈີງ)

ເລື່ອງຜູ້ຊາຍເຊື່ອງເມຍນ້ອຍ ເມຍໃຫຍ່ ຫຼື ຜູ້ຊາຍມາຕວະໃຫ້ຮັກອອກມາເປັນຂ່າວຫຼາຍໃນຊ່ວງນີ້ ເຮັດໃຫ້ຊາວເນັດຫຼາຍຄົນຄິດກັນໄປໝົດວ່າຜູ້ຊາຍທຸກຄົນຄົງເປັນຄືກັນ, ແຕ່ມື້ນີ້ແອັດມີນມີເລື່ອງເລົ່າຈາກຜູ້ຍີງຄົນໜື່ງ ຈະມາຊິວີດຈີງໃຫ້ຟັງ ອ່ານຈົບແລ້ວຈະຮູ້ວ່າຮັກແທ້ຍັງມີຢູ່ຈີງ


ໃຫ້ພາບມັນເປັນຄວາມຮູ້ສືກບອກເຖິງຈະມີນ້ອຍແຕ່ກະເປັນຄອບຄົວທີ່ແສນອົບອຸ່ນ ບໍ່ໄດ້ຫວານຄືຕອນແລກທີ່ລົມກັນ ແຕ່ກະບໍ່ເຄີຍເບື່ອຫນາຍກັນ ບໍ່ເຄີຍຜິດຖຽງກັນ ບໍ່ເຄີຍເຮັດເລື່ອງນ້ອຍໄຫ້ເປັນເລື່ອງໃຫ່ຍ ເຮັດແຕ່ເລື່ອງໃຫ່ຍໄຫ້ເປັນເລື່ອງນ້ອຍ ເຫັນຊີວິດຫລາຍໆຄົນແລ້ວກັບມາເບິ່ງທີ່ໂຕເອງ ຈື່ງຮູ້ສຶກວ່າສຳນີ້ໂຕເອງກະໂຊກດີທີ່ສຸດແລ້ວທີ່ມີຜົວແບບນີ້ ( ຊັກເຄື່ອງ ຕາກເຄື່ອງ ປ້ອນນົມລູກກາງຄືນ ເອົາລູກນອນ ເປັນທັງແມ່ ແລະ ພໍ່ ໄຫ້ລູກ )

ເຮົາໃຊ້ເວລາຄົບກັນບໍ່ດົນເຮົາກະຕັດສິນໃຈທີ່ຈະໃຊ້ຊິວິດຄູ່ນຳກັນ ເພາະເຮົາເຊື່ອໃນຮັກແທ້


ແລະແລ້ວ ປະຕິຫານກະເກີດຂື້ນ ເທວະດາ ສົ່ງຄົນນ້ອຍມາເກີດ ເດືອນປາຍ ດີໃຈແຮງ


ພາບແລກທີ່ເຮົາເຫັນລູກ ຄວາມຮູ້ບອກບໍ່ຖືກ ເບິ່ງຫນ້າກັນແລ້ວຍິ້ມ


ເຍ້ ໄດ້ໄປທ່ຽວ ການໄປທ່ຽວຈະເຮັດໄຫ້ເມຍອາລົມດີ ແລະ ສົ່ງຜົນສິ່ງດີດີໄປຫາລູກ


ທັງຈູບທັງຫອມ


ດິນເນີນຳກັນ


ລົມກັບລູກບອກຮັກລູກທຸກຄືນ ຍົກເວັ້ນແມ່


ທ້ອງໃຫ່ຍອີ່ແມ່ກະຢາກໄປ


ົຄົນທ້ອງຕ້ອງການຄວາມຮັກຈາກຜົວທີ່ສຸດ


ໄປກິນສິ່ງທີ່ຢາກ


ໄດ້ເວລາລົມນຳລູກ ການລົມກັບລູກທຸກມື້ຈະເຮັດໄຫ້ລູກມີພັດທະນາການດີ ເຄື່ອນໄຫວດີ ພໍ່ແຕ່ລະຄົນຕ້ອງເຮັດເດີ


6ເດືອນແລ້ວ ບຳລຸງເຕັມທີ


7ເດືອນແລ້ວ ກະໄປຕາມເຄີຍ


ຕະຫລອດເວລາ ທີ່ຖືພາອີ່ພໍ່ບໍ່ເຄີຍເຮັດໄຫ້ແມ່ເສຍໃຈ ຄ່ອຍເອົາໃຈໃສ ວ່າເມຍຈະກິນເຂົ້າກັບຫຍັງ ເມຍຢາກຫັຍງ ເມຍຢາກໄປໃສ ເມຍກິນໝາກໄມ້ລະຫວາ ກິນນົມລະຫວາ ກິນຢາລະຫວາ


