ລົດບັສນັກຮຽນ ໄປທັດສະນະສຶກສາ ຕຳກັບລົດດ້າມ ເຫຼືອແຕ່ຊາກຕາຍເຈັບຈຳນວນຫຼາຍທີ່ ອາເມລິກາ

ເມື່ອວັນທີ່ 18 ພຶກສະພາ 2018 ສຳນັກຂ່າວຣອຍເຕີລາຍງານ ການເກີດອຸບັດຕິເຫດສຸດສະເທືອນຂວັນ ໂດຍລົດບັສນັກຮຽນປະສົບເຫດຕຳກັບລົດບັນທຸກ ເທີງທາງຫຼວງລະຫວ່າງລັດ Interstate 80 ໃນເມືອງເມົາ ໂອລີຟ ລັດນິວເຈີຊີ ປະເທດອາເມລິກາ ເມື່ອເວລາປະມານ 10:20 ນາທີ ຂອງເຊົ້າວັນພະຫັດທີ່ 17 ພຶດສະພາ ຕາມເວລາທ້ອງຖິ່ນ ເປັນເຫດໃຫ້ມີຜູ້ເສຍຊີວິດສະລົດ 2 ລາຍ ປະກອບດ້ວຍນັກຮຽນ 1 ລາຍ ແລະຄູ 1 ລາຍ ຂະນະທີ່ມີຜູ້ໄດ້ຮັບບາດເຈັບອີກປະມານ 43 ຄົນ ໃນຈຳນວນນີ້ບາດເຈັບສາຫັດ 2-3 ຄົນ


ຜູ້ວ່າການລັດນິວເຈີຊີຖະແຫຼງວ່າ ລັດບັສນັກຮຽນຄັນນີ້ປະສົບອຸບັດຕິເຫດ ຂະນະກຳລັງພານັກຮຽນ ປໍ5 ຂອງໂຮງຮຽນ ອີສ ບຣູກ ມິດເດິລ ສະກູລ ໃນເມືອງພາຣາມັສ ຈຳນວນ 38 ຄົນ ອາຍຸປະມານ 10-11 ປີ ໄປທັດສະນະສຶກສານອກສະຖານທີ່ ທີ່ໜູ່ບ້ານ ວໍເຕີລູ ໂດຍຢູ່ໃນລົດບັສ ຍັງມີຄູ ແລະຜູ້ໃຫ່ຍເດີນທາງໄປອີກດ້ວຍ 7 ຄົນ ລວມທັງຄົນຂັບ ຊື່ງຂະນະນີ້ຜູ້ປະສົບເຫດທີ່ໄດ້ຮັບບາດເຈັບສາຫັດຢູ່ລະຫວ່າງການຜ່າຕັດຊ່ວຍຊີວິດ ອາການຍັງຢູ່ໃນຂັ້ນວິກິດ ພ້ອມກັບຂໍໃຫ້ຊາວອາເມລິກາ ທຸກຄົນຊ່ວຍສວດມົນວິງວອນໃຫ້ຜູ້ບາດເຈັບປອດໄພ

ຂະນະດຽວກັນ ຜູ້ວ່າການລັດນິວເຈີຊີ ເຜີຍວ່າ ຍັງບໍ່ຮູ້ລາຍລະອຽດສາເຫດທີ່ເຮັດໃຫ້ເກີດອຸບັດຕິເຫດສຸດສະລົດຄັ້ງນີ້ ໂດຍຫຼັງເກີດອຸບັດຕິເຫດຮ້າຍແຮງ ຊາກຂອງລົດບັສໃນສະພາບມຸ່ນບໍ່ມີຊິ້ນດີຍັງຢູ່ເທີງທາງຫຼວງ ເຊັ່ນດຽວກັບລົດດ້າມຊື່ງໄດ້ຮັບຄວາມເສຍຫາຍໜ້ອຍຫຼາຍກວ່າ


ທຸກຄົນໃນລົດກີດຮ້ອງດ້ວຍຄວາມຢ້ານ ແລະເຂັມຂັດນິລະໄພເຮັດໃຫ້ເດັກໆຕິດຢູ່ກັບບ່ອນນັ່ງ ຕຳຫຼວດໃນພື້ນທີ່ເກີດເຫດກ່າວໃນຂະນະທີ່ຄະນະກຳມະການຄວາມປອດໄພດ້ານການຄົມມະນາຄົມແຫ່ງອາເມລິກາ ກຳລັງດຳເນີນການສືບສວນຫາສາເຫດອຸບັດຕິເຫດຄັ້ງນີ້

ຊາຍຄົນຫນື່ງເອີ້ນດ່າ “ທຣັມ” ຖືກຍິງເຈັບຄາສະໜາມກ໊ອບ

ຊາຍຄົນໜື່ງເອີ້ນດ່າປະທານາທິບໍດີໂດນັລ ທຣັມ ເຂົ້າໄປໃນລ໋ອບບີ້ຂອງສະໜາມກ໊ອບທາງຕອນໃຕ້ຂອງລັດຟໍຣິດາ ເມື່ອເຊົ້າວັນສຸກທີ່ຜ່ານມາ ແຂວນທຸງຊາດບໍລິເວນລ໊ອບບີ້ ຈົນຕຳຫຼວດຍົກກຳລັງມາເກີດການຍິງຕໍ່ສູ້ກັນ ແຕ່ກໍ່ຖືກຈັບໂຕໄວ້ໄດ້ແລະໄດ້ຮັບບາດເຈັບ


