ເກົາຫລີເໜືອເຜີຍແພ່ພາບຂີປະນາວຸດຂ້າມທະວີບ ຮະວາຊ໊ອງ 15 ເປັນຄັ້ງທຳອິດ ພາຍຫລັງປະສົບຄວາມສຳເລັດໃນການທົດລອງ

ວັນທີ 30 ພະຈິກ 2017 ສຳນັກຂ່າວ KCNA ຂອງເກົາຫລີເໜືອໄດ້ເຜີຍແພ່ພາບຖ່າຍປະຕິ ບັດການຍິງທົດລອງຂີປະນາວຸດຂ້າມທະວີບ  ICBM Hwasong-15ໂດຍມີປະທານາທິບໍດີ ຄິມ ຈອງ ອຶນ ຜູ້ນຳສູງສຸດແຫ່ງເກົາຫລີເໜືອເປັນຜູ້ກຳກັບດູແລຂັ້ນຕອນຕ່າງໆຢ່າງໃກ້ຊິດ ຕັ້ງແຕ່ຕົ້ນຈົນສຳເລັດພາລະກິດ

ໃນເຊົ້າມືດຂອງວັນທີ 29 ພະຈິກຂີປະນາວຸດຂ້າມທະວີບ ICBM Hwasong-15 ຂອງເກົາຫລີເຫນືອໄດ້ທະຍານຂື້ນສູ່ທ້ອງຟ້າ ໄຕ່ລະດັບຄວາມສູງ ຊຶ່ງສູງເຖິງ 4,475 ກິໂລ ແມັດ ອອກນອກໂລກ ຈາກນັ້ນກໍ່ ບິນກັບມາຕົກໃນທະເລຍີປຸ່ນ ຫ່າງຈາກຈຸດປ່ອຍ 950 ກິໂລແມັດໃຊ້ເວລາເດີນທາງທັງໝົດ 53 ນາທີ ດ້ານຜູ້ຊ່ຽວຊານກ່າວວ່າ ການຍິງຂີປະນາວຸດໃນວິຖີໂຄ້ງຂອງເກົາຫລີເຫນືອຄັ້ງນີ້ ຖ້າຍິງໃນແນວປົກກະຕິກໍ່ຈະໄປໄກເຖິງ 13.000 ກິໂລແມັດ ສາມາດໂຈມຕີເມືອງໃຫ່ຍໆຂອງອາເມລິກາໄດ້ສະບາຍ.

 

 

 

 

 

 

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າ ຢ້ຽມຂໍ່ານັບຂອງຄະນະຊ່ຽວ ຊານສາກົນດ້ານສິ່ງແວດລ້ອມ ແລະ ສັງຄົມ

ໃນຕອນແລງຂອງວັນທີ 28 ພະຈິກ 2017 ນີ້ ຢູ່ທີ່ສຳນັກ ງານນາຍົກລັດຖະມົນຕີ, ທ່ານ ສອນໄຊ ສີພັນດອນ ຮອງນາ ຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າ ຢ້ຽມຂໍ່ານັບຂອງຄະນະຊ່ຽວ ຊານສາກົນດ້ານສິ່ງແວດລ້ອມ ແລະ ສັງຄົມ POE ໃນໂອກາດ ເດີນທາງມາຕິດຕາມກວດກາ ການຈັດຕັ້ງປະຕິບັດວຽກຍົກ ຍ້າຍຈັດສັນໂຄງການນໍ້າເທີນ 2 ຄັ້ງທີ່ 27 ຢູ່ ສປປ ລາວ ໃນລະ ຫວ່າງວັນທີ 18-24 ພະຈິກ 2017 ທີ່ຜ່ານມາ.
ທ່ານຮອງນາຍົກລັດຖະມົນຕີ ໄດ້ກ່າວສະແດງຄວາມຍິນດີ ຕ້ອນຮັບ ແລະ ຕີລາຄາສູງຕໍ່ ການມາເຄື່ອນໄຫວເຮັດວຽກຕິດ ຕາມກວດກາການຈັດຕັ້ງປະຕິ ບັດວຽກຍົກຍ້າຍ

ຈັດສັນໂຄງ ການນໍ້າເທີນ 2 ຢູ່ ສປປ ລາວ ແລະ ຍົກໃຫ້ເຫັນເຖິ່ງການຮ່ວມ ມືເຊິ່ງກັນ ແລະ ກັນຕະຫຼອດໄລ ຍະເວລາທີ່ຜ່ານມາສ່ວນຄະນະຊ່ຽວຊານສາກົນ ດ້ານສິ່ງແວດລ້ອມ ແລະ ສັງຄົມ ກໍໄດ້ລາຍງານໂດຍຫຍໍ້ກ່ຽວກັບ ຜົນການຕິດຕາມກວດກາການ ຈັດຕັ້ງປະຕິບັດວຽກຍົກຍ້າຍຈັດ ສັນໂຄງການນໍ້າເທີນ 2 ຢູ່ ສປປ ລາວ ໃນລະຫວ່າງວັນທີ 18-24 ພະຈິກ 2017 ທີ່ຜ່ານມາ. ໂດຍ ສະເພາະແມ່ນວຽກງານຍົກຍ້າຍ ຈັດສັນ ແລະ ຟຶ້ນຟູຊີວິດການ ເປັນ ຢູ່ຂອງປະຊາຊົນຜູ້ີ່ຖືກຜົນກະທົບ ຈາກໂຄງການນ້ຳເທີນ 2 ແຕ່ ປີ 2015 ມາຮອດປັດຈຸບັນແມ່ນ ໃກ້ຈະບັນລຸຜົນສຳເລັດແລ້ວ ເຊິ່ງປະກອບດ້ວຍ 7 ແຜ່ນປະຕິ ບັດງານ 4 ອາຊີບ ແລະ 3 ບັນ ຫາປີ່ນອອ້ມ ແລະ ວຽກງານ ຄຸມຄອງປົກປັກຮັກສາອ່າງໂຕ່ງ ນ້ຳເທີນ 2 ໄດ້ສຳເລັດໃນການ ສ້າງລະບຽບຄຸ້ມຄອງບໍລິຫານ ການເງິນ, ສຳເລັດການປັບປຸງ ດຳລັດວ່າດ້ວຍອົງການຄຸ້ມຄອງ ແລະ ປົກປັກຮັກສາ. ນອກຈາກນີ້ ພິທີພົບປະຍັງໄດ້ປືກສາຫາລື ບາງບັນຫາທີ່ສຳຄັນເພື່ອຫາທາງອອກຮ່ວມກັນໂດຍສະເພາະແມ່ນ ການປັບປຸງແບບແຜນວິທີ່ການ ເຮັດວຽກໃຫ້ດີຂຶ້ນກວ່າເກົ່າ.

