ຍີ່ປຸ່ນຊ່ວຍລ້າ 2 ແສນກວ່າໂດລາ ໃຫ້ແຂວງຫົວພັນເພື່ອເບິ່ງແຍງສຸຂະພາບເດັກ

ພິທີເຊັນສັນຍາໂຄງການຊ່ວຍເຫຼືອລ້າໄດ້ຈັດຂຶ້ນທີ່ສະຖານທູດຍີ່ປຸ່ນ ໃນວັນທີ 30 ມັງກອນ 2018ລະຫວ່າງທ່ານ ຄູໂນະ ຄາຊູຮິໂລະ ອຸປະທູດຍີ່ປຸ່ນປະຈຳ ສປປ ລາວ ແລະ ທ່ານ ໂຄອິຈິ ທາມາເຕະ ຜູ້ດຳເນີນໂຄງການອາວຸໂສຂອງອົງການແພດໂລກຍີ່ປຸ່ນ (MdMJ) ໂດຍມີ ທ່ານ ພູໂຊນ ທຳມະວິໄຊ ຮອງເຈົ້າແຂວງ ແຂວງຫົວພັນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.
ໂດຍລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອລ້າໂຄງການເບິ່ງແຍງດູແລສຸຂະພາບເດັກນ້ອຍລາວທີ່ ແຂວງຫົວພັນ ເປັນຈໍານວນ 265,971 ໂດລາສະຫະລັດ; ໂຄງການເສີມສ້າງຄວາມເຂັ້ມແຂງໃຫ້ລະບົບການຮັກສາສຸຂະພາບເດັກນ້ອຍຢູ່ແຂວງຫົວພັນໂດຍຜ່ານການສ້າງຄວາມສາມາດໃຫ້ພະນັກງານຢູ່ໂຮງໝໍເມືອງ, ສຸກສາລາ, ແລະ ຄະນະກຳມະການຮັກສາສຸຂະພາບຂັ້ນບ້ານ.
ທ່ານ ຄູໂນະ ຄາຊູຮິໂລະ ໄດ້ກ່າວວ່າ: ໂຄງການດັ່ງກ່າວ ມີຈຸດປະສົງແນໃສ່ຍົກລະດັບຄຸນນະພາບການບໍລິການໆແພດເດັກນ້ອຍ ເຊິ່ງເປັນໄລຍະທີ 2 ຂອງໂຄງການ ແລະ ມີເປົ້າໝາຍທີ່ຈະຫຼຸດຜ່ອນອັດຕາການເສຍຊີວິດຂອງເດັກນ້ອຍທີ່ມີອາຍຸຕໍ່າກວ່າ 5 ປີ ທີ່ເມືອງຊ່ອນ ແລະ ເມືອງຫົວເມືອງ ແຂວາງ ຫົວພັນ. ໂດຍການພັດທະນາລະບົບການບໍລິການຮັກສາສຸຂະພາບເດັກນ້ອຍທີ່ສຸກ ສາລາ ແລະ ການເສີມຂະຫຍາຍຄວາມເຂົ້າໃຈກ່ຽວກັບສຸຂະພາບຂອງເດັກນ້ອຍໃຫ້ກັບຄົນໃນໝູ່ບ້ານຜ່ານກິດຈະກຳສົ່ງເສີມການຮັກສາສຸຂະພາບ.
ໃນວຽກງານຂອງໂຄງການຈະມີການສະໜອງການຝຶກອົບຮົມກ່ຽວກັບການຮັກສາສຸຂະພາບເດັກ ນ້ອຍ ແລະ ການລົງຊີ້ນຳຕົວຈິງໃຫ້ແກ່ພະນັກງານຂະແໜງສາທາລະນະສຸກທັງຂັ້ນເມືອງ ແລະ ແຂວງເພື່ອພັດທະນາທັກສະການກວດສຸຂະພາບຮ່າງກາຍເດັກນ້ອຍທີ່ມີອາຍຸຕໍ່າກວ່າ 5 ປີ. ນອກຈາກນັ້ນ, ຍັງມີການມອບເຄື່ອງມືການແພດຂັ້ນພື້ນຖານເພື່ອສະໜອງຄວາມຕ້ອງການດ້ານການບໍລິການ ແລະ ການສົ່ງ ເສີມຄວາມຮູ້ດ້ານສາທາລະນະສຸກໃນຂັ້ນບ້ານອີກດ້ວຍ.

Cr. ເສດຖະກິດ-ການຄ້າ

ແມນຊິຕີ້ ຄວ້າ ລາປອກ ດ້ວຍຄ່າຕົວເປັນສະຖິຕິຂອງສະໂມສອນ

ແມນເຊັສເຕີ ຊິຕີ້ ສະໂມສອນໃນພຣີເມຍລີກ ອັງກິດ ເປີດຕົວ ເອມເມີຣິກ ລາປອກ ເຂົ້າມາເປັນນັກເຕະໃໝ່ຂອງທີມເປັນທີ່ຮຽບຮ້ອຍ ເມື່ອວັນທີ 30 ມັງກອນ ທີ່ຜ່ານມາ ຫຼັງຍ້າຍມາຈາກແອັດເລຕິໂກ ບິລເບົາ ດ້ວຍຄ່າຕົວເປັນສະຖິຕິຂອງສະໂມສອນທີ 58 ລ້ານປອນ.

ຈາກຄ່າຕົວ 58 ລ້ານປອນ ນັ້ນເຮັດໃຫ້ເປັນສະຖິຕິໃໝ່ຂອງສະໂມສອນ ທໍາລາຍສະຖິຕິເດີມທີ່ເຄີຍຊື້ ເຄວິນ ເດິ ບຣອຍ ກອງກາງທີມຊາດເບລຢຽມ ມາຈາກ ໂວຟບວກ ດ້ວຍຄ່າຕົວ 55 ລ້ານປອນ ເມື່ອປີ 2015.

ສໍາລັບ ລາປອກ ຫຼິ້ນໃນຕໍາແໜ່ງກອງຫຼັງ ປັດຈຸບັນອາຍຸ 23 ປີ ລົງຫຼິ້ນໃຫ້ກັບ ແອັດເລຕິໂກ ບິລເບົາ 161 ນັດ ຍິງໄດ້ 7 ປະຕູ ນັບຕັ້ງແຕ່ປີ 2012.

ຂໍ້ມູມ : LAOS UPDATE

ຫໍໄຕແມ່ນຫຍັງ?

