ກອງຄຸ້ມຄອງພາສີ II ປະຕິບັດລາຍຮັບໄດ້ແລ້ວກວ່າ 11,7 ຕື້ກີບ

ນັບແຕ່ວັນທີ 1 ມັງກອນ-ວັນທີ 30 ເມສາ 2018 ກອງຄຸ້ມຄອງພາສີ II ແຂວງອຸດົມໄຊ ແລະ ແຂວງຜົ້ງສາລີ ສາມາດ ຈັດເກັບລາຍຮັບເຂົ້າງົບປະມານໄດ້ທັງໝົດ 11,7 ຕື້ກວ່າກີບ, ເທົ່າກັບ 29,70% ຂອງແຜນການປີ. ໃນນັ້ນ, ດ່ານພາສີທ້ອງຖິ່ນພູຫລັກຄຳ ປະຕິບັດລາຍຮັບໄດ້ເດັ່ນກວ່າໝູ່, ຮອງລົງມາແມ່ນດ່ານພາສີສາກົນປາງຫົກ,​ ດ່ານພາສີທ້ອງຖິ່ນປ່າຄາ, ກອງກວດກາພາສີ ປະຈຳແຂວງອຸດົມໄຊ ແລະ ດ່ານພາສີສາກົນລານຕູ້ຍ ແຂວງຜົ້ງສາລີ.

ທ່ານ ບຸນເພັງ ສຸພັດທອນ ຫົວໜ້າກອງຄຸ້ມຄອງພາສີ  ໄດ້ໃຫ້ສໍາພາດເມື່ອບໍ່ນານມານີ້ວ່າ: ກອງຄຸ້ມຄອງພາສີ II ຂຶ້ນກັບກົມພາສີກະ ຊວງການເງິນ ຊີ້ນຳເພື່ອປະຕິບັດໜ້າທີ່ປະສານສົມທົບກັບອົງການປົກຄອງທ້ອງຖິ່ນ, ອຳນວຍຄວາມສະດວກໃນການສົ່ງອອກ-ນຳເຂົ້າສິນຄ້າ, ເຄື່ອງຂອງຜ່ານດ່ານພາສີຊາຍແດນ, ຄຸ້ມຄອງການນຳເຂົ້າສິນຄ້າ, ເຄື່ອງຂອງທີ່ໄດ້ຮັບນະໂຍບາຍ ສົ່ງເສີມການລົງທຶນໃນຂັ້ນທ້ອງຖິ່ນ, ຕ້ານ ແລະ ສະກັດກັ້ນການລັກ ລອບສິນຄ້າໜີພາສີທຸກຮູບແບບ ແລະ ເພື່ອເຮັດສຳເລັດໜ້າທີ່ດັ່ງກ່າວໃນຜ່ານມາກໍໄດ້ໄດ້ເອົາໃຈໃສ່ ສຶກສາອົບຮົມການເມືອງແນວຄິດ ໃຫ້ຄະນະດ່ານ, ພະນັກງານພາສີຊາຍແດນ, ກອງກວດກາພາສີໃຫ້ເຂົ້າໃຈ, ແລະ ກຳແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມີຄວາມສາມັກຄີເປັນເອກະພາບ, ເຮັດວຽກແບບລວມສູນປະຊາທິປະໄຕເປັນໝູຄະນະ ແລະ ແບ່ງຄວາມຮັບຜິດຊອບໃຫ້ລະອຽດ, ມີແບບແຜນວີທີເຮັດວຽກ, ແບບແຜນການນຳພາທີ່ດີ, ໄດ້ເອົາໃຈໃສ່ຜັນຂະຫຍາຍລະບຽບກົດໝາຍ, ມະຕິ, ຄຳສັ່ງຂອງຂັ້ນເທິງ ກ່ຽວກັບວິຊາສະເພາະໃຫ້ພະນັກງານ ແລະ ບັນດານັກທຸລະກິດເຂົ້າໃຈຢ່າງຈະແຈ້ງ ເຮັດໃຫ້ການຈັດເກັບລາຍຮັບເຂົ້າງົບປະມານແຫ່ງລັດປີ 2018 ໄດ້ຕາມລະດັບຄາດໝາຍຄື : ດ່ານພາສີທ້ອງຖິ່ນພູຫລັກຄໍາ ປະຕິບັດລາຍຮັບໄດ້ 4,1 ຕື້ກວ່າກີບ ເທົ່າກັບ 32,47% ຂອງແຜນການປີ, ດ່ານພາສີສາກົນປາງຫົກ 3 ຕື້ກີບ, ເທົ່າກັບ 26,65% ຂອງແຜນການປີ, ດ່ານພາສີທ້ອງຖິ່ນປ່າຄາ 2,8 ຕື້ກວ່າກີບ, ເທົ່າກັບ 28,21% ຂອງແຜນການປີ, ກອງກວດກາພາສີ ປະຈຳແຂວງອຸດົມໄຊ 1,1 ຕື້ກວ່າກີບ, ເທົ່າກັບ 60,92% ຂອງແຜນການປີ, ດ່ານພາສີສາກົນລານຕູ້ຍ 671 ລ້ານກວ່າກີບ, ເທົ່າກັບ 43,97% ຂອງແຜນການປີ,​ ຊຶ່ງລາຍຮັບສ່ວນໃຫຍ່ ໄດ້ມາຈາກການນໍາເຂົ້າສິນຄ້າປະເພດເຄື່ອງອຸປະໂພກ-ບໍລິໂພກ ກວມເອົາ 42%, ເຄື່ອງກໍ່ສ້າງ 26%, ຄ່າຊັກພິເສດ 13%, ເຄື່ອງໄຟຟ້າ 11%, ຄ່າທໍານຽມ 7%, ຄ່າປັບໃໝ່-ຂາຍເຄື່ອງຮີບ 1%, ຂະນະທີ່ການນຳເຂົ້າ-ສົ່ງອອກ ທີ່ຍົກເວັ້ນພາສີ-ອາກອນ ຕາມນະໂຍບາຍສົ່ງເສີມການລົງທຶນ ມີມູນຄ່າລວມຍອດທັງໝົດສູງເຖິງ 50 ຕື້ກວ່າກີບ, ໃນນີ້ມີການສົ່ງອອກເຄື່ອງເຟີນີເຈີສຳເລັດຮູບ,​ ການສົ່ງອອກຜົນຜະລິດກະສິກໍາ ເຊັ່ນ: ຢາງພາລາ, ໃບຊາແຫ້ງ, ກ້ວຍ, ອ້ອຍ, ໝາກເພັດ, ໝາກເດືອຍ ແລະ ໝາກຖົ່ວ, ຊຶ່ງມີມູນຄ່າສູງເຖິງ 20,2 ຕື້ກວ່າກີບ, ສ່ວນການນຳເຂົ້າເຄື່ອງກໍ່ສ້າງໂຄງການໄຟຟ້ານ້ຳອູ 7, ໂຄງ ການໄຟຟ້ານ້ຳອູ 4 ແລະ ການລົງທຶນອື່ນໆ ຢູ່ຂັ້ນແຂວງມູນຄ່າ 30 ຕື້ກວ່າກີບ.

ເພື່ອບັນລຸເປົ້າໝາຍແຜນການຂອງກອງຄຸ້ມຄອງພາສີ II ວາງໄວ້ໃນປີ 2018 ຕ້ອງເກັບລາຍຮັບເຂົ້າງົບປະມານແຫ່ງລັດ ຈໍານວນ 39,7 ຕື້ກວ່າກີບ ຫລື ລື່ນແຜນການປີ, ຈະຕ້ອງໄດ້ເພີ່ມທະວີຊີ້ນຳ-ນຳພາວຽກງານການເມືອງແນວຄິດ, ​ເອົາໃຈໃສ່ປັບປຸງກົນໄກວຽກງານຕ້ານ ແລະ ສະກັດກັ້ນລັກລອບໜີພາສີ, ເຂັ້ມງວດປະຕິບັດຄຳສັ່ງເລກທີ 15/ນຍ, ເພີ່ມທະວີການກວດກາ-ການ ຈັດຕັ້ງປະຕິບັດວຽກງານພາສີໃນກອງ, ເອົາໃຈໃສ່ສ້າງກົນໄກການຄຸ້ມຄອງ ການນຳເຂົ້າພາຫານະ, ຢ້ຽມຢາມທ່ອງທ່ຽວ, ສືບຕໍ່ປະສານສົມທົບກັບອົງການປົກຄອງທ້ອງຖິ່ນ, ເອົາໃຈໃສ່ກວດກາສິນຄ້າຢູ່ດ່ານພາສີຊາຍແດນໃຫ້ມີຄວາມເຂັ້ມງວດ, ໃຫ້ຖືຕ້ອງ ເພື່ອເປັນຂໍ້ມູນໃນການຈັດເກັບລາຍຮັບເປັນຕົ້ນ: ຊະນິດສິນຄ້າ, ຈຳນວນ, ລະຫັດ, ແຫລ່ງກຳເນີດ ແລະ ອື່ນໆ.

