ຖ້າຈົນທໍ້! ແຟນກໍ່ບໍ່ຂໍແຕ່ງງານຈັກເທື່ອ ຈະເຮັດແນວໃດດີ?

ຖ້າຈົນທໍ້! ແຟນກໍ່ບໍ່ຂໍແຕ່ງງານຈັກເທື່ອ ຈະເຮັດແນວໃດດີ?

ຫລັງຈາກຕົກລົງຄົບຫາເປັນແຟນກັນມາດົນ ກໍ່ເປັນທໍາມະດາທີ່ຈະມີຄິດເລື້ອງແຕ່ງງານກັນແດ່ ແຕ່ກໍ່ບໍ່ແມ່ນທຸກຄູ່ດອກທີ່ທັງສອງຝ່າຍຈະຄິດເລື້ອງແຕ່ງງານພ້ອມກັນ ຍິ່ງດົນໄປຄວາມສົງໄສຍິ່ງເລີ້ມທະວີຄູນ ເປັນຫຍັງແຟນຈຶ່ງບໍ່ຂໍແຕ່ງງານຈັກເທື່ອນໍ້ ຖ້າເຮົາພ້ອມແຕ່ງແຕ່ແຟນຍັງບໍ່ມີທ່າທີວ່າຈະຍົກຂັນຫມາກມາຂໍ ມີວິທີຮັບມືກັບເລື້ອງນີ້ມາຝາກກັນ ເວົ້າອ້ອມໆບອກໃບ້ເປັນໃນໆ ເລີ້ມຕົ້ນດ້ວຍວິທີແບບໃສໆລະມຸນໃຈດ້ວຍການບອກໃບ້ໃຫ້ແຟນຮູ້ວ່າເຮົາພ້ອມເປັນເຈົ້າສາວແລ້ວເດີ້ ສ່ວນເລື້ອເທັກນິກການບອກກໍ່ງ່າຍໆເລີຍເຊັ່ນ:
– ເວົ້າຫລີ້ນແກມແທ້ ເປັນການຢັ່ງເຊີງເບິ່ງຄໍາຕອບຂອງຫວານໃຈວ່າເຂົົາຈະຕອບເຮົາວ່າຈັ່ງໃດ ອາດຈະໃຊ້ຄໍາງ່າຍໆ ຫນ້າຮັກໆເຊັ່ນ: ຢາກໃສ່ຊຸດເຈົ້າສາວແລ້ວໃດ ມີໃຜຈະເປັນເຈົ້າບ່າວໃຫ້ເຮົາບໍ່ນໍ້ ເປັນຕົ້ນ


– ເວົ້າເຜີຍເລື້ອງແຕ່ງງານເວລາເບິ່ງຂ່າວຄູ່ຮັກດາລາ ຫລື ມີໂອກາດໄດ້ໄປງານແຕ່ງກໍ່ລອງແອບເຜີຍໆວ່າຢາກມີແບບນີ້ເດ້ ຈະມີໂອກາດບໍ່ ແລ້ວຄອຍເບິ່ງປະຕິກິລິຍາຂອງຫວານໃຈວ່າເຂົາມີທ່າທີແນວໃດ ເຊັກດີໆງານນີ້ອາດມີລຸ້ນ
– ແອບໃຊ້ດ້ວຍການກະທໍາ ເລື້ອງການໃຊ້ວິທີນີ້ສາວໆອາດຕ້ອງເຜື່ອໃຈໄວ້ຈັກຫນ້ອຍວ່າແຟນຂອງເຮົາຈະບໍ່ເຂົ້າໃຈສິ່ງທີ່ເຮົາຕ້ອງການສື່ສານເດີ້