ໂດຍທົ່ວໄປແລ້ວຫໍໄຕແມ່ນຫໍທີ່ເພິ່ນໃຊ້ໄວ້ເພື່ອເປັນບ່ອນເກັບມ້ຽນ ແລະ ປົກປັກຮັກສາໜັງສືຜູກ ຫຼື ຫນັງສືໃບລານຊຶ່ງເພິ່ນຮັກສາໄວ້ໃນຫີບເປັນຮູບຈວຍສີ່ຫຼ່ຽມທາງປີ້ນ ໃນເມື່ອກ່ອນເພິ່ນມັກສ້າງຫໍໄຕເປັນແບບເຮືອນຮ້ານ ກໍ່ສ້າງແບບປະສົມ ຕັ້ງຢູ່ຖານສູງ ແລະ ມີຫຼັງຄາອ້ອມຮອບທຸກດ້ານ ເຮັດແນວນີ້ກໍເພື່ອປ້ອງກັນປວກ ແລະ ຄວາມຊື້ນຈາກທຳມະຊາດມາທຳລາຍຫນັງສືຜູກ ໃຫ້ຄົງສະພາບໄວ້ດັ່ງເດີມ.

Cr: ປະຫວັດສາດ-ບູຮານວິທະຍາໃນລາວ

ທາດໝັດຄຳ ເມືອງເງິນ ແຂວງໄຊຍະບູລີ

ພະທາດໝັດຄຳ ຕັ້ງຢູ່ບ້ານແກ້ວດອນຄູນ ເຊິ່ງຫ່າງຈາກເທດສະບານເມືອງເງິນ ປະມານ ໓ ກິໂລແມັດ, ມີເສັ້ນທາງຂຶ້ນຫາພະທາດ

. . ຕາມການບອກເລົ່າສືບຕໍ່ກັນມາວ່າ: ແຕ່ກ່ອນ ມີພວກມ່ານ (ພະມ້າ) ມາຕັ້ງບ້ານເຮືອນຢູ່ເຂດຫົວທົ່ງຂາມ (ເຂດບ້ານນໍ້າເງິນ ໃນປະຈຸບັນ) ເຊິ່ງຍັງມີຮ່ອງຮອຍທາດ ແລະ ວັດເກົ່າຫຼົງເຫຼືອຢູ່. ພວກມ່ານໄດ້ເຂົ້າໄປໃນປ່າ ແລະ ເຫັນຊ້າງໂຕໜຶ່ງ ທີ່ມີລັກສະນະຜິວພັນເປັນສີເງິນ ຍ່າງເລາະລຽບຕາມແມ່ນໍ້າສາຍໜຶ່ງ (ຕໍ່ມາແມ່ນໍ້າສາຍນັ້ນ ຈິ່ງມີຊື່ວ່າ: “ນໍ້າເງິນ”). ພໍໄປຮອດປາກນໍ້າ ຊ້າງໂຕນັ້ນພັດຍ່າງໄປຂຶ້ນແມ່ນໍ້າສາຍໃໝ່ (ແມ່ນໍ້າສາຍດັ່ງກ່າວ ຈິ່ງຖືກເອີ້ນວ່າ: “ນໍ້າຍ່າງ”, ແລ້ວປ່ຽນມາເປັນ “ນໍ້າຍາງ” ໃນປະຈຸບັນ).

. . ຊ້າງໄດ້ຍ່າງຂຶ້ນຕາມແມ່ນໍ້າປະມານ ໑໐໐໐ ວາ (ພັນວາ) ພໍຮອດຮູຖໍ້າຊ້າງກໍ່ໄດ້ເຂົ້າຖໍ້າໄປ ແລ້ວດິນກໍ່ໄດ້ເຈື່ອນຖົມຮູຖໍ້າແບບອັດສະຈັນ. ພວກມ່ານ ທີ່ຕິດຕາມຊ້າງໂຕນັ້ນ ກໍ່ພາກັນຂຸດດິນ ເພື່ອຊອກຫາຊ້າງ ແຕ່ກໍ່ບໍ່ເຫັນ ກົງກັນຂ້າມ ພວກເຂົາເຫັນແຕ່ໂຕໝັດເປັນສີຄຳ ໄຕ່ອອກມາເປັນ ຈຳນວນຫຼວງຫຼາຍ. ເມື່ອເປັນດັ່ງນັ້ນ ພວກເຂົາຈິ່ງພາກັນກໍ່ທາດໃສ່ບໍລິເວນດັ່ງກ່າວ ໃນປີ ຄ.ສ ໑໕໗໖ ແລ້ວໃສ່ຊື່ວ່າ: ພະທາດໝັດຄຳ

. . . ພະທາດໝັດຄຳ ໃນເມື່ອກ່ອນ ເວລາທີ່ຜູ້ຄົນໄປກາບໄຫວ້ບູຊາ ຈະມີໝັດຄຳຂຶ້ນມາໄຕ່ຕາມແຂ່ງ-ຂາ ແຕ່ເວລາພວກເຮົາອອກຈາກບໍລິເວນນັ້ນ ໝັດຄຳ ກໍ່ອອກຈາກຮ່າງກາຍເຮົາໄປແບບອັດສະຈັນ.

ຂໍ້ມູນຈາກ: ອົງການພັດທະນາການທ່ອງທ່ຽວ

ຫຼັກຖານການສິ້ນພະຊົນ ແລະ ການສ້າງຕັ້ງປະດິດສະຖານຮູບປັ້ນ ພະເຈົ້າໄຊຍະເຊດຖາທິລາດ ຖືກຢັ້ງຢືນເປັນຄວາມຈິງແລ້ວ