ສຳນັກຂ່າວຕ່າງປະເທດລາຍງານຈາກເມືອງໄມອາມີ່ ລັດຟໍຣີດາ ປະເທດອາເມລິກາເມື່ອວັນທີ່ 18 ພຶດສະພາວ່າ ທ່ານເຣີນັນ ອໍກັນວິເດ ຫົວໜ້າຕຳຫຼວດ ເມືອງດໍຣັລ ລັດຟໍຣີດາ ເປີດເຜີຍວ່າ ຕຳຫຼວດຮັບແຈ້ງເຫດວ່າມີຄົນຮ້າຍພ້ອມອາວຸດປືນ1ຄົນ ໃນບໍລິເວນສະໜາມກ໊ອບຊື່ ທຣັມ ເນຊັ່ນແນລ ດໍຣັລ ກ໊ອບ ຄລັບ ໃກ້ກັບເມືອງໄມອາມີ່ເມື່ອເວລາປະມານ 01.30 ນາທີ ເຊົ້າວັນສຸກທີ່ 18 ພຶດສະພາຕາມເວລາທ້ອງຖິ່ນ ດັ່ງນັ້ນກຳລັງຕຳຫຼວດຈາກສະຖານີຕຳຫຼວດເມືອງດໍຣັລແລະສະຖານີໄມອາມີ່-ເດດ ທີ່ໃກ້ກັນຈິ່ງອອກມາທີ່ເກີດເຫດ ແລະປະເຊີນໜ້າກັບຄົນຮ້າຍຈື່ງເກີດການຍິງຕໍ່ສູ້ກັນ ຜົນປາກົດວ່າຄົນຮ້າຍຖືກຍິງໄດ້ຮັບບາດເຈັບແລະຖືກຄວບຄຸມໂຕໄວ້ໄດ້ແລ້ວ ສ່ວນເຈົ້າໜ້າທີ່ກໍ່ມີໄດ້ຮັບບາດເຈັບ 1 ຄົນເຊັ່ນກັນ ແຕ່ບໍ່ກ່ຽວຂ້ອງກັບການຍິງຕໍ່ສູ້
ທ່ານ ຣວນ ເປເຣຊ ຜູ້ກຳກັບຕຳຫຼວດສະຖານີຕຳຫຼວດໄມອາມີ່-ເດດ ກ່າວວ່າ ຊາຍຜູ້ກໍ່ເຫດເອີ້ນດ່າຂໍ້ຄວາມບາງຢ່າງກ່ຽວກັບປະທານາທິບໍດີໂດນັລ ທຣັມ ຜູ້ນຳອາເມລິກາເຊີ່ງເປັນເຈົ້າຂອງສະໜາມກ໊ອບທີ່ເກີດເຫດດ້ວຍ ເຂົາຍັງແຂວນທຸງຊາດອາເມລິກາເໜືອພື້ນທີ່ໃນຫ້ອງລ໋ອບບີ້ຂອງສະໂມສອນສະໜາມກ໊ອບແຫ່ງນີ້ດ້ວຍ ແຕ່ລະຫວ່າງເກີດເຫດນັ້ນປະທານາທິບໍດີໂດນັລ ທຣັມ ບໍ່ໄດ້ຢູ່ໃນສະໜາມກ໊ອບ

ຜູ້ນຳອາເມລິກາຊີ້ແຈງກໍລະນີປຽບຜູ້ອົບພະຍົບບາງກຸ່ມເປັນ “ສັດ”

ປະທານາທິບໍດີໂດນັລ ທຣັມ ກ່າວວ່າການໃຊ້ຄຳເວົ້າ “ສັດ” ແທນ “ຜູ້ອົບພະຍົບຜິດກົດໜາຍບາງກຸ່ມ” ໃນບໍລິບົດຂອງເຮົາ ຄືຄວາມຕ້ອງການສື່ເຖິງສະມາຊິກແກ້ງອາຊະຍາກຳ “ເອັມເອສ-13” ທີ່ລັກລອບເຂົ້າເມືອງເທົ່ານັ້ນ


ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນປະເທດອາເມລິກາເມື່ອວັນທີ່ 18 ພຶດສະພາວ່າ ປະທານາທິບໍດີໂດນັລ ທຣັມ ກ່າວເມື່ອວັນພະຫັດວ່າການທີ່ສື່ຫຼາຍແຫ່ງລາຍງານວ່າເຂົາໃຊ້ຄຳວ່າ “ສັດ” ໃນການສື່ເຖິງ “ຜູ້ອົບພະຍົບຜິດກົດໜາຍບາງກຸ່ມ” ລະຫວ່າງການປະຊຸມເລື່ອງນະໂຍບາຍຜູ້ອົບພະຍົບກັບເຈົ້າໜ້າທີ່ຂອງທາງການລັດແຄລິຟໍເນຍ ທີ່ທຳນຽບຂາວນັ້ນ ບໍລິບົດທີ່ເຂົາຕ້ອງການສື່ສານໜາຍເຖິງສະມາຊິກແກ້ງອາຊະຍາກຳຂ້າມຊາດຊື່ງແຝງໂຕຂ້າມພົມແດນມາກັບຜູ້ອົບພະຍົບ ໂດຍສະເພາະແກ້ງເອັມເອສ-13
ທັງນີ້ ຜູ້ນຳອາເມລິກາຢືນຍັນວ່າແກ້ງເອັມເອສ-13 ມີພຶດຕິກຳຊົ່ວຮ້າຍ ແລະຍັງຄົງລັກລອບເຂົ້າມາສູ່ອາເມລິກາຈາກທຸກເສັ້ນທາງ ຊື່ງໜ່ວຍງານທີ່ກ່ຽວຂ້ອງເພີ່ມຄວາມພະຍາຍາມຢ່າງຕໍ່ເນື່ອງໃນການສະກັດກັ້ນແລະການຕິດຕາມຈັບກຸມສະມາຊິກແກ້ງເອັມເອສ-13 ແລະຢ້ຳວ່າເຂົາຈະໃຊ້ຄຳດັ່ງກ່າວຮຽກແທນສະມາຊິກແກ້ງອາຊະຍາກຳກຸ່ມນີ້ຕໍ່ໄປ
ຂະນະທີ່ສຳນັກຂ່າວເອພີຊື່ງເປັນສື່ແລກທີ່ລາຍງານວ່າ ທຣັມໃຊ້ຄຳວ່າ “ສັດ” ແທນຜູ້ອົບພະຍົບຜິດກົດໜາຍ ທະວິດຂໍ້ຄວາມແກ້ໄຂລາຍງານຂອງໂຕເອງ ແຕ່ຍັງຄົງໃຫ້ເຫດຜົນວ່າທີ່ສະເໜີລາຍງານດັ່ງກ່າວອອກໄປກ່ອນ ເປັນເພາະຂໍ້ມູນຊື່ງໄດ້ຮັບຄັ້ງແລກບໍ່ມີຄວາມຊັດເຈນພຽງພໍ ວ່າຜູ້ນຳອາເມລິກາຕ້ອງການພາດພິງເຖິງສະມາຊິກແກ້ງເອັມເອສ-13 ທີ່ສ່ວນໃຫ່ຍມີເຊື້ອສາຍຊັວາດໍ ກັວເຕມາລາ ແລະຣອນດູຣັສ ສ່ວນຊີເອັນເອັນສະເໜີລາຍງານແກ້ໄຂ ແຕ່ເດີວໍຊິງຕັນໂພສຍັງຄົງຢືນຍັນລາຍງານຂອງໂຕເອງວ່າຜູ້ນຳອາເມລິກາກ່າວເຊັ່ນນັ້ນແທ້
ຢ່າງໃດກໍ່ຕາມທ່ານຊັລ ຊູເມີ ແກນນຳສຽງຂ້າງນ້ອຍຂອງພັກເດໂມແຄຣດໃນວຸດຕິສະພາອາເມລິກາ ກ່າວວ່າການທີ່ບັນພະບູລຸດຂອງຊາວອາເມລິກາສ່ວນໃຫ່ຍເປັນຜູ້ອົບພະຍົບຫຼືຜູ້ລີ້ໄພ ການທີ່ທຣັມກ່າວເຊັ່ນນັ້ນຍອມບໍ່ເໜາະສົມດ້ວຍປະການທັງປວງ

