ພິທີປະກາດ ເມືອງໄກສອນ ພົມວິຫານ ເປັນນະຄອນ ເລື່ອນມາເປັນວັນທີ 25 ພຶດສະພານີ້

ແຕ່ກ່ອນຄາດຄະເນວ່າຈະເອົາວັນທີ 1 ມີຖຸນາເປັນວັນປະກາດເປັນນະຄອນໄກສອນພົມວິຫານ, ແຕ່ຍ້ອນຄວາມຄາດເຄື່ອນບາງຢ່າງແລະການຕົກລົງເປັນເອກະພາບຂອງຄະນະກຳມະການຂັ້ນແຂວງ ແລະເມືອງໄກສອນພົມວິຫານ  ຈຶ່ງໄດ້ກຳນົດສະຖານທີ່, ວັນເວລາໃນການປະກາດນະຄອນໄກສອນພົມວິຫານຄືນໃໝ່.

ທ່ານບຸນຍູ້ ທຳມະວົງໄດ້ໃຫ້ສຳພາດແກ່ນັກຂ່າວພວກເຮົາໃນວັນທີ 15 ພຶດສະພາ 2018 ນີ້ວ່າ: ເນື່ອງຈາກມີບັນຫາບາງຢ່າງທີ່ຍັງບໍ່ທັນລົງໂຕໃນການກຳນົດມື້ ປະກາດເມືອງໄກສອນພົມວິຫານເປັນນະຄອນນະຄອນໄກສອນພົມວິຫານ, ເຊິ່ງແຕ່ກ່ອນຄາດວ່າຈະເອົາວັນທີ 1 ມີຖຸນາເຊິ່ງເປັນວັນເດັກນ້ອຍສາກົນ, ເປັນວັນປູກຕົ້ນໄມ້ແຫ່ງຊາດ. ໃນມື້ນັ້ນແມ່ນພົບກັບບັນຫາແລະຄວາມພ້ອມບໍ່ເຕັມທີ່ປານໃດ.

ດັ່ງນັ້ນອະນຸກຳມະການຂັ້ນແຂວງປະຊຸມຮ່ວມກັບອະນຸກຳມະການເມືອງໄກສອນພົມວິຫານໄດ້ຕົກລົງເປັນເອກະພາບເອົາວັນທີ 25 ພຶດສະພາ 2018 ເປັນມື້ປະກາດນະຄອນໄກສອນພົມວິຫານ, ສ່ວນສະຖານທີ່ແມ່ນຈະໄດ້ຈັດຂຶ້ນຢູ່ເດີ່ນ ສວນສຸຂະພາບທ່ານໝູຮັກພູມສະຫວັນ, ຈະຈັດຂຶ້ນໃນຕອນບ່າຍຂອງວັນດຽວກັນ. ໃນພິທີຄັ້ງນີ້ ຈະມີມວນຊົນເຂົ້າຮ່ວມປະມານ 4 ພັນກວ່າຄົນ, ລວມທັງແຂກພາຍໃນແລະຕ່າງປະເທດ.

ທ່ານບຸນຍູ້ ທຳມະວົງຍັງແຈ້ງໃຫ້ຮູ້ຕື່ມວ່າ: ໃນການປະກາດເປັນນະຄອນຄັ້ງນີ້, ໃນງານຈະມີການສະແດງສິລະປະຂອງບັນດານ້ອງນັກຮຽນຈາກພາກສ່ວນຕ່າງໆ, ຂະບວນຟ້ອນຂອງກຸ່ມບ້ານ, ການເປົ່າແຄນທີ່ເປັນມໍລະດົກຂອງລາວແລະກິດຈະກຳຫຼາກຫຼາຍ, ເຊິ່ງສະແດງໃຫ້ເຫັນເຖິງຄວາມຈະເລີນຮຸ່ງເຮືອງຂອງນະຄອນໄກສອນພົມວິຫານ, ຄວາມສາມັກຄີເປັນປຶກແຜ່ນຂອງເຜົ່າຕ່າງໆ, ຄວາມດຸໝັ່ນຂະຫຍັນພຽນຂອງຊາວນະຄອນໄກສອນພົມວິຫານແລະວິຖີດຳລົງຊີວິດຂອງພໍ່ແມ່ປະຊາຊົນໃນຍຸກປະຈຸບັນ.

