ທະ​ນາ​ຄານ​ໂລກ ຊ່ວຍລາວ 25 ລ້ານໂດລາ ຍົກລະດັບ​ຄຸນ​ນະ​ພາບ​ດ້ານກະ​ສິ​ກຳ

ນະຄອນຫລວງວຽງ​ຈັນ ວັນທີ 17 ພິດ​ສະ​ພາ 2018 , ປະ​ຊາ​ຊົນຫລາຍກວ່າ 140.000 ຄົນ ​ຈະ​ໄດ້​ຮັບ​ຜົນ​ປະ​ໂຫຍດ​ຈາກ​ກາ​ນ​ກ​ະ​ ຕຸ​ກ​ຊຸ​ກ​ຍູ້​ ​ແລ​ະ​ສົ່ງ​ເສີ​ມ​​​ເພື່ອ​ເຮັດ​ໃຫ້​ການ​ຜະ​ລິດ​ເຂົ້າ, ສາ​ລີ ແລະ ຜັກ ໃຫ້​ມີ​ປະ​ສິດ​ທິ​ພາບ ແລະ ມີ​ກຳ​ໄລ​ຫລາຍ​ຂຶ້ນ​ ໂດຍ​ຜ່ານ​​ ໂຄງ​ການ ຜະລິດກະ​ສິ​ກຳ​ເປັນສິນຄ້າ ​ຢູ່ ສ​ປ​ປ ລາວ.

ພິທີເຊັນສັນ​ຍາທືນກູ້ຢືມໂຄງ​ກາ​ນຈຳນວນ 25 ລ້ານໂດລາສະຫະລັດໃນວັນທີ17 ພຶດສະພາ 2018 ທ່ກະຊວງການເງິນ ລະຫວ່າງ​ທະ​ນາ​ຄານ​ໂລກ ກັບທ່ານ​ນາງ ທິບ​ພະ​ກອນ ຈັນ​ທະ​ວົງ​ສາ ຮອງ​ລັດ​ຖະ​ມົນ​ຕີ ກະ​ຊວ​ງ​ການ​ເງິນ . ໂຄງການ​ດັ່ງກ່າວຈະ​ສະ​ໜັບ​ສະ​ໜູນ 28.000 ຄົວ​ເຮືອນ​ຊາວ​ກະ​ສິ​ກອນຈາ​ກ 224 ບ້ານ​ໃນຂົງເຂດ​ຊົນ​ນະ​ບົດ​ເພື່ອ​ເພີ່ມ​ຜົນ​​ຜະ​ລິດ, ປັບປຸງຄຸນ​ນະ​ພາບ​ສິນຄ້າ, ເພີ່ມ​ຜະ​ລິດ​ຕະ​ພາບ​ດ້ານແຮງ​ງານ ແລະ ຍອດ​ຂາຍຜົນ​ລະ​ປູກ, ແລະ ເຊື່ອມ​ໂຍງ​ຊາວກ​ະ​ສິ​ກອນເຂົ້າ​ຫາ​ຜູ້​ປະ​ກອບ​ການ​ທຸລະກິດກະ​ສິ​ກຳ. ການ​​ເຮັດໃຫ້ຊາວກະສິກອນສາມາດ​ເຂົ້າ​ເຖິງ​ແນວ​​ພັນ​ພືດທີ່​ມີ​ຄຸນ​ນະ​ພາບ​ສູງ, ​ຊົນ​ລະ​ປະ​ທານ ແລະ ການ​ບໍ​ລິ​ການທາງດ້ານເຕັກນິກແລະ ​ຕະຫຼາດ​ ຊ່ວຍ​ໃຫ້​ຊາວ​ກະ​ສິ​ກອນຫລຸດຕົ້ນ​ທືນ​ການ​ຜ​ະ​ລິດ​ ​​​ ແລະ ໄດ້ຮັບຜົນ​ຕອບ​ແທນສູງ​ຂຶ້ນ.

ຂະ​ແໜງ​ກະ​ສິ​ກຳ​ຂອງ ສ​ປ​ປ ລາວ ກຳ​ລັງ​ປະ​ເຊີນ​ໜ້າ​ກັບ​​ສິ່ງ​ທ້າ​ທາຍ​ຫລາຍຢ່າງ​​ໃນ​ການ​ຕອບ​ສະ​ໜອງ​ສິນຄ້າກະສິກຳ ຕໍ່ຄວາມ​ຕ້ອງ​ການ​ຂອງ​ຕະ​ຫລາດ​ພາຍ​ໃນ ແລະ ຕ່າງ​ປະ​ເທດ​ ຍ້ອນຍັງມີ​ບັນ​ຫາ​ຕ່າງໆທີ່ຕິດພັນ​ກັບ​ຜະ​ລິດ​ຕະ​ພາບ​ຂອງ​ການຜະລິດ​ກະ​ສິ​ກຳ, ຄຸນ​ນະ​ພາບ​ຂອງ​ຜົນ​ຜະ​ລິດ ແລະ ຄວາມກະແຈກ​ກະ​ຈາຍ​ຂອງຕ່ອງ​ໂສ້ການຜະ​ລິດ​. ໂຄງ​ການນີ້​ມີ​ເປົ້າໝາຍ​ທີ່​ຈະ​ແກ້​ໄຂ​ສິ່ງ​ທ້າ​ທາຍ​ເຫລົ່າ​ນີ້​ດ້ວຍການ​ສົ່ງ​ເສີມ​ການຜະລິດ​ກະ​ສິ​ກຳທີ່ດີ, ການປັບ​ປຸງ​ຄຸນ​ນະ​ພາບ​ຂອງ​ຜະ​ລິດ​ຕະ​ພັນ ແລະ ການຫລຸດ​ຜ່ອນ​ຕົ້ນ​ທຶນ.

ທ່ານ ນາງ ອິນ​ກູ​ນາ ໂດບ​ຣາ​ຈາ ຫົວ​ໜ້າ​ຫ້ອງ​ການ​ທະ​ນາ​ຄານ​ໂລກ​ປະ​ຈຳປະເທດກຳປູເຈຍ ​ທັງເປັນຕາງໜ້າຜູ້​ອຳ​ນວຍ​ການ​​ທະ​ນາ​ຄານ​ໂລກ​ປະ​ຈຳ​ມຽນ​ມາ, ກຳ​ປູ​ເຈຍ ແລະ ລາວ​ໄດ້ກ່າວ​ວ່າ: “ປະ​ຊາ​ຊົນລາວ​ຈຳ​ນວນຫຼາຍ​ໄດ້​ປະ​ກອບ​ອາ​ຊີບໃນ​ຂະ​ແໜງ​ກະ​ສິກຳ​ເປັນຫຼັກ, ສະ​ນັ້ນ​ມັນ​ຈິ່ງ​ສຳ​ຄັນຫຼາຍ​ໃນ​ການ​ສົ່ງ​ເສີ​ມ​ຂະແ​ໜງ​ການ​ນີ້​ໃຫ້​ມີ​ປະ​ສິດ​ທິ​ພາບ, ມີ​ຄວາມສາມາດແຂ່ງ​ຂັນ ແລະ ມີ​ຮູບ​ແບບ​ສີ​ຂຽວຫຼາຍ​ຂຶ້ນ. ນອກ​ຈາກ​ຜົນ​ປະ​ໂຫຍດ​ທາງ​ເສດຖະກິດທີ່​ຄອບ​ຄົວ​ຊາວ​ກ​ະ​ສິ​ກອນ, ຜູ້​ປະ​ກອບ​ການ​ທຸລະກິດ​ກະ​ສິ​ກຳ ແລະ ຫ້າງ​ຮ້ານ​ຕ່າງໆ​ໄດ້​ຮັ​ບ​​ແລ້ວ, ໂຄງ​ການ​ນີ້​ຍັງ​ຈະຊ່ວຍປັບ​ປຸງ​​ດ້ານ​ໂພ​ຊະ​ນາ​ການດ້ວຍ​ການ​ເພີ່ມ​ຂຶ້ນ​ຂອງ​ຜະ​ລິດ​ຕະ​ພັນ​ສົດ​ໃໝ່​ທີ່​ມີ​ຄຸນ​ນະ​ພາບເພື່ອໃຫ້ມີການບໍລິໂພກອາຫານທີ່ມີໂພຊະນາການຫລາຍຂື້ນ.”

​ໂຄງການນີ້ຈະ​ຈັດ​ຕັ້ງ​ປະ​ຕິ​ບັດ​ຢູ່​ແຂວງ​ຄຳ​ມ່ວນ, ບໍ​ລິ​ຄຳ​ໄຊ, ໄຊ​ຍະ​ບູ​ລີ, ແຂວງວຽງ​ຈັນ ແລະ ນະ​ຄອນ​ຫລວງວຽງ​ຈັນ ​ຈົນຮອດ​ປີ 2024.

ແຫລ່ງທີ່ມາຈາກທະນາຄານໂລກ ປະຈຳລາວ

ປະທານປະເທດ ຕ້ອນຮັບທູດປະເທດເພື່ອນມິດເຂົ້າຍື່ນສານຕາຕັ້ງ

ທ່ານ ບຸນ​ຍັງ ວໍລະ​ຈິດ ປະທານ​ປະເທດ​ແຫ່ງ ​ສປປ ລາວ ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ​ບັນດາ​ທູດ​ປະເທດ​ເພື່ອນ​ມິດ​ຄົນ​ໃໝ່ ປະຈຳ​ລາວ ວັນ​ທີ 17 ພຶດສະພາ 2018 ຢູ່​ທີ່​ທຳ​ນຽບ ປະທານ​ປະເທດ (ຫໍຄຳ) ມີ​ລາຍ​ລະອຽດ ຄື: ເວລາ 9:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Pratito Soeharyo ເອກ​ອັກ​ຄະ​ລັດ​ຖະ​ທູດ ສ ອິນ​ໂດ​ເນ​ເຊຍ ປະຈຳ​ລາວ ມີ​ສະຖານ​ເອກ​ອັກ​ຄະ​ລັດ​ຖະ​ທູດ​ຕັ້ງ​ຢູ່​ນະຄອນຫຼວງ​ວຽງ​ຈັນ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1957.

ເວລາ 9:30 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Kiattikhun Chartprasert ເອກ​ອັກຄະລາຊະທູດ ແຫ່ງ​ຣາ​ຊາ​ອະ​ນາ​ຈັກ​ໄທ​ປະຈຳ​ລາວ ມີ​ສຳນັກງານ​ຕັ້ງ​ຢູ່​ນະຄອນຫຼວງ​ວຽງ​ຈັນ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1950.

