ອາຫານລົດເຜັດ ອາດຊ່ວຍໃຫ້ອາຍຸຍືນ

ອາຫານລົດເຜັດ ອາດຊ່ວຍໃຫ້ອາຍຸຍືນ

ມີລາຍງານໜຶ່ງໃນວາລະສານການແພດ British Medical Journal (BMJ) ແນະນຳວ່າ ອາຫານລົດເຜັດອາດດີຕໍ່ສຸຂະພາບ ການສຶກສານີ້ໃຊ້ຂໍ້ມູນຈາກຖານຂໍ້ມູນສຸຂະພາບຂອງພົນລະເມືອງຈີນປະມານຫ້າແສນຄົນ ຫຼັງຈາກໃຊ້ເວລາໃນການສຶກສາ 7 ປີ ນັກວິໃຈວິເຄາະຂໍ້ມູນພົບວ່າ ເມື່ອປຽບທຽບຄົນທີ່ບໍ່ຄ່ອຍກິນເຜັດ ຄົນກິນເຜັດອາທິດລະຄັ້ງຫຼືຫຼາຍກວ່າມີອັດຕາສ່ຽງຕາຍຫຼຸດລົງ 10-14% ໃນຊ່ວງເວລາຂອງການສຶກສາຕິດຕາມນັບວ່າເປັນຂ່າວດີສຳລັບຄົນທີ່ມັກກິນເຜັດ

ແຕ່ການສຶກສາໃນລັກສະນະສຳຫຼວດຄວາມເຫັນນີ້ ກໍ່ຍາກທີ່ຈະຕີຄວາມວ່າ ການກິນເຜັດມີຄວາມສຳພັນໃນເຊິງເຫດແລະຜົນຂອງການມີອາຍຸຍືນ ນອກຈາກນີ້ໃນບົດບັນນາທິການທີ່ຄູ່ກັນມາ ໄດ້ວິຈານໄວ້ວ່າ ນັກວິໃຈບໍ່ໄດ້ນັບລວມໂຕແປທາງໂພສະນາການຢ່າງອື່ນ ທີ່ອາດມີຜົນຕໍ່ການວິໃຈ ຢ່າງໃດກໍ່ຕາມງານວິໃຈນີ້ເປັນອີກຊິ້ນໜຶ່ງຂອງລາຍງານແບບນີ້ທີ່ນັບວ່າຈະມີຫຼາຍຂື້ນເລື້ອຍໆ ກ່ຽວກັບອາຫານລົດເຜັດ

ເຊິ່ງມີສ່ວນປະກອບຂອງສານ capsaicin ຈາກພິກຢວກ ເຊິ່ງອາດມີຜົນດີຕໍສຸຂະພາບ ສານໂຕນີ້ມີລິດຕ້ານການອັກເສບ ຕ້ານມະເຮັງ ແລະອາດຊ່ວຍຫຼຸດນ້ຳໜັກສຳລັບຄົນລົດຫຸ່ນອີກດ້ວຍ ນອກຈາກນີ້ເຄີຍມີການສຶກສາພົບວ່າ ຄົນອິນເດຍເປັນໂລກສະໝອງເສື່ອມໜ້ອຍກວ່າທີ່ອື່ນ ທັງນີ້ອາດເປັນເພາະວ່າອາຫານອິນເດຍມີຂີ້ໝິ້ນເປັນສ່ວນປະກອບ ເຊັ່ນໃນແກງກະຫຼີ່ ອັນນີ້ກໍ່ເປັນອາການລົດເຜັດທີ່ໜ້າຈະມີຜົນດີຕໍ່ສຸຂະພາບເຊັ່ນກັນ

ຂໍ້ມູນຈາກ: ເວັບຫາຍໃຈ

Leave a Reply

Your email address will not be published. Required fields are marked *

WordPress spam blocked by CleanTalk.