ຍາດພີ່ນ້ອງຮ່ວມສົ່ງວິນຍານຄອບຄົວເຫຍື່ອ 5 ສົບ ຂຶ້ນສະຫວັນ

ຈາກເຫດການສຸດເສົ້າທີ່ເກີດຂຶ້ນໃນຕອນບ່າຍຂອງວັນທີ 15 ເມສາ 2018 ຜ່ານມາ ຍ້ອນອຸປະຕິເຫດທາງທ້ອງຖະໜົນ ເຮັດໃຫ້ມີການສູນເສຍເຖິງ 5 ຊີວິດໃນຊົ່ວພິບຕາ, ມື້ນີ້ຄອບຄົວພີ່ນ້ອງຂອງເຫຍື່ອອຸປະຕິເຫດດັ່ງກ່າວຈັດພິທີທາງສາສະໜາຕາມປະເພນີ.

ຕາມແຫຼ່ງຂ່າວໃຫ້ຮູ້ວ່າ: ຜູ້ເສຍຊີວິດທັງ 5 ພວມຂັບລົດມຸ່ງຫນ້າຈະໄປຢ້ຽມຍາດພີ່ນ້ອງຢູ່ນະຄອນຫລວງວຽງຈັນ ໃນນັ້ນ ມີອາຈານຍິງ ຊື່: ສ້ອຍສຸດາ ເປັນອາຈານສອນບັນຊີຢູ່ວິທະຍາໄລເຕັກນິກວິຊາຊີບແຂວງຄໍາມ່ວນ, ຜົວເປັນເຈົ້າຫນ້າຕໍາຫລວດຊື່: ພຸດທະສອນ ພ້ອມດ້ວຍລູກ 2 ຄົນ ແລະ ອີກຍາດພີ່ນ້ອງໄປນໍາ 1 ຄົນ ເຊິ່ງຜູ້ເສຍຊີວິດທັງຫມົດຢູ່ບ້ານເລົ່າໂພຄໍາ ເມືອງທ່າແຂກ ແຂວງຄໍາມ່ວນ. ສ່ວນລົດເມໂດຍສານຄູ່ກໍລະນີແມ່ນລົດລະຫວ່າງຄໍາມ່ວນ-ສະຫວັນນະເຂດ-ວຽງຈັນ

ເຫດເກີດໃນວັນທີ 15.04.2018 ເວລາ: 13:50 ນາທີ ໂດຍແມ່ນລົດເມຕຳປະສານງານກັບລົດວີໂກ້ ຢູ່ເສັ້ນທາງ ບ້ານນາແງວ ເມືອງ ທ່າແຂກ ແຂວງ ຄຳມ່ວນ ມີຜູ້ເສຍຊີວິດຄາທີ່ 4 ຄົນ ເປັນເພດຊາຍ 1 ແລະຍິງ 3, ຜູ້ບາດເຈັບອີກຄົນໜຶ່ງເປັນຊາຍ ແຕ່ຜູ້ກ່ຽວໄດ້ເສຍຊີວິດໃນເວລາຕໍ່ມາ.

ປີໃໝ່ເປັນວັນເວລາພັກຍາວ ວັນແຫ່ງການພັກຜ່ອນໄປທ່ອງທ່ຽວ, ເປັນໂອກາດດີທີ່ສຸດໃນຮອບປີໃຫ້ບັນດາມະນຸດເງິນເດືອນໄດ້ກັບບ້ານກັບຊ່ອງ ໄປຢ້ຽມຢາມຄອບຄົວພໍ່ແມ່ ແຕ່ມີບາງຄອບຄົວກັບຕ້ອງສູນເສຍຄົນທີ່ຮັກໄປໃນລະຫວ່າງການເດີນທາງ ຈິ່ງຂໍຝາກໃຫ້ບັນດານັບຂັບຂີ່ຈົ່ງລະມັດລະວັງຫຼາຍຂຶ້ນໃນຊ່ວງເວລາແບບນີ້.

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *

WordPress spam blocked by CleanTalk.