ເກີດເຫດຄົນຖືກໄຟຟ້າຊ໊ອດ ເຈັບສາຫັດ

ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ລາຍງານວ່າ: ໃນວັນທີ 18/5/2018 ເວລາ 09:27ໂມງ ໄດ້ຮັບແຈ້ງເຫດຈາກປະຊາຊົນເຂົ້າເບີສຸກເສີນ1623 ວ່າມີຄົນຖືກໄຟຟ້າຊ໊ອດ ຈຸດເກີດເຫດແມ່ນຢູ່ ບ້ານ ສົມສະຫງ່າ ເມືອງ ໄຊເສດຖາ ນະຄອນຫຼວງວຽງຈັນ.

ໜ່ວຍກູ້ໄພໄດ້ອອກກວດສອບເຫດ ພໍໄປຮອດຈຸດເກີດເຫດພົບເຫັນ ຜູ້ບາດເຈັບ 1ຄົນ ເປັນເພດຊາຍ ອາຍຸ 20ປີ ບ້ານ ສົມສະຫງ່າ ເມືອງ ໄຊເສດຖາ ນະຄອນຫຼວງວຽງຈັນ ອາການເບື້ອງຕົ້ນແມ່ນ ມີບາດເປີດຢູ່ດັງ ແລະ ມີບາດແຜໄໝ້ຕາມຕົນໂຕ.

ດັ່ງນັ້ນໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ ຈຶ່ງໄດ້ປະຖົມພະຍາບານຂັ້ນຕົ້ນແລ້ວ ນຳສົ່ງໂຮງໝໍ ມິດຕະພາບ 150ຕຽງ.

ຢ່າງໃດກໍຕາມບໍ່ມີການລາຍງານເຖິງສາເຫດ ຂອງອຸບັດຕິເຫດໄຟຊ໊ອດຄັ້ງນີ້ . ແຕ່ເບິ່ງຕາມຮູບຫນ້າຈະກ່ຽວກັບການຈອດໂຄງຫຼັງຄາເຮືອນ.

ຫົວຂ່າ ຂອງດີຢູ່ໄກ້ເຮືອນ ຕຳລາຢາພື້ນເມືອງ ຄຸນປະໂຫຍດຫຼາຍກວ່າທີ່ຄິດ

ຂ່າຊ່ວຍຂັບລົມແກ້ຈຸກສຍດແໜ້ນທ້ອງແກ້ລົມປ່ວງແກ້ບິດຂັບນ້ຳບີແກ້ສະເອີະ ດັ່ງນັນຂ່າຈຶ່ງເປັນເຄື່ອງເທດຫຼັກຄູ່ຄົວເປັນສະໝຸນໄພທີ່ຈະໄປບຳລຸງໄຟທາດ ເຊິ່ງເປັນຫົວໃຈສຳຄັນຂອງຄວາມແຂງແຮງຂອງຮ່າງກາຍ ໃນກໍລະນີທີ່ຈຸກສຽດທ້ອງເຈັບທ້ອງສາມາດນຳຂ່າມາເຮັດເປັນຢາຜົງ ຢາລູກກອນຢາຕົມຢາຊົງກິນໄດ້ ຫຼືຈະນຳຂ່າມາຝົນກັບເຫຼົ້າຫຼືນ້ຳປູນໃສກິນເພື່ອຮັກສາອາການດັ່ງກ່າວໄດ້ຜົນດີແທ້.

1. ລະບົບທາງເດີນຫາຍໃຈ

ຂ່າ ຊ່ວຍແກ້ໄອ ແກ້ຫວັດ ລົດຂີ້ມູກແກ້ຫອບຫືດໄດ້ເຊັ່ນດຽວກັບຂິງເນື່ອງຈາກການທີ່ມີລົດຮ້ອນ ຈຶ່ງເໝາະທີ່ຈະປາບຫວັດທີ່ມາກັບໜ້າໜາວໄດ້ເປັນຢ່າງດີ ຄົນສະໄໝກ່ອນນິຍົມນຳຂ່າມາຕົ້ມເປັນຢາກິນເພື່ອແກ້ຫວັດ ໃນສ່ວນຂອງການໃຊ້ແກ້ໄອນິຍົມຝົນຂ່າກັບນ້ຳເຜີ້ງກິນເພື່ອກັດຂີ້ສະເຫຼດ ໂດຍອາດມີປົນນ້ຳໝາກນາວກັບເກືອລົງໄປເລັກນ້ອຍ ນອກຈາກນີ້ຂ່າຍັງຊ່ວຍຂະຫຍາຍຫຼອດລົມໄດ້ອີກດ້ວຍ

2. ລະບົບຫົວໃຈແລະຫຼອດເລືອດ

ຂ່າເປັນຢາຮ້ອນເຮັດໃຫ້ເລືອດໄຫຼວຽນໄດ້ດີມີກຳລັງວັງຊາຊ່ວຍຂັບເລືອດເສຍໃນຍິງຫຼັງເກີດລູກ ຊ່ວຍຂັບເຫື່ອ
ລະບົບປະສາດຂ່າ ຊ່ວຍຫຼຸດອາການປວດ ບໍ່ວ່າຈະແກ້ປວດເມື່ອຍຕາມຕົນໂຕ ປວດຂໍ້ ປວດແຂ້ວ ລຳມະນາດ ເຈັບທ້ອງ ເຈັບທ້ອງປະຈຳເດືອນລວມທັງອາການປວດບວມ ເຊິ່ງຖ້າມີອາການເອັນພິກປວດກ້າມເນື້ອຄົນສະໄໝກ່ອນຈະຕຳຂ່າມາພອກບໍລິເວນທີ່ມີອາການ ຂ່າເປັນສ່ວນປະກອບສຳຄັນຂອງຢາກິນ ຢາປະຄົບ ອົບ ອາບ ພອກ ເພື່ອແກ້ອາການປວດ ແລະຫຼຸດການອັດເສບລະບົບຜິວໜັງ