ເວລາ 10:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Jorge Rondon Uzcategui ເອກ​ອັກ​ຄະ​ລັດ​ຖະ​ທູດ ສ ໂບ​ລີ​ວາ​ຣຽນ ເວ​ເນ​ຊູ​ເອ​ລາ ປະຈຳ​ລາວ ມີ​ສຳນັກງານ​ໃຫຍ່​ຕັ້ງ​ຢູ່​ຮ່າ​ໂນ້ຍ ​ສສ ຫວຽດນາມ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1965.

ເວລາ 10:30 ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Mahmoud Hasan Nayel ເອກ​ອັກ​ຄະ​ລັດ​ຖະ​ທູດ​ແຫ່ງ ສ ອາ​ຣັບ ເອ​ຢິບ ປະຈຳ​ລາວ ມີ​ສຳນັກງານ​ໃຫຍ່ ຕັ້ງ​ຢູ່ນະຄອນຫຼວງ​ຮ່າ​ໂນ້ຍ ສສ ຫວຽດນາມ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ແຕ່​ປີ 1976.

ເວລາ 14:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mrs. Ana lucy Gentil Cabral petersen ເອກ​ອັກ​ຄະ​ລັດ​ຖະ​ທູດ ແຫ່ງ ສສ ເບຣ​ຊິນ ມີ​ສຳນັກງານ​ຕັ້ງ​ຢູ່​ບາງກອກ ປະເທດ​ໄທ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1975.

ເວລາ 15:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ​ຂອງ Mr. Kari Kahilouto ເອກ​ອັກ​ຄະ​ລັດ​ຖະ​ທູດ ປະເທດ​ແຟັງ​ລັງ ປະຈຳ​ລາວ ມີ​ສຳນັກງານ​ໃຫຍ່​ຕັ້ງ​ຢູ່ນະຄອນຫຼວງ​ຮ່າ​ໂນ້ຍ ສສ ຫວຽດນາມ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1975.

ເວລາ 16:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Gunnar Snorri Gunnarsson ເອກ​ອັກ​ຄະ​ລັດ​ຖະ​ທູດ​ປະເທດອິດ​ສລັງ ມີ​ສຳນັກງານ​ໃຫຍ່​ຕັ້ງ​ຢູ່​ນະຄອນຫຼວງ​ປັກ​ກິ່ງ ສປ ຈີນ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 2004 ເປັນຕົ້ນ​ມາ.

ໂອກາດ​ນີ້ ທ່ານ​ປະທານ​ປະເທດ ໄດ້​ໃຫ້ການ​ຕ້ອນຮັບ​ອັນ​ອົບ​ອຸ່ນ ພ້ອມ​ທັງ​ສະແດງ​ຄວາມ​ຍ້ອງຍໍ-ຊົມເຊີຍຕໍ່​ບັນດາ​ທ່ານ​ເອກ​ອັກ​ຄະ​ລັດ​ຖະ​ທູດ ​ທີ່​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຈາກ​ລັດຖະບານ ແລະ ປະຊາຊົນ ໃຫ້​ມາ​ດຳລົງ​ຕຳແໜ່ງ​ທີ່​ສຳຄັນ ແລະ ມີ​ກຽດ​ຢູ່ ​ສປປ ລາວ ຄັ້ງ​ນີ້ ເຊິ່ງ​ຖື​ເປັນ​ການ​ປະກອບສ່ວນ​ສຳຄັນ ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ຮ່ວມ​ມື​ທີ່​ມີ​ມາ​ແຕ່​ດົນ​ນານ​ແລ້ວ​ນັ້ນ ໃຫ້​ນັບ​ມື້​ແຕກ​ດອກ​ອອກ​ຜົນ​ຍິ່ງ​ຂຶ້ນ​ເປັນ​ກ້າວໆ ພ້ອມ​ກັບ​ສະແດງ​ຄວາມ​ເຊື່ອ​ໝັ້ນ​ວ່າ ບັນດາ​ທ່ານ​ທູດ ຈະ​ສືບຕໍ່​ໃຫ້ການ​ຮ່ວມ​ມື ແລະ ຊ່ວຍເຫຼືອ​ແກ່​ວຽກ​ງານ​ພັດທະນາເສດຖະກິດ-ສັງຄົມ​ຂອງ​ປະເທດ ໃຫ້​ສືບຕໍ່​ຂະຫຍາຍຕົວ​ຢູ່​ໃນ​ເວທີ​ພາກ​ພື້ນ-ສາກົນ ຢ່າງ​ຕໍ່​ເນື່ອງ​ຕື່ມ​ອີກ.

ພາບ-ຂ່າວ: ນສພ ວຽງຈັນໃຫ່ມ

ລົງ​ວິ​ໄນ​ພະນັກງານລັດຈໍານວນ​ 6 ຄົນ​ ຂໍ້​ຫາ​ອຳນວຍ​ຄວາມ​ສະດວກ ເຄື່ອນ​ຍ້າຍໄມ້​ອອກນອກ​ປະ​ເທດ​ໂດຍ​ບໍ່ຖືກຕ້ອງ

ຫົວໜ້າພະ​ແນ​ກກວດກາ​ລັດ ​ແຂວງສະຫວັນ​ນະ​ເຂດ ​ໃຫ້​ຮູ້​ວ່າ: ​​ໄລຍະ 2 ປີມານີ້, ​ໄດ້​ພົບ​ເຫັນ​ການລະ​ເມີດ​ລະບຽບກ່ຽວກັບ​ການ​ຄຸ້ມ​ຄອງ​, ເຄື່ອນ​ຍ້າຍ​ໄມ້ ​ແລະ ທຸລະ​ກິດ​ໄມ້​ຈຳນວນ​ຫລາຍ​ກໍລະນີ, ​ໃນ​ນີ້ ​ໄດ້​ດຳ​ເນີນ​ຄະດີ​ຜູ້​ກະທຳ​ຜິດ​ດັ່ງກ່າວ ​ຊຶ່ງ​ເປັນພະນັກງານ​ລັດ 6 ຄົນທີ່​ມີ​ສ່ວນ​ຮູ້​ເຫັນ​ໃນ​ການ​ເຄື່ອນ​ຍ້າຍ​ໄມ້​ອອກ​ນອກ​ປະ​ເທດຫລາຍ​ກວ່າ 16 ​ແມັດ​ກ້ອນ, ​ໂດຍການ​​ປອມ​ແປງ​ເອກະສານ ​ໃຫ້​ນັກທຸລະກິດ​ນຳເອົາ​ຜະລິດ​ຕະພັນ​ໄມ້​ຂຶ້ນລົດ​ໄປ​ວາງສະ​ແດງ​ຢູ່ນະຄອນ​ດານັງ ສສ ຫວຽດນາມ ​ແລະ ​ໄດ້​ປະຕິບັດ​ວິ​ໄນ​ຕາມ​ມາດຕາ 73 ຂັ້ນ 3 ຂອງ​ກົດ​ໝາຍພະນັກງານ-ລັດຖະກອນ ​ໃນ​ນັ້ນ, ປະກອບ​ມີ​ພະນັກງານພະ​ແນ​ກອຸດສາຫະກຳ ​ແລະ ການ​ຄ້າ​ແຂວງ 3 ຄົນ, ພະນັກງານ​ຊັບ​ສິນ​ລັດ​ 2 ຄົນ ​ແລະ ພະ​ແນ​ກກະສິກຳ ​ແລະ ປ່າ​ໄມ້​ແຂວງ 1 ຄົນ.

ພະ​ແນ​ກດັ່ງກ່າວ ​ໃຫ້​ຮູ້ອີກ​ວ່າ: ​ໃນ​ໄລຍະ​ຜ່ານ​ມາ, ລັດຖະບານ​ໄດ້​ເຂັ້ມ​ງວດ​ຈັດ​ຕັ້ງປະຕິບັດ​ຄຳ​ສັ່ງ​ເລກທີ 15/ນຍ ​ແຕ່​ມີ​ຜູ້​ສວຍ​ໃຊ້​ໂອກາດ​ເຄື່ອນ​ຍ້າຍ​ໄມ້​ອອກ​ນອກ​ປະ​ເທດ​ໂດ​ຍບໍ່​ໄດ້​ຮັບ​ອະນຸຍາດ ​ແລະ ຜ່ານ​ມາ​ແຂວງກໍ​ໄດ້​ດຳ​ເນີນ​ການ​ກວດກາ ​ແລະ ນຳ​ເອົາ​ຜູ້ກະທຳ​ຜິດ 210 ຄົນມາ​ດຳ​ເນີນ​ຄະດີ, ພ້ອມສາມາດ​ຢຶດ​ໄມ້​ໄດ້ 3 ພັນ​ກວ່າ​ແມັດ​ກ້ອນ ​ແລະ 45 ພັນ​ກິ​ໂລ,​ ເປັນ​ເງີ​ນ 3,29 ຕື້ກີບ ​ແລະ ອີກ​ຈຳນວນໜຶ່ງຍັງ​ສືບຕໍ່ດຳ​ເນີນ​ຄະດີ​ຕາມ​ລະບຽບກົດໝາຍ.

ເຈົ້າໜ້າທີ່​ກອງ​ກວດກາ​ປ່າ​ໄມ້​ແຂວງສະຫວັນ​ນະ​ເຂດ ລາຍ​ງານໃຫ້​ຮູ້​ວ່າ: ​ໃນ​ປີຜ່ານມາ, ​ໄດ້​ກວດ​ພົບ​ເຫັນ​ການລະ​ເມີດ​​​ເຄື່ອນ​ຍ້າຍ​ໄມ້ ​ແລະ ​ລ່າ​ສັດ​ນ້ຳ-ສັດປ່າ 279 ກໍລະນີ, ມີ​ຜູ້​ກະທຳ​ຜິດ 204 ຄົນ, ​ໃນ​ຂະນະ​ດຽວກັນ, ​ເຈົ້າໜ້າທີ່​ຍັງ​ສາມາດ​ຍຶດ​ໄມ້ ​ແລະ ຜະລິດ​ຕະພັນ​ໄມ້​ໄດ້​ຫລາຍກວ່າ 3 ພັນ​ແມັດ​ກ້ອນ ​ແລະ ​ເຄື່ອງ​ປ່າ​ຂອງ​ດົງ​ປະ​ເພດ​ຕ່າງໆ 1 ​ແສນ​ກວ່າ​ໂຕນ.