ໂອກາດດັ່ງນີ້ ທ່ານເຈົ້າເມືອງກໍ່ຄືເຈົ້ານະຄອນໄກສອນພົມວິຫານກໍ່ໄດ້ຮຽກຮ້ອງມາຍັງ ການນຳພາກສ່ວນ, ຄະນະກຳມະການຈັດງານ, ອຳນາດການປົກຄອງທ້ອງຖິ່ນຕະຫຼອດຮອດພໍ່ແມ່ປະຊາຊົນຈົ່ງພ້ອມກັນເປັນເຈົ້າພາບຮ່ວມກັນເຂົ້າຮ່ວມງານຄັ້ງນີ້ຢ່າງພ້ອມໜ້າພ້ອມຕາແລະມີຄວາມເບີກບານມ່ວນຊື່ນໃນການກ້າວໄປສູ່ການເປັນນະຄອນໄກສອນພົມວິຫານຢ່າງເຕັມຮູບແບບ.

ແລ່ງທີ່ມາຈາກສະຫວັນພັດທະນາ

ພິທີ ເປີດງານສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະຫລອງແກ້ວຫລັກເມືອງ ຄົບຮອບ 10 ປີ

ພິທີ ເປີດງານ ສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະຫລອງແກ້ວຫລັກເມືອງ ຄົບຮອບ 10 ປີ ໄດ້ຈັດຂຶ້ນຢ່າງຍິ່ງໃຫຍ່ ແລະຄຶກຄື້ນ ໃນຕອນແລງຂອງວັນທີ 18/05/2018 ທີ່ເດີ່ນແກ້ວຫລັກເມືອງ ເມືອງຊຳເຫນືອແຂວງຫົວພັນ ໂດຍການເຂົ້າຮ່ວມ ຂອງທ່ານ ສອນໄຊ ສີພັນດອນ ກົມການເມືອງສູນກາງພັກ, ຮອງນາຍົກລັດຖະມົນຕີ, ທ່ານ ວັນໄຊ ແພງຊຸມມາ ເຈົ້າແຂວງໆ ຫົວພັນ, ມີການນຳພັກລັດ ຈາກສູນກາງ ແລະທ້ອງຖິ່ນ ພ້ອມດ້ວຍມວນຊົນ ຊາວແຂວງຫົວພັນເຂົ້າຮ່ວມເປັນຈຳນວນຫຼວງຫຼາຍ.


ທ່ານ ພູວັນ ເພັດມີໄຊ ຮອງຫົວໜ້າພະແນກ ຖະແຫລງຂ່າວ ວັດທະນະທຳ ແລະທ່ອງທ່ຽວແຂວງ ຫົວພັນ ຄະນະຮັບຜິດຊອບຈັດງານສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະຫລອງແກ້ວຫລັກເມືອງ ຄົບຮອບ 10 ປີ, ໄດ້ຂຶ້ນລາຍງານວ່າ: ພາຍຫລັງລັດຖະບານໄດ້ເປີດປີທ່ອງທ່ຽວລາວ 2018 ຂຶ້ນຢ່າງເປັນທາງການ ທີ່ນະຄອນຫລວງວຽງຈັນ, ບັນດາແຂວງຕ່າງໆ ກໍ່ໄດ້ສ້າງກິດຈະກຳ ທີ່ເປັນມູນເຊື້ອປະເພນີ ແລະປະດິດສ້າງໃໝ່ ເພື່ອດຶງດູດ ນັກທ່ອງທ່ຽວໃຫ້ເຂົ້າມາທ່ອງທ່ຽວໃນແຂວງຂອງຕົນໃຫ້ນັບມື້ນັບຫຼາຍຂຶ້ນ ສະເພາະແຂວງຫົວພັນ ໄດ້ສ້າງປະຕິທິນການທ່ອງທ່ຽວ ຂອງແຂວງ ໂດຍເລີ່ມແຕ່ເດືອນທັນວາ 2017 ຫາເດືອນທັນວາ 2018 ລວມມີ 19 ກິດຈະກຳ ເຊັ່ນ: ບຸນຊົນເຜົ່າຢູ່ເມືອງວຽງໄຊ, ບຸນກິນຈຽງຂອງຊົນເຜົ່າມົ້ງເມືອງຊຳເຫນືອ, ບຸນເກຼີ ແລະບຸນອື່ນໆ.


ສະເພາະງານສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະ ຫລອງແກ້ວຫລັກເມືອງ ຄົບຮອບ 10 ປີ ຄັ້ງນີ້ໄດ້ມີຫລາຍກິດຈະກຳ ຈັດຂຶ້ນເປັນຕົ້ນການຍ່າງມາລາທອນເພື່ອສຸຂະພາບ, ແຂ່ງຂັນລົດຖີບ ແລະກິລາພື້ນເມືອງ ຊີງຂັນປີທ່ອງທ່ຽວລາວ 2018, ຊົມການສະແດງສິລະປະວັນນະຄະດີ, ທ່ຽວຊົມຜາທີ, ແຫ່ກອງບຸນ ຕົ້ນກະລາພຶກ ແລະກິດຈະກຳອື່ນໆ.