ລົດ​ໄຟ​ຍີ່​ປຸ່ນ​ຂໍ​ໂທດ​ຜູ້​ໂດຍ​ສານ​ ຍ້ອນອອກ​ກ່ອນ​ເວລາ​ ‘25 ວິ​ນາ​ທີ​’

ບໍລິສັດ​ລົດ​ໄຟ​ຍີ່​ປຸ່ນ​ ຫຼື​ JR ປະ​ກາດ​ຂໍ​ໂທດ​ສຳລັບ​ຄວາມ​ຜິດ​ພາດ​ ຫຼັງ​ຈາກ​ທີ່ລົດ​ໄຟ​ຂະບວນ​ໜຶ່ງ​ອອກຈາກ​ຊານ​ຊາ​ລາ​ກ່ອນ​ເວລາ​ 25 ວິ​ນາ​ທີ​ ສົ່ງ​ຜົນ​ໃຫ້​ມີ​ຜູ້​ໂດຍ​ສານ​ຕົກ​ຂະບວນ​ລົດ​ໄຟ​.

 

ຄວາມ​ຜິດ​ພາດ​ທີ່ເກີດຂຶ້ນ​ເກີດ​ຈາກ​ລົດ​ໄຟ​ JR ສາຍ​ຕາເວັນ​ຕົກ​ໃນ​ຊ່ວງ​ເຊົ້າ​ຂອງ​ວັນທີ​ 11 ພ​ຶດສະພາ​ທີ່​ຜ່ານມາ​ ໃນ​ປະເທດ​ຍີ່​ປຸ່ນ​ ໂດຍ​ລົດ​ໄຟ​ອອກຈາກ​ສະ​ຖາ​ນີ​ໂນ​ໂຕກາ​ວາ​ ໃນ​ແຂວງ​ຊິ​ກາ​ໄປ​ໃນ​ເສັ້ນ​ທາງ​ສາຍ​ບິ​ວາ​ໂກະ​ ເຊິ່ງ​ຕາມ​ຕາ​ລາງ​ການ​ເດີນ​ລົດ​ຂອງລົດ​ໄຟ​ຈະ​ຕ້ອງ​ອອກຈາກ​ສະ​ຖາ​ນີ​ໃນ​ເວລາ​ 07:12 ໂມງ​ ແຕ່ລົ​ດໄຟ​ຂະບວນ​ດັ່ງ​ກ່າວ​ອອກຈາກ​ສ​ະຖາ​ນີ​ໃນ​ເວລາ​ 07:11:35 ໂມງ​ ເຊິ່ງ​ໄວ​ກວ່າ​ກຳນົດ​ 25 ວິ​ນາ​ທີ.​

ໃນ​ຖະແຫຼງ​ການ​​ຂອງ​ລົດ​ໄຟ​ JR ສາຍ​ຕາເວັນ​ຕົກ​ລະ​ບຸ​ວ່າ​ “ຄວາມ​ບໍ່​ສະ​ດວກ​ທີ່ເກີດຂຶ້ນ​ກັບ​ທາງ​ຜູ້​ໂດຍ​ສານ​ຂອງ​ເຮົາ​ເປັນ​ຄວາມ​ຜິດ​ພາດ​ທີ່​ບໍ່​ອາດ​ໃຫ້​ອະໄພ​ໄດ້​ຢ່າງ​ແທ້​ຈິງ​.​..ເຮົາ​ຈະ​ກວດ​ສອບ​ການ​ເຮັດ​ວຽກງານ​ຂອງ​ເຮົາ​ຢ່າງຮອບຄອບ​ຖີ່​ຖ້ວນ ​ແລະ​ຈະ​ບໍ່​ເຮັດໃຫ້​ເຫດການ​ດັ່ງ​ກ່າວ​ເກີດ​ຂຶ້ນ​ອີກ​”.

ນອກ​ຈາກ​ນີ້​ ໃນ​ຖະແຫຼງ​ການຍັງ​ລະ​ບຸ​ເພີ່ມເຕີມ​ວ່າ​ ຈະ​ມີ​ການ​ອົບຮົມ​ພະ​ນັກ​ງານ​ຂັບ​ລົດ​ໄຟ​ຂະບວນ​ດັ່ງ​ກ່າວ​ເພີ່ມເຕີມ.​

ສຳລັບ​ຂະບວນ​ລົດ​ໄຟ​ທີ່​ອອກ​ກ່ອນ​ເວລາ​ນັ້ນ​ ເປັນ​ຜົນ​ໃຫ້​ມີ​ຜູ້​ໂດຍ​ສານ​ 2-3 ຄົນ​ ຕົກ​ຂະບວນ​ຈາກ​ລົດ​ໄຟ​ຄັນ​ດັ່ງ​ກ່າວ​ ສົ່ງ​ຜົນ​ໃຫ້​ຜູ້​ໂດຍ​ສານ​ກລ່ມ​ດັ່ງ​ກ່າວ​ຕ້ອງ​ລໍຖ້າ​ໄຟ​ຂະບວນ​ຖັດ​ໄປ​ເປັນ​ເວລາ​ 6 ນາ​ທີ.​