​  ເຈົ້າໜ້າທີ່​ດ່ານ​ສາກົນ​ສະຫວັນ-ລາວ​ບາ​ວ ​ໃຫ້​ຮູ້​ວ່າ: ​ໃນ​ປີຜ່ານມາ, ສາມາດ​ກວດ​ຍຶດ​ໄມ້ບໍ່ມີ​ເອກະສານ 43,85 ​ແມັດ​ກ້ອນ ​ແລະ ​ແກ້​ໄຂ​ຄະດີ​ໄດ້ 29 ​ເລື່ອງ, ສ່ວນ​ໃຫຍ່​ແມ່ນ​ການ​ຊຸກ​ເຊື່ອງ​ໄມ້​ໃນ​ລົດ​ໂດຍສານ ​ແລະ ລົດ​ຂົນ​ສົ່ງ​ຫີນ​ກາວ.

ຂອບໃຈຂໍ້ມູນຈາກ: ນສພ ລາວພັດທະນາ

ເຈົ້າເມືອງສີສັດຕະນາກຖະແຫຼ່ງຂ່າວກ່ຽວກັບນັກໂທດໂຕນໜີຈາກຄ້າຍກັກຂັງຊົ່ວຄາວ

ໃນວັນທີ 16 ພຶດສະພານີ້, ທ່ານ ໂພຄໍາ ໄຊຍະສອນ ເຈົ້າເມືອງສີສັດຕະນາກ ໄດ້ຖະແຫລງຂ່າວຕໍ່ສື່ມວນຊົນກ່ຽວກັບເຫດການຂອງວັນທີ 11 ພຶດສະພາ 2018 ໂດຍມີຜູ້ຕ້ອງຫາ-ນັກໂທດຫ້ອງເບີ 4 ທີ່ຄ້າຍກັກຂັງຊົ່ວຄາວ (ບ້ານດົງສະຫວາດ) ເມືອງສີສັດຕະນາກນະຄອນຫລວງວຽງຈັນ ໄດ້ເຈາະຝາຫ້ອງນ້ຳໃນຫ້ອງຂັງແລ້ວລອດອອກປີນຂ້າມກຳແພງດ້ານຫລັງໂຕນໜີໄປຈຳນວນ 11 ຄົນ.

ຕໍ່ເຫດການໃນຄັ້ງນີ້, ທ່ານເຈົ້າໄດ້ແຈ້ງໃຫ້ຊາບວ່າ: ຕາມບົດລາຍງານຂອງກອງບັນຊາການປ້ອງກັນຄວາມສະຫງົບເມືອງສີສັດຕະນາກ ແລະ ບົດລາຍງານການລົງກວດສະພາບຄວາມເປັນຈິງຂອງຄ້າຍກັກຂັງຊົ່ວຄາວດັ່ງກ່າວ ທີ່ປຸກສ້າງຂື້ນໃນປີ 2002 ເຫັນວ່າຢູ່ໃນສະພາບຊຸດໂຊມເພາະຂາດການບູລະນະສ້ອມແປງ,​ ມີຫ້ອງຂັງທັງໜົດ 7 ຫ້ອງ.

ທ່ານເຈົ້າເມືອງໃຫ້ຮູ້ວ່າ: ຜູ້ຕ້ອງຫາ-ນັກໂທດຫ້ອງເບີ 4 ຈຳນວນ 17 ຄົນ ໄດ້ເຈາະຝາຫ້ອງນ້ຳແລ້ວລອດອອກປີນຂ້າມກຳແພງດ້ານຫລັງໂຕນໜີໄປຈຳນວນ 11 ຄົນຄື: ທ້າວ ຄຳຫລ້າ ອາຍຸ 28 ປີປັດຈຸບັນຢູ່ບ້ານທົ່ງພານທອງເມືອງສີສັດຕະນາກ ໃນຂໍ້ກ່າວຫາຄ້າຂາຍຢາເສບຕິດ (ຢາບ້າ). 2 ທ້າວ ສົມຊາຍ (ດ່ອງ) ອາຍຸ 22 ປີ ຢູ່ບ້ານທົ່ງມັ່ງເມືອງໄຊທານີໃນຂໍ້ກ່າວຫາຄ້າຂາຍຢາເສບຕິດ (ຢາບ້າ). 3 ທ້າວ ວຽງຄຳ (ຄຳນ້ອຍ) ອາຍຸ 24 ປີຢູ່ບ້ານໂພນເຄັງເມືອງໄຊເສດຖາໃນຂໍ້ກ່າວຫາ: ຊື້-ຂາຍອາວຸດເສິກ. 4 ທ້າວ ສຳລີ (ຕ໋ອກ) ອາຍຸ 34 ປີຢູ່ບ້ານດອນປ່າໃໝ່ເມືອງສີສັດຕະນາກໃນຂໍ້ກ່າວຫາ: ທຳຮ້າຍຮ່າງກາຍ-ມີອາວຸດເສິກໄວ້ໃນຄອບຄອງ. 5 ທ້າວ ພອນປະເສີດ ອາຍຸ 16 ປີຢູ່ບ້ານດອນດູ່ເມືອງຫາດຊາຍຟອງໃນຂໍ້ກ່າວຫາ: ລັກຊັບພົນລະເມືອງ. 6 ທ້າວ ທ໊ອບສະພອນ ອາຍຸ 17 ປີຢູ່ບ້ານສົມສະໜຸກເມືອງຫາດຊາຍຟອງໃນຂໍ້ກ່າວຫາ: ຄ້າຂາຍຢາເສບຕິດ (ຢາບ້າ). 7 ທ້າວ ໜ໋ອຍ ອາຍຸ 33 ປີຢູ່ ບ້ານທົ່ງປົ່ງເມືອງສີໂຄດຕະບອງໃນຂໍ້ກ່າວຫາ: ຄ້າຂາຍຢາເສບຕິດ (ຢາບ້າ) ກຸ່ມຂອງທ້າວ ສົມຊາຍ (ດ໋ອງ). 8 ທ້າວ ຖາວອນ (ອ້າຍ) ຢູ່ບ້ານທົ່ງປົ່ງເມືອງສີໂຄດຕະບອງ ໃນຂໍ້ຫາຄ້າຂາຍຢາເສບຕິດ ກຸ່ມທ້າວ ຊົມຊາຍ (ດ໋ອງ). 9 ທ້າວ ກ໋ອດ ອາຍຸ 17 ປີ ຢູ່ບ້ານທ່າສະຫວ່າງເມືອງໄຊທານີໃນຂໍ້ກ່າວຫາ: ຄ້າຂາຍຢາເສບຕິດ (ຢາບ້າ) ກຸ່ມຂອງທ້າວ ສົມຊາຍ (ດ໋ອງ). 10 ທ້າວ ເພັງພະຈັນ ອາຍຸ 35 ປີຢູ່ບ້ານໂນນຂີ້ເຫລັກເມືອງສີໂຄດຕະບອງໃນຂໍ້ກ່າວຫາລັກຊັບພົນລະເມືອງ ແລະ 11 ທ້າວ ອິນປອນ (ໜຳ) ອາຍຸ 26 ປີຢູ່ບ້ານກາງເມືອງຫາດຊາຍຟອງໃນຂໍ້ກ່າວຫາ:ຄ້າຂາຍຢາເສບຕິດ (ຢາບ້າ)

ຜ່ານການສືບສວນ-ສອບສວນ ຈໍານວນນັກໂທດ 6 ຄົນທີ່ບໍ່ໂຕນໜີອອກຈາກຫ້ອງຂັງ ແລະ ຈຳນວນ 4 ຄົນທີ່ຈັບໄດ້ມາແລ້ວ, ສາມາດສັງລວມໄດ້ຄື: ເວລາ 2:32 ໂມງຂອງວັນທີ 10 ພຶດສະພາ, ໄດ້ມີຜູ້ຕ້ອງຫາ (ນັກໂທດຢູ່ຫ້ອງເບີ 4) ໄດ້ນຳເອົາຢາງບ້ວງມາຂອດເຂົ້າກັນເຮັດເປັນຫອນໄກແລ້ວເອົາດ້າຍສານແຫມັດໃສ່ຢາງບ້ວງຍິງອອກໄປທາງປ່ອງຊ່ອງລົມຂ້າມກຳແພງດ້ານຫລັງ, ຈາກນັ້ນໄດ້ມີຄົນບໍ່ດີຢູ່ນອກກຳແພງເອົາເຫລັກຊະແລັງ, ເຫລັກສະກັດ ແລະ ໃບເລື່ອຍຕັດເຫລັກມັດໃສ່ເສັ້ນດ້າຍສານແຫແລ້ວດຶງເອົາເຂົ້າໃນຫ້ອງຂັງໂດຍແມ່ນທ້າວ ແສງພະຈັນ (ໝີດຳ)ທ້າວ ວຽງຄຳ (ຄຳນ້ອຍ) ແລະ ທ້າວ ສົມຊາຍ (ດ໋ອງ) ເປັນຄົນເລີ່ມເຈາະຝາຫ້ອງນ້ຳດັ່ງກ່າວ, ໂດຍໃຊ້ເຫລັກສະແລັງ, ເຫລັກສະກັດ ແລະ ໃບເລື່ອຍຕັດເຫລັກ ຈົນຮອດເວລາ 19:10 ໂມງຂອງວັນທີ 11 ພຶດສະພາ 2018 ຈິ່ງສາມາດເຈາະຊອດຝາຫ້ອງນ້ຳໃນຫ້ອງຂັງເປັນຮູພໍຫລົມຕົວ ແລ້ວລອດອອກຈາກຫ້ອງຂັງປີນຂ້າມກຳແພງດ້ານຫລັງໂຕນໜີໄປຈຳນວນ 11 ຄົນ ແລະ ຮອດປັດຈຸບັນ, ເຈົ້າໜ້າທີ່ສາມາດຈັບໂຕຄືນໄດ້ແລ້ວ 4 ຄົນຄື: ທ້າວ ອິນປອນ (ໝຳ), ທ້າວ ສຳລີ (ຕ໋ອກ), ທ້າວ ພອນປະເສີດ ແລະ ທ້າວ ທ໊ອບສະພອນ ສ່ວນຜູ້ຕ້ອງຫານັກໂທດຈຳນວນ 7 ຄົນ ທາງເມືອງກໍຄືເຈົ້າໜ້າທີ່ຮັບຜິດຊອບພວມກໍາລັງສົມທົບກັບອໍານາດການປົກຄອງ ແລະ ພາກສ່ວນກ່ຽວຂ້ອງອື່ນໆ ລົງຕິດຕາມຫາຄອບຄົວພວກກ່ຽວ, ພ້ອມທັງເຮັດບົດບັນທຶກໃຫ້ມອບຕົວ ແລະ ສືບຕໍ່ຕິດຕາມນຳຈັບໂຕມາດໍາເນີນການຕໍ່ໄປ.