ຂ່າວ,ພາບ: ໄພມະນີ ທຳມະວົງສາ

ລາຍການອາຫານຈານແຊບ ແລະ ທິມຂ່າວເລົ່າເລື່ອງເມືອງລາວບຸກບໍລິຈາກທີ່ບ້ານສັນແຟນ

ໃນຄັ້ງວັນທີ 18 ພຶດສະພາທີ່ຜ່ານມາ ທາງເຈົ້າຂອງລາຍການອາຫານຈານແຊບ ແລະ ທີມຂ່າວເລົ່າເລື່ອງເມືອງລາວພ້ອມດ້ວຍຊ່າງພາບຂາເລາະໄດ້ຕ່າງໜ້າບັນດາຜູ້ບໍລິຈາກເຄື່ອງນຸ່ງຫົ່ມ ແລະ ທຶນຮອນທີ່ໄດ້ຈາກຜູ້ໃຈບຸນເຊັ່ນ: ບໍລິສັດເຫຼັກຟູຊາ,ພະອາຈານສົມເພັດ ທັມມະວົງ,ທະນາຄານຫວຽດຕິນ-ບໍລິສັດ ສີສົມບັດ ສິນເຊື່ອ,ຜະລິດຕະພັນສະບູຫອຍຫອມ,ບໍລິສັດ ເບທາໂກ ແລະ ອີກຫຼາຍບໍລິສັດ ແລະ ຫຼາຍໆຄົນທີ່ຮ່ວມບໍລິຈາກໃນເທື່ອນີ້

ພາຍຫຼັງເດີ່ນທາງມາຮອດເມືອງຄຳທາງທີມງານກໍ່ໄດ້ເຂົ້າພົບທ່ານຮອງເຈົ້າເມືອງ ເພື່ອເກັບຂໍ້ມູນໃນການເດີ່ນທາງໄປບ້ານສັນແຟນ.

ທ່ານ ທົງສະຫວັດ ມະນີລາ ຫົວໜ້າ ປ.ກ.ສ ເມືອງຄຳໄດ້ບອກກັບທາງທິມງານວ່າ ການເດີ່ນທາງໄລຍະນີ້ຖືວ່າມີຄວາມສ່ຽງເພາະເປັນໄລຍະຝົນ ຕ້ອງເບິ່ງຕາມສະພາບອາກາດອີກເທື່ອຖ້າໂຊກດີຝົນບໍ່ຕົກກໍ່ເດີ່ນທາງໄດ້ ຖ້າໂຊກບໍ່ດີ ກໍ່ເດີ່ນທາງເຂົ້າໄປບໍ່ໄດ້ ເພາະສະພາບເສັ້ນທາງມີຄວາມຍຸ້ງຍາກພໍສົມຄວນ

ເຊົ້າມື້ຕໍ່ມາຖືວ່າໂຊກເຂົ້າຂ້າງທິມງານ ເພາະຝົນບໍ່ຕົກດັ່ງນັ້ນທາງທິມງານຈິ່ງຈັດກຽມອຸປະກອນສຳຫຼັບເດີ່ນທາງ ແຕ່ການເດີ່ນທາງນັ້ນຕ້ອງໃຊ້ລົດທີ່ມີ 4H ເທົ່ານັ້ນຈິ່ງຈະໄປໄດ້ ແລະ ແລ້ວໂຊກກໍ່ເຂົ້າຂ້າງອີກເທື່ອເມື່ອມີທິມງານສະມາຄົມ Off Road ນະຄອນຫຼວງວຽງຈັນມາສົມທົບ ແລະ ສະມາຄົມກູ້ໄພ ກາແດງ 1625 ອີກ.