ຢ່າງໃດ​ກໍ​ຕາມ​ ເຫດການ​ນີ້​ບໍ່​ແມ່ນ​ຄັ້ງທຳອິດ​ທີ່​ທາງ​ບໍລິສັດ​ລົດ​ໄຟ​ອອກ​ມາຂໍ​ໂທດ​ ທີ່ລົດ​ໄຟ​ອອກ​ກ່ອນ​ເວລາ​ ເນື່ອງ​ຈາກ​ເມື່ອ​ເດືອນ​ພະຈິກ​ປີ​ກ່ອນ​ ລົດ​ໄຟ​ຈາກ​ໂຕ​ກຽວ​ເຖິງ​ທາງ​ຕາເວັນ​ອອກ​ຂອງ​ເມືອງ​ຊຶ​ຄຸ​ບະ​ກໍ​ອອກຈາກ​ຊານ​ຊາ​ລາ​ກ່ອນ​ເວລາ​ 20 ວິ​ນາ​ທີ​.

ຂໍຂອບໃຈ
ຂໍ້ມູນ : Voice TV

ຜູ້ນຳ ອາເມລິກາ ດ່າຜູ້ອົບພະຍົບເຂົ້າອາເມລິກາ ບາງສ່ວນວ່າເປັນ “ສັດ”

ສຳນັກຂ່າວເອເອຟພີລາຍງານຈາກນະຄອນວໍຊິງຕັນ ປະເທດອາເມລິກາເມື່ອວັນທີ່ 17 ພຶດສະພາວ່າ ປະທານາທິບໍດີ ທຣັມ ເວົ້າກັບໂຕແທນພັກຣີພັບລິກັນຈາກລັດແຄລິຟໍເນຍ ທີ່ເດີນທາງຢ້ຽມຍາມທຳນຽບຂາວວ່າ “ເຮົາມີຄົນເຂົ້າມາໃນປະເທດ ຫຼືພະຍາຍາມຈະເຂົ້າມາ ເຮົາກຳລັງນຳຄົນອອກນອກປະເທດ ຄົນຄົງບໍ່ເຊື່ອວ່າຄົນເຫຼົ່ານີ້ບໍ່ດີປານໃດພວກເຂົາບໍ່ແມ່ນປະຊາຊົນ ແຕ່ເປັນສັດ ແລະເຮົາກຳລັງນຳຄົນເຫຼົ່ານີ້ອອກນອກປະເທດ”

ຄຳເວົ້າຂອງທຣັມມີຂື້ນຫຼັງຈາກມີຄວາມເຫັນຈາກຫຼາຍຝ່າຍ ໃນປະເດັ່ນຜູ້ອົບພະຍົບ ການບັງຄັບໃຊ້ກົດໜາຍ “ເມືອງທີ່ຫຼົບລີ້” ຂອງຜູ້ອົບພະຍົບ ແລະແກ້ງ ເອັມເອສ-13 ໃນອາເມລິກາ ທີ່ມີຕົ້ນກຳເນີດຈາກປະເທດເອລຊັລວາດໍ ແລະທຣັມມັກກ່າວເຖິງຄົນກຸ່ມນີ້ວ່າ “ຊົ່ວຮ້າຍ” ແລະ “ນັກຂ້າ”

ຄວາມເຫັນລ່າສຸດຂອງທຣັມ ຊື່ງສະທ້ອນພາສານາຊີກ່ຽວກັບຢິວ ຖືກປະນາມຢ່າງທັນຄວັນຈາກພັກເດໂມແຄຣດ ທ່ານຈາເຣ໊ດ ໂພລິສ ສ.ສ ເດໂມແຄຣດຈາກລັດໂຄໂລຣາໂດກ່າວວ່າ “ຜູ້ອົບພະຍົບເປັນມະນຸດ ບໍ່ແມ່ນສັດ ບໍ່ແມ່ນອາຊະຍາກອນ ບໍ່ແມ່ນນັກຄ້າຢາເສບຕິດ ບໍ່ແມ່ນນັກຂົ່ມຂືນ ພວກເຂົາເປັນມະນຸດ” ສ່ວນທ່ານ ແຈຣຮີ ບຣາວ ຜູ້ວ່າການລັດແຄລິຟໍເນຍ ກ່າວວ່າ ທຣັມກຳລັງຂີ້ຕັວະເລື່ອງຜູ້ອົບພະຍົບ ອາຊະຍາກອນ ແລະກົດໜາຍຂອງແຄລິຟໍເນຍ “ການອອກຄ່າປີ້ຍົນໃຫ້ນັກການເມືອງຣີພັບລິກັນກວ່າ 10 ຄົນໄປຍົກຍໍປໍປັ້ນ ນະໂຍບາຍທີ່ບໍ່ໄຕ່ຕອງຂອງເຂົາ ບໍ່ໄດ້ປ່ຽນແປງຫັຍງ ເຮົາໃນຖານະພົນເມືອງຂອງລັດທີ່ມີຂະໜາດເສດຖະກິດໃຫ່ຍສຸດເປັນອັນດັບ 5 ຂອງໂລກບໍ່ປະທັບໃຈແມ້ແຕ່ໜ້ອຍ” ບຣາວ ກ່າວ