ອະດີດປະທານປະເທດ ເນັ້ນໃຫ້ສືບຕໍ່ປະຕິບັດຍຸດທະສາດວຽກງານ 3 ສ້າງ

ກະຊວງ​ກະສິກຳ ແລະ ປ່າໄມ້ ຈັດ​ກອງ​ປະຊຸມ​ເຊື່ອມ​ຊຶມ ແລະ ແນະນຳ​ການຈັດຕັ້ງ​ປະຕິບັດ​ດຳລັດ​ວ່າ​ດ້ວຍ​ມາດຕະຖານ​ພົ້ນ​ທຸກ ແລະ ມາດ​ຕະການ​ພັດທະນາ​ຂຶ້ນ ວັນ​ທີ 29 ພະຈິກ 2017 ທີ່​ຫໍ​ປະຊຸມ​ແຫ່ງ​ຊາດ ໃຫ້​ກຽດ​ເຜີຍແຜ່ໂດຍ​ທ່ານ ລຽນ ທິ​ແກ້ວ ລັດ​ຖະມົນຕີ​ກະຊວງ​ກະສິກຳ ແລະ ປ່າໄມ້ ມີ​ບັນດາ​ເຈົ້າແຂວງ ຮອງ​ເຈົ້າແຂວງ ລັດຖະມົນຕີ ຫົວໜ້າ​ຫ້ອງການ ກົມ ສະ​ຖາ​ບັນ ແລະ ພະນັກ​ງານ​ຫຼັກ​ແຫຼ່ງ​ອ້ອມ​ຂ້າງ​ກະຊວງ​ເຂົ້າ​ຮ່ວມ.

ການ​ເຜີຍແຜ່​ເອກະສານ​ຄັ້ງ​ນີ້ ເພື່ອ​ໃຫ້​ບັນດາ​ກະຊວງ ອົງການທຽບ​ເທົ່າ ແລະ ບັນດາ​ແຂວງນະຄອນຫຼວງ​ໃນ​ທົ່ວ​ປະເທດ ​ໄດ້ຮັບ​ຮູ້ ເຂົ້າໃຈ​ເຖິງ​ຄວາມ​ໝາຍຄວາມ​ສຳຄັນ ແລະ ຄວາມ​ຮັບຜິດ​ຊອບ​ດ້ານ​ການເມືອງ​ຂອງ​ບັນດາ​ຂະແໜງການ ເຊິ່ງ​ມາດ​ຕະຖານ​ຄວາມທຸກ​ຍາກ ແລະ ການພັດທະນາ ສະບັບ​ໃໝ່ ​ຫາກໍ່​ໄດ້​ຮັບການ​ອະນຸມັດ​ຈາກ​ລັດຖະບານ​ ໃນວັນ​ທີ 16 ພະຈິກ 2017 ຕາມ​ດຳລັດ​ເລກ​ທີ 348/​ລບ ເປັນ​ດຳລັດທີ່​ຮັບປະກັນ​ຄຸນະພາບ​ຂອງ​ມາດຕະ​ຖານ​ຮັບ​ໃຊ້​ໃຫ້​ຍຸດ​ທະ​ສາດ​ແຕ່​ນີ້​ຮອດ​ປີ 2030 ແລະ ເປົ້າ​ໝາຍການ​ພັດທະນາ​ແບບ​ຍືນ​ຍົງ ​ທີ່​ຍັງສືບຕໍ່​ຍຶດ​ໝັ້ນ​ໃຫ້​ບຸລິມະສິດ​ເປົ້າໝາຍ​ການ​ແກ້​ໄຂ​ຄວາມທຸກ​ຍາກ ທີ່​ເປັນ​ສະພາບ​ການ​ໃໝ່​ພົ້ນ​ເດັ່ນ​ທີ່​ສຸດ​ຂອງ​ການຈັດຕັ້ງ​ປະຕິບັດ​ມາດຕະຖານ​ສະບັບ​ໃໝ່​ນີ້ ສຳລັບ​ດຳລັດ​ດັ່ງກ່າວ ປະກອບ​ມີ 6 ໝວດ 19 ມາດຕາ.