ການບໍລິຈາກຮອບນີ້ຖືວ່າມີບັນຍາກາດຄຶກຄື້ນພໍສົມຄວາມເພາະມີຫລາຍໜ່ວຍງານມາຮ່ວມສົມທົບກັນ ແຕ່ການເດີ່ນທາງກໍ່ລຳບາດພໍສົມຄວນ ແຕ່ຈັງໃດທິມງານກໍສູ້ຊົນຈົນເຖິງເປົ້າໝາຍ

ນະທີ່ນີ້ ທິມງານພວກເຮົາຕ້ອງສະແດງຄວາມຂອບໃຈ ແລະ ຮູ້ບຸນຄຸນຕໍ່ນ້ຳໃຈທຸກທ່ານໃນການບໍລິຈາກຄັ້ງນີ້ ຂໍໃຫ້ທ່ານຈະເລີນຂື້ນໃນທຸກໜ້າທີ່ການງານ

ທ່ານຮອງເຈົ້າເມືອງໄດ້ກ່າວເພີ່ມຕື່ມວ່າວາລະຕໍ່ໄປແມ່ນຢາກສະເໜີຂໍການຊ່ວຍເຫຼື່ອເປັນອຸປະກອນການກໍ່ສ້າງເປັນສ່ວນໃຫຍ່ ເພາະຈະໄດ້ເລີ່ມປຸກສ້າງເຮືອນຊານທີ່ພັກເຊົ່າໃຫ້ປະຊາຊົນ ຈິ່ງວອນຂໍໃຫ້ສັງຄົມ ແລະ ຜູ້ໃຈບຸນສືບຕໍ່ບໍລິຈາກເພື່ອຊາວເມືອງຄຳ ກໍ່ຄືຊາວບ້ານສັນແຟນ.

ເດັກນ້ອຍຈົ່ມນໍ້າ ເສຍຊີວິດ 3ລາຍ (ຍີງ2 ຊາຍ1)

ສາຍເຫດຍ້ອນພາກັນລົງລິ້ນນ້ຳຕາມລຳພັງບໍ່ມີຜູ້ໃຫຍ່ໄປນຳ ເສຍຊີວິດ 3 ຄົນຍິງ2ຊາຍຜູ້ດຽວໄດ້ສົບແລ້ວສອງຄົນຍິງໝົດ. ເຫດການເກີດຢູ່ບ້ານທີ່ ເກິນກາງ ເມືອງທຸລະຄົມແຂວງວຽງຈັນ ພາບໂດຍ : ຈັນສະໝອນ ຊາມຸນຕີ

ພົບສົບເດັກນ້ອຍໄຫລນໍ້າມາທີ່ບ້ານໄຮ່ ປາກງື່ມ

ເດັກນ້ອຍ ອາຍຸ7ປີ ຈົມນໍ້າເຊີຍຊີວິດ ທີ່ບ້ານໂພນໄຮ່ຄໍາ ຕັ້ງໃນວັນທີ16/5/2018  ຜ່ານການຄົ້ນຫາມາ 2 ວັນ ຕອນນີ້ເຫັນສົບແລ້ວ
ເຫັນສົບໃນວັນທີ18/5/2018 ເວລາ06:00ໂມງຕອນເຊົ້າທີ່ບ້ານໄຮ່ ດັ່ງນັ້ນພວກເຮົາມູນນິທິພັດທະນາຜາສຸກຈື່ງນໍາສົບນ້ອງມາເຮັດພິທີຕາມສາດສະໜາທີ່ວັດໂພນໄຮຄໍາເມືອງໄຊຖານີນະຄອນຫຼວງວຽງຈັນ

ກູ້ໄພ ມູນນິທິພັດທະນາຜາສຸກ
ຍີນດີຮັບໄຊ້ສັງຄົມ 24ຊົ່ວໂມງ 02022775959

ທ່ານ ປອ ບຸນທອງ ຈິດມະນີ ກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວລົງຢຽມຢາມເຮັດວຽກຢູແຂວງບໍ່ແກ້ວ ໃນທີ 16 ພຶດສະພາ 2018

ທ່ານ ປອ ບຸນທອງ ຈິດມະນີ ກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວ ປະທານກວດກາພັກ – ລັດສູນກາງພັກ ພ້ອມດ້ວຍພັນລະຍາ, ທ່ານ ສົມສະຫວາດ ເລັ່ງສະຫວັດ ອາດີດກົມການເມືອງສູນກາງພັກ ອາດີດຮອງນາຍົກລັດຖະມົນຕີ, ທ່ານຄຳໝັ້ນ ສູນວີເລີດ ກຳມະການກົມການເມືອງສູນກາງພັກ ລັດຖະມົນຕີກະຊວງພາຍໃນ ລົງຢຽມຢາມເຮັດວຽກຢູແຂວງບໍ່ແກ້ວ ໃນທີ 16 ພຶດສະພາ 2018 ນີ້ໂດຍກ່າວຕອບຮັບຢ່າງອົບອຸ່ນຂອງ ທ່ານ ປອ ຄຳພັນ ເຜີຍຍະວົງ ການມະການກົມການເມືອງສູນກາງພັກ ເລຂາຄະນະບໍລິຫານງານແຂວງບໍ່ແກ້ວ ພ້ອມດ້ວຍຄະນະ ຈຸດປະສົງແມ່ນເພື່ອເຂົ້າຮ່ວມງານພິທີ ວາງສີລະລຶກ ການກໍ່ສ້າງໂຄງການພຣະເຈົ້າໃຫຍ່ພຣະພຸດທະຣັດຕະນາບາຣະມີສຣິບໍ່ແກ້ວ ປະດິດສັນຖານຢູ່ພູໄຊຫົວຂອງບສຣະມີ ( ພູ 106 ) ເມືອຫ້ວຍຊາຍ ແຂວງບໍ່ແກ້ວ.