ຂອບໃຈຂໍ້ມູນ: ນສພ ລາວພັດທະນາ

ພິທີອະຣາດທະນາອັງເຊີນພຣະເຈົ້າໝ່ານ ລົງຫົດສົງ ້ລີ່ມແຕ່ວັນທີ່ 23-28 ເມສາ ປີ 2018

ຕອນເຊົ້າວັນທີ່ 23 ເມສາ ປີ 2018 ທີ່ວັດຊຽງທອງ ນະຄອນຫລວງພຣະບາງ ໄດ້ມີພິທີອະຣາດທະນາອັງເຊີນພຣະເຈົ້າໝ່ານ ທີ່ວັດຊຽງທອງລົງແຫ່ອ້ອມສິມແລະປະດິດສະຖານທີ່ຜາມຫໍສົງນ້ຳຫນ້າສິມວັດຊຽງທອງ ເຊິ່ງຈະເລິ່ມສົງແຕ່ວັນທີ່ 23-28 ເມສາ 2018 ນີ້ ນອກນັ້ນບັນດາວັດຕ່າງໆ ໃນເຂດຊຽງທອງ ຕັ້ງແຕ່ ວັດຈູມຄ້ອງ, ຊຽງມ່ວນ, ປ່າໄຜ່, ສີພຸດທະບາດ, ວັດໜອງ, ວັດແສນ, ວັດສົບ, ສຼີມຸງຄຸນ, ສຼີບຸນເຮືອງ, ຄີລີ, ປາກຄານ ກໍ່ຍັງບໍ່ທັນໄດ້ອະຣາດທະນາພຣະພຸທທະຮູບທີເອົາລົງແຕ່ຕອນບຸນປີໃຫມ່ຂຶ້ນເທື່ອ ລໍຖ້າອະຣາດທະນາຂຶ້ນພ້ອມກັບພຣະເຈົ້າໝ່ານຂອງວັດຊຽງທອງພ້ອມດຽວກັນ ເຊິ່ງເປັນກາຣະໂອກາດອັນດີ ທີ່ຈະເຮັດໃຫ້ຜູ້ຄົນໄດ້ມາສົງນ້ຳພຣະພຸທທະຮູບຕາມວັດຕ່າງໆເຂດຫົວເມືອງຊຽງທອງໄດ້ມີຫລາຍໆ ລໍຖ້າມາສົງນ້ຳຢູ່.

ຮ່ວມບູຊາເພື່ອຫາທືນສົມທົບການສ້າງຫໍໄຕວັດຜາໂອທີ່ ນະຄອນຫຼວງພຣະບາງ ທ່ານສາມາດບູຊາໄດ້ທີ່ ວັດຊຽງທອງ ໄລຍະການ ຫົດສົງພຣະໝ່ານ 23-28 ເມສາ 2018, ແລະ ທ່ານສາມາດບູຊາຫຼຽນພຣະໝ່ານ ເນື້ອເງີນ ແລະ ທອງ.

ສາມາດຕິດຕໍ່ ທ່ານດາວ ເບີ 02098175999

ນັກທ່ອງທ່ຽວຂ້ອງໃຈ ເກັບຄ່າຂົວຂ້າມນໍ້າຊອງວັງວຽງແພງໂພດແພງເຫລືອເກັບ ແພງກ່ວາຂົວຂ້າມນໍ້າຂອງ

ຂໍ້ຄວາມຈາກໄກ້ນຳທ່ຽວ: ຊ່ວຍແຈ້ງຂ່າວປະຊາຊົນມີຄວາມເດືອດຮ້ອນເລື້ອງຄ່າຜ່ານຂົວວັງວຽງເກັບແພງຈົນເກີນໄປນັກຮຽນ,ພໍ່ແມ່ປະຊາຊົນແລະນັກທ່ອງທ່ຽວກະເຈີກັບບັນຫານີ້ ແລະມີການວິພາກວິຈານລັດຖະບານວ່າ ເປັນຫຍັງຄືນິ່ງເສີຍກັບບັນຫານີ້ທັ້ງໆທີ່ເປັນບ່ອນຊຸມຊົນຄົນຫລາຍ ແລະນັກທ່ອງທ່ຽວພາຍໃນແລະພາຍນອກກະຫລາຍ

ຂ້າພະເຈົ້າຕົວແທນປະຊາຊົນໄດ້ເຂົ້າໄປພົບປະກັບຊາວບ້ານເຂດນັ້ນຈຶ່ງໄດ້ຮູ້ວ່າພວກເຄົາມີຄວາມເດືອດຮ້ອນແລ້ວນ້ອງໆນັກຮຽນແລະແມ້ແຕ່ນາຍບ້ານກະຕ້ອງໄດ້ເສຍຄ່າຜ່ານຂົ່ວເທົ່າກັບນັກທ່ອງທ່ຽວ ແລະຕົວຂ້າພະເຈົ້າກະເຈີມາແລ້ວໃນວັນເສົາໃກ້ນີ້ ຂ້າພະເຈົ້າຫາທີ່ພັກບໍ່ມີເລີຍຂ້າມຂົ່ວໄປຫາທີ່ພັກໄປໆມາໆ4ເທື່ອເສຍເງິນໄປ80.000ກີບ ຖ້າຈ່າຍຄ່າບ້ານພັກກະໄປແລ້ວຫ້ອງຫນຶ່ງແລະຕາມທີ່ຂ້າພະເຈົ້າເຫັນກະຄືຄົນຕ່າງຊາດຍ່າງຂ້າມຂົວກະເອີ້ນມາເສຍເງິນຈຶ່ງຂ້າມໄດ້

ຂ້າພະເຈົ້າເຫັນແລ້ວອາຍແທນຄົນລາວ ເພີ່ນສິວ່າຂ້າມຂົວສໍ່ານີ້ກະເສຍເງິນ ປະເທດເຮົາທຸກປານນັ້ນພຸ້ນບໍ່ ບ້ານເມືອງອື່ນເຂົາບໍ່ມີດອກ ແບບນີ້ ດັງນັ້ນຂ້າພະເຈົ້າຈຶ່ງແຈ້ງບັນຫາໂດຍຜ່ານໂທລະໂຄ່ງ ໃຫ້ໄປເຖິ່ງທ່ານນາຍຍົກ ທອງລຸນ ສີສຸລິດ ຜູ້ທີ່ເປັນມິ່ງຂວັນຂອງປວງຊົນລາວທຸກຄົນຂໍໃຫ້ທ່ານແກ້ໄຂ້ປັນຫານີ້ດ້ວຍ ຖ້າສັ່ງໂຈະບໍ່ໄດ້ກະຂໍເກັບຖືກລົງກ່ອນນີ້ດ້ວຍ

ຂໍຂອບໃຈທຸກໆທ່ານທີ່ອ່ານຂໍ້ຄວາມນີ້🙏🏻🙏🏻🙏🏻 ປີໃຫ່ມຂໍໃຫ້ທຸກທ່ານຈົງມີສຸກຂະພາບແຂງແຮງ ມັງມີສີສຸກດ້ວຍເທີນ🙏🏻🙏🏻🙏🏻