ວັນ​ທີ 23 ກໍ­ລະ­ກົດ 2016 ນີ ທີ່​ຫ້ອງ​ປະ­ຊຸມ​ຫ້ອງວ່າ­ການ​ປົກ­ຄອງ​ແຂວງ​ອັດ​ຕະ​ປື ໄດ້​ຈັດ​ກອງ​ປະ­ຊຸມ​ຮັບ­ຮອງ ບົດ​ສຳ​ມະ​ນາ ວິ­ທະ­ຍາ­ສາດ ແລະ​ຜ່ານ​ແບບ​ໂຄງ­ການ​ກໍ່­ສ້າງອະ­ນຸ­ສາ­ວະ­ລີ ພະ​ເຈົ້າ​ໄຊ​ຍະ​ເຊດ​ຖາ​ທິ​ລາດ​ຂຶ້ນ ໂດຍ​ການ​ເປັນປະ­ທານ​ຂອງ​ທ່ານ ອຸ່ນ​ຫຼ້າ ໄຊ​ຍະ​ສິດ ຄະ­ນະ​ປະ­ຈຳ​ພັກ​ແຂວງ ຜູ້​ຊີ້​ນຳ​ວຽກ​ງານ​ວັດ­ທະ­ນະ­ທຳ-ສັງ­ຄົມ, ເປັນ​ກຽດ​ເຂົ້າ​ຮ່ວມ ມີ ທ່ານ ສຸກ​ກົງ​ແສງ ໄຊ​ຍະ​ເລີດ ປະ­ທານ​ສະ​ຖາ​ບັນ​ວິ​ທະ ຍາ​ສາດ​ສັງ­ຄົມ​ແຫ່ງ​ຊາດ, ມີ​ບັນ­ດາ​ທ່ານ​ຫົວ­ໜ້າ ແລະ​ຮອງຫົວ­ໜ້າ​ຈາກ​ຫ້ອງ​ວ່າ­ການ​ສູນ​ກາງ​ພັກ, ອະ­ດີດ​ຫົວ­ໜ້າ​ພະນັກ​ງານ​ບຳ­ນານ ສວ​ສຊ, ຈາກ​ກົມ​ວິ­ທະ­ຍາ­ສາດ​ປະ­ຫວັດ ສາດ​ການ​ທະ­ຫານ​ກະ­ຊວງ​ປ້ອງ​ກັນ​ປະ­ເທດ, ຈາກ​ຄະ­ນະ­ບໍ­ດີວິ­ທະ­ຍາ­ສາດ​ສັງ­ຄົມ​ແຫ່ງ​ຊາດ, ຫົວ­ໜ້າ​ກົມ​ມໍ­ລະ­ດົກ, ພະ­ນັກງານ​ທີ່​ກ່ຽວ­ຂ້ອງ​ຫຼາຍ​ພາກ­ສ່ວນ​ຈາກ​ສູນ​ກາງ ແລະ​ພະ­ນັກງານ​ວິ­ຊາ​ການ​ກ່ຽວ­ຂ້ອງ​ພາຍ​ໃນ​ແຂວງ​ເຂົ້າ​ຮ່ວມ​ຢ່າງ​ພ້ອມພຽງ.

ກອງ​ປະ­ຊຸມ​ເທື່ອ​ນີ້​ຖື​ວ່າ​ເປັນ​ກອງ​ປະ­ຊຸມ​ທີ່​ມີ​ຄວາມ​ໝາຍຄວາມ​ສຳ­ຄັນ​ຫຼາຍ ສຳ­ລັບ​ແຂວງ​ອັດ​ຕະ​ປື ເພາະ­ວ່າ​ເປັນ ກອງ​ປະ­ຊຸມ​ປຶກ­ສາ​ຫາ­ລື​ຄົ້ນ­ຄວ້າ​ຕາມ​ຫາ​ຮ່ອງ­ຮອຍ​ຊີ­ວະ​ປະຫວັດ​ສາດ ເລື່ອງ​ການ​ສິ້ນ​ພະ​ຊົນ​ຂອງ​ພະ​ເຈົ້າ​ໄຊ​ຍະ​ເຊດ​ຖາ​ທິ​ລາດ​ໃນ​ບັ້ນ​ທ້າຍ​ຊີ­ວິດ ຢູ່​ທີ່​ວັດ​ທາດເມືອງ​ໄຊ​ເຊດ​ຖາ ແລະ​ປຶກ­ສາ​ຫາ­ລື​ກ່ຽວ​ກັບ​ການ​ອອກ​ແບບ​ໂຄງ­ການ​ກໍ່­ສ້າງ​ອະ­ນຸ­ສາ­ວະ­ລີ ຮູບ​ປັ້ນ​ຫຼໍ່​ຂອງ​ພະ​ອົງ​ສົມ­ເດັດ ພະ​ເຈົ້າ​ໄຊ​ຍະ​ເຊດ​ຖາ​ທິ​ລາດ, ເຈົ້າ​ໄຊ​ຍະເຊດ​ຖາ​ທິ​ລາດ​ເປັນ​ວີ­ລະ​ກະ­ສັດ​ຜູ້​ຍິ່ງ ໃຫຍ່​ເຕັມ​ໄປ​ດ້ວຍ​ຄວາມ​ປີ​ຊາ​ສາ­ມາດ, ມີ​ຄວາມ​ສະ​ຫຼາດ​ເເຫຼມ​ຄົມ, ມີ​ຄວາມ​ເດັດດ່ຽວ​ໜຽວ​ແໜ້ນ, ມີ​ນ້ຳ­ໃຈ​ເສຍ­ສະ­ຫຼະ ອັນ​ສູງ​ສົ່ງ ເພື່ອ​ຄວາມ­ສຸກ​ຂອງ​ປະ­ຊາ­ຊົນ ນັບ​ແຕ່​ເໜືອ​ຮອດ​ໃຕ້, ປວງ​ປະ­ຊາ​ລາ​ສະ ດອນ​ໃນ​ທົ່ວ​ອາ­ນາ­ຈັກ​ລ້ານ​ຊ້າງ​ໃນ​ເວ ລາ ນັ້ນ​ໄດ້​ໃຫ້­ການ​ເຄົາ­ລົບ​ນັບ­ຖື ພ້ອມ​ທັງໄດ້​ຍົກ­ຍ້ອງ ແລະ​ສັນ­ລະ­ເສີນ​ເປັນ​ພະ​ມະ ຫາ​ລາດ​ອົງ​ທີ 2 ຖັດ​ຈາກ​ສົມ­ເດັດ​ພະ ເຈົ້າ­ຟ້າ​ງຸ່ມ​ມະ­ຫາ​ຣາດ, ພະ​ເຈົ້າ​ໄຊ​ຍະ ເຊດ​ຖາ​ທິ​ລາດ​ໄດ້​ເຮັດ​ໃຫ້​ປະ­ເທດ​ຊາດ ສະ­ໄໝ​ອາ­ນາ­ຈັກ​ລ້ານ​ຊ້າງ​ມີ​ຄວາມ​ເປັນ ເອ­ກະ​ພາບ, ມີ​ຄວາມ​ສະ­ຫງົບ​ປອດ​ໄພ ແລະ​ຫຼຸດ​ພົ້ນ​ອອກ​ຈາກ​ໄພ­ພິ­ບັດ ຫຼື ການ​ເປັນ​ຫົວ​ເມືອງ​ຂຶ້ນ​ຂອງ​ຕ່າງ​ຊາດ​ຢ່າງ ປອດ​ໄພ​ໃນ​ສະ­ຕະ­ວັດ​ທີ XII-XIII.