ຈາກການລົງກວດກາສະພາບຂອງຄ້າຍກັກຂັງແຫ່ງນີ້ ເກົ່າແກ່ຊຸດໂຊມ ຂາດງົບປະມານໃນການປັບປຸງສ້ອມ ແປງ ກຳແພງອ້ອມຮອບຄ້າຍກັງຂັງຊົ່ວຄາວຍັງຕ່ຳ ແລະ ມີຊັ້ນດຽວ ຈິ່ງສາມາດປີນຂ້າມໄປໄດ້ ສະພາບຂອງຫ້ອງກັກຂັງຢູ່ໃກ້ກັບກຳແພງ ແລະ ອ້ອມຮອບກຳແພງຂອງຄ້າຍກັກຂັງແມ່ນເປັນຫົນທາງ ແລະ ເປັນທີ່ຢູ່ອາໄສ ຂອງປະຊາຊົນເຊິ່ງມີຄວາມຫຍຸ້ງຍາກໃນການກວດກາເຮັດໃຫ້ຄົນທີ່ບໍ່ຫວັງດີ ສາມາດສົ່ງສິ່ງທີ່ຜິດກົດໝາຍເຂົ້າໄປໃນຫ້ອງກັກຂັງໄດ້ງ່າຍ ຈຸດໄຟຟ້າມາກໍ່ບໍ່ເປັນປົກກະຕິ ປ້ອມຍາມມີປ້ອມດຽວຕັ້ງຢູ່ດ້ານໜ້າ, ຫ້ອງຂັງຍັງມີໜ້ອຍ ແລະ ຄັບແຄບ ບວກກັບສະພາບຜູ້ຕ້ອງຫານັກໂທດ ຖືກກັກຂັງມີຈຳນວນຫຼວງຫຼາຍ ແອອັດ ເຊິ່ງພວກເຮົາບໍ່ສາມາດລະບາຍຍົກຍ້າຍອອກໄປຝາກບ່ອນອື່ນຕາມຄວາມຕ້ອງການໄດ້.

ສະພາບຂອງເຈົ້າໜ້າທີ່ຕຳຫຼວດ ພະນັກງານຄ້າຍຄຸມຂັງຍັງມີໜ້ອຍ ການກວດກາບໍ່ເຂັ້ມງວດ, ຜູ້ຖືກປະຈຳການມື້ນັ້ນມີພຽງ 3 ຄົນ ບໍ່ສາມາດກວດກາໄດ້ຢ່າງລະອຽດຖີ່ຖ້ວນຈິ່ງເຮັດໃຫ້ຄົນບໍ່ດີ ໝູ່ຄູ່ພັກພວກຂອງ ຜູ້ຖືກຫາ-ນັກໂທດ ທີ່ຢູ່ທາງນອກເອົາເຄື່ອງຜິດກົດໝາຍ ແລະ ອຸປະກອນຕ້ອງຫ້າມເຂົ້າໄປໃນຫ້ອງກັກຂັງໄດ້ ແລະ ເຮັດໃຫ້ຜູ້ຕ້ອງຫານັກໂທດມີໂອກາດເຈາະຫ້ອງຂັງໂຕນໜີໄດ້.

ເຖິງຢ່າງໃດກໍດີ ທາງຄະນະປົກຄອງ ກໍຄືເຈົ້າໜ້າທີ່ຍັງພ້ອມກັນສືບຕໍ່ປະຕິບັດໜ້າທີ່ລົງຕິດຕາມກວດກາ ເພື່ອນໍາຜູ້ຕ້ອງຫາ-ນັກໂທດທີ່ໂຕນນີ້ໃນຄັ້ງນີ້ ກັບມາດໍາເນີນຂັ້ນຕອນຕາມລະບຽບກົດໝາຍ ແລະ ຮຽກຮ້ອງມາຍັງອໍານາດການປົກຄອງ ປະຊາຊົນຈົ່ງເປັນຫູເປັນຕາໃຫ້ການຮ່ວມມືເພື່ອຮັບປະກັນໃນການປະຕິບັດໜ້າທີ່ໃນຄັ້ງນີ້ປະກອບສ່ວນສ້າງຄວາມເປັນສະບຽບຮຽບຮ້ອຍໃນສັງຄົມ.

ຊົມເຊີຍເຈົ້າໜ້າທີ່ ທີບໍ່ເຫັນແກ່ໄດ້ຈົນລືມໜ້າທີ່ຕົນເອງ ແລະ ພ້ວມເຂົ້າຈັບກຸ່ມພໍ່ຄ້າຢາໄອ ໄດ້ຂອງການ 25 ເປົາ

ເຈົ້າຫນ້າທີ່ສະເພາະກິດແຂວງບໍ່ແກ້ວຂຸບພໍ່ຄ້າຢາໄອໄດ້ກັບມືໍ່ຂອງກາງຢາໄອ 25 ເປົາ ຂະນະທີ່ພໍ່ຄ້າຢາຢື່ນເງິນ 2 ລ້ານບາດເພື່ອຂໍເບີກທາງ ແຕ່ເຈົ້າຫນ້າທີ່ບໍ່ຫລົງເຊື່ອ ແລະ ບໍ່ຍອມຕົກເປັນເຫຍື່ອເດັດຂາດ
ຮ່ວມກັນຂົນສົ່ງຢາເສບຕິດ ຖືກຈັບພ້ອມຂອງກາງຢາໄອສ 25 ເປົາ
ໃນວັນທີ 11 ພຶດສະພາ 2018 ນີ້. ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະຕ້ານຢາເສບຕິດ ປກສ ແຂວງບໍ່ແກ້ວ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ຈະມີການຂົນສົ່ງຢາເສບຕິດຈາກເມືອງຕົ້ນເຜິ້ງ ແຂວງບໍ່ແກ້ວ ໄປແຂວງຫຼວງນໍ້າທາ ໂດຍໃຊ້ລົດພລາໂດຂົນສົ່ງ ຈໍານວນ 03 ຄັນ.