ຝາກກົດໄລ່ກົດແຊ່ ແດ່ເດີບາງທີ່ຊິຮອດເພີນຜູ້ຊ່ວຍໄດ້🙏🏻

ຕັດສິນອຳນວຍການບໍລິສັດ 12 ຄົນ ຖານສໍ້ໂກງຊັບຂອງລັດ ພ້ອມທັງໃຊ້ແທນຄ່າເສຍຫາຍ

ປັດຈຸບັນ, ການສໍ້ໂກງສັບຂອງລັດ ແລະ ພົນລະເມືອງ ແມ່ນມີຫຼາຍຮູບແບບ, ຫຼາຍວິທີການ ໄດ້ສ້າງຄວາມເສຍ ຫາຍ ແລະ ເສື່ອມເສຍໃຫ້ກັບຊັບສິນຂອງລັດ ແລະ ຂອງປະຊາຊົນ ທັງເປັນການກົດໜ່ວງຖ່ວງດຶງການພັດທະ ນາເສດຖະກິດ, ວັດທະນະທຳສັງຄົມ ກໍຄືປະເທດຊາດ ເພື່ອຜົນປະໂຫຍດສ່ວນຕົວ; ໜຶ່ງໃນວິທີການສໍ້ໂກງໃນຄັ້ງນີ້ ແມ່ນຢູ່ແຂວງອຸດົມໄຊ ໂດຍພວກເຂົາແອບແຝງມາໃນຮູບການສ້າງຕັ້ງບໍລິລິສັດ ແລ້ວປະມູນບັນດາໂຄງການໃດ ໜຶ່ງຂອງລັດ ໂດຍບໍລິສັດມີນະໂຍບາຍສ່ວນຫຼຸດ 30%, 70% ໝາຍຄວາມວ່າ ບໍລິສັດອອກ 30% ພາກລັດອອກ 70% ພາຍຫຼັງໄດ້ເງິນແລ້ວກໍມິດງຽບຫາຍເລີຍ. ຜ່ານການກວດກາຕົວຈິງ, ເຊິ່ງມີບໍລິສັດທີ່ພົວພັນກັນທັງໝົດ 12 ບໍລິສັດ ໂດຍມີຈໍາເລີຍ 13 ຄົນ.


ແຕ່ຢ່າງໃດກໍຕາມ, ຜູ້ກະທໍາຜິດໃນສະຖານດັ່ງກ່າວບໍ່ສາມາດໜີໂທດກໍາຂອງຕົນເອງໄດ້, ສຸດທ້າຍກໍຖືກເຈົ້າໜ້າທີ່ ກໍໄດ້ຈັບຕົວມາດໍາເນີນຄະດີ ແລະ ກ້າວໄປສູ່ການພິຈາລະນາລົງໂທດຂອງສານຕາມກົດໝາຍ. ຫຼ້າສຸດ ໃນວັນທີ 11 ເມສາ 2018, ຄະນະສານອາຍາ ສານປະຊາຊົນຂັ້ນຕົ້ນແຂວງອຸດົມໄຊ ເປີດຫ້ອງປະຊຸມສານ ເພື່ອນຳຄໍາສັ່ງຟ້ອງ ຂອງໄອຍະການປະຊາຊົນແຂວງທີ່ມີ 12 ບໍລິສັດ, ເປັນໂຄງການ 30%, 70% ໂດຍມີຈໍາເລີຍທັງໝົດ 13 ຄົນ ຍິງ 2 ຄົນ ໃນຂໍ້ຫາສໍ້ໂກງຊັບຂອງລັດ, ພະຍາຍາມສໍ້ໂກງຊັບຂອງລັດ, ການໃຫ້ສິນບົນ, ປອມແປງເອກະສານ ແລະ ນຳ ໃຊ້ເອກະສານປອມທີ່ສ້າງຄວາມເສຍຫາຍຫຼາຍຕື້ກີບ ໃຫ້ກັບແຂວງຂຶ້ນໄຕ່ສວນໃນຫ້ອງປະຊຸມສານ ເພື່ອພິຈາລະນາ ຕັດ ສິນຕາມລະບຽບກົດໝາຍ.

ໃນທີ່ປະຊຸມສານ, ອົງການໄອຍະການປະຊາຊົນຖະແຫຼງວ່າ: ຈຳເລີຍໃນຄະດີດັ່ງກ່າວຈຳນວນ 13 ຄົນ ຊື່ ທ້າວ ນະ ຄອນໄຊ ອາຍຸ 39 ປີ, ທ້າວ ພິມພອນ ອາຍຸ 57 ປີທັງສອງຢູ່ບ້ານນາໝີ, ທ້າວ ບຸນກ້ອນ ອາຍຸ 44 ປີ, ນາງ ອຳ ໄພວັນ ອາຍຸ 38 ປີ, ທ້າວ ຄຳຫຼ້າ ອາຍຸ 52 ປີ ທັງສາມຢູ່ບ້ານໜອງແມງດາ, ນາງ ສົມ ອາຍຸ 57 ປີ ຢູ່ບ້ານຫຼັກ 4, ທ້າວ ສີວິໄລ ອາ ຍຸ 35 ປີ ຢູ່ບ້ານນາເລົາ, ທ້າວ ຄຳລອດ ອາຍຸ 47 ປີ ຢູ່ບ້ານປ່າສັກ, ທ້າວ ຄຳກອງ ອາຍຸ 38 ປີ ຢູ່ບ້ານເຈງ, ທ້າວ ບຸນຖົມ ອາຍຸ 46 ປີ ຢູ່ບ້ານວຽງສາ, ທ້າວ ສອນ ໄລ ອາຍຸ 43 ປີ ຢູ່ບ້ານນາຫວານນ້ອຍ, ທ້າວ ໂກ້ ອາຍຸ 51 ປີ ຢູ່ບ້ານມອນໃຕ້ ທັງໝົດນີ້ຂຶ້ນກັບເມືອງໄຊ ແຂວງອຸດົມໄຊ ແລະ ທ້າວ ພອນໄຊ ອາຍຸ 49 ປີ ຢູ່ບ້ານ ປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ ທີ່ພວກກ່ຽວຖືກກ່າວຫາວ່າສໍ້ໂກ້ງຊັບຂອງລັດ, ການພະຍາ ຍາມສໍ້ໂກ້ງຊັບພົນລະເມືອງ, ການໃຫ້ສິນບົນ, ປອມແປງເອກະສານ ແລະ ນຳໃຊ້ເອກະສານປອມທີ່ໄດ້ກະທຳຜິດຕໍ່ ກົດໝາຍອາຍາທີ່ມີໜ້າທີ່ປົກປັກຮັກສາລະບອບການເມືອງ, ເສດຖະກິດ ແລະ ສັງຄົມຂອງສາທາລະນະລັດ ປະຊາທິ ປະໄຕ ປະຊາຊົນລາວ, ກຳມະສິດຂອງລັດ, ຂອງລວມໝູ່ ແລະ ຂອງບຸກຄົນ, ຊີວິດ, ສຸຂະພາບ, ສິດ ແລະ ເສລີ ພາບຂອງພົນລະເມືອງ, ຄວາມສະຫງົບຂອງຊາດ ແລະ ຄວາມເປັນລະບຽບຮຽບຮ້ອຍຂອງສັງຄົມ, ຕ້ານ ແລະ ສະ ກັດກັນການກະ ທຳຜິດ ແລະ ສຶກສາອົບຮົມພົນ ລະເມືອງທຸກຄົນໃຫ້ມີຄວາມຕື່ນ ຕົວເຄົາລົບກົດໝາຍ, ຜ່ານ ການ ຄົ້ນຄວ້າບັນດາຂໍ້ມູນ ແລະ ຫຼັກ ຖານຂອງຄະນະສານອາຍາເຫັນ ວ່າ: ພວກຈໍາເລີຍໄດ້ສໍ້ໂກ້ງຊັບຂອງລັດແທ້ ຕາມທີ່ອົງການໄອຍະການປະຊາຊົນໄດ້ຖະແຫຼງ; ສະນັ້ນ, ຄະນະສານອາຍາ ສານປະຊາຊົນຂັ້ນຕົ້ນ ແຂວງອຸດົມໄຊ ເຫັນຄວນຕັດອິດສະຫຼະພາບພວກຈຳເລີຍ ດັ່ງນີ້: ຕັດອິດສະຫຼະພາບຈຳເລີຍ 1, ທ້າວ ນະຄອນໄຊ ອໍານວຍການ ບໍລິສັດ ນະຄອນໄຊ ກໍ່ສ້າງ ຈໍາ ຄຸກ 3 ປີ ກັບ 9 ເດືອນ, ປັບໃໝ 6.900.000 ກີບ ພ້ອມທັງໃຊ້ແທນເງິນຄືນ ຈຳນວນ 22.530. 846.000 ກີບ ໃຫ້ແກ່ລັດ; ຕັດອິດສະຫຼະພາບ ທ້າວ ບຸນກ້ອນ ອຳນວຍການບໍລິສັດ ເອລີ້ ສຳຫຼວດ ອອກແບບກໍ່ສ້າງ ( ຈຳເລີຍ 2 ) 1 ປີ ກັບ 9 ເດືອນ, ປັບໃໝ 170. 936.000 ກີບ ແລະ ໃຊ້ແທນຄ່າ ເງິນໃຫ້ກັບລັດ 26.923.000 ກີບ; ຈຳເລີຍ 3 ນາງ ອຳໄພວັນ ອຳນວຍການບໍລິສັດ ເອລີ້ໄຊອັນ ວິຊາວະກຳກໍ່ສ້າງ ຕັດອິດສະຫຼະພາບ 9 ເດືອນ ປັບໃໝ 400.000 ກີບ ໃຊ້ແທນເງິນຈໍານວນ 26.923. 000 ກີບ ໃຫ້ແກ່ລັດ; ຕັດ ອິດສະຫຼະພາບ ນາງ ສົມ ຈຳເລີຍ 4 ອໍາ ນວຍການບໍລິສັດ ສຸລິຍົງ ກໍ່ສ້າງ 2 ປີ 9 ເດືອນ, ປັບໃໝ 534. 804.218 ກີບ ໃຊ້ແທນເງິນໃຫ້ລັດຈໍານວນ 161.538.000 ກີບ, ທ້າວ ພິມພອນ ອຳນວຍການ ບໍລິສັດ ພັດທະນາກໍ່ສ້າງ (ຈຳເລີຍ 5) ສານໄດ້ຕັດຕັດອິດສະຫຼະພາບ 1 ປີ 3 ເດືອນ, ປັບໃໝ 3.400. 000 ກີບ ທົດແທນເງິນຈຳນວນ 26.923.000 ກີບ ຄືນໃຫ້ແກ່ລັດ