ໃນ​ກອງ​ປະ­ຊຸມ​ໄດ້​ມີ​ການ​ປືກ​ສາ​ຫາ ລື​ຢ່າງ​ກົງ​ໄປ​ກົງ​ມາ​ມີ​ເຫດ​ມີ​ຜົນ​ດ້ວຍ ຄວາມ​ສ້າງ­ສັນ ແລະ​ໄດ້​ຕົກ­ລົງ​ເປັນ​ເອ­ກະ ພາບ​ກັນ ເລື່ອງ​ການ​ສິ້ນ​ພະ​ຊົນ​ຂອງ​ພະ ອົງ​ສົມ­ເດັດ​ພະ​ເຈົ້າ​ໄຊ​ຍະ​ເຊດ​ຖາ​ທິ​ລາດ ຍ້ອນ​ພະ­ຍາດ​ໄຂ້­ປ່າ​ທີ່​ບໍ່​ສາ­ມາດ​ປິ່ນ­ປົວໄດ້​ຢູ່​ແຂວງ​ອັດ​ຕະ​ປື ເພາະ­ວ່າ​ໃນ​ເວ­ລາ ນັ້ນ​ພະ­ຍາດ​ໄຂ້­ປ່າ​ເປັນ​ພະ­ຍາດ​ທີ່​ລະ ບາດ​ຢ່າງ​ຮ້າຍ​ແຮງ, ສ່ວນ​ຫຼັກ​ຖານ​ການ ສິ້ນ​ພະ​ຊົນ​ຂອງ​ພະ​ອົງ​ແມ່ນ​ມີ​ຮ່ອງ­ຮອຍ ຫຼັກ​ຖານ​ປະ­ດິດ­ສະ­ຖານ​ຢູ່​ທີ່​ວັດ​ທາດ ເມືອງ​ໄຊ​ເຊດ​ຖາ ຫຼາຍ​ຢ່າງ​ທີ່​ຍັງ​ຄົງ​ຄ້າງ ຢູ່​ໃນ​ປະ­ຈຸ​ບັນ​ເຊັ່ນ: ທາດ​ເຈ­ດີ​ໃຫຍ່ ເພື່ອ ສັກ­ກະ​ລະ​ບູ­ຊາ, ໂພນ​ທໍ​ໄຫວ້ ໜ້າ​ຫໍ​ມູນ ເຊື້ອ, ສິມ​ວັດ​ຫຼວງ ເມືອງ​ໄຊ​ເຊດ​ຖາ ແລະ ສະ­ຖາ­ປັດ­ຕະ­ຍະ­ກຳ​ອື່ນໆ​ອີກ​ຫຼາຍ​ຈຸດ​ທີ່​ພົ້ນ​ເດັ່ນ.

ຜ່ານ​ມາ​ເປັນ​ເວ­ລາ 20 ກວ່າ​ປີ​ກ່ຽວກັບ​ຫຼັກ​ຖານ​ການ​ສິ້ນ​ພະ​ຊົນ​ຂອງ​ພະ​ອົງ ນັກ​ບູ­ຮານ​ຄະ­ດີ​ໄດ້​ຄົ້ນ­ຄວ້າ​ຫຼາຍ​ລົບ ຫຼາຍ​ຕ່າວ ແລະ​ໄດ້​ມີ​ການ​ຄົ້ນ­ຄວ້າ​ທີ່​ບໍ່ມີ​ຈຸດ​ຢືນ​ເຖິງ​ຫຼັກ​ຖານ​ອັນ​ຈະ­ແຈ້ງ ສຳ­ລັບ​ໃນ​ເທື່ອ​ນີ້​ບັນ­ດາ​ທ່ານ​ຜູ້​ເຂົ້າ​ຮ່ວມ​ໄດ້​ພ້ອມ​ກັນ​ຍົກ​ມື​ຢັ້ງ­ຢືນ​ເປັນ​ປະ­ຫວັດ­ສາດ​ເຖິງ​ຄວາມ​ເປັນ​ຈິງ​ກ່ຽວ​ກັບ​ການ​ສິ້ນພະ​ຊົນ​ຂອງ​ພະ​ອົງ​ຍ້ອນ​ພະ­ຍາດ​ໄຂ້­ປ່າ ດ້ວຍ​ເອ­ກະ​ພາບ ເພື່ອ​ໃຫ້​ເປັນ​ຫຼັກ​ຖານ​ມູນ​ຄວາມ​ຈິງ ແລະ​ສະ­ດວກ​ໃຫ້​ແກ່​ການ​ຄົ້ນຄວ້າ​ຂອງ​ນັກ​ສຶກ​ສາ ແລະ​ນັກ​ທ່ອງ​ທ່ຽວ ທັງ​ພາຍ​ໃນ ແລະ​ຕ່າງ­ປະ­ເທດ ຫຼີກ­ເວັ້ນ​ຈາກ​ການ​ສ້າງ​ບັນ­ຫາ​ຂໍ້​ຂັດ​ແຍ່ງ​ທາງ ສັງ­ຄົມ​ຢູ່​ແຂວງ ກໍ​ຄື​ທົ່ວ​ປະ­ເທດ​ໃນ​ອະນາ​ຄົດ.

ພ້ອມ​ດຽວ​ກັນ​ໃນ​ກອງ​ປະ­ຊຸມ​ກໍ​ໄດ້ມີ​ການ​ປືກ​ສາ​ຫາ­ລື​ກ່ຽວ​ກັບ​ການ​ອອກແບບ​ໂຄງ­ການ​ກໍ່­ສ້າງ​ອຸ­ທິ­ຍານ​ອະ­ນຸ​ສາວະ­ລີ​ຮູບ​ປັ້ນ​ຂອງ​ພຣະ​ເຈົ້າ​ໄຊ​ຍະ​ເຊດຖາ​ທິ​ລາດ ຢູ່​ທີ່​ເມືອງ​ໄຊ​ເຊດ​ຖາ ໂດຍ​ສະເພາະ​ການ​ຜ່ານ​ຮ່າງ​ບົດ​ວິ­ພາກ​ໂຄງ ການກໍ່­ສ້າງ​ອະ­ນຸ­ສາ­ວະ­ລີ​ໃຫ້​ຄົບ​ຖ້ວນ ແລະ ສົມ­ບູນ​ເປັນ­ຕົ້ນ​ດ້ານ​ເນື້ອ​ໃນ​ວິ­ທະ­ຍາ ສາດ​ໂຄງ­ການ​ເຫດ­ຜົນ ແລະ​ຄວາມ​ຈຳ ເປັນ​ຂອງ​ການ​ດຳ­ເນີນ​ໂຄງ­ການ​ແຜນ​ວາດ​ສະ­ຖານ­ທີ່​ກໍ່­ສ້າງ​ການ​ກຳ­ນົດ​ຮູບ ແບບ​ການ​ກໍ່­ສ້າງ​ອະ­ນຸ­ສາ­ວະ­ລີ ຕະ­ຫຼອດ ຮອດ​ລັກ­ສະ­ນະ​ຮູບ​ພາບ​ເຈົ້າ​ໄຊ​ຍະ​ເຊດຖາ​ທິ​ລາດ ແລະ​ອື່ນໆ ເພື່ອ​ໃຫ້​ມີ​ຄວາມເປັນ​ເອ­ກະ​ພາບ ແລະ​ນຳ​ສະ­ເໝີ​ຕໍ່​ລັດ​ຖະບານ ເພື່ອ​ຂໍ​ອະ­ນຸ­ມັດ​ໂຄງ​ການ­ຈັດ­ຕັ້ງ​ປະ­ຕິ­ບັດ​ໃຫ້​ເປັນ​ຮູບ​ປະ​ທຳ.