ອີ່ພໍ່ຕາມໃຈທຸກຢ່າງ


ເຫັນລະຢາກກັບໄປຖືພາອີກຄັ້ງ


ເດືອນຄອງແລ້ວ ລູກຍັງບໍ່ປິ່ນຫົວ ອີ່ພໍ່ເລີຍພາມາລອຍນ້ຳ ດີທີລູກຮູ້ຈັກຄວາມເລີຍປິ່ນກັບ ເກືອບໄດ້ປາດ


ບອກລູກວ່າໄຫ້ຖີບອີ່ແມ່ອອກມາໂລດ


ເຖິງເວລາທີ່ຈະເຈັບແລ້ວຢູ່ຂ້າງເມຍສະເຫມີ


ເກີດແລ້ວທີ 9 ທັນວາ 2017 ໄດ້3.2 ອີ່ພໍ່ເອົາຕັ້ງແຕ່ມື້ເກີດ ແມ່ຖືພາມາ9ເດືອນ ທັງເຈັບທັງແສບ ຫນ້າຄືພໍ່90 %


ອີ່ພໍ່ເຝົ້າກຳ


ສອງພໍ່ລູກເພິ່ນຮັກກັນແຮງ


ຊັນຢ້າຢູ່ກັບອີ່ພໍ່ລະຍິ້ມຕະຫລອດ ຍ້ອນໄດ້ຮັບຄວາມຮັກຈາກພໍ່


ແຕ່ງນົມໄຫ້ລູກ


ກອມລູກນອນ


ຫລັບທັງພໍ່ ທັງລູກ ຂອບໃຈຜົວທີ່ຮັກລູກແລະເມຍ ທີ່ເປັນທັງພໍ່ແລະແມ່ໄຫ້ລູກ


ນີຄືຄອບຄົວນ້ອຍນ້ອຍຂອງເຮົາຂອບໃຈທຸກຄົນທີ່ອ່ານຈົນຈົບ ຢ່າລືມແທ໋ກຄົນທີ່ເຈົ້າຮັກ

ສະຕໍເບີລີ້ ຫຼຸດຄວາມສ່ຽງມະເຮັງຫຼອດອາຫານ

ສູນມະເຮັງຄົບວົງຈອນມະຫາວິທະຍາໄລລັດໂອໄຮໂອ (The Ohio State University Comprehensive Cancer Center) ປະເທດສະຫະລັດອາເມລິກາ ພົບວ່າການກິນສະຕໍເບີລີ້ເປັນປະຈຳ ອາດເປັນທາງໜຶ່ງທີ່ຊ່ວຍຫຼຸດຄວາມສ່ຽງໂລກມະເຮັງຫຼອດອາຫານໄດ້

ໂດຍນັກວິໃຈທົດລອງໃຫ້ອາສາສະໝັກ 36 ຄົນ ກິນສະຕໍເບີລີ້ແຊ່ແຂງ 60 ກຼາມທຸກມື້ ຕິດຕໍ່ກັນດົນ 6 ເດືອນ ພ້ອມທັງເກັບໂຕຢ່າງຊີ້ນເນືອ ເພື່ອກວດຫາມະເຮັງກ່ອນແລະລັງການທົດລອງ

ຜົນປະກົດວ່າ 80 ເປີເຊັນຂອງຜູ້ທີ່ສ່ຽງເປັນໂລກມະເຮັງ ມີການຂະຫຍາຍໂຕຂອງການອັກເສບໃນຫຼອດອາຫານຫຼຸດລົງ ສະຫຼຸບໄດ້ວ່າ ສະຕໍເບີລີ້ມີຜົນຊ່ວຍຊະລໍການຈະເລີນຂອງເຊວມະເຮັງ ແລະຫຼຸດຄວາມສ່ຽງການເກີດໂລກມະເຮັງ