ໂອກາດ​ນີ້​ທ່ານ ຈູມ​ມະ​ລີ ໄຊ​ຍະ​ສອນ ທີ່​ປຶກສາ​ຄະນະ​ບໍ​ລິຫານ​ງານ​ສູນ​ກາງ​ພັກ ອະດີດ​ປະທານ​ປະເທດ ໄດ້​ໃຫ້​ກຽດ​ໂອ້​ລົມຕໍ່​ກອງ​ປະຊຸມ ເຊິ່ງ​ທ່ານ​ໄດ້​ຍ້ອງຍໍ​ຊົມເຊີຍ​ຕໍ່​ການ​ເອົາໃຈໃສ່​ປະຕິບັດ​ໜ້າທີ່​ຂອງ​ກະຊວງ​ກະສິກຳ ແລະ ປ່າໄມ້ ຈົນ​ມີ​ດຳລັດ​ວ່າດ້ວຍ​ມາດຕະຖານ​ພົ້ນ​ທຸກ ແລະ ມາດ​ຕະການ​ພັດທະນາ​ທີ່​ເປັນບ່ອນ​ອີງ ທັງ​ເປັນ​ໄມ້​ຫຼາ​ວັດແທກໃຫ້​ແກ່​ການ​ແກ້​ໄຂ​ຄວາມທຸກຍາກ​ຂອງ​ປະຊາຊົນ ພ້ອມ​ນັ້ນ ທ່ານ​ຍັງ​ໄດ້​ເນັ້ນ​ໃຫ້​ພາກສ່ວນກ່ຽວຂ້ອງ​ເຊື່ອມ​ຊຶມ​ມະຕິ X ຂອງສູນ​ກາງ​ພັກ ໂດຍ​ຍົກ​ລະດັບ​ການຜະລິດ​ເປັນ​ສິນຄ້າ ແລະ ຫັນ​ເປັນທັນ​ສະໄໝ ສ້າງ​ພື້ນຖານ​ການເມືອງ​ໃຫ້​ໜັກ​ແໜ້ນ ສືບຕໍ່​ປະຕິບັດ​ຍຸດ​ທະ​ສາດ ວຽກ​ງານ 3 ສ້າງ ການ​ຜະລິດການ​ພັດທະນາເສດຖະກິດ-ສັງຄົມ ສຳຄັນ​ໃຫ້ເບິ່ງ​ຄືນ​ບັນຫາ​ຄາດໝາຍ​ທີ່​ເຜີຍແຜ່ ເປັນຕົ້ນ ມາດຕະຖານ​ພົ້ນທຸກ ແລະ ມາດຕະຖານ​ສູ້​ຊົນ ເນື້ອ​ໃນ​ແຕ່​ລະ​ອັນ​ກວດຄືນ​ໃຫ້ເລິກເຊິ່ງ ພ້ອມ​ທັງ​ກວດຄືນ​ບັນຫາ​ການຈັດຕັ້ງ​ປະຕິບັດ​ໄລຍະຜ່ານ​ມາ ໃຫ້​ມີ​ຄວາມ​ຊັດ​ເຈນ ຖືກຕ້ອງ​ຕາມ​ຄວາມ​ເປັນ​ຈິງ ສະເພາະ​ການ​ຕີ​ລາຄາ​ມາດຖານຄອບຄົວ​ພັດທະນາ​ ໃຫ້​ມັນ​ຖືກຕ້ອງ​ຕາມ​ເງື່ອນໄຂ​ທີ່​ໄດ້​ກຳນົດ ເພື່ອ​ເປັນ​ບ່ອນ​ອີງ​ໃຫ້​ແກ່​ການ​ຈັດຕັ້ງ​ປະຕິບັດ​ໃນຕໍ່ໜ້າ ພ້ອມ​ນັ້ນ ຕ້ອງ​ສ້າງ​ບຸ​ຄະລາ​ກອນ​ໃຫ້​ມີຄວາມ​ເຂັ້ມແຂງ ມີ​ຄວາມ​ຮູ້ຄວາມ​ສາມາດ ແລະ ວຽກ​ງານຈຸດ​ສຸມ​ກ່ຽວ​ກັບ​ການ​ສ້າງ​ແຜນພັດທະນາ​ຂອງ​ລັດຖະບານ ກະຊວງ​ກະສິກຳ ແລະ ປ່າໄມ້ ​ຕ້ອງເລີ່ມ​ຈາກ​ທ່າແຮງ​ທີ່​ບົ່ມ​ຊ້ອນ ເຊັ່ນ: ດ້ານ​ທຳ​ມະ​ຊາດ ພູມ​ສັນຖານ ລະດັບ​ຄວາມ​ສາມາດ ຈິນຕະ​ນາ​ການ ແລະ ພື້ນຖານ​ໂຄງລ່າງ​ເຮັດ​ໃຫ້​ເກີດ​ເປັນ​ຮູບ​ປະ​ທຳ ແລະ ອື່ນໆ. ຂ່າວ: ນສພ ວຽງຈັນໃຫ່ມ

ພິທີເປີດບຸນນະມັດສະການພຣະທາດອິງຮັງຢ່າງເປັນທາງການ

ເວລາ 14 ໂມງ 00 ນາທີ ວັນທີ 29 / 11 / 2017
ທ່ານສັນຕິພາບ ພົມວິຫານ ເຈົ້າແຂວງລັ່ນຄ້ອງເກົ້າບາດ ເປີດພິທີສະເຫລີມສະຫລອງບຸນນະມັດສະການພຣະທາດອິງຮັງຢ່າງເປັນທາງການ ທີ່ເດີນພຣະທາດອິງຮັງ ເມືອງໄກສອນພົມວິຫານ ແຂວງສະຫວັນນະເຂດ ຕ້ອນຮັບປີທ່ອງທ່ຽວລາວ 2017 ດ້ວຍບັນຍາກາດປີຕິຊົມຊື່ນ