ຈຳເລີຍ 6 ທ້າວ ສີວິໄລ ອໍານວຍການບໍລິສັດ ພັດທະນາກໍ່ສ້າງ ຕັດອິດສະຫຼະ ພາບ 1 ປີ 3 ເດືອນ, ປັບໃໝ 1.100.000 ກີບ ພ້ອມທັງທັດແທນເງິນໃຫ້ລັດຈໍານວນ 26.923.000 ກີບ; ຕັດ ອິດສະຫຼະພາບ ທ້າວ ຄຳລອດ ອຳນວຍການບໍລິສັດ ສຸລິທຳ ກໍ່ສ້າງ (ຈຳເລີຍ7) 1 ປີ 9 ເດືອນ, ປັບໃໝ 8.900.000 ກີບ ໃຊ້ແທນເງິນ ໃຫ້ລັດ 80.769.000 ກີບ. ທ້າວ ຄຳຫຼ້າ (ຈຳເລີຍ 8) ອຳນວຍການ ບໍລິສັດ ສຸປະສົງ ກໍ່ສ້າງ ສານໄດ້ ຕັດອິດສະຫຼະພາບ 1 ປີ 3 ເດືອນ, ປັບໃໝ 700.000 ກີບ ແລະ ໃຊ້ແທນເງິນ ຈຳນວນ 26.923. 000 ກີບ ຄືນໃຫ້ແກ່ລັດ; ( ຈຳ ເລີຍ 9 ) ທ້າວ ພອນໄຊ ອຳນວຍ ການບໍລິສັດ ພອນໄຊກໍ່ສ້າງ 1 ປີ 9 ເດືອນ, ປັບໃໝ 33.700.000 ທັດແທນເງິນໃຫ້ລັດ ຈຳນວນ 53. 846.000 ກີບ, ຕັດອິດສະຫຼະ ພາບ ທ້າວ ຄຳກອງ ອຳນວຍການ ມິດມີໄຊ ກໍ່ສ້າງ (ຈຳເລີຍ10) 1 ປີ, ປັບໃໝ 32.936.500 ກີບ ແລະ ໃຊ້ແທນເງິນຈຳນວນ 26. 923.000 ກີບ ຄືນໃຫ້ແກ່ລັດ; ທ້າວ ບຸນຖົມ ອຳນວຍການບໍລິສັດ ຫຸ້ນສ່ວນມິດໃໝ່ກໍ່ສ້າງ (ຈຳ ເລີຍ11) ສານໄດ້ ຕັດອິດສະຫຼະພາບ 3 ເດືອນ 18 ວັນ, ປັບໃໝ 300.000 ກີບ ແລະ ທົດແທນເງິນຈໍານວນ 26.923.000 ກີບ ຄືນໃຫ້ແກ່ລັດ; ຕັດອິດສະຫຼະພາບ ( ຈຳເລີຍ12 ) ທ້າວ ສອນ ໄລ ອຳນວຍການບໍລິສັດ ມິດມີໄຊ ກໍ່ສ້າງ 5 ເດືອນ 18 ວັນ, ປັບໃໝ 300.000 ກີບ ໃຊ້ແທນເງິນຈໍານວນ 26.923.000 ກີບ ຄືນໃຫ້ແກ່ລັດ ແລະ ຕັດອິດສະຫຼະພາບ ທ້າວ ໂກ້ ອຳນວຍການບໍລິສັດ ອານຸຊາ ກໍ່ສ້າງ (ຈຳເລີຍ 13) 5 ເດືອນ 18 ວັນ, ປັບໃໝ 300.000 ກີບ ພ້ອມທັງ ໃຊ້ແທນເງິນໃຫ້ລັດຈໍາ ນວນ 26.923.000 ກີບ.

ແຫລ່ງຂ່າວ: ນສພ ຄວາມສະຫງົບ

ເຕືອນໄພ! ເລເຊີຂີ້ແຮ້

❌ເຕືອນໄພສຳລັບຄົນທີ່ມັກໄປເລເຊີ້ຂີ້ແຮ້❌
ເຈີກັບໂຕເອງມາຈັງໆເລີຍ ທັງເຈັບທັງຂີ້ແຮ້ດຳ ຢາກງາມຫລາຍກະ
ຮູ້ສຶກເຈັບລະປວດຂີ້ແຮ້ມາໄດ້6-7ມື້ ເຈັບແບບມຸດມິດໃຈຮ້າຍ ເຈັບຢູ່ທາງໃນເຈັບຫຸ່ມໆ ແຖມຍັງເປັນຫນອງທາງໃນພ້ອມ
ເລເຊີ້ເພື່ອບໍ່ໃຫ້ຂົນປົ່ງ ແຕ່ມັນປົ່ງຢູ່ໃນ
ມັນຜຸດອອກມາປົ່ງຢູ່ນອກບໍ່ໄດ້ເຮັດໃຫ້ຂີ້ແຮ້ຂ້ອຍເປັນກ້ອນທາງໃນລະກະປວດໆ ອາດເປັນເພາະມັນປົ່ງຢູ່ໃນ
ໄປເລເຊີ້3ເທື່ອແລກບໍ່ຮູ້ສຶກຫຍັງເພາະຂົນຍັງປົ່ງອອກມາຢູ່
ໄປເທື່ອ5-6 ຮູ້ສຶກວ່າດົນເຕີບທີ່ຂົນບໍ່ປົ່ງກະເລີຍດີໃຈ
ຢູ່ໆມາຮອດຕອນນີ້ເຈັບຂີ້ແຮ້ຂົນປົ່ງອອກມາບໍ່ໄດ້
ໃຜມີວິທີແນະນຳບອກແດ່