ບໍ່ພຽງແຕ່ຊ່ວຍຫຼຸດຄວາມສ່ຽງໂລກມະເຮັງຫຼອດອາການ ແຕ່ຍັງຊ່ວຍຫຼຸດການເກີດໂລກມະເຮັງກະເພາະອາຫານອີກດ້ວຍ ໂດຍພົບລາຍງານຈາກວາລະສານ PLoS ONE ລະບຸວ່າ ສະຕໍເບີລີ້ສາມາດຊ່ວຍຫຼຸດອັດຕາອັນຕະລາຍຂອງແອວກໍຮໍ ທີ່ມີຜົນຕໍ່ຜະໜັງກະເພາະອາຫານໃນໜູທົດລອງໄດ້ ເຊິ່ງການດື່ມແອວກໍຮໍເປັນປະຈຳບໍ່ພຽງມີຜົນໃຫ້ກະເພາະອາຫານອັກເສບ ເກີດແຜໃນກະເພາະອາຫານ ແຕ່ຍັງອາດເພີ້ມຄວາມສ່ຽງໂລກມະເຮັງອີກດ້ວຍ

ວິທີເລືອດສະຕໍເບີລີ້

ໜ່ວຍນ້ອຍສີແດງມີລົດຫວານອົມສົ້ມ ທັງຍັງມີກິ່ນຫອມ ເໝາະສຳລັບນຳມາເຮັດໝາກໄມ້ສະຕໍເບີລີ້ ໝາກຂະໜາດພຽງ 5-6 ໜ່ວຍ ກໍ່ໃຫ້ວິຕາມິນຊີພຽງພໍຕໍ່ຄວາມຕ້ອງການໃນໜຶ່ງວັນ

ຈັບສອງສ່ຽວຄາເຮືອນພັກ ພ້ອມຂອງກາງຢາບ້າ 36.000 ເມັດ

ວັນທີ 4 ເມສາ 2018, ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ໄດ້ເຂົ້າຈັບ ຕົວສອງສາວລັກລອບຄ້າຂາຍຢາເສບຕິດໃນເຮືອນພັກແຫ່ງໜຶ່ງຢູ່ເຂດບ້ານດອນໄຊ ເມືອງໄຊ ແຂວງອຸດົມໄຊ ພ້ອມຂອງກາງຢາບ້າ ຈຳນວນ 18 ມັດ ເທົ່າ ກັບ 36.000 ເມັດ ໄປສອບສວນຂະຫຍາຍຜົນ.


ເຈົ້າໜ້າທີ່ວິຊາສະເພາະ ປກສ ແຂວງອຸດົມໄຊ ໃຫ້ຮູ້ວ່າ: ພາຍຫຼັງໄດ້ຮັບລາຍງານວ່າ: ຈະມີກຸ່ມເປົ້າໝາຍມາເຄື່ອນ ໄຫວຊື້-ຂາຍຢາບ້າຢູ່ເຂດບ້ານດອນໄຊ ເມືອງໄຊ ແຂວງອຸດົມໄຊ. ຫຼັງຈາກນັ້ນ, ພະແນກສະກັດກັ້ນ ແລະ ຕ້ານຢາ ເສບຕິດແຂວງ ໄດ້ຈັດກໍາລັງວິຊາສະເພາະຕິດຕາມການເຄື່ອນໄຫວຂອງເປົ້າໝາຍ.


ຜ່ານການຕິດຕາມພົບເຫັນເປົ້າໝາຍຢູ່ໃນເຮືອນພັກແຫ່ງໜຶ່ງຢູ່ບ້ານດອນໄຊ ຈຶ່ງໄດ້ກັກຕົວ ແລະ ກວດຄົ້ນພົບ ເຫັນຢາບ້າ ຈຳນວນ 18 ມັັດ, ເທົ່າກັບ 36.000 ເມັດ ຈຶ່ງຈັບຕົວເປົ້າໝາຍທັງສອງຄົນໄປສອບສວນ; ຜູ້ຖືກຫາ ຄະດີດັ່ງກ່າວຊື່ ນາງ ວຽງສະໄໝ ອາຍຸ 30 ປີ ຢູ່ບ້ານມອນໃຕ້ ເມືອງໄຊ ແລະ ນາງ ດວງວາ ອາຍຸ 18 ປີ ຢູ່ບ້ານ ດອນທາດ ເມືອງຮຸນ ທັງສອງຂຶ້ນກັບແຂວງອຸດົມໄຊ. ພ້ອມກັນນີ້, ກໍໄດ້ເຄື່ອງຂອງກາງທີ່ພົວພັນໃນການເຄື່ອນ ໄຫວຊື້-ຂາຍຢາເສບຕິດໃນຄັ້ງນີ້ ລວມມີ: ລົດຈັກຊູຊຸກິສະແມັດ ສີດຳ ປ້າຍທະບຽນ 4308 ອຸດົມໄຊ ແລະ ລົດ ຈັກຮອນດ້າເວບ 100 ສີຂາວ ປ້າຍທະບຽນ 5010 ອຸດົມໄຊ ພ້ອມໂທລະສັບມືຖື 2 ເຄື່ອງ.