ເມື່ອໄດ້ຮັບແຫຼ່ງຂ່າວແລ້ວ ຈຶ່ງໄດ້ແຕ່ງຕັ້ງເຈົ້າໜ້າທີ່ລົງກວດກາ-ຕິດຕາມເປົ້າໝາຍ ແລະ ຕັ້ງດ່ານສະກັດລັດລົດຢູ່ຈຸດກວດກາບ້ານນາຫຼວງ, ພໍເຖິງເວລາປະມານ 16-17 ໂມງແລງຈຶ່ງໄດ້ພົບເຫັນລົດພລາໂດສີຂາວ ໝາຍເລກທະບຽນ ວທ 9992 ກໍາແພງນະຄອນ ແລ່ນນໍາໜ້າມາກ່ອນ, ທາງເຈົ້າໜ້າທີ່ຈຶ່ງໄດ້ລັດລົດແຕ່ບໍ່ຈອດ. ຈາກນັ້ນ, ເວລາຜ່ານໄປປະມານ 30 ວິນາທີ ກໍ່ໄດ້ມີລົດພລາໂດສີເທົາດໍາ ໝາຍເລກທະບຽນ ກມ 5929 ກໍາແພງນະຄອນ ແລ່ນຕາມມາ ທາງເຈົ້າໜ້າທີ່ຈຶ່ງໄດ້ລັດລົດແຕ່ກໍ່ບໍ່ຍອມຈອດ ແລະຈາກນັ້ນຕໍ່ມາອີກປະມານ 30 ວິນາທີ ກໍ່ມີລົດພລາໂດ ສີຂາວໝາຍເລກທະບຽນ ກຣ 9883 ກໍາແພງນະຄອນແລ່ນຕາມມາອີກ ທາງເຈົ້າໜ້າທີ່ຂອງພວກເຮົາຈຶ່ງໄດ້ລັດລົດ ແລ້ວຜູ້ຂັບຂີ່ກໍ່ໄດ້ຈອດລົດ ເຊິ່ງຂັບຂີ່ໂດຍທ້າວວຽງໄຊ ແກ້ວມະນີ. ຈາກນັ້ນ, ທາງເຈົ້າໜ້າທີ່ຈຶ່ງໄດ້ປະສານຫາ ປກສ ກຸ່ມບ້ານທ່າຟ້າໃຫ້ລັດລົດຈໍານວນ 02 ຄັນທີ່ແຫກດ່ານກວດກາ. ພໍຕົກມາຮອດເວລາປະມານ 17:30 ນາທີ ຈຶ່ງສາມາດກັກລົດພລາໂດໝາຍເລກທະບຽນ ວທ 9992 ກໍາແພງນະຄອນມາໄດ້ ເຊິ່ງມີຜູ້ຂັບຂີ່ຈໍານວນ 03 ຄົນຄື: ທ້າວ ຈັນທອນ ແກ້ວມະນີ ທ້າວ ດວງຈັນ ແລະທ້າວເຮີຢາງ. ແລ້ວທ້າວຈັນທອນໄດ້ລົມກັບເຈົ້າໜ້າທີ່ວ່າ: ຈະເອົາເງິນໃຫ້ຈໍານວນ 2000.000 ບາດ ເພື່ອໃຫ້ປ່ອຍຕົວ ແລະບໍ່ໃຫ້ກວດກາ, ສວນລົດພລາໂດ ໝາຍເລກທະບຽນ ກມ 5929 ກໍາແພງນະຄອນ ແມ່ນໄດ້ລ້ຽວລົດກັບຄືນ. ດັ່ງນັ້ນ, ທາງເຈົ້າທີ່ພາກສ່ວນຈຶ່ງໄດ້ໄລ່ຕາມ ແຕ່ຜູ້ຂັບຂີ່ໄດ້ຂັບຂີ່ລົດລົບໜີເຂົ້າໄປທາງໃນບ້ານຫ້ວຍຫະ ແລ້ວເອົາລົດໄປຈອດໄວ້ຂ້າງເຮືອນຂອງປະຊາຊົນ. ຜ່ານການກວດກາລົດພລາໂດຄັນດັ່ງກ່າວ ໂດຍຊ່ອງໜ້າກັບອໍານາດການປົກຄອງບ້ານຫ້ວຍຫະ ຈຶ່ງໄດ້ພົບເຫັນຢາເສບຕິດປະເພດຢາໄອສ ຈໍານວນ 25 ເປົາ ມີ 651 ຫໍ່ ສ່ວນຜູ້ຂັບຂີ່ແມ່ນໄດ້ເອົາຕົວຫຼົບໜີ. ດັ່ງນັ້ນ, ທາງເຈົ້າໜ້າທີ່ຂອງພວກເຮົາຈຶ່ງໄດ້ກັກຕົວຜູ້ຖືກຫາ ຈໍານວນ 04 ຄົນພ້ອມດ້ວຍຂອງກາງຄະດີມີ: ຢາໄອສ ຈໍານວນ 25 ເປົາ ເທົ່າກັບ 651 ຫໍ່, ລົດພລາໂດ 03 ຄົນ, ໂທລະສັບມືຖື 11 ເຄື່ອງ, ເງິນບາດ 231.000 ບາດ, ເງິນກີບ 468.000 ກີບ, ແຫວນມືຄ້າຍຄືຄໍາ ຈໍານວນ 04 ວົງ ແລະສາຍຄໍຄ້າຍຄືຄໍາ ຈຳນວນ 01 ເສັ້ນ ໄວ້ເພື່ອທຳການສືບສວນສອບສວນຂະຫຍາຍຜົນ.
ຜ່ານການສືບສວນ-ສອບສວນໃນເບື້ອງຕົ້ນໄດ້ຮູ້ວ່າ: ຜູ້ຖືກຫາທັງ 04 ຊື່ທ້າວ ຈັນທອນ ແກ້ວມະນີ ອາຍຸ 30 ປີ, ທ້າວວຽງໄຊ ແກ້ວມະນີ ອາຍຸ 33 ປີ ທັງສອງເປັນອ້າຍນ້ອງກັນ ເຮັດອາຊີບຄ້າຂາຍ ສັນຊາດລາວ ຊົນເຜົ່າກຶມມຸ ແລະທ້າວດວງຈັນ ອາຍຸ23 ປີ ອາຊີບເຮັດນາ ສັນຊາດລາວ ທັງສາມຢູ່ບ້ານພຽງງາມ. ສ່ວນທ້າວເຮີຢາງອາຍຸ 30 ປີ ອາຊີບເຮັດນາ ສັນຊາດລາວ ຊົນເຜົ່າມົ້ງ ແມ່ນອາໃສຢູ່ບ້ານສີທາດ ເມືອງຕົ້ນເຜິ້ງ.
ຜ່ານການສືບສວນ-ສອບສວນທ້າວຈັນທອນໄດ້ໃຫ້ການວ່າ: ເວລາ 9 ໂມງເຊົ້າຂອງວັນທີ 11 ພຶດສະພາ 2018 ຜູ້ກ່ຽວໄດ້ໂທລະສັບຫາທ້າວເຮີຢ່າງ ໃຫ້ມາຫາຕົນ ແລະນ້ອງເຂີຍທ້າວດວງຈັນຢູ່ຕະຫຼາດສີເມືອງງາມ ແລ້ວກໍ່ພາກັນຂັບຂີ່ລົດຂອງຕົນ ຍີ່ຫໍ້ພລາໂດ ສີຂາວ ໝາຍເລກທະບຽນ ວທ 9992 ກໍາແພງນະຄອນ ລົງມາຫ້ວຍຊາຍ. ພໍຕົກມາຮອດເວລາປະມານ 16 ໂມງແລງ ກໍ່ໄດ້ພາກັນຂັບຂີ່ລົດອອກຈາກເມືອງຫ້ວຍຊາຍ ແຂວງບໍ່ແກ້ວ ໄປແຂວງຫຼວງນໍ້າທາ ພໍໄປຮອດດ່ານກວດກາບ້ານນາຫຼວງຜູ້ກ່ຽວກໍ່ໄດ້ຂັບຂີ່ລົດກາຍໄປ ແຕ່ກໍ່ຖືກເຈົ້າໜ້າທີ່ກັກຕົວຢູ່ຂົວບ້ານທ່າຟ້າແລ້ວນໍາຕົວມາຈຸດກວດກາບ້ານນາຫຼວງ. ຈາກນັ້ນ, ຜູ້ກ່ຽວກໍ່ໄດ້ລົມກັບເຈົ້າໜ້າທີ່ວ່າຈະເອົາເງິນໃຫ້ຈໍານວນ 2000.000 ບາດ ເພື່ອໃຫ້ປ່ອຍຕົວ ແລະບໍ່ໃຫ້ກວດກາສາເຫດຍ້ອນວ່າ ລົດພລາໂດ ໝາຍເລກທະບຽນ ກມ 5929 ກໍາແພງນະຄອນ ຂອງໝູ່ ຊື່ທ້າວ ເອ່ຍ ອາຍຸປະມານ 30 ປີ ສັນຊາດລາວ ເຊື້ອຊາດລາວ ຢູ່ບ້ານດອນທາດ ເມືອງຕົ້ນເຜິ້ງ ມີຢາເສບຕິດ. ສ່ວນທ້າວວຽງໄຊ ແກ້ວມະນີ ຜູ້ເປັນອ້າຍແມ່ນໃຫ້ມາເບິ່ງທາງ ເຊິ່ງຈະໃຫ້ຄ່າຈ້າງເປັນເງິນຈໍານວນ 50.000 ບາດ.ຜ່ານການສືບສວນ-ສອບສວນແລ້ວເຫັນວ່າ: ພວກກ່ຽວທັງ 04 ແມ່ນມີຄວາມຜິດເຈດຕະນາຮ່ວມກັນຂົນສົ່ງຢາເສບຕິດ. ດັ່ງນັ້ນ, ທາງເຈົ້າໜ້າທີ່ຂອງພວກເຮົາຈຶ່ງໄດ້ກັກຕົວພວກກ່ຽວໄວ້ເພື່ອທໍາການສືບສວນ-ສອບສວນຂະຫຍາຍຜົນຫາກຸ່ມແກ້ງຄ້າຂາຍຢາເສບຕິດລາຍນີ້ມາດໍາເນີນຄະດີຕາມລະບຽບກົດໝາຍຕໍ່ໄປ.
ຂ່າວ: ຮຕ ນາຊູ ອິນທະບັນດິດ