ຂອບໃຈ: Anoulack Ouanvilai Drjill

ແບບນີ້ກະມີ! ຢືມລົດ RIVO ແລ້ວບໍ່ສົ່ງຄືນ ເຈົ້າຂອງລົດແຈ້ງຈັບທັນທີ

ສະບາຍດີອ້າຍນ້ອງທຸກຄົນ ຂໍອານຸຍາດແທັກເດີ້ ລົບກວນຂໍຄວາມຊ່ວຍເຫຼືອເປັນຫູເປັນຕາຊ່ວຍແດ່ ຖ້າໃຜພົບເຫັນຄົນໃນຮູບນີ້ກະລຸນາແຈ້ງຂ້າພະເຈົ້າແດ່020 55599442
ເລື່ອງມີຢູ່ວ່າ:ທ້າວພິມມະສອນ(ຈີ່ມມີ້)ອາຍຸ34ປີ ບ້ານສະພານທອງເໜືອ ໄດ້ມາຂໍຢືມລົດRevoສີຂາວ ປ້າຍບໍ່ມີຂ້າພະເຈົ້າວ່າອອກໄປວຽກແປບໜື່ງເວລາປະມານ21:30ຂອງວັນທີ19/4/2018ວ່າຈະມາສົ່ງມື້ອື່ນເຊົ້າ ກະຍ້ອນວ່າຄວາມຮັກແພງຈື່ງໃຫ້ຢືມ….ມາຮອດມື້ນີ້ຍັງບໍ່ທັນໄດ້ເອົາລົດມາສົ່ງ ໂທລະສັບໂທບໍ່ຮັບແຖມຍັງປິດໃສ່ ສົ່ງຫາລາວທັງໃນແອັບແລະFacebookກະອ່ານແຕ່ບໍ່ຕອບ ຜູ້ກ່ຽວຕັ້ງໃຈຕັດການຕິດຕໍ່…..ຖ້າໃຜພົບເຫັນກະລຸນາແຈ້ງຂ້າພະເຈົ້າດ່ວນ ຫຼື ແຈ້ງຫ້ອງການປົກຄອງບ້ານກັບເຈົ້າໜ້າທີ່ຕຳຫຼວດຈັບໂຕເລີຍກະໄດ້…..ຖ້າໃຜບອກເບາະແສຫຼືຈັບລາວໄດ້ທາງຂ້າພະເຈົ້າຈະມີສີນນ້ຳໃຈໃຫ້
ກະລຸນາແຊຣ໌ໂພດຕໍ່ໆກັນແດ່ເດີ້ຂໍຄວາມຊ່ວຍເຫຼືອນຳຫຼາຍໆ

ໄລຍະສະຫຼອງປີໃໝ່ ອຸບັດຕິເຫດເກີດຂຶ້ນ 300 ກວ່າຄັ້ງ ເສຍຊີວິດ 40 ກວ່າຄົນ

ໄລຍະຂອງການສະເຫຼີມສະຫຼອງບຸນປີໃໝ່ລາວ ພສ 2561 ເລີ່ມແຕ່ວັນທີ 13-16 ເມສາ 2018, ເຊິ່ງມວນຊົນລາວ ທົ່ວປະເທດຮ່ວມກັນສະຫຼອງວັນດັ່ງກ່າວຢ່າງເບີກບານມ່ວນຊື່ນ ເຮັດໃຫ້ນັກຂັບຂີ່ຈຳນວນໜຶ່ງລະເມີດກົດລະບຽບ ການສັນຈອນ ພາໃຫ້ເກີດອຸບັດຕິເຫດ ໂດຍສະເພາະແມ່ນ: ດື່ມສິ່ງມຶນເມົາແລ້ວຂັບຂີ່, ຂັບຂີ່ລົດໄວເກີນກໍານົດ, ລ່ວງປ້າຍຫ້າມ, ແຊງບໍ່ຮັບປະກັນ ແລະອື່ນໆ; ສະແດງອອກພາຍໃນ 6 ວັນຂອງເດືອນເມສາຜ່ານມາ ( 13-18 ) ຄື: ທົ່ວປະເທດມີອຸບັດຕິເຫດເກີດຂຶ້ນທັງໝົດ 306 ຄັ້ງ ແລະ ເສຍຊີວິດ 40 ກວ່າຄົນ.

ກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງ ປກສ ໃຫ້ຮູ້ວ່າ: ໃນໄລຍະ 6 ວັນຂອງການສະຫຼອງບຸນປີໃໝ່ ລາວປີນີ້ ລະຫວ່າງວັນທີ 13-18 ເມສາ 2018, ເຈົ້າໜ້າທີ່ກົມຕໍາຫຼວດຈະລາຈອນ, ນະຄອນຫຼວງວຽງຈັນ ແລະ ບັນດາແຂວງຕ່າງໆ ໄດ້ຮ່ວມກັບບັນດາບໍລິສັດຫ້າງຮ້ານຕ່າງໆ ລົງໂຄສະນາເຜີຍແຜ່ກົດລະບຽບຈະລາຈອນຢູ່ຕາມ ສະຖານທີ່ຕ່າງໆ ແນໃສ່ຫຼຸດຜ່ອນບັນຫາອຸບັດຕິເຫດຕາມທ້ອງຖະໜົນ ແລະ ຍັງ ຮ່ວມກັບແຂວງຕ່າງໆລົງຕັ້ງຈຸດ ກວດ, ກວດກາທາດເຫຼົ້າ, ຈັບຄວາມໄວ, ກວດກາເອກະສານຕ່າງໆ, ພ້ອມທັງອອກກວດກາລາດຕະເວນ ແລະ ຕັກເຕືອນກຸ່ມຄົນທີ່ຫຼິ້ນນໍ້າຢູ່ແຄມທາງທີ່ປະຕິບັດ ບໍ່ຖືກລະບຽບເຮັດໃຫ້ການສັນຈອນຕິດຄັດ ແລະ ສົ່ງຜົນໃຫ້ເກີດ ອຸບັດຕິເຫດຢູ່ຕາມເສັ້ນທາງຕ່າງໆ ເຊິ່ງສະແດງອອກໃນໄລຍະວັນທີ 13-18 ເມສາຜ່ານມາ, ທົ່ວປະເທດມີອຸບັດຕິ ເຫດເກີດ ຂຶ້ນທັງໝົດ 306 ຄັ້ງ, ທຽບໃສ່ປີຜ່ານມາເພີ່ມຂຶ້ນ 35 ຄັ້ງ; ໃນນັ້ນ, ພາຫະນະເປ່ເພທັງໝົດ 522 ຄັນ; ໃນນັ້ນ, ເປ່ເພເລັກໜ້ອຍ 242 ຄັນ, ສົມຄວນ 246 ຄັນ, ໃຊ້ການບໍ່ໄດ້ 16 ຄັນ; ຄົນໄດ້ຮັບບາດເຈັບທັງໝົດ 557 ຄົນ; ໃນນັ້ນ, ເຈັບເລັກໜ້ອຍ 267 ຄົນ, ສົມຄວນ 218 ຄົນ, ສາຫັດ 72 ຄົນ ແລະ ເສຍຊີ ວິດ 44 ຄົນ, ທຽບ ໃສ່ປີຜ່ານມາ ຜູ້ເສຍຊີວິດເພີ່ມ ຂຶ້ນ 3 ຄົນ.

ພາຫະນະເກີດຮ່ວມປະກອບມີ: ລົດຈັກຕໍາ ລົດຍົນ 58 ຄັ້ງ ເສຍຊີວິດ 8 ຄົນ, ລົດຈັກຕໍາ ລົດຈັກ 119 ຄັ້ງ ເສຍຊີ ວິດ 12 ຄົນ, ລົດຈັກລົ້ມເອງ 34 ຄັ້ງ ເສຍຊີວິດ 10 ຄົນ, ລົດຍົນຕໍາລົດເມໂດຍສານ 1 ຄັ້ງ ເສຍຊີວິດ 4 ຄົນ ແລະ ເສຍຊີວິດໃນເວລາຕໍ່ມາອີກ 1 ຄົນ, ລົດຈັກຕໍາສັດ 6 ຄັ້ງ ເສຍຊີວິດ 2 ຄົນ, ລົດຈັກຕໍາຄົນຍ່າງ 25 ຄັ້ງ ເສຍຊີວິດ 2 ຄົນ, ລົດຍົນຕໍາລົດຍົນ 10 ຄັ້ງ ເສຍຊີວິດ 1 ຄົນ, ລົດຈັກຕໍາລົດບັນທຸກ 9 ຄັ້ງ ເສຍຊີວິດ 1 ຄົນ ແລະ ກໍລະນີອື່ນໆ 18 ຄັ້ງ ເສຍຊີວິດ 3 ຄົນ.