==========================
ພາບແລະຂ່າວ: ສິລິວາທີ ສະຕູິໂອ

ຜາສາດເຮືອນຫີນ

ເຮືອນຫີນ ຕັ້ງຢູ່ແຄມຝັ່ງແມ່ນ້ຳຂອງຫ່າງຈາກສະຫວັນນະເຂດ ມາທາງທິດໃຕ້ປະມານ 90 ກິໂລແມັດ ຜາສາດເຮືອນຫີນເປັນຊາກຜາສາດຂອມເກົ່າແກ່ອາຍຸກວ່າພັນປີຢູ່ໃນ ເມືອງໄຊພູທອງ

ທີ່ຕັ້ງ: ບ້ານເຮືອນຫີນ, ເມືອງໄຊພູທອງ, ໄລຍະຫ່າງຈາກຕົວເມືອງ: ປະມານ 10 ກິໂລແມັດ ການເຂົ້າເຖິງແຫລ່ງ: ສະດວກ ພາກສ່ວນຄຸ້ມຄອງ : ຫ້ອງການ ຖວທ ເມືອງຈັດລະດັບແຫລ່ງທ່ອງທ່ຽວ: ຂັ້ນເມືອງສິ່ງອໍານວຍຄວາມສະດວກ: ເສັ້ນທາງ, ຮ້ານກິນດື່ມ ຂະໜາດນ້ອຍ, ຫ້ອງນໍ້າເຮືອນຫີນ ແມ່ນຮ່ອງຮອຍທາງດ້ານປະຫວັດສາດ ເຊິ່ງສ້າງຂຶ້ນໃນ ອານາຈັກສີໂຄດຕະບູນ ເຊິ່ງເປັນ ອານາຈັກທີ່ໜ້າເກງຂາມ ຂອງອານາຈັກ ໃກ້ຄຽງ.

ໃນປີ ຄສ 557 ນັ້ນ ມີຂຸນອັງຄະຣາດ ແລະ ອົມມະຣາດ ສອງອ້າຍນ້ອງນໍາພາສ້າງ ປະສາດຫີນຂຶ້ນ ເພື່ອເປັນທີ່ເຄົາລົບກາບໄຫວ້ ຂອງສາສະໜາພາມ, ແຮງງານໃນການກໍ່ສ້າງ ແມ່ນໄດ້ເກນເອົາເຜົ່າຊົນຕ່າງໆ ມາຈາກ ອານາຈັກໂຍນົກເງິນຍາງ ມາເປັນຂ້າທາດເຂົາເຈົ້າຫຸບຫອບ ຄອບຄົວມາພ້ອມ ແລ້ວອາໃສຢູ່ ຕາມຖໍ້າຫີນຕ່າງໆ ເພື່ອຊົ້ນແດດຊົ້ນຝົນ, ສ່ວນຂຸນອັງຄະຣາດ ຜູ້ນໍາພາສ້າງ ໄດ້ເຈາະ ອຸໂມງ ຢູ່ກະໂຕພື້ນຜາສາດຫີນ, ກ້ອນຫີນທີ່ນໍາມາສ້າງ ໄດ້ເອົາສິ່ວເຈາະມາ ຈາກຫລາຍບ່ອນ ເຊິ່ງບ່ອນທີ່ໃຫຍ່ທີ່ສຸດ ແມ່ນຢູ່ບ່ອນເບື້ອງ ຕາເວັ້ນຕົກ ຫ່າງຈາກ ປະສາດຫີນ ປະມານ 1 ກິໂລແມັດ, ເອີ້ນວ່າ “ວັງເຮືອ” ຍ້ອນວ່າຮ່ອງຮອຍ ທີ່ສິ່ວເຈາະເອົາຫີນນັ້ນ ໄປສ້າງເຮືອນຫີນ ເຊິ່ງໃນປະຈຸບັນນີ້ ຍັງມີຮ່ອຍຮອງເປັນລັກສະນະ ຮູບຄ້າຍຄືເຮືອ ບາງຈຸດຍັງມີເສດເຫຼືອ ຈາກກ້ອນຫີນ ທີ່ເຈາະອອກມາ ແລະ ຍັງບໍທັນໄດ້ເອົາໄປສ້າງຍັງຍາຍ ເປັນຈໍານວນຫຼາຍ, ເພິ່ນສ້າງຈົນຮອດປີ ຄສ 700 ກໍ່ໜົດ ສະໄໜລາສະວົງ, ຍ້ອນມີພາກສ່ວນອື່ນ 190 ມາຢຶດຄອງແທນ ເປັນອັນວ່າ ຢຸດຕິການກໍ່ສ້າງ ຜາສາດຫີນ ສະນັ້ນ ຜາສາດຫີນ ຈຶ່ງມີຮູບຊົງບໍ່ສໍາເລັດ ຈົນເຖິງປະຈຸບັນນີ້.

ເມືອງໄຊຍະບູລີແຂວງໄຊຍະບູລີຈັດພິທີບວດວັງນ້ຳຂອງເພື່ອອະນຸລັກສັດນ້ຳເຂດເຂື່ອນໄຟຟ້ານ້ຳຂອງ