ຈີນເພີ່ມມາດຕະການກວດເຂັ້ມຊີ້ນໜູ-ລົດຍົນອາເມລິກາ

ລັດຖະບານປັກກິ່ງເພີ່ມຄວາມເຂັ້ມງວດມາດຕະການກວດສອບຄຸນນະພາບຊີ້ນໜູແລະລົດຍົນນຳເຂົ້າຈາກອາເມລິກາ ໃນຂະນະທີ່ເຈົ້າໜ້າທີ່ລະດັບສູງດ້ານນະໂຍບາຍເສດຖະກິດແລະການຄ້າຂອງທັງສອງປະເທດຕຽມຫາລືຄັ້ງໃໜ່ ເພື່ອຄີ່ຄາຍຄວາມຂັດແຍ້ງ
ສຳນັກຂ່າວຕ່າງປະເທດລາຍງານຈາກນະຄອນປັກກິ່ງ ປະເທດຈີນ ເມື່ອວັນທີ່ 17 ພຶດສະພາວ່າ ສຳນັກງານສຳພະກອນຈີນ (ຈີເອຊີຊີ) ລາຍງານເມື່ອວັນພຸດ ເລື່ອງການເພີ່ມຄວາມເຂັ້ມງວດໃນການກວດສອບຄຸນນະພາບຊີ້ນໜູທີ່ສົ່ງອອກຈາກອາເມລິກາ ຫຼັງໄດ້ຮັບການຮ້ອງຮຽນຈາກຫຼາຍຝ່າຍ ໂດຍຂະບວນການກວດສອບ ເປັນໄປຕາມມາດຕະຖານສາກົນ ແລະບໍ່ມີການເປີດເຜີຍຂໍ້ມູນເພີ່ມເຕີມໃນເລື່ອງນີ້ ແຕ່ລະບຸອີກວ່າ ນອກເໜືອຈາກຊີ້ນໜູແລ້ວ ເຈົ້າໜ້າທີ່ຍັງເພີ່ມຄວາມເຂັ້ມງວດຕໍ່ການກວດສອບຄຸນນະພາບລົດຍົນທີ່ສົ່ງອອກມາຈາກອາເມລິກາອີກ
ທັງນີ້ ລາຍງານຂອງຈີເອຊີຊີເຜີຍອີກວ່າ ໃນຊ່ວງ 4 ເດືອນແລກຂອງປີນີ້ ມີລົດຍົນຂອງອາເມລິກາທັງສິ້ນ 4,360 ຄົນ ບໍ່ຜ່ານການກວດສອບຄຸນນະພາບ ຄິດເປັນມູນຄ່າປະມານ 312.5 ລ້ານດອລລາ ( ປະມານ 10,000 ລ້ານບາດ )ທ່າມກາງລາຍງານຫຼາຍກະແສທີ່ອ້າງຂໍ້ມູນຈາກແຫຼ່ງຂ່າວວ່າ ສິນຄ້າທີ່ໄດ້ຮັບຜົນກະທົບສ່ວນໃຫ່ຍເປັນລົດຍົນຍີ່ຫໍ້ຟອດ ດ້ານສຳນັກງານໃຫ່ຍຂອງບໍລິສັດຟອດ ມໍເຕ ທີ່ເມືອງເດຍບອນ ໃນລັດມິຊິແກນ ສະແດງທ່າທີ່ພຽງວ່າ “ກຳລັງຕິດຕາມສະຖານະການຢ່າງໃກ້ຊິດ”
ຂະນະດຽວກັນ ຈີເອຊີຊີປະກາດເພີ່ມຄວາມເຂັ້ມງວດຕໍ່ການກວດສອບຄຸນນະພາບຂອງຂີ້ເຫຍື້ອອີເລັກໂທນິກຈາກອາເມລິກາດ້ວຍເລີ່ມຕັ້ງແຕ່ວັນທີ່ 3 ພຶດສະພາທີ່ຜ່ານມາ ເນື່ອງຈາກໄດ້ຮັບຮ້ອງຮຽນວ່າສິນຄ້າດັງກ່າວຂໍອາເມລິກາ “ບໍ່ໄດ້ມາດຕະຖານ” ຊື່ງອາດສົ່ງຜົນກະທົບຕໍ່ສິ່ງແວດລ້ອມແລະຄຸນນະພາບຊີວິດຂອງຊາວຈີນ
ຄວາມເຄື່ອນໄຫວລ່າສຸດຂອງຈີເອຊີຊີຕໍ່ການກວດສອບສິນຄ້າຂອງອາເມລິກາ ມີຂື້ນໃນຊ່ວງທີ່ທ່ານຫລິວ ເຣີ ຮອງນາຍົກລັດຖະມົນຕີຈີນແລະທີ່ປຶກສາທາງເສດຖະກິດຂອງປະທານາທິບໍດີສີ ຈິ້ນຜິງ ແລະທ່ານອີ້ ກັງ ຜູ້ວ່າການທະນາຄານປະຊາຊົນຈີນ (ພີບີໂອຊີ) ຢາມນະຄອນວໍຊິງຕັນ ເພື່ອຫາລືກັບເຈົ້າໜ້າທີ່ລະດັບສູງດ້ານນະໂຍບາຍເສດຖະກິດແລະການຄ້າອາເມລິກາ ໃນການຜ່ອນຄາຍບັນຍາກາດຕຶງຄຽດທາງການຄ້າ ຫຼັງການເຈລະຈາຮອບແລກເມື່ອຊ່ວງຕົ້ນເດືອນນີ້ ທີ່ນະຄອນປັກກິ່ງ ບໍ່ມີຄວາມຄືບໜ້າເທົ່າທີ່ຄວນ

ຄອບຄົວຈີນງົງ! ຊື້ໜານ້ອຍມາລ້ຽງພໍໃຫ່ຍຂື້ນມາກັບກາຍເປັນໝີ

ຕາມລາຍງານຂອງສຳນັກຂ່າວ ຊຽງໄຮອິສ (shanghaiist) ຄອບຄົວໜື່ງຈາກໜູ່ບ້ານໃກ້ເມືອງຄຸນຫມິງ ໃນມົນທົນຢູນນານ ຂອງປະເທດຈີນ ຊື້ລູກໝາສີດຳໂຕໜື່ງຈາກຂ້າງຫົນທາງລະຫວ່າງເດີນທາງເມື່ອປີ 2016 ໂດຍຊາຍຜູ້ຂາຍອ້າງວ່າເປັນລູກໝາສາຍພັນທິເບຕັນແມສຕິຟ ຄອບຄົວນີ້ຈິງຕັດສິນໃຈລ້ຽງມັນແຕ່ສິ່ງທີ່ມີຊີວິດທີ່ຄວນຈະເປັນໝາໂຕນີ້ກັບໂຕໃຫ່ຍຂື້ນເລື່ອຍໆ