ສະເພາະແຂວງທີ່ມີຄົນເສຍຊີວິດຫຼາຍກວ່າໝູ່ໃນໄລຍະດັ່ງກ່າວແມ່ນ: ແຂວງຫຼວງພະບາງ ອຸບັດຕິເຫດເກີດຂຶ້ນທັງ ໝົດ 24 ຄັ້ງ ເສຍຊີວິດທັງໝົດ 8 ຄົນ ນະຄອນຫຼວງວຽງຈັນ ອຸບັດຕິເຫດເກີດຂຶ້ນທັງໝົດ 34 ຄັ້ງ ເສຍຊີວິິດທັງ ໝົດ 7 ຄົນ, ແຂວງອັດຕະປື ເກີດຂຶ້ນ 13 ຄັ້ງ ເສຍ ຊີວິດ 5 ຄົນ, ແຂວງຈໍາປາສັກ ເກີດຂຶ້ນ 51 ຄັ້ງ ເສຍຊີວິດ 4 ຄົນ, ແຂວງຄໍາມ່ວນ ເກີດຂຶ້ນ 12 ຄັ້ງ ເສຍຊີວິດ 4 ຄົນ, ແຂວງບໍລິຄໍາໄຊ, ແຂວງ ສະຫວັນນະເຂດ ແລະ ແຂວງສາ ລະວັນ ມີຜູ້ເສຍຊີວິດແຂວງລະ 3 ຄົນ, ແຂວງເຊກອງ ແລະ ແຂວງໄຊຍະບູລີ ເສຍຊີວິດແຂວງລະ 2 ຄົນ, ແຂວງອຸ ດົມໄຊ, ບໍ່ແກ້ວ ແລະ ແຂວງຊຽງ ຂວາງ ເສຍຊີວິດແຂວງລະ 1 ຄົນ; ສະເພາະແຂວງທີ່ບໍ່ມີຄົນເສຍຊີວິດມີ 5 ແຂວງຄື: ແຂວງຜົ້ງສາລີ, ຫຼວງນໍ້າທາ, ຫົວພັນ, ໄຊສົມບູນ ແລະ ແຂວງວຽງຈັນ.

ສະເພາະອຸບັດຕິເຫດທີ່ພົ້ນເດັ່ນປະກອບມີ: ໃນວັນທີ 15 ເມສາ ເວລາ 14:20 ໂມງ ເກີດເຫດລົດເມໂດຍສານ ສາຍໃຕ້ຕໍາກັບລົດກະບະວີໂກ້ໜ້າເຊິ່ງໜ້າ ຢູ່ຖະໜົນເລກທີ 13 ໃຕ້ເຂດບ້ານນາແມວ ເມືອງທ່າແຂກ ແຂວງຄໍາ ມ່ວນ ສົ່ງຜົນເຮັດໃຫ້ຜູ້ຂັບຂີ່ລົດກະບະພ້ອມຜູ້ໂດຍສານຕິດລົດມານໍາ ເສຍຊີວິດຄາທີ່ 4 ຄົນ ແລະ ເສຍຊີວິດໃນເວ ລາຕໍ່ມາ 1 ຄົນ ຄື: ທ້າວ ຄໍາສອນ (ຜູ້ຂັບຂີ່ລົດກະບະ), ນາງ ສ້ອຍສຸດາ (ເມຍຜູ້ຂັບຂີ່), ນາງ ຊັນຢ້າ (ລູກສາວ), ນາງ ແອັດ (ນ້ອງສາວ) ແລະ ທ້າວ ຄໍາພົດ (ພໍ່ຜູ້ຂັບ ຂີ່,) ວັນທີ 14 ເມສາ ເວລາ 12:30 ໂມງ ເກີດເຫດລົດຈັກ ຕໍາລົດຍົນ ຢູ່ເຂດບ້ານສີເກີດ ເມືອງ ນາຊາຍທອງ ນະຄອນຫຼວງວຽງຈັນ ເຮັດໃຫ້ ທ້າວ ວັດທະນາ ອາຍຸ 26 ປີ ກໍາມະກອນຢູ່ບ້ານຜາງແຫ້ງ ເມືອງສີໂຄດຕະບອງ ຜູ້ຂັບຂີ່ລົດຈັກເສຍຊີວິດຄາທີ່, ວັນດຽວກັນ ເວລາ 21:30 ໂມງ ເກີດເຫດລົດຈັກຕໍາລົດຈັກ 2 ຄັ້ງ ຢູ່ເຂດບ້ານໂພນສະຫວາດເໜືອ ເມືອງສີໂຄດຕະບອງ ນະຄອນຫຼວງວຽງຈັນ ເຮັດໃຫ້ມີຜູ້ເສຍຊີວິດຄາທີ່ 2 ຄົນ.

ແຫລ່ງຂ່າວ: ນສພ ຄວາມສະຫງົບ

ໂຄງການກໍ່ສ້າງອະນຸສອນສະຖານບັ້ນຮົບນ້ຳບາກ ສຳເລັດການຜ່ານແບບຂັ້ນຕອນສຸດທ້າຍ

ໂຄງການກໍ່ສ້າງອະນຸສອນສະຖານບັ້ນຮົບນ້ຳບາກ ຢູ່ເມືອງນ້ຳບາກ ແຂວງຫຼວງພະບາງ ພາຍຫຼັງໄດ້ມີການເຊັນບົດບັນທຶກຄວາມເຂົ້າໃຈໃນເດືອນພຶດສະພາ 2017 ແລະ ໄດ້ມີການຜ່ານແບບ ຄັ້ງທີ1 ໃນເດືອນທັນວາ 2017 ເພື່ອໃຫ້ການນໍາຂັ້ນແຂວງລວມທັງຄະນະຮັບຜິດຊອບໄດ້ປະກອບຄຳເຫັນໃສ່ໂຄງການດັ່ງກ່າວໃຫ້ສົມບູນຂຶ້ນຕື່ມ. ຫຼ້າສຸດໃນຕົ້ນເດືອນເມສາ 2018 ຜ່ານມາ ທີ່ກອງບັນຊາການທະຫານແຂວງຫຼວງພະບາງກໍ່ໄດ້ມີການຜ່ານແບບຄັ້ງທີ2 ໂດຍລວມແມ່ນກອງປະຊຸມເຫັນດີເປັນເອກະພາບກັບແບບໂຄງການຂອງບໍລິສັດທີ່ສະເໜີ, ແຕ່ມີພຽງປັບປຸງບາງຈຸດເລັກນ້ອຍເທົ່ານັ້ນ.

ທ່ານ ຄຳຫຼ້າ ດວງພະສຸກ ຜູ້ອຳນວຍການບໍລິສັດ ດວງພະສຸກກໍ່ສ້າງຂົວທາງ-ເຄຫາສະຖານ ແລະ ຊົນລະປະທານ ຈຳກັດຜູ້ດຽວ ໃຫ້ສຳພາດວ່າ: ບໍລິສັດພວກເຮົາໄດ້ນຳເອົາຜົນການອອກແບບສະບັບປັບປຸງມາສະເໜີຕໍ່ກອງປະຊຸມຂອງແຂວງຫຼວງພະບາງ ໂດຍມີການນຳຂັ້ນສູງຂອງແຂວງ ແລະ ຂັ້ນສູນກາງເຂົ້າຮ່ວມ ເຊິ່ງການຜ່ານແບບໃນເທື່ອນີ້ເປັນຄັ້ງທີສອງ; ໃນທີ່ປະຊຸມທຸກພາກສ່ວນໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາ ແລະ ມີເນື້ອໃນຄົບຖ້ວນສົມບູນ ຖືວ່າການຜ່ານແບບຊຸດນີ້ເປັນຄັ້ງສຸດທ້າຍ ເພາະວ່າກອງປະຊຸມໄດ້ເຫັນດີເປັນເອກະພາບກັບແບບໂຄງການຂອງບໍລິສັດ ບົນພື້ນຖານແມ່ນຮັບຮອງເກືອບ 100% ມີພຽງແຕ່ໃຫ້ປັບປຸງບາງຈຸດເປັນຕົ້ນແມ່ນ: ຮູບປັ້ນຂອງທ່ານ ສີສົມພອນ ລໍວັນໄຊ ກໍ່ຄືອະນຸສາວະລີ ຫຼື ຮູບພາບອື່ນໆ ແມ່ນໃຫ້ເອົາເຂົ້າໄປວາງສະແດງຢູ່ໃນຫໍມູນ ເຊື້ອ ແລະ ຫໍມູນເຊື້ອຈາກທີ່ອອກແບບໄປນັ້ນແມ່ນໃຫ້ປັບຂະໜາດໄຫຍ່ຂຶ້ນ 20×30 ແມັດ ເຊິ່ງການຜ່ານແບບເທື່ອນີ້ກໍ່ປະສົບຜົນສຳເລັດ ແລະ ໄດ້ຕາມລະດັບຄາດໝາຍທີ່ວາງໄວ້.