ໃນຕອນເຊົ້າ 29 ພະຈີກ 2017 ນີ້ ເມືອງໄຊຍະບູລີ ແຂວງໄຊຍະບູລີ ໄດ້ຈັດພິທີບວດວັງນ້ຳຂອງເພື່ອອະນຸລັກສັດນ້ຳເຂດເຂື່ອນໄຟຟ້ານ້ຳຂອງ ຈຸດໄຊຍະບູລີຂອງບ້ານຕະລານ, ບ້ານນາຕໍໃຫ່ຍ ແລະ ບ້ານປາກຮຸ່ງຂື້ນ ຢູ່ທີ່ເຂື່ອນໄຟຟ້ານ້ຳຂອງ. ໂດຍການເປັນກຽດເຂົ້າຮ່ວມຂອງທ່ານ ຍັນຍົງ ສີປະເສີດ ຮອງເລຂາພັກແຂວງ ຮອງເຈົ້າແຂວງໄຊຍະບູລີ, ມີທ່ານ ຄໍາສິງ ສໍລະສຸກ ຄະນະປະຈໍາພັກແຂວງ ເລຂາພັກເມືອງ ເຈົ້າເມືອງໄຊຍະບູລີ, ມີຜູ້ຈັດການບໍລິສັດໄຊຍະບູລີພາເວີຈໍາກັດ, ອໍານວຍການໂຄງການຍົກຍ້າຍຈັດສັນບໍລິສັດພອນສະຫັວນຈໍາກັດຜູ້ດຽວ, ມີກໍາມະການພັກແຂວງ, ຫົວໜ້າ, ຮອງຫົວໜ້າພະແນກການ, ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ແຂກຖືກເຊີນ, ພະເຖລານຸເຖລະ ພ້ອມດ້ວຍພໍ່ແມ່ປະຊາຊົນພາຍໃນເຂົ້າຮ່ວມ.


ໃນພິທີທີ່ມີຄວາມໝາຍສໍາຄັນນີ້ທ່ານ ຄໍາສິງ ສໍລະສຸກ, ຄະນະປະຈໍາພັກແຂວງ ເຈົ້າເມືອງໄຊຍະບູລີ ໄດ້ມີຄຳເຫັນຕໍ່ພິທີ ເຊີ່ງທ່ານໄດ້ກ່າວວ່າ: ຈຸດປະສົງຂອງການບວດວັງນ້ຳຂອງໃນຄັ້ງນີ້ກໍ່ ເພື່ອເປັນການປົກປັກຮັກສາສັດນ້ຳ, ແຫຼ່ງນໍ້າ, ວັງນໍ້າລຽບຕາມລໍານໍ້າຂອງ ແລະ ສາຍນໍ້າຕ່າງໆບໍ່ໃຫ້ບົກແຫ້ງ ເພື່ອເຮັດໃຫ້ທຳມະຊາດມີຄວາມອຸດົມສົມບູນ ອີກຢ່າງໜື່ງກໍ່ເພື່ອເປັນການປົກປັກຮັກສາສັດນ້ຳຫຼາຍສະນິດບໍ່ໃຫ້ສູນພັນ ເຊີ່ງໃນໄລຍະຜ່ານມາເມືອງໄຊຍະບູລີໄດ້ອອກນິຕິກຳ ແລະ ລະບຽບການຄຸ້ມຄອງປົກປັກຮັກສາ ແລະ ໂດຍແມ່ນມອບໃຫ້ທົ່ວປວງຊົນເປັນຜູ້ຕິດຕາມ,ກວດກາຮັກສາ, ຜ່ານມາເມືອງໄຊຍະບູລີໄດ້ບວດວັງນ້ຳເພື່ອອະນຸລັກສັດນ້ຳ ມາແລ້ວ 5 ຈຸດ ແລະ ການບວດວັງນ້ຳຂອງໃນຄັ້ງນີ້ ແມ່ນເປັນຈຸດທີ 6 ແລະ ກໍ່ເປັນຈຸດໃຫ່ຍກ່ວາໝູ່ ໂດຍໄດ້ປັກຫຼັກເຂດເໜືອເຂື່ອນ 2 ກິໂລແມັດ ແລະ ໃຕ້ເຂື່ອນ 1 ກິໂລແມັດ. ເພື່ອເຮັດໃຫ້ການບວດວັງນ້ຳຂອງໃນຄັ້ງນີ້ ໄດ້ຮັບຜົນດີທ່ານ ຄຳສິງ ສໍລະສຸກ ເຈົ້າເມືອງໄຊຍະບູລີ ໄດ້ຮຽກຮ້ອງມາຍັງຄະນະພັກທຸກຂັ້ນ, ພະນັກງານ, ທະຫານ, ຕໍາຫຼວດ, ນັກຮຽນ, ນັກສືກສາ, ພໍ່ຄ້າຊາວຂາຍ, ນັກທຸລະກິດ ຕະຫຼອດເຖີງພໍ່ແມ່ປະຊາຊົນພາຍໃນເມືອງໄຊຍະບູລີ ໂດຍສະເພາະແມ່ນບ້ານຕາລານ, ບ້ານນາຕໍໃຫ່ຍ ແລະ ບ້ານປາກຮຸ່ງ ຈົ່ງຮ່ວມແຮງຮ່ວມໃຈກັນປົກປັກຮັກສາ ແລະ ປ່ອຍປາລົງສູ່ແມ່ນ້ຳ, ແຫຼ່ງນ້ຳທຳມະຊາດ

ເພື່ອຄືນຄວາມອຸດົມສົມບູນໃຫ້ທໍາມະຊາດ ແລະ ພ້ອມກັນອານຸລັກສັດນ້ຳນາໆສະນິດ ເພື່່ອເຮັດໃຫ້ຊັບພະຍາກອນລ້ຳຄ່າດັ່ງກ່າວມີຄວາມຍືນຍົງ ແລະ ຢູ່ຄຽງຄູ່ກັບພວກເຮົາຕະຫຼອດໄປ. ຈາກນັ້ນ ກໍ່ໄດ້ເຂົ້າສູພິທີທາງສາສະໜາ ເປັນຕົ້ນແມ່ນການໄຫ້ວພະຮັບສິນ, ສູດມຸງຄຸນ, ຖະຖວາຍທານ ແລະ ຮັບພອນຍາດນ້ຳ ເພື່ອເຮັດໃຫ້ການບວດວັງນ້ຳໃນຄັ້ງນີ້ມີຄວາມສັກສິດ. ຈາກນັ້ນພິທີການນໍາຂອງແຂວງຂອງເມືອງ ແລະ ແຂກ ກໍ່ໄດ້ເຂົ້າຮ່ວມພິທີລັນຄ້ອງ 9 ບາດ ມັດປ້າຍ ແລະ ປ່ອຍປາລົງສູ່ແມ່ນ້ຳຂອງ ເຊີ່ງປາທີ່ນໍາມາປ່ອຍ ປະກອບມີ: ປາປາກ, ປາໄນ, ປາອິນເດຍ ແລະ ປາດຸກ ລວມທັງໝົດ 5 ແສນກ່ວາໂຕ.