“ຍິ່ງມັນໂຕໃຫ່ຍຂື້ນເທົ່າໃດ ກໍ່ຫຍິ່ງເບີ່ງຄືໝີດຳຫຼາຍຂື້ນ” ຍິງຊາວຈີນນາມສະກຸນວ່າ “ຊູ” ເຈົ້າຂອງໝາ ຫຼືຄວາມຈິງແລ້ວຄື ໝີດຳເອເຊຍ ໂຕນີ້ບອກກັບສື່ກ່ອນຈະເຜີຍວ່າພວກເຂົາຍັງລັງເລທີ່ຈະແຈ້ງເຈົ້າໜ້າທີ່ ເພາະແມ່ນວ່າຈະຢ້ານ ແຕ່ຫຼັງຈາກລ້ຽງມາ 2 ປີກໍ່ເຮັດໃຫ້ພວກເຂົາເກີດຄວາມຮູ້ສຶກຜູກພັນກັບມັນ


ແຕ່ລ່າສຸດເມື່ອອາທິດກ່ອນ ຄອບຄົວນີ້ກໍ່ຕ້ອງເອີ້ນເຈົ້າໜ້າທີ່ຈາກສູນຊ່ວຍເຫຼືອສັດປ່າຢູນນານ ມານຳໝີໂຕນີ້ໄປເນື່ອງຈາກໂຕຂອງມັນໃຫ່ຍຂື້ນບໍ່ຫຍຸດຈົນມີນ້ຳໜັກກວ່າ 200 ກິໂລ. ແລະເລີ່ມຢືນສອງຂາຄືໜີທົ່ວໄປແລ້ວທັງນີ້ບໍ່ແມ່ນຄັ້ງທຳອິດທີ່ເກີດກໍລະນີຊື້ໜີມາລ້ຽງໂດຍຄິດວ່າເປັນໝາ ໂດຍເມື່ອເດືອນມີນາທີ່ຜ່ານມາ ໃນພື້ນທີ່ອີກຝາກຂອງມົນທົນຢູນນານ ເຈົ້າໜ້າທີ່ຍຶດໝີດຳຈາກຊາຍຄົນໜື່ງ ທີ່ນຳມັນມາລ້ຽງຕັ້ງແຕ່ 3 ປີກ່ອນ ເພາະຄິດວ່າເປັນລູກໝາຖືກຖິ້ມ ຫຼືໃນປີ 2016 ຊາວຢູນນານອີກຄົນກໍ່ຫາຮູ້ໂຕວ່າໝາ 2 ໂຕທີ່ເຂົາລ້ຽງມາ 2 ປີແທ້ຈິງແລ້ວຄືໝີ

ອາເມລິກາ ຫວັ່ນວິຕົກຕໍ່ປະສິດທິພາບອາວຸດໄຮເປີໂຊນິກຂອງ ຣັດເຊຍ

ສຳນັກຂ່າວຕ່າງປະເທດລາຍງານຈາກນະຄອນຫລວງມອສໂຄ; ປະເທດຣັດເຊຍ ເມື່ອວັນທີ່ 16 ພຶດສະພາວ່າ ປະທານາທິບໍດີວາລາດີເມຍ ປູຕິນ ກ່າວລະຫວ່າງການປະຊຸມຮ່ວມກັບເຈົ້າໜ້າທີ່ລະດັບສູງຂອງກອງທັບຣັດເຊຍ ທີ່ທຳນຽບໂບຊາຣອຟ ຮູເຊ ໃນເມືອງໂຊຊີ ທາງຕະເວັນຕົກສຽງໃຕ້ຂອງປະເທດ ເມື່ອວັນອັງຄານວ່າ ລະບົບຂີປະນາວຸດ ແລະອາວຸດນິວເຄຼຍ “ຮຸ່ນໃໜ່” ທີ່ຈະມີການເປີດໂຕພາຍໃນປີນີ້ ຈະຊ່ວຍຍົກລະດັບສັກກະຍະພາບທາງທະຫານຂອງຣັດເຊຍ ແລະ ຮັກສາສົມດຸນທາງຍຸດທະສາດ ໄດ້ດົນອີກຫຼາຍສັດຕະວັດ ໂດຍປູຕິນກ່າວເຖິງລະບົບປ້ອງກັນທາງອາກາດ “ເອສ-500” ແລະສະເໜີວ່າກອງກຳລັງຍຸດທະສາດນິວເຄຼຍຄວນມີຂີປະນາວຸດຂ້າມທະວີບ (ໄອຊີບີເອັມ) “ຮຸນໃໜ່” ໃນຊື່ ຍາສ (yars) ແທນທີ່ “ໂຕໂພລ” ( Topol ) ຊື່ງເປັນໄອຊີບີເອັມຮຸ່ນເກົ່າ


ນອກຈາກນີ້ ຜູ້ນຳຣັດເຊຍຍັງກ່າວເຖິງເຮືອພິຄາດຕິດຕັ້ງລະບົບຂີປະນາວຸດຮ່ອນ “ຄາລິເບີ” ຮຸ່ນໃໜ່ດ້ວຍ ແຕ່ຍັງບໍ່ໄດ້ລົງເລິກໃນລາຍລະອຽດ ຢ່າງໃດກໍ່ຕາມ ຄວາມເຄື່ອນໄຫວດັ່ງກ່າວຂອງລັດຖະບານມອສໂຄວເກີດຂື້ນໃນເວລາດຽວກັບທີ່ສື່ໃຫ່ຍຫຼາຍລາຍໃນອາເມລິກາ ນຳໂດຍສຳນັກຂ່າວຊີເອັນບີຊີ ລາຍງານໂດຍອ້າງແຫຼ່ງຂ່າວລະດັບສູງໃນໜ່ວຍຂ່າວກອງຂອງລັດຖະບານວໍຊິງຕັນວ່າ ຣັດເຊຍປະສົບຄວາມສຳເລັດໃນການທົດສອບປະສິດທິພາບຂອງໄອຊີບີເອັມແບບຕິດຫົວຮົບນິວເຄຼຍ 2 ຄັ້ງ ເມື່ອປີ 2016 ແລະການທົດສອບຂີປະນາວຸດໄຮເປີໂຊນິກທີ່ມີຄວາມໄວເໜືອສຽງ 1 ຄັ້ງ ເມື່ອເດືອນຕຸລາ ປີຜ່ານມາ ໂດຍລັດຖະບານມອສໂຄວຢືນຍັນວ່າການທົດສອບປະສົບຄວາມສຳເລັດ ແຕ່ການຂ່າວຂອງອາເມລິກາລະບຸວ່າ “ລົ້ມເຫຼວພາຍໃນສ້ຽວນາທີ”