ໃນນັ້ນ, ຄະນະກຳມະການກໍ່ຄືກອງປະຊຸມໄດ້ຕົກລົງເຫັນດີເປັນເອກະພາບຮັບຮອງເອົາ 13 ກິດຈະການກໍ່ສ້າງເພື່ອໃຫ້ແບບໂຄງການດັ່ງກ່າວສົມບູນ ປະກອບມີ: 1). ຫໍມູນເຊື້ອ, 2).ເຮືອນນອນ-ຫ້ອງການ, 3).ຮູບປັ້ນ, 4).ປະຕູໂຂງ-ຮົ້ວ, 5).ເດີ່ນ ແລະ ສວນດອກໄມ້, 6).ເດີ່ນບິນສຸກເສີນຮັບໃຊ້ການນຳ ຫຼື ນັກທ່ອງທ່ຽວ, 7).ໄຟຟ້າ, 8).ນ້ຳປະປາ, 9).ເສັ້ນທາງ, 10).ທາງຍ່າງກົມມະລຽນ, 11).ຕະຫຼາດຊົນເຜົ່າ, 12).ຮົ້ວໜາມໝາກຈັບ ແລະ 13). ນ້ຳພຸ. ທ່ານ ຄຳຫຼ້າ ກ່າວຕື່ມວ່າ: ສ່ວນໃນວາລະຕໍ່ໄປທາງບໍລິສັດຈະໄດ້ປັບປຸງ, ແກ້ໄຂຕາມເນື້ອໃນຈິດໃຈທີ່ທາງຄະນະກຳມະການໄດ້ແນະນຳ ຫຼື ໃຫ້ຄຳຄິດເຫັນຜ່ານມາໃຫ້ຄົບຖ້ວນສົມບູນ ຈາກນັ້ນກໍຈະໄດ້ຄິດໄລ່ມູນຄ່າ ແລະ ປະກອບນິຕິກຳເອກະສານຕ່າງໆ ເພື່ອສະເໜີຂັ້ນເທິງພິຈາລະນາໃນຂັ້ນຕອນຕໍ່ໄປ.

ຖ້າຫາກວ່າຂັ້ນເທິງກໍຄືສະພາແຫ່ງຊາດ, ລັດຖະບານ ລວມທັງອຳນາດການປົກຄອງທ້ອງຖິ່ນຕົກລົງຮັບຮອງແບບ ແລະ ຮັບຮອງລາຄາ ຖືວ່າບໍລິສັດພວກຂ້າພະເຈົ້າມີຄວາມພ້ອມ 100% ຕໍ່ກັບໂຄງການດັ່ງກ່າວຈະໄດ້ລົງມືຈັດຕັ້ງປະຕິບັດໃຫ້ສຳເລັດຕາມແຜນການ. ບັ້ນຮົບນ້ຳບາກ ເປັນບັ້ນຮົບໜຶ່ງທີ່ມີຄວາມໝາຍສຳຄັນທາງດ້ານປະຫວັດສາດການຕໍ່ສູ້ບໍ່ຍອມຈຳນົນຂອງກອງທັບປະຊາຊົນລາວກໍຄືປະຊາຊົນແຂວງຫຼວງພະບາງຮ່ວມກັບທະຫາອາສາສະໝັກອ້າຍນ້ອງຫວຽດນາມ ທີ່ໄດ້ບຸກໂຈມຕີທະຫານສັດຕູຕາຍຫຼາຍພັນຄົນ ແລະ ສາມາດຍຶດອາວຸດຍຸດໂທປະ ກອນຫຼາຍລາຍການ; ອັນນີ້ເປັນຜົນງານອັນໃຫຍ່ຫຼວງຂອງນັກຮົບປະຕິວັດກໍຄືກອງທັບປະຊາຊົນລາວ. ດັ່ງນັ້ນ, ພັກ-ລັດຂັ້ນເທິງກໍຄືການນຳແຂວງຫຼວງພະບາງ ຈຶ່ງເຫັນໄດ້ຄວາມສຳຄັນດັ່ງກ່າວຢາກສ້າງໃຫ້ເປັນອະນຸສອນສະຖານ, ທັງເປັນແຫຼ່ງທ່ອງທ່ຽວປະຫວັດສາດ ເພື່ອຈາລຶກບຸນຄຸນ-ຄຸນງາມຄວາມດີຂອງນັກຮົບປະຕິວັດໃນສະໄໝນັ້ນ ທີ່ຕໍ່ສູ້ບໍ່ຍອມຈຳນົນເພື່ອຄວາມຢູ່ເຢັນເປັນສຸກຂອງປະຊາຊົນບັນດາ ເຜົ່າໃນປັດຈຸບັນ.

ກອງປະຊຸມຜ່ານແບບໂຄງການກໍ່ສ້າງອະນຸສອນສະຖານບັ້ນຮົບນ້ຳບາກ ລະຫວ່າງອຳນາດການປົກຄອງຂັ້ນແຂວງ-ເມືອງ ແລະ ພາກສ່ວນກ່ຽວຂ້ອງຮ່ວມກັບບໍລິສັດດວງພະສຸກ ກໍ່ສ້າງຂົວທາງ-ເຄຫາສະຖານ ແລະ ຊົນລະປະທານ ຈຳກັດຜູ້ດຽວ ຈັດຂຶ້ນໃນວັນທີ 4 ເມສາ 2018 ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ປອ. ບົວຄົງ ນາມມະວົງ ຮອງເຈົ້າແຂວງຫຼວງພະບາງ, ທ່ານ ສາຍສະໝອນ ຄົມທະວົງ ປະທານສະພາປະຊາຊົນແຂວງ, ທ່ານ ພົ.ວ ຄຳຫອມ ແສງບູລົມ ຮອງປະທານສະຫະພັນນັກຮົບເກົ່າແຫ່ງຊາດ, ທ່ານ ພັນເອກ ບຸນຊູ ດວງຄຳມີ ຫົວໜ້າການເມືອງກອງບັນຊາການທະຫານແຂວງ, ມີທ່ານຄະນະປະຈຳພັກແຂວງ ແລະ ບັນດາຫົວໜ້າພະແນກການຕ່າງໆອ້ອມຂ້າງແຂວງ, ເຈົ້າເມືອງນ້ຳບາກ, ເຈົ້າເມືອງວຽງຄຳ ແລະ ຄະນະຮັບຜິດຊອບຊີ້ນຳໂຄງການເຂົ້າຮ່ວມ.

ຜູ້ຊາຍດີໆແລະພ້ອມຈະຮັກລູກຮັກເມຍຍັງມີຢູ່ໃນໂລກ(ເບີ່ງເລື່ອງນີ້ແລ້ວຈະຮູ້ວ່າຮັກແທ້ຍັງມີຢູ່ຈີງ)

ເລື່ອງຜູ້ຊາຍເຊື່ອງເມຍນ້ອຍ ເມຍໃຫຍ່ ຫຼື ຜູ້ຊາຍມາຕວະໃຫ້ຮັກອອກມາເປັນຂ່າວຫຼາຍໃນຊ່ວງນີ້ ເຮັດໃຫ້ຊາວເນັດຫຼາຍຄົນຄິດກັນໄປໝົດວ່າຜູ້ຊາຍທຸກຄົນຄົງເປັນຄືກັນ, ແຕ່ມື້ນີ້ແອັດມີນມີເລື່ອງເລົ່າຈາກຜູ້ຍີງຄົນໜື່ງ ຈະມາຊິວີດຈີງໃຫ້ຟັງ ອ່ານຈົບແລ້ວຈະຮູ້ວ່າຮັກແທ້ຍັງມີຢູ່ຈີງ