ຂ່າວ: news xbl

ຫນຸ່ມຈີນນັກປະດິດໃຊ້ເງິນ 8 ແສນຢວນ ສ້າງ ແອບັດ 320

ສຳນັກຂ່າວຈີນລາຍງານເມື່ອວັນທີ 28 ພະຈິກ 2017 ວ່າທີ່ມົນທົນຫລຽວນິງ ທາງພາກຕາ ເວັນອອກສຽງເໜືອຂອງຈີນ ມີຊາຍໜຸ່ມຄົນໜຶ່ງຊື່ ຈູ ເຢົ່າ ເຄີຍມີອາຊີບເປັນຊ່າງແປງ ລົດຈັກ ແລະມີຄວາມມັກເຮືອບິນຕັ້ງແຕ່ຍັງນ້ອຍ ເຖິງກັບມີຄວາມຝັນວ່າ ຈະຕ້ອງມີເຮືອ ບິນສ່ວນຕົວຈັກລຳໃຫ້ໄດ້ ໃນຕົ້ນປີນີ້ເຂົາຈຶ່ງໄດ້ຕັດສິນໃຈລົງມືສ້າງເຮືອບິນ ພ້ອມຊວນຫມູ່ ອີກ 5 ຄົນທີ່ມີຄວາມຝັນຄືກັນຮ່ວມມືກັນສ້າງເຮືອບິນສ່ວນຕົວຂື້ນ ໂດຍທີ່ພວກເຂົາບໍ່ມີ ຄວາມຮູ້ດ້ານການອອກແບບ ໃດໆທາງນີ້ເລີຍ ແຕ່ກໍ່ໃຊ້ຄວາມພະຍາຍາມສຶກສາຮຽນຮູ້ ພາຍໃນເວລາບໍ່ເຖິງປີ ໃຊ້ເງິນໄປປະມານ 800.000 ຢວນ ໃຊ້ເຫລັກໄປກ່ວາ 40 ໂຕນ ສ້າງໂຄງເຮືອບິນ ແອບັດ 320 ຂະໜາດລຳໂຕເຮືອບິນຍາວ 37 ແມັດ ຄວາມກ້ວາງຈາກ ປີກຊ້າຍຫາປີກຂວາ 36 ແມັດ ທ່ານ ຈູ ເຢົ່າ ກ່າວວ່າຜົນງານອັນນີ້ຂອງພວກເຂົາສາມາດ ເອົາໄປດັດແປງເຮັດເປັນຮ້ານອາຫານ ທີ່ໃຫ້ພະນັກງານເສີບໃສ່ຊຸດເຈົ້າຫນ້າທີ່ຕ້ອນຮັບ ໃນເຮືອບິນ

 

ສາມ​ບ້ານ​ຂອງເມືອງປາກ​ອູ,​ແຂວງ​ຫຼວງ​ພະ​ບາງ ປະກາດ​ເປັນ​ບ້ານ​ສາມັກຄີ​ປອງ​ດອງຂອງ​ແນວ​ລາວ​ສ້າງ​ຊາດ

​ໃນ​ຕອນ​ເຊົ້າ ວັນທີ 28 ພະຈິກ 2017​ນີ້ ຢູ່ຫ້ອງ​ປະຊຸມບ້ານ​ໂພນ​ສະຫວ່າງ ເມືອງປາກ​ອູ ​ແຂວງ​ຫຼວງ​ພະ​ບາງ. ​ແນວ​ລາວ​ສ້າງ​ຊາດ​ເມືອງໄດ້ຈັດພິທີປະກາດບ້ານໂພນ​ສະຫວ່າງ, ບ້ານ​ຖິ່ນຈະ​ເລີ​ນ, ບ້ານ​ສ້ຽວ ເປັນບ້ານສາມັກຄີ​ປອງ​ດອງ ໂດຍມີ ທ່ານ ບຸນ​ທັນ ບໍ​ລະ​ວົງ ຮອງ​ເລຂາ​ພັກ​ເມືອງ, ປະທານ​ແນວ​ລາວ​ສ້າງ​ຊາດ​ເມືອງປາກ​ອູ,