Cr : Bokeo Medail Laos

ທ່ານ ປອ ບຸນທອງ ຈິດມະນີ ກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວ

ທ່ານ ປອ ບຸນທອງ ຈິດມະນີ ກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວ ປະທານກວດກາພັກ – ລັດສູນກາງພັກ ພ້ອມດ້ວຍພັນລະຍາ, ທ່ານ ສົມສະຫວາດ ເລັ່ງສະຫວັດ ອາດີດກົມການເມືອງສູນກາງພັກ ອາດີດຮອງນາຍົກລັດຖະມົນຕີ, ທ່ານຄຳໝັ້ນ ສູນວີເລີດ ກຳມະການກົມການເມືອງສູນກາງພັກ ລັດຖະມົນຕີກະຊວງພາຍໃນ ລົງຢຽມຢາມເຮັດວຽກຢູແຂວງບໍ່ແກ້ວ ໃນທີ 16 ພຶດສະພາ 2018 ນີ້ໂດຍກ່າວຕອບຮັບຢ່າງອົບອຸ່ນຂອງ ທ່ານ ປອ ຄຳພັນ ເຜີຍຍະວົງ ການມະການກົມການເມືອງສູນກາງພັກ ເລຂາຄະນະບໍລິຫານງານແຂວງບໍ່ແກ້ວ ພ້ອມດ້ວຍຄະນະ ຈຸດປະສົງແມ່ນເພື່ອເຂົ້າຮ່ວມງານພິທີ ວາງສີລະລຶກ ການກໍ່ສ້າງໂຄງການພຣະເຈົ້າໃຫຍ່ພຣະພຸດທະຣັດຕະນາບາຣະມີສຣິບໍ່ແກ້ວ ປະດິດສັນຖານຢູ່ພູໄຊຫົວຂອງບສຣະມີ ( ພູ 106 ) ເມືອຫ້ວຍຊາຍ ແຂວງບໍ່ແກ້ວ.

Cr : Bokeo Medail Laos

ພິທີທຳລາຍທາດລະເບີດ, ອາວຸດເຖື່ອນ, ສິນຄ້າໝົດອາຍຸ ແລະ ລອກຮຽນແບບ ທີ່ ເມືອງ ພູກູດ, ແຂວງ ຊຽງຂວາງ, ໃນວັນທີ 17 ພຶສະພາ 2018

ພິທີທຳລາຍທາດລະເບີດ, ອາວຸດເຖື່ອນ, ສິນຄ້າໝົດອາຍຸ ແລະ ລອກຮຽນແບບ ທີ່ ເມືອງ ພູກູດ, ແຂວງ ຊຽງຂວາງ, ໃນວັນທີ 17 ພຶສະພາ 2018
Cr: Phouphar Ctvs

ເກີດເຫດການລົມພາຍຸພັດແຮງມື້ຄືນ ( 16/05/2018 ) ເຂດໂພນຫມີ – ນາທອງ ຈົນເຮັດໃຫ້ບ້ານເຮືອນເກີດຄວາມເສຍຫາຍຢ່າງຫນັກ .

ເກີດເຫດການລົມພາຍຸພັດແຮງມື້ຄືນ ( 16/05/2018 ) ເຂດໂພນຫມີ – ນາທອງ ຈົນເຮັດໃຫ້ບ້ານເຮືອນເກີດຄວາມເສຍຫາຍຢ່າງຫນັກ
.


#ລ່າສຸດ ຮ້ານດາດໂລ ບ້ານນາທອງ ເມືອງໂພນໂຮງ ຫລັງຄາຮ້ານຫັກຍຸບລົງມາ ( ສະພາບຕາມຮູບ ) ສາເຫດຈາກຟ້າລົມມື້ຄືນ, ໂຊກດີທີ່ບໍ່ມີຜູ້ໄດ້ຮັບບາດເຈັບ