ແຟນບໍ່ຂໍແຕ່ງງານຈັກເທື່ອຕ້ອງລົມກັນຕົງໆ: ໄລຍະເວລາທີ່ຄົບກັນມາດົນບໍ່ແມ່ນວ່າຈະເຮັດໃຫ້ຄູ່ຮັກເຂົ້າໃຈກັນທຸກຢ່າງສະເຫມີໄປ ເລື້ອງບາງເລື້ອງທີ່ຝ່າຍຫນຶ່ງເບິ່ງວ່າບໍ່ເປັນຫຍັງ ອາດເປັນເລື້ອງທີ່ອີກຝ່າຍຈິງຈັງຫລາຍໆກໍ່ເປັນໄດ້ ເລື້ອງແຕ່ງງານກໍ່ເປັນອີກເລື້ອງທີ່ບາງຄັ້ງຄວາມຄິດເຫັນ ຫລື ຄວາມເຂົ້າໃຈກໍ່ບໍ່ຕົງກັນ ເຫດຜົນທີ່ຝ່າຍຊາຍຍັງບໍ່ເອ່ຍປາກຂໍແຕ່ງງານ ອາດເປັນເພາະຍັງບໍ່ແນ່ໃຈວ່າຝ່າຍຍິງພ້ອມທີ່ຈະມີຄອບຄົວແລ້ວຫລືບໍ່ ຖ້າສາວໆລອງໃບ້ດ້ວຍວິທີໃນເບື້ອງຕົ້ນແລ້ວຍັງບໍ່ໄດ້ຜົນ ລອງເປີດໃຈເວົ້າກັນຕົງໆເຖິງແຜນການຊີວິດໃນອະນາຄົດ ການແຕ່ງງານບໍ່ແມ່ນເລື້ອງທີ່ຈະມາເອົາແຕ່ໃຈຢູ່ຝ່າຍດຽວ ບໍ່ແມ່ນວ່າຢາກແຕ່ງແລ້ວແຕ່ງໄດ້ທັນທີ (ຖ້າບໍ່ພ້ອມແທ້້ໆ) ບາງທີແຟນຂອງເຮົາອາດກໍາລັງລໍສັນຍານຈາກເຮົາຢູ່ກໍ່ໄດ້ ຄົບມາດົນຫລາຍປີການເວົ້າລົມເລື້ອງນີ້ບໍ່ຫນ້າຈະແມ່ນເລື້ອງຍາກແລ້ວລະ ການເວົ້າກັນຕົງໆນອກຈາກເຮັດໃຫ້ຄວາມເຂົ້າໃຈຕົງກັນແລ້ວ ຍັງເປັນການຊ່ວຍກະຕຸ້ນໃຫ້ຄວາມສໍາພັນຄືບຫນ້າຂື້ນອີກດ້ວຍ


ໃຫ້ເວລາເຂົາ ແລະ ໂຕເຮົາ: ຫລັງຈາກເຮັດທຸກວິທີທີ່ກ່າວມາໃນເບື້ອງຕົ້ນແລ້ວ ຄົງເຖິງເວລາປ່ອຍໃຫ້ເວລາເຮັດຫນ້າທີ່ຂອງມັນໄປ ໃຫ້ເວລາເຂົາໄດ້ຄິດທົບທວນວາງແຜນ ແລະ ຕຽມໂຕໄປກ່ອນ ໃນຄະນະດຽວກັນກໍ່ຕ້ອງໃຫ້ເວລາໂຕເອງໄດ້ຄິດທົບທວນສິ່ງຕ່າງໆພ້ອມ ແມ່ນຢູ່ວ່າຫລັງແຕ່ງງານຫາກເກີດປັນຫາທີ່ຍາກເກີນແກ້ໄຂເຮົາກໍ່ສາມາດເລືອກທາງອອກດ້ວຍວິທີຍຸດຕິຄວາມສໍາພັນແບບຜົວເມຍລົງໄດ້ກໍ່ຈິງ ແຕ່ເຊື່ອວ່າບໍ່ມີໃຜຢາກລົ້ມເຫລວໃນຊີວິດຄູ່ດອກ ໃຫ້ເວລາໃນຊ້ວງນີ້ ຊ້ວງທີ່ເຮົາຄິດວ່າໂຕເອງພ້ອມທີ່ສຸດ ໄຕ່ຕອງທຸກໆຢ່າງກ່ອນການຕັດສິນໃຈຄັ້ງຍິ່ງໃຫຍ່ໃນຊີວິດ
ບາງຄັ້ງເຫດຜົນທີ່ແຟນບໍ່ຂໍແຕ່ງງານຈັກເທື່ອ ອາດເກີດຈາກປັດໃຈຫລາຍໆຢ່າງ ແລະ ນີ້ຄືສິ່ງທີ່ຕ້ອງລົມກັນ ປັນຫາເລື້ອງເງິນ ຄອບຄົວ ຫນ້າທີ່ການງານ ຫລື ປັນຫາຢ່າງອື່ນ ການທີ່ຄູ່ຮັກຈະເລື່ອນສະຖານະມາເປັນຄູ່ຊີວິດ ຫລື ຄູ່ແຕ່ງງານໄດ້ນັ້ນມີແຕ່ຄວາມຮັກຢ່າງດຽວຄົງບໍ່ພຽງພໍ ຕ້ອງອາໄສຄວາມເຂົ້າໃຈທີ່ເກີດຈາກການເວົ້າລົມ ການຮັບຟັງ ແລະ ການປັບໂຕເຂົ້າຮ່ວມດ້ວຍ ສໍາລັບຄົນທີ່ຢາກແຕ່ງງານແລ້ວ ແຕ່ແຟນຍັງນີ້ງເສຍຢູ່ ລອງໃຊ້ວິທີເຫລົ່ານີ້ໄດ້ ທີ່ສໍາຄັນຈະເຮັດອັນໃດໃຫ້ລົງມືເຮັດແຕ່ພໍດີ ພໍງາມ ເພາະຄວາມຮັກທີ່ດີບໍ່ຄວນມີໃຜຕ້ອງຮູ້ສຶກກົດດັນນັ້ນເອງ

Leave a Reply

Your email address will not be published. Required fields are marked *

WordPress spam blocked by CleanTalk.