ເຈົ້າຫນ້າທີ່ສະເພາະກິດແຂວງບໍ່ແກ້ວຂຸບພໍ່ຄ້າຢາໄອໄດ້ກັບມືພ້ອມຂອງກາງຢາໄອ 25 ເປົາ ຂະນະທີ່ພໍ່ຄ້າຢາຢື່ນເງິນ 2 ລ້ານບາດເພື່ອຂໍເບີກທາງ ແຕ່ເຈົ້າຫນ້າທີ່ບໍ່ຫລົງເຊື່ອ ແລະ ບໍ່ຍອມຕົກເປັນເຫຍື່ອເດັດຂາດ……..ຮ່ວມກັນຂົນສົ່ງຢາເສບຕິດ ຖືກຈັບພ້ອມຂອງກາງຢາໄອສ 25 ເປົາ ໃນວັນທີ 11 ພຶດສະພາ 2018 ນີ້. ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະຕ້ານຢາເສບຕິດ ປກສ ແຂວງບໍ່ແກ້ວ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ຈະມີການຂົນສົ່ງຢາເສບຕິດຈາກເມືອງຕົ້ນເຜິ້ງ ແຂວງບໍ່ແກ້ວ ໄປແຂວງຫຼວງນໍ້າທາ ໂດຍໃຊ້ລົດພລາໂດຂົນສົ່ງ ຈໍານວນ 03 ຄັນ.ເມື່ອໄດ້ຮັບແຫຼ່ງຂ່າວແລ້ວ ຈຶ່ງໄດ້ແຕ່ງຕັ້ງເຈົ້າໜ້າທີ່ລົງກວດກາ-ຕິດຕາມເປົ້າໝາຍ ແລະ ຕັ້ງດ່ານສະກັດລັດລົດຢູ່ຈຸດກວດກາບ້ານນາຫຼວງ, ພໍເຖິງເວລາປະມານ 16-17 ໂມງແລງຈຶ່ງໄດ້ພົບເຫັນລົດພລາໂດສີຂາວ ໝາຍເລກທະບຽນ ວທ 9992 ກໍາແພງນະຄອນ ແລ່ນນໍາໜ້າມາກ່ອນ, ທາງເຈົ້າໜ້າທີ່ຈຶ່ງໄດ້ລັດລົດແຕ່ບໍ່ຈອດ. ຈາກນັ້ນ, ເວລາຜ່ານໄປປະມານ 30 ວິນາທີ ກໍ່ໄດ້ມີລົດພລາໂດສີເທົາດໍາ ໝາຍເລກທະບຽນ ກມ 5929 ກໍາແພງນະຄອນ ແລ່ນຕາມມາ ທາງເຈົ້າໜ້າທີ່ຈຶ່ງໄດ້ລັດລົດແຕ່ກໍ່ບໍ່ຍອມຈອດ ແລະຈາກນັ້ນຕໍ່ມາອີກປະມານ 30 ວິນາທີ ກໍ່ມີລົດພລາໂດ ສີຂາວໝາຍເລກທະບຽນ ກຣ 9883 ກໍາແພງນະຄອນແລ່ນຕາມມາອີກ ທາງເຈົ້າໜ້າທີ່ຂອງພວກເຮົາຈຶ່ງໄດ້ລັດລົດ ແລ້ວຜູ້ຂັບຂີ່ກໍ່ໄດ້ຈອດລົດ ເຊິ່ງຂັບຂີ່ໂດຍທ້າວວຽງໄຊ ແກ້ວມະນີ. ຈາກນັ້ນ, ທາງເຈົ້າໜ້າທີ່ຈຶ່ງໄດ້ປະສານຫາ ປກສ ກຸ່ມບ້ານທ່າຟ້າໃຫ້ລັດລົດຈໍານວນ 02 ຄັນທີ່ແຫກດ່ານກວດກາ. ພໍຕົກມາຮອດເວລາປະມານ 17:30 ນາທີ ຈຶ່ງສາມາດກັກລົດພລາໂດໝາຍເລກທະບຽນ ວທ 9992 ກໍາແພງນະຄອນມາໄດ້ ເຊິ່ງມີຜູ້ຂັບຂີ່ຈໍານວນ 03 ຄົນຄື: ທ້າວ ຈັນທອນ ແກ້ວມະນີ ທ້າວ ດວງຈັນ ແລະທ້າວເຮີຢາງ. ແລ້ວທ້າວຈັນທອນໄດ້ລົມກັບເຈົ້າໜ້າທີ່ວ່າ: ຈະເອົາເງິນໃຫ້ຈໍານວນ 2000.000 ບາດ ເພື່ອໃຫ້ປ່ອຍຕົວ ແລະບໍ່ໃຫ້ກວດກາ, ສວນລົດພລາໂດ ໝາຍເລກທະບຽນ ກມ 5929 ກໍາແພງນະຄອນ ແມ່ນໄດ້ລ້ຽວລົດກັບຄືນ. ດັ່ງນັ້ນ, ທາງເຈົ້າທີ່ພາກສ່ວນຈຶ່ງໄດ້ໄລ່ຕາມ ແຕ່ຜູ້ຂັບຂີ່ໄດ້ຂັບຂີ່ລົດລົບໜີເຂົ້າໄປທາງໃນບ້ານຫ້ວຍຫະ ແລ້ວເອົາລົດໄປຈອດໄວ້ຂ້າງເຮືອນຂອງປະຊາຊົນ. ຜ່ານການກວດກາລົດພລາໂດຄັນດັ່ງກ່າວ ໂດຍຊ່ອງໜ້າກັບອໍານາດການປົກຄອງບ້ານຫ້ວຍຫະ ຈຶ່ງໄດ້ພົບເຫັນຢາເສບຕິດປະເພດຢາໄອສ ຈໍານວນ 25 ເປົາ ມີ 651 ຫໍ່ ສ່ວນຜູ້ຂັບຂີ່ແມ່ນໄດ້ເອົາຕົວຫຼົບໜີ. ດັ່ງນັ້ນ, ທາງເຈົ້າໜ້າທີ່ຂອງພວກເຮົາຈຶ່ງໄດ້ກັກຕົວຜູ້ຖືກຫາ ຈໍານວນ 04 ຄົນພ້ອມດ້ວຍຂອງກາງຄະດີມີ: ຢາໄອສ ຈໍານວນ 25 ເປົາ ເທົ່າກັບ 651 ຫໍ່, ລົດພລາໂດ 03 ຄົນ, ໂທລະສັບມືຖື 11 ເຄື່ອງ, ເງິນບາດ 231.000 ບາດ, ເງິນກີບ 468.000 ກີບ, ແຫວນມືຄ້າຍຄືຄໍາ ຈໍານວນ 04 ວົງ ແລະສາຍຄໍຄ້າຍຄືຄໍາ ຈຳນວນ 01 ເສັ້ນ ໄວ້ເພື່ອທຳການສືບສວນສອບສວນຂະຫຍາຍຜົນ.ຜ່ານການສືບສວນ-ສອບສວນໃນເບື້ອງຕົ້ນໄດ້ຮູ້ວ່າ: ຜູ້ຖືກຫາທັງ 04 ຊື່ທ້າວ ຈັນທອນ ແກ້ວມະນີ ອາຍຸ 30 ປີ, ທ້າວວຽງໄຊ ແກ້ວມະນີ ອາຍຸ 33 ປີ ທັງສອງເປັນອ້າຍນ້ອງກັນ ເຮັດອາຊີບຄ້າຂາຍ ສັນຊາດລາວ ຊົນເຜົ່າກຶມມຸ ແລະທ້າວດວງຈັນ ອາຍຸ23 ປີ ອາຊີບເຮັດນາ ສັນຊາດລາວ ທັງສາມຢູ່ບ້ານພຽງງາມ. ສ່ວນທ້າວເຮີຢາງອາຍຸ 30 ປີ ອາຊີບເຮັດນາ ສັນຊາດລາວ ຊົນເຜົ່າມົ້ງ ແມ່ນອາໃສຢູ່ບ້ານສີທາດ ເມືອງຕົ້ນເຜິ້ງ.ຜ່ານການສືບສວນ-ສອບສວນທ້າວຈັນທອນໄດ້ໃຫ້ການວ່າ: ເວລາ 9 ໂມງເຊົ້າຂອງວັນທີ 11 ພຶດສະພາ 2018 ຜູ້ກ່ຽວໄດ້ໂທລະສັບຫາທ້າວເຮີຢ່າງ ໃຫ້ມາຫາຕົນ ແລະນ້ອງເຂີຍທ້າວດວງຈັນຢູ່ຕະຫຼາດສີເມືອງງາມ ແລ້ວກໍ່ພາກັນຂັບຂີ່ລົດຂອງຕົນ ຍີ່ຫໍ້ພລາໂດ ສີຂາວ ໝາຍເລກທະບຽນ ວທ 9992 ກໍາແພງນະຄອນ ລົງມາຫ້ວຍຊາຍ. ພໍຕົກມາຮອດເວລາປະມານ 16 ໂມງແລງ ກໍ່ໄດ້ພາກັນຂັບຂີ່ລົດອອກຈາກເມືອງຫ້ວຍຊາຍ ແຂວງບໍ່ແກ້ວ ໄປແຂວງຫຼວງນໍ້າທາ ພໍໄປຮອດດ່ານກວດກາບ້ານນາຫຼວງຜູ້ກ່ຽວກໍ່ໄດ້ຂັບຂີ່ລົດກາຍໄປ ແຕ່ກໍ່ຖືກເຈົ້າໜ້າທີ່ກັກຕົວຢູ່ຂົວບ້ານທ່າຟ້າແລ້ວນໍາຕົວມາຈຸດກວດກາບ້ານນາຫຼວງ. ຈາກນັ້ນ, ຜູ້ກ່ຽວກໍ່ໄດ້ລົມກັບເຈົ້າໜ້າທີ່ວ່າຈະເອົາເງິນໃຫ້ຈໍານວນ 2000.000 ບາດ ເພື່ອໃຫ້ປ່ອຍຕົວ ແລະບໍ່ໃຫ້ກວດກາສາເຫດຍ້ອນວ່າ ລົດພລາໂດ ໝາຍເລກທະບຽນ ກມ 5929 ກໍາແພງນະຄອນ ຂອງໝູ່ ຊື່ທ້າວ ເອ່ຍ ອາຍຸປະມານ 30 ປີ ສັນຊາດລາວ ເຊື້ອຊາດລາວ ຢູ່ບ້ານດອນທາດ ເມືອງຕົ້ນເຜິ້ງ ມີຢາເສບຕິດ. ສ່ວນທ້າວວຽງໄຊ ແກ້ວມະນີ ຜູ້ເປັນອ້າຍແມ່ນໃຫ້ມາເບິ່ງທາງ ເຊິ່ງຈະໃຫ້ຄ່າຈ້າງເປັນເງິນຈໍານວນ 50.000 ບາດ.ຜ່ານການສືບສວນ-ສອບສວນແລ້ວເຫັນວ່າ: ພວກກ່ຽວທັງ 04 ແມ່ນມີຄວາມຜິດເຈດຕະນາຮ່ວມກັນຂົນສົ່ງຢາເສບຕິດ. ດັ່ງນັ້ນ, ທາງເຈົ້າໜ້າທີ່ຂອງພວກເຮົາຈຶ່ງໄດ້ກັກຕົວພວກກ່ຽວໄວ້ເພື່ອທໍາການສືບສວນ-ສອບສວນຂະຫຍາຍຜົນຫາກຸ່ມແກ້ງຄ້າຂາຍຢາເສບຕິດລາຍນີ້ມາດໍາເນີນຄະດີຕາມລະບຽບກົດໝາຍຕໍ່ໄປ.ຂ່າວ: ຮຕ ນາຊູ ອິນທະບັນດິດ

Posted by ຈົດໝາຍຂ່າວ Message on Thursday, 17 May 2018

ບ່າວໂວຍອ້າງເປັນຜົວຂອງສາວ ໃຊ້ປືນຂູ່ພ້ອມທຳຮ້າຍຮ່າງກາຍ ງານນີ້ມີເຈັບ ຜູ້ພົບເຫັນເຫດການຊ່ວຍກັນຈັບ

ສະບາຍດີຂ້ອຍມີເລື່ອງມາເຕືອນສັງຄົມບຸກຄົນໃນຮູບແມ່ນລາວໄດ້ຈົງໃຈທີຈະຂ້າຜູ້ຍິງຄົນໃນຮູບແລ້ວຂ້ອຍໄປພົບເຫັນເລີຍເຂົ້າໄປຊ່ວຍເຫລືອຊາຍດັ່ງກ່າວນີ້ແມ່ນມີປືນແລະຈະຍີງຂ້ອຍກັບຫມູ່ຂ້ອຍທີຈະເຂົ້າໄປຊ່ວຍແຕ່ພວກຂ້ອຍສອງຄົນກໍ່ພາກັນຕັດສິນໃຈຂີລົດໄປຫາອ້າຍຮັກທີບ້ານດອນນຸນເພາະບ້ານອ້າຍຮັກໃກ້ກັບຈຸດເກີດເຫດແລະໂຕຂ້ອຍເອງກໍກັບມາຈຸດເກີດເຫດພ້ອມອ້າຍຮັກສອງຄົນແລະຂ້ອຍກໍ່ຕັດສິນໃຈເຂົ້າໄປສົກຫນ້າລາວກອນເພາະວ່າລາວມີປື່ນຍານລາວຍີງຂ້ອຍກັບອ້າຍຮັກແລະຫມູ່ຂ້ອຍເບີງຄຮີບ…….!!ຜູ້ຍິງດັງກ່າວແມ່ນຢູ່ໃນຄວາມປອດໄພແລ້ວ
ແຕ່ລາວກະທົບກະເທື່ອນຈິດໃຈຫລາຍ

 