ຢ່າງໃດກໍ່ຕາມ ລັດຖະບານວໍຊິງຕັນຍອມຮັບວ່າ ອາວຸດລ້ຳສະໄໜດັ່ງກ່າວຂອງຣັດເຊຍ ຊື່ງໃຊ້ສື່ວ່າ “ອາວອງກາຣດ” (Avengarde) ມີພັດທະນາການແບບກ້າວກະໂດດພາຍໃນໄລຍະເວລາພຽງ 3 ທົດສະຕະວັດນັບຕັ້ງແຕ່ລັດຖະບານມອສໂຄວລິເລີ່ມໂຄງການໃນສະໄໜສະຫະພາບໂຊຫວຽດ ໂດຍສາມາດເດີນທາ
ງໄດ້ໄວກວ່າສຽງເຖິງ 5 ເທົ່າ ແລະມີແນວໂນ້ມພ້ອມໃຊ້ງານແທ້ພາຍໃນປີ 2020 ຊື່ງຫາກເຖິງເວລານັ້ນອາເມລິກາບໍ່ສາມາດພັດທະນາລະບົບປ້ອງກັນທີ່ມີຂີດຄວາມສາມາດທັດທຽມໄດ້ ອາວຸດໂຕນີ້ຈະສາມາດໂຈມຕີເມລິກາໄດ້ຢ່າງບໍ່ຕ້ອງສົງໃສ

“ນັກບິນຈີນ” ລອດຕາຍວຸດວິດ ຫລັງປ່ອງຢ້ຽມເຮືອບິນຫຼຸດກາງເວຫາ

ສຳນັກຂ່າວຮອຍເຕີລາຍງານຈາກເມືອງຊຽງໄຮ້ ປະເທດຈີນເມື່ອວັນທີ່ 15 ພຶດສະພາວ່າ ທ່ານຫລິ່ວ ຊວນຈ້ຽນ ກັບຕັນທ່ຽວບິນ 3 ຢູ 8633 ສາຍການບິນເສສວນແອໄລສ ຊື່ງໄດ້ຮັບຍົກຍ້ອງໃຫ້ເປັນວິລະບູລຸດໃນໂລກອອນໄລສຂອງຈີນ ຫຼັງຈາກບັງຄັບເຄື່ອງບິນແອບັສ ເອ 319 ລົງຈອດສຸກເສີນ ເຜີຍຕໍ່ຜູ້ສື່ຂ່າວໜັງສືພິມເຊີງຕູ ອີໂຄໂນມິກ ເດລີ່ ວ່າ ເຄື່ອງບິນຂອງເຂົາຫາກໍ່ໄຕລະດັບຂື້ນສູ່ຄວາມສູງທີ່ 9753 ແມັດ ເມື່ອເກີດສຽງດັງສະນັ່ນຈົນຫູອື້ທະລຸຫ້ອງນັກບິນ ແລະຫຼັງຈາກນັ້ນຫ້ອງນັກບິນສູນເສຍແຮງດັນກະທັນຫັນ ແລະອຸນນະພູມລົດລົງ ເມື່ອເຂົາຫຼຽວເບີ່ງເຫັນປ່ອງຢ້ຽມເບື້ອງຂວາຫຼຸດຫາຍໄປ

ຫລິ່ວເຜີຍອີກວ່າ ເຫດການເກີດຂື້ນແບບກະທັນຫັນ ບໍ່ມີສັນຍານເຕືອນ ປ່ອງຢ້ຽມແຕກເຮັດໃຫ້ເກີດສຽງດັງສະນັ່ນ “ພຽງອຶດໃຈຕໍ່ມານັກບິນຜູ້ຊ່ວຍຂອງຂ້ອຍຖືກລົມດູດອອກໄປນອກເຄີ່ງໂຕແລ້ວ ທຸກຢ່າງໃນຫ້ອງປິວລອຍໃນອາກາດອຸປະກອນເກືອບທັງໜົດບໍ່ເຮັດວຽກ ແລະຂ້ອຍໄດ້ຍິນສຽງວິທະຍຸ ເຮືອບິນສັ່ນແຮງຫຼາຍຈົນຂ້ອຍບໍ່ສາມາດອ່ານເຄື່ອງວັດແທກຕ່າງໆໄດ້”

ນັກບິນຜູ້ຊ່ວຍຊື່ງຮັດເຂັມຂັດທີ່ນັ່ງຖືກດຶງກັບເຂົ້າມາ ແລະໄດ້ຮັບບາດເຈັບເລັກໜ້ອຍຈາກຮອຍຂູດຂີດ ແລະອາການຟົກຊ້ຳຢູ່ແອວ ແລະພະນັກງານຕ້ອນຮັບເທີງເຄື່ອງ 1 ຄົນໄດ້ຮັບບາດເຈັບເຊັ່ນກັນ ຈາກການຫຼົ່ນວູບຂອງເຮືອ ແຕ່ຜູ້ໂດຍສານທັງ 119 ຄົນບໍ່ມີຜູ້ໃດໄດ້ຮັບອັນຕະລາຍ ຖະແຫຼງການຂອງອົງການ ການບິນພົນເຮືອນຈີນ (ຊີເອເອຊີ) ກ່າວວ່າ ສຳນັກງານສອບສວນອຸບັດຕິເຫດ ບີອີເອ ຂອງຝຣັ່ງ ແລະບໍລິສັດແອບັສ ຈະສົ່ງຄະນະເຈົ້າໜ້າທີ່ເດີນທາງໄປຈີນ ເພື່ອກວດສອບເຫດການ