ການ​ກໍ່­ສ້າງ​ປະ­ດິດ​ເປັນ​ອະ­ນຸ­ສອນສະ­ຖານ​ຂອງ​ຮູບ​ປັ້ນ​ພະ​ອົງ​ໃນ​ອະ​ນາ ຄົດ​ນັ້ນ ກໍ​ເພື່ອ​ເປັນ​ທີ​ລະ­ນຶກ, ຈາ­ລຶກ​ລາຍ ນາມ​ບັນ­ພະ­ບຸ­ລຸດ​ລາວ ທີ່​ພະ​ອົງ​ໄດ້​ມີ​ຄຸນ ງາມ​ຄວາມ​ດີ, ສ້າງ​ວິ­ລະ​ກຳ​ອັນ​ລ້ຳ​ເລີດ ແລະ​ອຸ­ທິດ​ເສຍ­ສະ­ຫຼະ​ກາຍ​ຊີ­ວິດ​ໃຫ້​ແກ່ ປະ­ເທດ​ຊາດ​ສະ­ໄໝ​ອາ­ນາ­ຈັກ​ລາວ​ລ້ານຊ້າງ​ອັນ​ໃຫຍ່​ຫຼວງ, ເປັນ​ການ​ສົ່ງ­ເສີມ​ມູນ ເຊື້ອ​ຮັກ​ຊາດ​ການ​ຕໍ່­ສູ້​ພິ­ລະ​ອາດ​ຫານ ຂອງ​ບັນ­ພະ­ບຸ­ລຸດ​ລາວ ແລະ​ສ້າງ​ໃຫ້ເປັນ​ປູ­ຊະ­ນີ­ຍະ­ສະ­ຖານ​ທາງ​ດ້ານ​ວັດ​ທະນະ​ທຳ ແລະ​ເປັນ​ແຫຼ່ງ​ທ່ອງ​ທ່ຽວ ສິ່ງ ສຳ­ຄັນ​ກໍ່​ເປັນ​ຈຸດ​ເຕົ້າ­ໂຮມ​ຄວາມ​ສາ​ມະຄີ​ຂອງ​ປະ­ຊາ­ຊົນ​ບັນ­ດາ­ເຜົ່າ​ໃນ​ທົ່ວ​ປະເທດ ເວົ້າ​ສະ­ເພາະ​ແມ່ນ​ໃນ​ແຂວງ​ອັດຕະ​ປື ໃຫ້​ກາຍ­ເປັນ​ແຫຼ່ງ​ທ່ອງ​ທ່ຽວ​ອັນ ສວຍ​ງານ​ທາງ​ດ້ານ​ວັດ­ທະ­ນະ­ທຳ, ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ດັ່ງ­ກ່າວ​ແມ່ນ​ແນ່­ນອນ​ບົນ​ຄວາມ​ຖືກ­ຕ້ອງ ແລະ​ສອດຄ່ອງ​ກັບ​ແນວ­ທາງ​ນະ­ໂຍ­ບາຍ​ຂອງ​ພັກ ແລະ​ລັດ­ຖະ­ບານ​ວາງ​ອອກ ຊຶ່ງ​ຄາດ​ວ່າ ຈະ​ໄດ້​ເລີ່ມ​ມີ​ການ​ກໍ່​ສ້າງ­ຕັ້ງ​ປະ­ດິດ​ສະຖານ​ໃນ­ຕໍ່­ໜ້າ​ນີ້​ຢ່າງ​ແນ່­ນອນ.

ທີ່ມາ: ເສດຖະກິດ-ສັງຄົມ

ຍີ່ປຸ່ນ ປະຕິເສດກັບຄືນສູ່ການເຈລະຈາ ກັບອາເມລິກາກ່ຽວກັບ TPP

(VOVWORLD) ວັນທີ 29 ມັງກອນ, ທ່ານນາຍົກລັດຖະມົນຕີຍີ່ປຸ່ນ ຊິນໂຊະ ອາເບະ  ໄດ້ປະຕິເສດເລື່ອງເປີດການເຈລະຈາກັບອາເມລິກາ ກ່ຽວກັບສັນຍາຄູ່ຮ່ວມມືຂ້າມປາຊີຟິກ (TPP) ຄືນໃໝ່.

ເມື່ອມີຂ່າວວ່າ ປະເທດນີ້ອາດຈະກັບຄືນສູ່ການເຈລະຈາກ່ຽວກັບສັນຍາດັ່ງກ່າວ. ທ່ານ ອາເບະເນັ້ນໜັກວ່າຍີ່ປຸ່ນ ຊົມເຊີຍເລື່ອງອາເມລິກາ ເວົ້າເຖິງການກັບຄືນສູ່ການເຈລະຈາກ່ຽວກັບ TPP, ແຕ່ TPP ໄດ້ຕົກລົງກັນວ່າ ການເຈລະຈາມີພຽງແຕ່ 11 ປະເທດເທົ່ານັ້ນ ແລະ ບໍ່ມີການເຂົ້າຮ່ວມຂອງອາເມລິກາ, ເລື່ອງປ່ຽນແປງຂໍ້ຕົກລົງແມ່ນສິ່ງທີ່ບໍ່ອາດເປັນໄປໄດ້.

ກ່ອນໜ້ານັ້ນ, ທີ່ເວທີປາໄສເສດຖະກິດໂລກເຊິ່ງໄດ້ດຳເນີນຢູ່ ອາວອສ ປະເທດສະວິດ, ທ່ານປະນາທິບໍດີອາເມລິກາ ໂດໂນ ທຣຳ ໄດ້ເວົ້າເຖິງເລື່ອງຈະພິຈາລະນາການເຈລະຈາຫຼາຍຝ່າຍກັບບັນດາປະເທດເຂົ້າຮ່ວມ TPP.