ທ່ານ ນາງ ບຸນ​ມາ​ ຖາວອນ​ສັກ ຮອງປະທານ​ແນວ​ລາວ​ສ້າງ​ຊາດ​ແຂວງ, ພ້ອມດ້ວຍພາກສ່ວນກ່ຽວຂ້ອງຂອງເມືອງ, ອົງການປົກຄອງບ້ານ 3 ບ້ານເຂົ້າຮ່ວມ. ​ໃນພິທີ ​ເລຂາ​ພັກບ້ານໆ​ໂພນ​ສະຫວ່າງ ໄດ້ຕາງໜ້າ​ 3 ບ້ານ ຂື້ນຜ່ານບົດສະຫຼຸບຂະ​ບວນການ​ສ້າງ​ຄອບຄົວ ​ແລະ ບ້ານ​ສາມັກຄີ​ປອງ​ດອງ ​ແລະ ວາງທິດ​ທາງ​ແຜນການ​ໃນ​ປີ​ຕໍ່ໜ້າ ທ່ານກ່າວວ່າ: ບ້ານ​ໂພນ​ສະຫວ່າງເປັນບ້ານຊົນ​ເຜົ່າປະສົມ ມີ​ເຜົ່າລາວ ແລະ ເຜົ່າກື່ມມຸ ປະກອບມີ 146 ຄອບຄົວ, ພົນລະເມືອງ 741 ຄົນ, ຍີງ 366 ຄົນ, ອາຊີບສ່ວນໃຫຍ່ແມ່ນການປູກຝັງ ແລະ ລ້ຽງສັດ ອັນພົ້ນເດັ່ນກວ່າ​ໝູ່ແມ່ນການປູກຜັກ ປະຈຸບັນເສດຖະກິດຂອງບ້ານ ໄດ້ມີການເຕີບໂຕຕາມທ່າແຮງລວມຍອດຜະລິດຕະພັນພາຍໃນປີຜ່ານມາ ບັນລຸໄດ້ 5 ຕື້ກ່ວາກີບ, ສະເລ່ຍໃສ່ຫົວຄົນໜື່ງໄດ້ 8 ລ້ານກ່ວາກີບ ໂດຍເຫັນໄດ້ເຖີງຄວາມ​ສາມັກຄີຂອງບັນດາ​ຊົນເຜົ່າ ປະຊາຊົນພາຍໃນບ້ານ​ຮັກສາ​ໄດ້​​​ຄວາມ​ສາມັກຄີ ​ແລະ ຮີດຄອງປະເພນີອັນດີງາມຂອງຊົນເຜົ່າ ທີ່ເປັນເອກະລັກຂອງຊາດ ແລະ ຂອງທ້ອງຖີ່ນໄດ້ເປັນຢ່າງດີ, ​ປະຊາຊົາທັງ 3 ບ້ານ​ດັ່ງ​ກ່າວ​ເຄີຍ​ມີ​ມູນ​ເຊື້ອໃນ​ການ​ເຕົ້າ​ໂຮມ​ຄວາມ​ສາມ​ມັກ​ຄີປອງ​ດອງ​ມາ​ແຕ່​ດົນ​ນານ ຈົນມາເຖີງປະຈຸບັນ, ຜ່ານການຊຸກຍູ້ຂະ​ບວນການສ້າງຄອບຄົວ ແລະ ບ້ານ​ສາມັກຄີ​ປອງ​ດອງ.

ຂອງ​ຫ້ອງການ​ແນວ​ລາວ​ສ້າງ​ຊາດ​ເມືອງ​ປາກ​ອູ ​ໄດ້​ລົງ​ປະ​ເມີນເຫັນວ່າຄອບຄົວ ທີ່ຄົບຕາມ 4 ມາດຕະຖານ ຂອງສູນ​ກາງ​ແນວ​ລາວ​ສ້າງ​ຊາດວາງອອກ ທີ່ກວມ 85% ຂຶ້ນ​ໄປ ມີບ້ານ ໂພນ​ສະຫວ່າງ​ໄດ້ 134 ຄອບຄົວ, ບ້ານ​ຖິ່ນ​ໄດ້ 82 ຄອບຄົວ, ບ້ານ​ສ້ຽວ​ໄດ້ 60 ຄອບຄົວ. ໂອກາດນີ້ ທ່ານ ນາງ​ບຸນ​ມາ ຖາວອນ​ສັກ ຮອງ​ປະທານ​ແນວ​ລາວ​ສ້າງ​ຊາດ​ແຂວງໄດ້ໃຫ້ກຽດຂື້ນມອບໃບຢັ້ງຢືນບ້ານສາມັກຄີ​ປອງ​ດອງ​ຂອງ​ແນວ​ລາວ​ສ້າງ​ຊາດໃຫ້ແກ່ອົງການປົກຄອງບ້ານໆ​ໂພນ​ສະຫວ່າງ, ບ້ານ​ຖິ່ນ​ຈະ​ເລີ​ນ, ບ້ານ​ສ້ຽວ ຢ່າງສົມກຽດ. ພ້ອມ​ນັ້ນ, ທ່ານ ບຸນ​ທັນ ບໍລະ​ວົງ ຮອງ​ເລຂາ​ພັກ​ເມືອງ ໄດ້ໃຫ້ຂື້ນມອບໃບຢັ້ງຢືນຄອບຄົວສາມັກຄີ​ປອງ​ດອງໃຫ້ແກ່ຜູ້ຕາງໜ້າ​ຄອບຄົວຂອງ3ບ້ານ​ດັ່ງກ່າວ.
ຈາກ​ນັ້ນ, ຕາງໜ້າ​ອົງການ​ປົກຄອງ​ 7 ບ້ານ​ເຊັ່ນ : ບ້ານ​ໂພນ​ສະຫວ່າງ, ບ້ານ​ຖິ່ນ​ຈະ​ເລີ​ນ, ບ້ານ​ສ້ຽວ, ບ້ານ​ແລ, ບ້ານ​ຫາດ​ຄັ່ງ, ບ້ານ​ໂພ​ນ​ໂຮມ, ບ້ານ​ເຄຍລວງ ຂຶ້ນ​ພິທີ​ຈັບ​ມື​ແຂ່ງຂັນ​ກັນ​​ເພື່ອ​ນຳ​ໄປ​ຂະ​ບວນການສ້າງ​ຄອບຄົວ ​ແລະ ສ້າງບ້ານ​ສາມັກຄີປອງ​ດອງຢູ່​ພາຍ​ໃນ​ບ້ານ​ຂອງ​ຕົນ​​ໃນ​ປີ​ຕໍ່ໜ້າ.