ຖ້ຽວບິນ 3 ຢູ 8633 ອອກເດີນທາງຈາກສະໜາມບິນໃນເທດສະບານນະຄອນສົງຊິ່ງ ທາງພາກກາງ ມຸ່ງໜ້າໄປສູ່ເມືອງລາຊາ ໃນເຂດປົກຄອງຕົນເອງທິເບດ ທາງພາກຕະເວັນຕົກ ລົງຈອດສຸກເສີນທີ່ສະໜາມບິນເມືອງເຊິງຕູ ໃນມົນທົນເສສວນ ຜູ້ໂດຍສານລາຍໜື່ງເຜີຍຕໍ່ສຳນັກຂ່າວຊີເອັນເອສຂອງທາງການຈີນ ຫຼັງເຮືອບິນລົງຈອດທີ່ເຊີງຕູວ່າ ແອຮອດສະເຕສກຳລັງໃຫ້ບໍລິການອາຫານເຊົ້າ ເມື່ອເຄື່ອງບິນເລີ່ມສັ່ນໄຫວ “ເຮົາບໍ່ຮູ້ວ່າເກີດຫັຍງຂື້ນ ທຸກຄົນແຕກຕື່ນຢ້ານ ຈາກນັ້ນສາຍໜ້າກາກອອກຊີເຈັນຫຼົ່ນລົງມາ ເຮືອບິນສູນເສຍລະດັບຫຼົ່ນວູບລົງຫຼາຍວິນາທີ ກ່ອນຈະຊົງໂຕໄດ້ອີກ”

ລາຍງານຂອງເຊີງຕູ ອີໂຄໂນມິກ ເດລີ່ ກ່າວວ່າ ປ່ອງຢ້ຽມຫ້ອງນັກບິນແຕກປະມານເຄີ່ງຊົ່ວໂມງຫຼັງບິນຂື້ນຈາກສະໜາມບິນສົງຊິ່ງ ສ່ວນອີກລາຍງານລະບຸວ່າ ເຮືອບິນລຳນີ້ມີຊົ່ວໂມງບິນ 19,912 ຊົ່ວໂມງ ນັບຕັ້ງແຕ່ເຂົ້າສູ່ບໍລິການຂອງເສສວນແອຣໄລສ ໃນເດືອນ ກໍລະກົດ 2012 ສ່ວນລາຍງານຂອງຊີເອເອຊີກ່າວວ່າ ປ່ອງຢ້ຽມບານທີ່ແຕກ ເປັນປ່ອງຢ້ຽມເດີມທີ່ຕິດມາກັບເຮືອບິນ

ຮາວາຍຍົກລະດັບເຕືອນໄພພູເຂົາໄຟຄິລາເວເປັນຂັ້ນສູງສຸດ

ສຳນັກຂ່າວຕ່າງປະເທດລາຍງານຈາກເມືອງໂຮໂນລູລູ ປະເທດອາເມລິກາເມື່ອວັນທີ່ 15 ພຶດສະພາວ່າ ສຳນັກງານສັງເກດການພູເຂົາໄຟຮາວາຍ ແລະສຳນັກງານປ້ອງກັນໄພພົນເຮືອນເຂດຮາວາຍອອກຖະແຫຼ່ງການເມື່ອວັນອັງຄານ ຍົກລະດັບການເຕືອນໄພສະຖານະການຂອງພູເຂົາໄຟຄິລາເວ ຈາກ “ສີສົ້ມ” ເປັນ “ສີແດງ” ຊື່ງເປັນລະດັບສູງສຸດ

ໂດຍເຕືອນດ້ວຍວ່າຄຸນະພາບອາກາດໃນເຂດລານີປູນາ ກາຣເດນ ແລະພື້ນທີ່ໃກ້ຄຽງລວມເຖິງເຂດປາລາຣາ ຊື່ງຢູ່ຫ່າງຈາກປາກປ່ອງພູເຂົາໄຟຄິລາເວພຽງ 29 ກິໂລແມັດ ຮ້າຍແຮງຈົນຢູ່ໃນລະດັບ ທີ່ບໍ່ສາມາດຫາຍໃຈໄດ້ ອັນເນື່ອງມາຈາກແກ໊ສພິດແລະເທົ້າຖ່ານຈາກພູເຂົາໄຟລອຍຂື້ນສູງຈາກປາກປ່ອງໄປໄກກວ່າ 3,600 ແມັດ


ດ້ານລາຍງານສຳນັກງານສຳລວດທໍລະນີວິທະຍາອາເມລິກາ (ຢູເອສຈີເອສ) ລະບຸວ່າການເຕືອນໄພທາງອາກາດລະດັບສີແດງໜາຍຄວາມວ່າກຸມຄວັນຈາກພູເຂົາໄຟຈະສົ່ງຜົນຕໍ່ເສັ້ນທາງສັນຈອນທາງອາກາດອີກ ຂະນະທີ່ມີການພົບຮອຍແຍກແລ້ວເກືອບ 20 ແຫ່ງຊື່ງຍັງຄົງມີລາວາໄຫຼທະລັກອອກມາຢ່າງຕໍ່ເນື່ອງ ສ້າງຄວາມເສຍຫາຍໃຫ້ກັບບ້ານເຮືອນແລະສິ່ງປຸກສ້າງແລ້ວເກືອບ 40 ແຫ່ງ ເຄາະດີທີ່ຍັງບໍ່ມີລາຍງານການເສຍຊີວິດ ແລະຜູ້ໄດ້ຮັບບາດເຈັບ


ທັງນີ້ ການທີ່ສະຖານະການປະທຸຂອງພູເຂົາໄຟຄິລາເວຍັງບໍ່ມີແນວໂນ້ມສະຫງົບລົງໂດຍງ່າຍ ສ້າງຄວາມວິຕົກກັງວົນໃຫ້ກັບຫຼາຍຝ່າຍອາດກາຍເປັນ ການລະເບີດຄັ້ງໃຫ່ຍ ດັ່ງເຊັ່ນທີ່ເຄີຍເກີດຂື້ນເມື່ອປີ 1924 ຊື່ງມີກຸ່ມຄວັນແລະເທົ້າຖ່ານລອຍຂື້ນສູ່ອາກາດສູງເຖິງ 6,100 ແມັດ ແລະພົ່ນເສດຫີນກະເດັນໄປໄກເກືອບ 20 ກິໂລແມັດ