ຜ່ານການສອບສວນເບື້່ອງຕົ້ນ, ພວກກ່ຽວສາລະພາບວ່າ: ຢາບ້າຈໍານວນດັ່ງກ່າວເປັນຂອງພວກກ່ຽວແທ້; ເຊິ່ງໄດ້ຮັບມາຈາກຄົນຮູ້ຈັກ ແລ້ວເອົາໄປສົ່ງໃຫ້ຜູ້ສັ່ງຊື້ທີ່ນັດກັນຢູ່ເຮືອນພັກແຫ່ງໜຶ່ງທີ່ບ້ານດອນໄຊ ເມືອງໄຊ ແຕ່ຖືກ ເຈົ້າໜ້າທີ່ກັກຕົວໄດ້ກ່ອນ ພ້ອມຂອງກາງຈໍາ ນວນດັ່ງກ່າວໄປດໍາເນີນຄະດີ.

ແຫລ່ງຂ່າວ: ນສພ ປ້ອງກັນຄວາມສະຫງົບ

ຊາວບ້ານກິນເຫັດ ແຕ່ຖືກເຫັດເບື່ອ ເສຍຊີວິດ 4 ຄົນ (ພໍ່ແລະລູກ 3ຄົນ) ຢູ່ເມືອງກວັນ ແຂວງຫົວພັນ

ຈາກຜູ້ໃຊ້ເຟສບຸກຊື່ ຫົງຄຳ ວົງສາ ເລົ່າວ່າ: ວັນທີ່ 19/4/2018 ພີ່ນ້ອງຢູ່ທາງບ້ານເກົ່າຢູ່ບ້ານມ້າ ຂື້ນກັບເມືອງກວັນແບງ ຈາກເມືອງຊຳໃຕ້ ແຂວງຫົວພັນກິນຖືກເຫັດທີ່ມີສານຜິດຈຳນວນ 7 ຄົນເສຍຊີວິດແລ້ວ 4 ຄົນຜູ້ທິ່ເສຍຊີວິດແມ່ນຜູ້ເປັນພໍ່ແລະລູກອີກ 3 ຄົນຍັງນອນຢູ່ໂຮງໜໍ 3 ຄົນແມ່ນແມ່ແລະລູກອີກ 2 ຄົນຂໍບູນນໍ້າຄໍ້າຊູຄົນທົວປະເທດອະທິຖານໃຫ້ສາມແມ່ລູກເຂົາລອດແດ່ທອ່ນ ສາ🙏ສາ🙏ສາ🙏😭😭😭

ອີດູເດອ້າຍອຽວເອີຍຈັ່ງແມ່ນເຄາະຊໍ້າກຳເວັນອັນເດີນໍສ້າງມາເຮັດໃຫ້ຄອບຄົວອ້າຍເປັນແບບນີ້ຕອນຍັງມີຊິວິດຢູ່ອ້າຍກະເປັນຂາຜິການຈະລຸກຈະນັງຍ່າງໄປອ້າຍກະທໍລະມານຢູ່ແລ້ວແຕ່ວ່າອ້າຍກະບໍ່ຍອ້ມແພ້ຕໍໂຊກສາຍຕາແລະອຸປະສັກເດີໆທັງໜົດອ້າຍກະຍັງຄານຂຶ້ນພູສູງຄານລົງຜູຕຳ່ໄປເຮັດໄຫ້ເຮັດນາລ້ຽງພໍ່ແມ່ແລະລູກເມຍເຖີາວ່າບໍມີເງີນມີຄຳແຕ່ອ້າຍກະມີເຂົາກີນເຮຶອນຢູ່ດຽວນີ້ລູກກະໃຫ່ຍແລ້ວຖ້າແຕ່ໄດ້ກີນແຮງລູກອ້າຍພັດມາເປັນແນວນີ້ນໍ


ຂໍ້ໃຫ້ດວ່ງວີນຍານຂອງອ້າຍແລະຫຼານໆທີ່ເສ່ຍຊິວິດໄປນັ້ນຈົງນຳຂ້ມຸນຳຂອມເອົາເມຍແລະລູກຂອງອ້າຍສວນທີ່ຍັງເຫຼືອທີ່ຍັງນອນຢູ່ໂຮງໜໍຊຳເໜືອໃຫ້ເຂົາໂພນຈາກຂິດອັນຕະລາຍແດ່ເນີໃຫ້ເຂົາດີຂຶ້ນເລຶອຍໆເດີ


Cr:ຫົງຄຳ ວົງສາ