ໃຫ້ພາບມັນເປັນຄວາມຮູ້ສືກບອກເຖິງຈະມີນ້ອຍແຕ່ກະເປັນຄອບຄົວທີ່ແສນອົບອຸ່ນ ບໍ່ໄດ້ຫວານຄືຕອນແລກທີ່ລົມກັນ ແຕ່ກະບໍ່ເຄີຍເບື່ອຫນາຍກັນ ບໍ່ເຄີຍຜິດຖຽງກັນ ບໍ່ເຄີຍເຮັດເລື່ອງນ້ອຍໄຫ້ເປັນເລື່ອງໃຫ່ຍ ເຮັດແຕ່ເລື່ອງໃຫ່ຍໄຫ້ເປັນເລື່ອງນ້ອຍ ເຫັນຊີວິດຫລາຍໆຄົນແລ້ວກັບມາເບິ່ງທີ່ໂຕເອງ ຈື່ງຮູ້ສຶກວ່າສຳນີ້ໂຕເອງກະໂຊກດີທີ່ສຸດແລ້ວທີ່ມີຜົວແບບນີ້ ( ຊັກເຄື່ອງ ຕາກເຄື່ອງ ປ້ອນນົມລູກກາງຄືນ ເອົາລູກນອນ ເປັນທັງແມ່ ແລະ ພໍ່ ໄຫ້ລູກ )

ເຮົາໃຊ້ເວລາຄົບກັນບໍ່ດົນເຮົາກະຕັດສິນໃຈທີ່ຈະໃຊ້ຊິວິດຄູ່ນຳກັນ ເພາະເຮົາເຊື່ອໃນຮັກແທ້


ແລະແລ້ວ ປະຕິຫານກະເກີດຂື້ນ ເທວະດາ ສົ່ງຄົນນ້ອຍມາເກີດ ເດືອນປາຍ ດີໃຈແຮງ


ພາບແລກທີ່ເຮົາເຫັນລູກ ຄວາມຮູ້ບອກບໍ່ຖືກ ເບິ່ງຫນ້າກັນແລ້ວຍິ້ມ


ເຍ້ ໄດ້ໄປທ່ຽວ ການໄປທ່ຽວຈະເຮັດໄຫ້ເມຍອາລົມດີ ແລະ ສົ່ງຜົນສິ່ງດີດີໄປຫາລູກ


ທັງຈູບທັງຫອມ


ດິນເນີນຳກັນ


ລົມກັບລູກບອກຮັກລູກທຸກຄືນ ຍົກເວັ້ນແມ່


ທ້ອງໃຫ່ຍອີ່ແມ່ກະຢາກໄປ


ົຄົນທ້ອງຕ້ອງການຄວາມຮັກຈາກຜົວທີ່ສຸດ


ໄປກິນສິ່ງທີ່ຢາກ


ໄດ້ເວລາລົມນຳລູກ ການລົມກັບລູກທຸກມື້ຈະເຮັດໄຫ້ລູກມີພັດທະນາການດີ ເຄື່ອນໄຫວດີ ພໍ່ແຕ່ລະຄົນຕ້ອງເຮັດເດີ


6ເດືອນແລ້ວ ບຳລຸງເຕັມທີ


7ເດືອນແລ້ວ ກະໄປຕາມເຄີຍ


ຕະຫລອດເວລາ ທີ່ຖືພາອີ່ພໍ່ບໍ່ເຄີຍເຮັດໄຫ້ແມ່ເສຍໃຈ ຄ່ອຍເອົາໃຈໃສ ວ່າເມຍຈະກິນເຂົ້າກັບຫຍັງ ເມຍຢາກຫັຍງ ເມຍຢາກໄປໃສ ເມຍກິນໝາກໄມ້ລະຫວາ ກິນນົມລະຫວາ ກິນຢາລະຫວາ


ອີ່ພໍ່ຕາມໃຈທຸກຢ່າງ


ເຫັນລະຢາກກັບໄປຖືພາອີກຄັ້ງ


ເດືອນຄອງແລ້ວ ລູກຍັງບໍ່ປິ່ນຫົວ ອີ່ພໍ່ເລີຍພາມາລອຍນ້ຳ ດີທີລູກຮູ້ຈັກຄວາມເລີຍປິ່ນກັບ ເກືອບໄດ້ປາດ


ບອກລູກວ່າໄຫ້ຖີບອີ່ແມ່ອອກມາໂລດ


ເຖິງເວລາທີ່ຈະເຈັບແລ້ວຢູ່ຂ້າງເມຍສະເຫມີ


ເກີດແລ້ວທີ 9 ທັນວາ 2017 ໄດ້3.2 ອີ່ພໍ່ເອົາຕັ້ງແຕ່ມື້ເກີດ ແມ່ຖືພາມາ9ເດືອນ ທັງເຈັບທັງແສບ ຫນ້າຄືພໍ່90 %


ອີ່ພໍ່ເຝົ້າກຳ


ສອງພໍ່ລູກເພິ່ນຮັກກັນແຮງ


ຊັນຢ້າຢູ່ກັບອີ່ພໍ່ລະຍິ້ມຕະຫລອດ ຍ້ອນໄດ້ຮັບຄວາມຮັກຈາກພໍ່


ແຕ່ງນົມໄຫ້ລູກ


ກອມລູກນອນ


ຫລັບທັງພໍ່ ທັງລູກ ຂອບໃຈຜົວທີ່ຮັກລູກແລະເມຍ ທີ່ເປັນທັງພໍ່ແລະແມ່ໄຫ້ລູກ


ນີຄືຄອບຄົວນ້ອຍນ້ອຍຂອງເຮົາຂອບໃຈທຸກຄົນທີ່ອ່ານຈົນຈົບ ຢ່າລືມແທ໋ກຄົນທີ່ເຈົ້າຮັກ

ຢຶດຢາບ້າ 100.000 ກວ່າເມັດ ຢູ່ປາກທ້າງ ເມືອງສີໂຄດ

ໃນວັນທີ 9 ເມສາ 2018, ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ມ້າງຄະດີຄ້າ-ຂາຍຢາເສບຕິດ ສາມາດຢຶດຢາບ້າໄດ້ຈຳນວນ 51 ມັດ ເທົ່າກັບ 102.000 ເມັດ ໃນຄະນະນັດສົ່ງໃຫ້ກັນຢູ່ເຂດບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ, ພ້ອມທັງກັກຕົວຜູ້ຖືກຫາໄດ້ ຈຳນວນ 1 ຄົນ ເພື່ອຂະຫຍາຍຜົນຫາຜູ້ຮ່ວມຂະບວນການນໍາກັນ.

ເຈົ້າໜ້າທີ່ກົມຕໍາຫຼວດສະກັດກັ້ນ ແລະ ຕ້ານຢາຢາເສບຕິດເປີດ ເຜີຍວ່າ: ພາຍຫຼັງໄດ້ສືບຮູ້ວ່າ ມີເປົ້າໝາຍນັດຊື້ຂາຍຢາເສບຕິດປະເພດຢາບ້າ ຢູ່ເຂດບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ, ຮອດໃນເວລາ 10:00 ໂມງ ຂອງວັນທີ 9 ເມສາ 2018 ຈຶ່ງນໍາກໍາລັງເຂົ້າຈັບກຸ່ມເປົ້າໝາຍດັ່ງກ່າວ ໃນຄະນະທີ່ກໍາລັງເອົາຢາບ້າໄປສົ່ງໃຫ້ຜູ້ສັ່ງຊື້ຢູ່ຈຸດນັດພົບ ສາມາດກັກຕົວໄດ້ 1 ຄົນ ຊື່ທ້າວ ສົມສັກ ອາຍຸ 50 ປີ ຢູ່ບ້ານນາໄຊ ເມືອງຫຼວງພະບາງ ແຂວງຫຼວງພະບາງ ເພື່ອໄປສອບສວນ.

ຜ່ານການສອບສວນ ຜູ້ກ່ຽວຮັບສາລະພາບວ່າ: ຢາບ້າຈໍານວນດັ່ງກ່າວແມ່ນຂອງຜູ້ກ່ຽວແທ້, ເຊິ່ງໄດ້ຊື້ມາຈາກຊາຍບໍ່ຮູ້ຊື່ທີ່ຢູ່ ເພື່ອຈະເອົາມາຂາຍໃຫ້ເຖົ້າແກ່ບໍ່ຮູ້ຊື່ຢູ່ທີ່ຈຸດນັດໝາຍກັນເຂດບ້ານປາກທ້າງ ເມືອງສີໂຄດຕະບອງ, ແຕ່ບໍ່ທັນໄດ້ຂາຍຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍ. ປັດຈຸບັນເຈົ້າໜ້າທີ່ກໍາລັງວິຊາສະເພາະກໍາລັງຕິດຕາມຫາຜູ້ຮ່ວມຂະບວນການນໍາກັນໄປດໍາເນີນຄະດີຕາມກົດໝາຍ.