Posted by ອິນເຕີ ບຸດນາໂຄ on Wednesday, 16 May 2018

Posted by ອິນເຕີ ບຸດນາໂຄ on Wednesday, 16 May 2018

ປອມຕົວເປັນແມ່ເລົ້າອ້າງມາຕິດຕໍ່ແຂກ ເພື່ອມາລັກຊັບພົນລະເມືອງ

ພະແນກສືບສວນ-ສອບສວນ ປກສ ແຂວງບໍ່ແກ້ວ ໄດ້ຈັບກຸ່ມເປົ້າໝາຍ ໃນຄະດີລັກຊັບພົນລະເມືອງ ໃນຄັ້ງວັນທີ 12 ມັງກອນ 2018 ທີ່ຜ່ານມາ ໄດ້ມີຜູ້ຖືກເສຍຫາຍເຂົ້າມາແຈ້ງຄວາມຕໍ່ເຈົ້າໜ້າທີ່ພະນັກງານສືບສວນ-ສອບສວນຄະດີອາຍາ ປກສ ແຂວງບໍ່ແກ້ວວ່າ: ໄດ້ມີຄົນຮ້າຍບໍ່ຮູ້ຊື່ເປັນເພດຊາຍເຂົ້າໄປລັກເອົາເງິນຜູ້ທີ່ມາໃຊ້ບໍລິການພັກເຊົາຢູ່ບັນດາເຮືອນພັກ, ໂຮງແຮມເປັນຈໍານວນຫຼາຍຄັ້ງ, ພາຍຫຼັງໄດ້ຮັບແຈ້ງຄວາມແລ້ວ ເຈົ້າໜ້າທີ່ຂອງພວກເຮົາຈຶ່ງໄດ້ແຕ່ງຕັ້ງໜ່ວຍງານສະເພາະລົງກວດກາສັນນະສູດສະຖານທີ່ເກີດເຫດຕົວຈິງເຫັນວ່າ: ມີມູນຄວາມຈິງ.

ສະນັ້ນ, ພວກເຮົາຈຶ່ງລົງເກັບກໍາຂໍ້ມູນ ແລະ ສືບຫາເປົ້າໝາຍສົງໃສ, ຂຶ້ນບັນຊີເປົ້າໝາຍ, ຄັດຈ້ອນເປົ້າໝາຍ ພ້ອມທັງເປີດການສືບສວນ-ສອບສວນຕໍ່ກັບເຫດການດັ່ງກ່າວ, ຈົນຕົກມາຮອດ ວັນທີ 16 ມັງກອນ 2018 ຈຶ່ງສາມາດຈັບຕົວເປົ້າໝາຍໄດ້ຄື: ທ້າວ ຈູນນີ ທັນໃຈ ຫຼື (ຈຸ່ນ) ອາຍຸ 25 ປີ ອາຊີບ ກໍາມະກອນ ປະຈຸບັນຢູ່ບ້ານ ປ່າອ້ອຍ ເມືອງຫ້ວຍຊາຍ ແຂວງບໍ່ແກ້ວ ແລະ ໃນວັນທີ 16 ພຶດສະພາ 2018 ນີ້ ທາງເຈົ້າໜ້າທີ່ພະແນກສືບສວນ-ສອບສວນ ຄະດີອາຍາ ປກສ ແຂວງບໍ່ແກ້ວ ກໍ່ໄດ້ນໍາຕົວຜູ້ຖືກຫາມາປະກອບແຜນຄະດີໃນການກໍ່ເຫດແຕ່ລະຄັ້ງຢູ່ທີ່ຈຸດເກີດເຫດ ຈໍານວນ 04 ຈຸດ ຕາມບ້ານພັກ-ໂຮງແຮມໃນຂອບເຂດເທດສະບານເມືອງຫ້ວຍຊາຍ.

ຮູບແບບໃນການລັກຊັບໃນຄັ້ງນີ້: ຜູ້ກ່ຽວໄດ້ແຕ່ງກາຍເປັນເພດຍິງ, ເພື່ອເຂົ້າໄປຕິດຕໍ່ບັນດາເຮືອນພັກ, ໂຮງແຮມໃດມີແຂກ ຫຼື ບໍ່ມີແຂກໂດຍຢ່າງເຂົ້າໄປໃນຫ້ອງ ເມື່ອເຫັນຄົນຜູ້ມາພັກເຊົາ ຜູ້ກ່ຽວກໍ່ໄດ້ອ້າງວ່າຕ້ອງການຜູ້ສາວບໍ່?, ແລ້ວກໍ່ຍ່າງໄປເບິ່ງຫ້ອງອື່ນໆອີກ ຕາງສັງເກດວ່າ: ແຕ່ລະຫ້ອງໃສກະແຈຫຼືບໍ່?, ອຸປະກອນໃນການລັກຊັບຂອງຜູ້ກ່ຽວໃນການກໍ່ເຫດແຕ່ລະຄັ້ງ ແມ່ນໄດ້ໃຊ້ຂອງແຂງເຂົ້າກໍ່ເຫດກໍ່ຄື: ມີດ, ເຫຼັກສະແລ່ງ ແລະ ໄມ້ ຜົນເສຍຫາຍທີຍຶດໄດ້ຄືນມີ:

 ເງິນກີບຈໍານວນ 9.500.000ກີບ (ເກົ້າລ້ານຫ້າແສນກີບ)
 ເງິນຢວນຈໍານວນ 9700 ຢວນ (ເກົ້າພັນເຈັດຮ້ອຍຢອນ)
 ເງິນບາດ 25.000 ບາດ (ຊາວຫ້າພັນບາດ)
ຕໍ່ກັບເຫດການໃນຄັ້ງນີ້: ທາງເຈົ້າໜ້າທີ່ປ້ອງກັນຄວາມສະຫງົບ ແຂວງບໍ່ແກ້ວ ຈຶ່ງຂໍຮຽກຮ້ອງມາຍັງພໍ່ແມ່ປະຊາຊົນບັນດາເຜົາ, ບັນດາພະແນກການ, ສໍານັກງານ, ລັດວິສາຫະກິດ, ຫ້າງຮ້ານ, ນັກທຸລະກິດພາຍໃນ ແລະ ຕ່າງປະເທດ ທີ່ມາລົງທຶນຢູ່ພາຍໃນແຂວງບໍ່ແກ້ວ ຈົ່ງຍົກສູງສະຕິລະວັງຕົວ, ເປັນເຈົ້າການປົກປັກຮັກສາວັດຖຸເຄື່ອງຂອງຕ່າງໆຂອງຕົນໃຫ້ດີ, ບໍ່ໃຫ້ກຸ່ມຄົນບໍ່ດີສວຍໃຊ້ໂອກາດຊອກຫາຊ່ອງວ່າງເຄື່ອນໄຫວການກະທໍາຜິດໄດ້.

 

ຂ່າວ: ຮທ ວິທູນ ແກ້ວກັນຍາ

ປະກາດເຕືອນໄພສັງຄົມ ເລື່ອງແມ່ຄ້າຮັບຫິ້ວເຄື່ອງຈາກໄທ

ຈາກຜູ້ໃຊ້ເຟສບຸກຊື່ທ່ານຫນຶ່ງເລົ່າວ່າ: ສະບາຍດີ ຕອນຊ່ວງເດືອນ11ຂ້ອຍໄດ້ສັ່ງເຄື່ອງອອນໄລກັບແມ່ຄ້າຄົນນຶ່ງທີ່ລາວ”ຮັບຫິ້ວເຄື່ອງແຕ່ໄທ” ຂ້ອຍໄດ້ສັ່ງລິບສະຕິກຍີ່ຫໍ້ນຶ່ງ ລວມລາຄາ 5300 ບາດ 12 ອັນຄ່າຫິ້ວອັນລະ 60 ບາດ ລະລາວໃຫ້ຈ່າຍເງິນກ່ອນເພາະມັນເປັນຈຳນວນເງິນຫລາຍ, ລະຂ້ອຍກະໄດ້ຈ່າຍໃຫ້ລາວ.. (.ທີ່ຈ່າຍໃຫ້ກ່ອນເພາະເຂົ້າໄປເບິ່ງເຟດບຸກລາວແລ້ວມີຄວາມຫນ້າເຊື່ອຖືດີ ຮຽນຢູ່ໂຮງຮຽນກະດີ ເລີຍໄວ້ໃຈ)


ລະຫລັງຈາກນັ້ນລາວວ່າເຄື່ອງບໍ່ມີລະລາວກະບໍ່ເອົາເງິນມາສົ່ງຂ້ອຍ ລະຂ້ອຍແຊັດໄປຖາມອີກລະວ່າມີເຄື່ອງ ແຕ່ທີ່ຈິງກະບໍ່ມີຕົວະໄປຕົວະມາຈົນຮອດເດືອນ2 ຂ້ອຍວ່າປ່ຽນໄປເອົາກະເປົາແທນໄດ້ບໍ່ເພາະລາວບໍ່ມີເງິນມາສົ່ງລະລາວກະວ່າໄດ້ລະລາວກະຕົວະໄປຕົວະມາອີກ ລະລາວວ່າສິຊອກເງິນມາໃຊແຕ່ກະບໍ່ເອົາມາໃຊ້ຈກເທື່ອຈົນຮອດປະຈຸບັນນີ້ຂ້ອຍໄດ້ເງິນຈາກລາວແມ່ນ 200 000 ກີບ ແຕ່ທ້າຍເດືອນ4ລະກະບໍ່ໄດ້ອີກເລີຍ.,,
ຈຸດປະສົງທີ່ໂພດສນີ້ແມ່ນຍ້ອນຢາກໃຫ້ທຸກຄົນລະວັງໂຕແລະກວດສອບກ່ອນສັ່ງເຄື່ອກັບພວກຮັບຫິ້ວຢ່າໃຫ້ເງິນກ່ອນຖ້າໃຫ້ກະໃຫ້50% ພໍ ., ຄືແບບໃຫ້ໂອກາດ ໃຫ້ເອົາມາໃຊ້ອາທິດລະແສນເພີ່ນກະວ່າຕົກລົງແຕ່ກະບໍ່ເຫັນເຮັດໄດ້ ແທນທີ່ສິແຊັດມາບອກກັນແຕ່ກະມິດເລີຍຕະຫລອດ


ທີ່ໂພດສນິບໍ່ໄດ້ເຫມົາລວມຄົນຮັບຫິ້ວເຄື່ອງຫມົດທຸກຄົນຫມາຍເຖິງໃຫ້ລະວັງສະເພາະຄົນໃນຮູບນີ້ເທົ່ານັ້ນ .,
ປລ ແມ່ຄ້າທີ່ເຊື່ອໃຈໄດ້ມີຫລາຍ ນີ້ອາດເປັນ1ໃນຮ້ອຍຄົນທີ່ມັກຕົວະຕົ້ມຕຸນກະໄດ້

ສະຫຼຸບບົດລາຍງານເຫດໄຟໄໝ້ສະໜາມຂີ້ເຫຍື້ອ ຕໍ່ລັດຖະມົນຕີທີ່ກ່ຽວຂ້ອງ

ໃນຕອນເຊົ້າວັນທີ 14 ພຶດສະພາ 2018 ທ່ານ ສົມມາດ ພົນເສນາ ລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມດ້ວຍ ທ່ານ ຮອງລັດຖະມົນຕີ;ຫົວໜ້າກົມ-ຮອງກົມ ແລະ ຫົວໜ້າອົງການ ໄຈກ້າ ປະຈຳລາວ; ຊຽວຊານຈາກປະເທດຢີ່ປຸ່ນ ໄດ້ລົງຢ້ຽມຢາມ ແລະກວດກາ ສະໜາມບຳບັດຂີ້ເຫຍື້ອຢູ່ຫລັກ 32 ບ້ານນາຜາສຸກ ເມືອງ ໄຊທານີ ນະຄອນຫຼວງວຽງຈັນ.