ຂໍ້ມູມ : LAOS UPDATE

ປີ 2018 ລັດຖະບານ ເລັ່ງເກັບລາຍຮັບໃຫ້ໄດ້ 25 ພັນຕື້

ປີ 2018 ລັດຖະບານກໍຄືກະຊວງການເງິນ ໄດ້ຮັບມອບໝາຍໃຫ້ຈັດເກັບລາຍຮັບເຂົ້າງົບປະມານໃຫ້ໄດ້ທັງໝົດ 25,452 ຕື້ກີບ, ໃນນັ້ນລາຍຮັບພູດສູນກາງ20,472 ຕື້ກີບ, ລາຍຮັບພູດທ້ອງຖິ່ນ 4,979 ຕື້ກີບ, ສ່ວນລາຍຈ່າຍທັງໝົດບໍ່​ໃຫ້​ເກີນ 32,809 ຕື້ກີບ, ໃນນັ້ນ, ລາຍຈ່າຍພູດສູນກາງ 23,832 ຕື້ກີບ ​ແລະ ລາຍຈ່າຍພູດທ້ອງຖິ່ນ 8,977.01 ຕື້ກີບ.
ທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ ​ໄດ້​ລາຍ​ງານ​ໃຫ້​ຮູ້​ເມື່ອ​ບໍ່​ດົນ​ມາ​ນີ້​ວ່າ: ເພື່ອໃຫ້ການຈັດຕັ້ງປະຕິບັດການຈັດເກັບລາຍຮັບເຂົ້າງົບປະມານໃນປີ 2018 ບັນລຸຕາມຄາດໝາຍທີ່ກໍານົດໄວ້ ກະຊວງການເງິນໄດ້ກໍານົດບັນດາມາດຕະການ ເພື່ອກໍານົດໃຫ້ເຫັນແຈ້ງ ບັນດາໜ້າວຽກຕົ້ນຕໍທີ່ຈະຕ້ອງໄດ້ເອົາໃຈໃສ່ຈັດຕັ້ງປະຕິບັດໃນປີ 2018 ​ໃຫ້ລະອຽດ


​ໂດຍ​ສະ​ເພາະ ມາດຕະການດ້ານລາຍຮັບ ໄດ້ເນັ້ນໜັກໃຫ້ຮີບຮ້ອນປັບປຸງ ແລະ ສ້າງນິຕິກໍາໃນຂົງເຂດຄຸ້ມຄອງລາຍຮັບ-ລາຍຈ່າຍໃຫ້ຄົບຖ້ວນ, ໂດຍສະເພາະແມ່ນນິຕິກໍາລຸ່ມກົດໝາຍ, ສືບຕໍ່ສໍາຫລວດຖານຫົວໜ່ວຍທຸລະກິດ ແລະ ຖານລາຍຮັບງົບປະມານໃຫ້ສໍາເລັດ ແລະ ເລັ່ງລັດການຈັດເກັບລາຍຮັບຢ່າງມີຈຸດສຸມ ໂດຍຫັນເປັນທັນສະໄໝ, ລວມທັງເອົາໃຈໃສ່ຄຸ້ມຄອງການເກັບອາກອນ, ພາສີ ແລະ ຄ່າທໍານຽມກ່ຽວກັບການນໍາເຂົ້າສິນຄ້າຢູ່ບັນດາດ່ານຊາຍແດນ ແລະ ເພີ່ມທະວີຄວາມຮັບຜິດຊອບຂອງເຈົ້າໜ້າທີ່ກ່ຽວຂ້ອງໃນການປະຕິບັດໜ້າທີ່ ບໍລິການປະຊາຊົນ.


ສ່ວນມາດຕະການດ້ານລາຍຈ່າຍ ໄດ້ເນັ້ນໜັກໃຫ້ເອົາໃຈໃສ່ຄຸ້ມຄອງລາຍຈ່າຍງົບປະມານ ບົນພື້ນຖານລາຍຮັບຕົວຈິງ, ມີສ່ວນແຮໄວ້, ປະຕິບັດນະໂຍບາຍປະຢັດ ແລະ ນໍາໃຊ້ງົບປະມານໃຫ້ຖືກຕ້ອງຕາມແຜນການ ແລະ ກົດໝາຍທີ່ກ່ຽວຂ້ອງ, ການກວດກາຈໍານວນພະນັກງານ-ລັດຖະກອນ,ທະຫານ, ຕໍາຫລວດ ທີ່ມີໜ້າ ແລະ ກໍາລັງປະຕິບັດວຽກງານຕົວຈິງ ຢູ່ໃນກົງຈັກລັດທຸກຂັ້ນ,ບຸລິມະສິດການຈ່າຍເງິນເດືອນໃຫ້ທັນເວລາ, ຮັບປະກັນຈັດແບ່ງງົບປະມານ ເພື່ອແກ້ໄຂນະໂຍບາຍຕໍ່ຜູ້ທີ່ມີຄຸນງາມ-ຄວາມດີຕໍ່ການປະຕິວັດຊາດໃຫ້ສຳເລັດຕາມຄາດໝາຍທີ່ກໍານົດໄວ້ໃນແຜນປີ 2017 ແລະ ປີ 2018.

ທີ່ມາ ເສດຖະກິດການຄ້າ

ລາວໂຕໂຢຕ້າ ຕ້ອງຄຸມເຂັ້ມ ຖ້າບໍ່ຢາກໃຫ້ປະຫວັດຊໍ້າຮອຍ ເຄີຍກັບມາເສຍໃນບ້ານໃຫ້ ບຶກເກັດ ຈົນຕົກຮອບ


ລາວໂຕໂຢຕ້າ ເອັຟຊີ ຕ້ອງເຮັດວຽກບ້ານໃຫ້ດີທີ່ສຸດ ກ່ອນຈະເປີດບ້ານຕ້ອນຮັບການມາຢາມຂອງ ບຶກເກັດ ອັງກໍ ທີມຈາກກໍາປູເຈຍ ໃນການແຂ່ງຂັນບານເຕະ ເອເອັຟຊີ ຄັບ 2018 ຮອບເພລອ໊ອຟ ນັດຕັດສິນ ໃນວັນທີ 2 ມັງກອນນີ້ ທີ່ສະໜາມກີລາແຫ່ງຊາດ ຫຼັກ 16 ໃນວັນທີ 4 ກຸມພາ ເຖິງວ່ານັດທໍາອິດຈະໄດ້ປຽບເລັກໜ້ອຍ ເພາະບຸກໄປສະເໝີ 3-3.