​​ໂ​ອກາດ​ນີ້, ທ່ານ ນາງ​ບຸນ​ມາ ຖາວອນ​ສັກ ຮອງ​ປະທານ​ແນວ​ລາວ​ສ້າງ​ຊາດ​ແຂວງ ໄດ້ມີຄຳເຫັນ​ເຊິ່ງທ່ານ​ໄດ້ສະແດງຄວາມຊົມ​ເຊີຍທີ່ອົງການປົກຄອງບ້ານ ແລະ ປະຊາຊົນພາຍໃນບ້ານທັງ 3 ບ້ານໄດ້ພ້ອມກັນເປັນເຈົ້າການສ້າງບ້ານຂອງຕົນເອງໃຫ້ກາຍເປັນບ້ານສາມັກຄີປອງ​ດອງ. ພ້ອມນີ້, ທ່ານໄດ້ເນັ້ນໜັກ ໃຫ້ອົງການປົກຄອງບ້ານ, ໃ​ຫ້​ແຕ່ລະ​ຄອບຄົວ ຈົ່ງ​ເພີ່ມ​ທະວີ​ຄວາມ​ສາມັກຄີ​ຮັກ​ແພງ​ຊ່ວຍ​ເຫຼືອ​ກັນ, ພ້ອມ​ກັນແກ້​ໄຂ​ປະກົດ​ການ​ຫຍໍ້​ທໍ້​ທີ່​ເກີດ​ຂຶ້ນ​​, ​ແຕ່ລະ​ຄອບຄົວ​ຕ້ອງປະກອບສ່ວນ​ເຂົ້າ​ໃນ​ທຸກຂະ​ບວນການ​ຕ່າງໆ​ຂອງ​ບ້ານ, ເອົາ​ໃຈ​ໃສ່​ລູກ​ຫຼານ​ໃນ​ເກນ​ອາຍຸ​ຮຽນ​ຕ້ອງ​ໄດ້​ເຂົ້າ​​ໂຮງຮຽນ, ​ເວລາ​ເຈັບ​ເປັນ​ຕ້ອງ​ໄປ​ບໍລິການ​ຢູ່​ສຸກສາລາ, ​ໂຮງໝໍ​, ​ເຂົ້າ​ຮ່ວມ​ຂະ​ບວນການ​ສັກ​ຢາ​ກັນ​ພະຍາດ​ທຸກ​ສະ​ນິດ​, ທຸກ​ຄອບຄົວ​ຕ້ອງ​ຮັກສາ​ຮິດຄອງ​ປະ​ເພນີ​ອັນດັ້ງ​ເດີມ​ເຊັ່ນ : ບຸນ​ປະ​ເພນີ​ຂອງ​ແຕ່ລະ​ເຜົ່າ​ໄວ້​ໃຫ້​ໝັ້ນຄົງ.


ຕອນ​ທ້າຍ ທ່ານ ບຸນ​ທັນ ບໍລະ​ວົງ ຮອງ​ເລຂາ​ພັກ​ເມືອງ ປະທານ​ແນວ​ລາວ​ສ້າງ​ຊາດ​ເມືອງ​ປາກ​ອູ​ໄດ້​ໃຫ້​ກຽດ​ໂອ້​ລົມ ​ແລະ ຍົກ​ໃຫ້​ເຫັນ​ຄວາມ​ສາມັກຄີ​ຂອງ​ປະຊາຊົນ​ລາວ ນັບ​ແຕ່​ສະ​ໄໝ​ຕໍ່​ຕໍ່ສູ້​ກູ້​ຊາດ​ຈົນ​ມາ​ຮອດ​ວັນ​ທີ 2 ທັນວາ ຈິ່ງ​ໄດ້​ຮັບ​ການ​ສະຖາ ປະນາສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ. ນັ້ນ​ແມ່ນ​ສະ​ແດງ​ເຖິງ​ຄວາມ​ສາມັກຄີ​ຂອງ​ປະຊາຊົນ​ລາວ​ເຮົາ.


​ຈາກ​ນັ້ນ , ຄະນະ​ປະທານ​ພ້ອມ​ແຂ​ກຮັບ​ເຊີນ ​ໄດ້​ພ້ອມ​ກັນ ​ເປີດ​ປ້າຍ​ບ້ານ​ສາມັກຄີ​ ແລະ ປ້າຍ ປະຕິບັດ​ສິດສະ​ເໝີ​ພາບ​ຍິງ​-ຊາຍ
​ໂດຍ : ສ ສະຫວັດ

ປະຫວັດສາດລາວ ຕອນ: ອານາຈັກລາວລ້ານຊ້າງຊຸດໂຊມແລະເສຍເອກະລາດ ສູນເສຍແຜ່ນດິນ

ປະຫວັດສາດລາວ ຕອນ: ອານາຈັກລາວລ້ານຊ້າງຊຸດໂຊມແລະເສຍເອກະລາດ ສູນເສຍແຜ່ນດິນ

ບູຮານຄະດີແລະປະຫວັດສາດລາວໃຜແມ່ນຄົນລາວແຊໄປ..!!!!ຕອນ “ອານາຈັກລາວລ້ານຊ້າງຊຸດໂຊມແລະເສຍເອກະລາດ“-ສູນເສຍແຜ່ນດິນ-ສູນເສຍວັດຖຸສິ່ງຂອງອັນລຳ້ຄ່າຄູ່ບ້ານຄູ່ເມືອງ-ເບີ່ງໄວ້ເປັນບົດຮຽນແລະປົກປ້ອງບໍ່ໃຫ້ປະຫວັດສາດເກີດຂື້ນມາຊຳ້ຮອຍອີກ..!!!!

Posted by ບູຮານຄະດີແລະປະຫວັດສາດລາວ History Laos on Thursday, January 12, 2017