ເປັນກຽດເຂົ້າຮັບຕ້ອນ ໂດຍ ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ ພ້ອມດ້ວຍ ທ່ານເຈົ້າເມືອງໄຊທານີ, ທ່ານຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມ ນວ, ຫົວໜ້າພະແນກ ສາທາລະນະສຸກ, ຫົວໜ້າຫ້ອງການ ຄບຕ ແລະ ສະມາຊິກພັກ ພະນັກງານທີ່ກ່ຽວຂ້ອງ;


ຜ່ານການຮັບຟັງການລາຍງານຄວາມເປັນມາ ແລະ ສະພາບການຄຸ້ມຄອງ ບໍລິຫານຈັດການຂີ້ເຫຍື້ອຢູ່ພາກສະໜາມ ແລະ ການແກ້ໄຂ ບັນຫາໄຟໄໝ້ສະໜາມຂີ້ເຫຍື້ອ ຈາກ ຫົວໜ້າຫ້ອງການ ຄບຕ ແລ້ວ. ທ່ານ ລັດຖະມົນຕີ,ພ້ອມດ້ວຍຄະນະ ແລະ ຊຽວຊານ ໄດ້ມີຄຳຖາມ ແລະ ຄຳເຫັນຊີ້ນຳ ເພື່ອເຮັດໃຫ້ວຽກງານ ການຄຸ້ມຄອງ ແລະ ເກັບມ້ຽນຂີ້ເຫຍື້ອ ຢູ່ນະຄອນຫລວງວຽງຈັນ ໄດ້ຮັບການປັບປຸງ ແລະ ຖືກຕ້ອງຕາມຫລັກການ ພ້ອມນີ້ ທ່ານ ຍັງໄດ້ນຳພາຄະນະ ລົງເບິ່ງສະພາບ ຂຸມເກັບມ້ຽນຂີ້ເຫຍື້ອ,ເຕົາເຜົາຂີ້ເຫຍື້ອຕິດເຊື້ອຈາກໂຮງໝໍ, ສະຖານຈະສ້າງໂຮງງານເຜົາຂີ້ເຫຍື້ອເພື່ອຜະລິດເປັນພະລັງງານໃນອານາຄົດ.

ສະໜາມຂີເຫຍື້ອຫຼັກ 32 ບ້ານ ນາຜາສຸກ ເມືອງໄຊທານີ ນວ ໄດ້ເກີດເຫດໄຟໄໝ້ ໃນຕອນບ່າຍຂອງວັນທີ 4 ມີນາ 2018 ທີ່ຜ່ານມາ.ສາເຫດເບື້ອງຕົ້ນສັນນິຖານວ່າຕົ້ນໄຟທີ່ແຜ່ລາມໃນຄັ້ງນີ້ ແມ່ນຍ້ອນສະເກັດໄຟໄໝ້ປ່າ ແລະ ຍ້ອນມື້ນັ້ນສະພາບອາກາດຮ້ອນຫຼາຍ ແລະ ມີລົມພັດແຮງ ຈຶ່ງເຮັດໃຫ້ພັດເອົາແປວໄຟເຂົ້າໄປໃນສະໜາມຂີ້ເຫຍື້ອ ແລະ ໄດ້ເກີດລຸກໄໝ້ແຜ່ລາມເປັນບໍລິເວນກວ້າງ.

ແຕ່ມືິ້ເກີດເຫດຈົນເຖິງວັນທີ 15 ມິນາ 2018 ລວມເປັນເວລາ 16 ມື້ພໍດີທີ່ຫ້ອງການ ຄບຕ ຮ່ວມກັບ ພະແນກຕ້ານ ແລະ ສະກັດກັ້ນອັກຄີໄພ ນວ ແລະ ພາກສ່ວນກ່ຽວຂ້ອງ ໄດ້ສຸມກຳລັງຢ່າງເຕັມທີ່ ເຊີ່ງປະຕິບັດການດັ່ງກ່າວ ໃນເນື້ອທີ່ໄໝ້ທັງໝົດ 36,2 ຮຕ, ສາມາດປະຕິບັດໜ້າວຽກໄດ້ຄື: ສີດນ້ຳພົມຄັວນ ປະຕິບັດໄດ້ 1.088 ຖ້ຽວ, ເທົ່າກັບ 13.056 ມ3; ວຽກຂົນດິນແດງ 4.328 ຖ້ຽວ ເທົ່າກັບ 54.038 ມ3 ສັງລວມບໍລິມາດ ວຽກຈົກດິນ, ດຸດຖົມແປວໄຟ ແລະ ຈົກຂີ້ເຫຍື້ອ ສີດນ້ຳ ພົມດັບໄຟ ມາຮອດວັນທີ 15 ມີນາ ສາມາດ ປະຕິບັດໄດ້ ທັງໝົດ : 24,428 ເຮັກຕາ ຄິດສະເລ່ຍເທົ່າກັບ 67,39 % ຂອງເນື້ອທີ່ ທີ່ຖືກໄຟໃໝ້ທັງໝົດ.

 

ແຫຼ່ງທີ່ມາຈາກ: ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ຄບຕ

ໂຄງການຢ້ຽມຊົມໂຮງງານລົດຖັງເປັນຜົນດີ ກຳປູເຈຍຮ່ວມປະຊຸມສະຫຼຸບເຂດສາຍແດນໂດຍດ່ວນ

ໃນວັນທີ 16 ພຶດສະພາ 2018, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ແລະ ພົບປະເຮັດວຽກກັບ ທ່ານ ປຣາກ ໂຊຄົນ, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ແຫ່ງ ລາຊະອານາຈັກ ກໍາປູເຈຍ.
ການພົບປະຄັ້ງນີ້ ແມ່ນປະຕິບັດຕາມເຈຕະນາລົມຂອງສອງລັດຖະບານ ກໍຄືຄຳຕົກລົງຂອງສອງນາຍົກລັດຖະມົນຕີ ລາວ ແລະ ກຳປູເຈຍ ທີ່ໄດ້ມອບໝາຍໃຫ້ກະຊວງການຕ່າງປະເທດຂອງທັງສອງປະເທດປຶກສາຫາລືຮ່ວມກັນ ເພື່ອຊອກວິທີແກ້ໄຂບັນຫາຊາຍແດນທີ່ຍັງຄົງຄ້າງ ລະຫວ່າງສອງປະເທດໃຫ້ມີຄວາມຄືບໜ້າ ແລະ ກ້າວໄປສູ່ຄວາມສໍາເລັດຕະຫລອດເສັ້ນຊາຍແດນທີ່ຍັງເຫລືອຢູ່ 14 % ຂອງລວງຍາວເສັ້ນຊາຍແດນທັງໝົດ 535 ກິໂລແມັດ.

ໃນໂອກາດດັ່ງກ່າວນີ້, ສອງຝ່າຍໄດ້ຮ່ວມກັນຕີລາຄາສູງຕໍ່ຜົນສຳເລັດໃນຂອບການຮ່ວມມືຕ່າງໆ, ພ້ອມຍັງໄດ້ແລກປ່ຽນທັດສະນະ ກ່ຽວກັບວຽກງານສຳຫລວດ ແລະປັກຫລັກໝາຍຊາຍແດນ ໂດຍໄດ້ເປັນເອກະພາບກັນຈະສືບຕໍ່ຊຸກຍູ້ໃຫ້ຄະນະກໍາມະການຊາຍແດນ ລາວ-ກໍາປູເຈຍ; ກໍາປູເຈຍ-ລາວ ພົບປະປຶກສາກັນໃຫ້ຫລາຍຂຶ້ນ ເພື່ອພ້ອມກັນແກ້ໄຂບັນຫາຊາຍແດນທີ່ຍັງຄົງຄ້າງ ລະຫວ່າງສອງປະເທດ ໃຫ້ສຳເລັດໃນເວລາອັນຄວນ.

ພ້ອມດຽວກັນນີ້, ສອງຝ່າຍຈະສ້າງຕັ້ງກົນໄກປະສານງານຂັ້ນກົມກ່ຽວຂ້ອງຂອງກະຊວງການຕ່າງປະເທດຂອງທັງສອງປະເທດຮ່ວມກັນຕື່ມອີກ, ທັງນີ້ເພື່ອເປັນການປະກອບສ່ວນເຮັດໃຫ້ບໍລິເວນຊາຍແດນມີຄວາມສະຫງົບ ແລະ ມີສະຖຽນລະພາບ ເຮັດໃຫ້ການພົວພັນຮ່ວມມື ລະຫວ່າງ ສອງຝ່າຍກັບຄືນສູ່ສະພາບທີ່ເປັນປົກກະຕິດັ່ງທີ່ເຄີຍມີມາແຕ່ກ່ອນ.
ການພົບປະປຶກສາຫາລື ໄດ້ດຳເນີນໄປດ້ວຍບັນຍາກາດໄມຕິຈິດມິດຕະພາບຖານບ້ານໃກ້ເຮືອນຄຽງທີ່ມີມູນເຊື້ອອັນດີງາມນຳກັນມາແຕ່ບູຮານນະການ.

ແຫຼ່ງທີ່ມາ: Support Prime Minister Thongloun Sisoulith