ຈາກຜົນນັດທໍາອິດ ລາວໂຕໂຢຕ້າ ເອັຟຊີ ເກັບຄວາມໄດ້ປຽບ ເພາະຈະໄດ້ກັບມາຫຼິ້ນໃນບ້ານຂອງຕົວເອງຕ້ອນຮັບການມາຢາມຂອງ ບຶກເກັດ ອັງກໍ ໃນວັນທີ 2 ກຸມພາ 2018 ເວລາ 18:00 ໂມງ ທີ່ສະໜາມກີລາແຫ່ງຊາດ ຫຼັກ 16 ຂໍພຽງຢັນສະເໝີດ້ວຍການບໍ່ເສຍປະຕູເກີນ 2 ໜ່ວຍ ກໍ່ຈະເຂົ້າຮອບແບ່ງກຸ່ມ ດ້ວຍກົດປະຕູທີມຢາມທັນທີ.


ແຕ່ປະຫວັດ ການແຂ່ງຂັນບານເຕະ ເອເອັຟຊີ ຄັບ 2017 ຮອບເພລອ໊ອຟ ລາວໂຕໂຢຕ້າ ກໍ່ບຸກໄປສະເໝີກັບ ບຶກເກັດ ອັງກໍ 1-1, ແຕ່ນັດທີ 2 ກັບມາແຂ່ງຂັນໃນບ້ານຂອງຕົວເອງກັບເສຍໃຫ້ກັບທີມດັ່ງກ່າວ 0-1 ເຮັດໃຫ້ຜົນລວມ 2 ນັດເສຍໄປ 1-2 ໝົດສິດຜ່ານເຂົ້າໄປຫຼິ້ນຮອບແບ່ງກຸ່ມທັນທີ.

ດັ່ງນັ້ນ, ລາວໂຕໂຢຕ້າ ຕ້ອງເຮັດວຽກບ້ານໃຫ້ເຂັມຂຸ້ນກ່ອນວັນແຂ່ງຂັນຈະມາເຖິງບໍ່ກີ້ມື້ນີ້, ເຊິ່ງນັດທໍາອິດ ລາວໂຕໂຢຕ້າ ສົ່ງ 11 ຕົວຈິງລົງສະໜາມດັ່ງນີ້:
ຜູ້ຮັກສາປະຕູ
ເບີ 1 ແສງພະຈັນ ບຸນທິສານ
ກອງຫລັງ
ເບີ 2 ບຸນພິທັກ ຈັນທະລັງສີ ( ເບີ 9Ballo ນາທີ 59 )
ເບີ 4 ປີຍະພົງ ປະຖຳມະວົງ
ເບີ 6 Renshi Yamgushi
ເບີ 23 ເກດສະດາ ສຸກສະຫວັນ

ກອງກາງ
ເບີ 14 ກ້ອນຄຳ ອິນທຳມະວົງ ( ເບີ 25 ໂສພາ ໄຊຊະນະ ນາທີ 90+4 )
ເບິ 15 FEDERIC POODA
ເບີ 17 ມະໂນລົມ ພົມສຸວັນ
ເບີ 8 ແກ້ວວຽງເພັດ ລິດທິເດດ
ເບີ 10 ລັດທະໄຊ ລຸນລາສີ ( ເບີ 22 ເລັກໂຕຊາ ທອງສະຫວັດ ນາທີ 89 )
ກອງຫນ້າ
ເບີ 18 KAZUO HOMMA
ຖືວ່າ 11 ຄົນນີ້ສ້າງຜົນງານໄດ້ດີ ສາມາດບຸກສະເໝີນອກບ້ານໄດ້ ເຮັດໃຫ້ ຄູຝຶກລາວໂຕໂຢຕ້າ ໝັ້ນໃຈມີໂອກາດຜ່ານເຂົ້າຮອບສຸູງ. ຢ່າງໃດກໍ່ຕາມ, ນັດຕໍ່ໄປຫ້າມປະໝາດເດັນຂາດ ຖ້າບໍ່ຍາກໃຫ້ປະຫວັດສາດຊໍ້າຮອຍ

ຂອບໃຈຮູບຈາກ: LAOTOYOTA FC

 

ການເຜີຍແຜ່ພາບ “ສົບ” ໃນໂລກອອນລາຍ ຖືວ່າເປັນສິ່ງທີ່ຜິດກົດໝາຍ

ໃນຍຸກປັດຈຸບັນນີ້, ສັງຄົມອອນລາຍກາຍເປັນສ່ວນໜຶ່ງໃນຊີວິດປະຈຳວັນໂດຍປະຕິເສດບໍ່ໄດ້ ແລະ ສິ່ງໜຶ່ງທີ່ເປັນບັນຫາ ແລະ ຈະຍົກມາເວົ້າໃນມື້ນີ້ ຖືເປັນອີກໜຶ່ງເລື່ອງທີ່ສຳຄັນ ອັນໄດ້ສົ່ງຜົນກະທົບແຕະຕ້ອງເຖິງຈິດໃຈ ແລະ ຄວາມຮູ້ສຶກຂອງຕົວເຈົ້າຂອງ, ຄອບຄົວ ແລະ ຍາດພີ່ນ້ອງຜູ້ຖືກກະທຳ ນັ້ນກໍ່ຄື ບັນຫານການເຜີຍແຜ່ພາບທີ່ບໍ່ເໝາະສົມຂອງບຸກຄົນ, ກຸ່ມຄົນທີ່ຢູ່ໃນສະຖານະການຄັບຂັນ ແລະ ບໍ່ດີບໍ່ງາມລົງໃນໂລກອອນລາຍເຊັ່ນ: ພາບຄົນບາດເຈັບ, ພາບຜູ້ປະສົບອຸປະຕິເຫດ ແລະ ເປັນຕົ້ນແມ່ນພາບສົບຜູ້ເສຍຊີວິດ.

ເຊິ່ງໃນກົດໝາຍອາຍາມາດຕາ 96 ໄດ້ລະບຸວ່າ: ບຸກຄົນຜູ້ໃດ ຫາກໄດ້ກະທຳ ຫຼື ໃຊ້ວາຈາຢ່າງຫຍາບຊ້າຕໍ່ຊາກສົບ, ຊື່ສຽງ, ບ່ອນຝັງສົບ ຫຼື ທາດຂອງຜູ້ຕາຍ ເຊິ່ງເປັນການແຕະຕ້ອງຈິດໃຈຂອງມະຫາຊົນ ຈະຖືກລົງໂທດຕັດອິດສະຫຼະພາບແຕ່ 3 ເດືອນ ຫາ 1 ປີ ຫຼື ດັດສ້າງໂດຍບໍ່ຕັດອິດສະຫຼະພາບ ແລະ ຈະຖືກປັບໃໝແຕ່ 50,000 ກີບ ຫາ 300,000 ກີບ.

ນັ້ນໝາຍຄວາມວ່າ ຄອບຄົວ ຫຼື ພີ່ນ້ອງຂອງຜູ້ເສຍຊີວິດ ສາມາດຮ້ອງຟ້ອງທ່ານໄດ້ ເພາະການເຜີຍແຜ່ພາບສົບນັ້ນ ຖືເປັນສະພາບທີ່ບໍ່ເປັນຕາເບິ່ງຂອງຜູ້ຕາຍ ເຊິ່ງແນ່ນອນວ່າທັງຜູ້ຕາຍ ແລະ ຄອບຄົວຍາດພີ່ນ້ອງບໍ່ຕ້ອງການໃຫ້ເຜີຍແຜ່ພາບເຫຼົ່ານັ້ນ, ດັ່ງນັ້ນ, ການແຊຣ໌ ຫຼື ໂພສຮູບພາບຂອງສົບ ຈຶ່ງບໍ່ຕ່າງຫຍັງກັບການດູໝິ່ນຜູ້ຕາຍນັ້ນເອງ.

ນອກຈາກນີ້ການເຜີຍແຜ່ພາບສົບ ຍັງເປັນຂໍ້ຫ້າມທີ່ຖືກລະບຸໄວ້ໃນເງື່ອນໄຂຂອງສັງຄົມອອນລາຍເຊັ່ນ: facebook ແລະ Youtube ເຊິ່ງອາດຈະເຮັດໃຫ້ບັນຊີຂອງທ່ານຖືກບລັອກໄດ້.

ເຊິ່ງແຫຼ່ງທີ່ມາຂອງການເຜີຍແຜ່ພາບສົບ ຫຼື ຜູ້ໄດ້ຮັບບາດເຈັບທີ່ຢູ່ໃນສະພາບບໍ່ເປັນຕາເບິ່ງນັ້ນ ແມ່ນມີທີ່ມາຈາກປະຊາຊົນທົ່ວໄປທີ່ເອົາລົງຕາມສື່ອອນລາຍຕ່າງໆ ທີ່ສຳຄັນຍັງມີແຫຼ່ງທີ່ມາຈາກບາງໜ່ວຍງານກູ້ໄພ ທີ່ຍັງຂາດສະຕິຄວາມຮັບຜິດຊອບໃນຈຸດນີ້ ຫຼື ບາງຄັ້ງກໍ່ອາດເປັນເພາະຮູ້ເທົ່າບໍ່ເຖິງການ ນອກນັ້ນ, ຍັງມີບາງສື່ທີ່ຖືກສ້າງຂຶ້ນໃນໂລກອອນລາຍກໍ່ຍັງຂາດຄວາມຮັບຜິດຊອບໃນເລື່ອງນີ້. ແຕ່ຖ້າໃນກໍລະນີທີ່ຈຳເປັນຕ້ອງເຜີຍແຜ່ເຊັ່ນ: ບໍ່ຮູ້ຊື່ຜູ້ເສຍຊີວິດ ຫຼື ຍາດພີ່ນ້ອງກໍ່ຄວນມີການປົກປິດ ຫຼື ເຊັນເຊີ້ໃນລະດັບຄວາມເຂັ້ມທີ່ບໍ່ສາມາດຄາດເດົາໄດ້ວ່າຜູ້ຕາຍແມ່ນໃຜ ແລະ ອະທິບາຍລັກສະນະພິເສດຕ່າງໆຂອງຜູ້ເສຍຊີວິດດ້ວຍອັກສອນແທນ ແລະ ປ່ອຍໃຫ້ເປັນຄວາມຮັບຜິດຊອບຂອງເຈົ້າໜ້າທີ່.

ທຸກຄົນເຂົ້າໃຈຄວາມຫວັງດີເປັນສິ່ງທີ່ສຳຄັນ, ແຕ່ກໍ່ຄວນປະຕິບັດໃນທາງທີ່ຖືກທີ່ຄວນ ແລະ ເໝາະສົມ ໃຫ້ຄິດເຫັນເຖິງຄວາມຮູ້ສຶກຂອງການສູນເສຍຂອງຜູ້ອື່ນມາໃສ່ໃຈເຮົາ ທີ່ຕ້ອງມາເຫັນພາບຂອງຕົນ, ຄົນໃນຄອບຄົວ ຫຼື ຍາດພີ່ນ້ອງທີ່ຢູ່ໃນສະພາບບໍ່ດີບໍ່ງາມຖືກເຜີຍແຜ່ໄປທົ່ວສັງຄົມ.

…………………………………………………

ຂໍ້ມູມ : ສູນລວມອຸບັດຕິເຫດ

ສະຫຼົດ!! ລົດເມອິນເດຍເສຍການຄວບຄຸມຕົກແມ່ນຳ້ ຕາຍ 36 ຄົນ

ມີຜູ້ເສຍຊີວິດຢ່າງໜ້ອຍ 36 ຄົນຈາກອຸປະຕິເຫດລົດເມທີ່ມີ ຜູ້ໂດຍສານ 55 ຄົນສູນເສຍການຄວບຄຸມພຸ່ງຕົກຂົວສູງ 30 ຟຸດ (ປະມານ 9 ແມັດ) ລົງໄປໃນແມ່ນຳ້ໄພຣາຟ ຫ່າງຈາກເມືອງໂກກາຕາເມືອງເອກຂອງລັດເບັງກອສ ປະເທດອິນເດຍ ຕາເວັນຕົກໄປທາງເໜືອປະມານ 280 ກິໂລແມັດ ເມື່ອວັນທີ່ 29 ມັງກອນ ໜ່ວຍກູ້ໄພໃຊ້ເວລາ 6 ຊົ່ວໂມງກູ້ສົບທັງໝົດຂຶ້ນມາໄດ້ຜູ້ລອດຊີວິດທຸກນຳສົ່ງໂຮງໝໍທ້ອງຖິ່ນ ລັດຖະບານລັດເບັງກອສຕາເວັນຕົກເລັ່ງກວດສອບເລື່ອງນີ້ ແລະ ຈ່າຍໃຫ້ຜູ້ເສຍຊີວິດ 5 ແສນຣູປີ ຫຼື ປະມານ 70 ລ້ານກີບ.