ຂ່າ ແກ້ລົມພິດ ແກ້ຜົດຜື່ນຄັນ ແກ້ກາກເກື້ອນ ແມງໄມ້ກັດ ພິດແມງມຸມເປັນຕົ້ນ ເຊິ່ງການໃຊ້ຂ່າໃນດ້ານນີ້ຕ້ອງ

3. ເປັນຂ່າແກ່ເທົ່ານັນຈຶ່ງຈະໄດ້ຜົນດີ

ເລື່ອງຂອງຂ່າແກ້ລົມພິດນີ້ເປັນທີ່ຮູ້ກັນດີ ໂດຍສະເພາະໃຊ້ຂ່າແກ່ຕຳໃສ່ເຫຼົ້າຂາວທາບໍລິເວນທີ່ເປັນ ແຕ່ສຳລັບການຮັກສາແມງໄມ້ກັດຕອດແລ້ວ ນິຍົມຝົນກັບນ້ຳໝາກນາວທາ ແຕ່ການໃຊ້ຂ່າທາງຜິວໜັງຕ້ອງມີຂໍ້ລະວັງແດ່ ເນື່ອງຈາກບາງຄົນແພ້ຂ່າ ໂດຍເມື່ອທາແລ້ວຖ້າມີອາການແສບຮ້ອນຕ້ອງຢຸດໃຊ້ທັນທີ

ປະຈຸບັນມີການວິໃຈພົບວ່າຂ່າມີສັບພະຄຸນແກ້ປວດອັບເສບດີຫຼາຍ ແລະຍັງມີລິດຕ້ານອະນຸມູນອິດສະລະຕ້ານມະເຮັງ ຕ້ານເນື້ອງອກ ຂະຫຍາຍຫຼອດລົມ ນ້ຳມັນຫອມລະເຫີຍໃນຂ່າມີລິດຂ້າເຊື້ອແບັກທີເລຍແລະເຊື້ອລາ

ພິທີ ເປີດງານສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະຫລອງແກ້ວຫລັກເມືອງ ຄົບຮອບ 10 ປີ

ພິທີ ເປີດງານ ສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະຫລອງແກ້ວຫລັກເມືອງ ຄົບຮອບ 10 ປີ ໄດ້ຈັດຂຶ້ນຢ່າງຍິ່ງໃຫຍ່ ແລະຄຶກຄື້ນ ໃນຕອນແລງຂອງວັນທີ 18/05/2018 ທີ່ເດີ່ນແກ້ວຫລັກເມືອງ ເມືອງຊຳເຫນືອແຂວງຫົວພັນ ໂດຍການເຂົ້າຮ່ວມ ຂອງທ່ານ ສອນໄຊ ສີພັນດອນ ກົມການເມືອງສູນກາງພັກ, ຮອງນາຍົກລັດຖະມົນຕີ, ທ່ານ ວັນໄຊ ແພງຊຸມມາ ເຈົ້າແຂວງໆ ຫົວພັນ, ມີການນຳພັກລັດ ຈາກສູນກາງ ແລະທ້ອງຖິ່ນ ພ້ອມດ້ວຍມວນຊົນ ຊາວແຂວງຫົວພັນເຂົ້າຮ່ວມເປັນຈຳນວນຫຼວງຫຼາຍ.


ທ່ານ ພູວັນ ເພັດມີໄຊ ຮອງຫົວໜ້າພະແນກ ຖະແຫລງຂ່າວ ວັດທະນະທຳ ແລະທ່ອງທ່ຽວແຂວງ ຫົວພັນ ຄະນະຮັບຜິດຊອບຈັດງານສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະຫລອງແກ້ວຫລັກເມືອງ ຄົບຮອບ 10 ປີ, ໄດ້ຂຶ້ນລາຍງານວ່າ: ພາຍຫລັງລັດຖະບານໄດ້ເປີດປີທ່ອງທ່ຽວລາວ 2018 ຂຶ້ນຢ່າງເປັນທາງການ ທີ່ນະຄອນຫລວງວຽງຈັນ, ບັນດາແຂວງຕ່າງໆ ກໍ່ໄດ້ສ້າງກິດຈະກຳ ທີ່ເປັນມູນເຊື້ອປະເພນີ ແລະປະດິດສ້າງໃໝ່ ເພື່ອດຶງດູດ ນັກທ່ອງທ່ຽວໃຫ້ເຂົ້າມາທ່ອງທ່ຽວໃນແຂວງຂອງຕົນໃຫ້ນັບມື້ນັບຫຼາຍຂຶ້ນ ສະເພາະແຂວງຫົວພັນ ໄດ້ສ້າງປະຕິທິນການທ່ອງທ່ຽວ ຂອງແຂວງ ໂດຍເລີ່ມແຕ່ເດືອນທັນວາ 2017 ຫາເດືອນທັນວາ 2018 ລວມມີ 19 ກິດຈະກຳ ເຊັ່ນ: ບຸນຊົນເຜົ່າຢູ່ເມືອງວຽງໄຊ, ບຸນກິນຈຽງຂອງຊົນເຜົ່າມົ້ງເມືອງຊຳເຫນືອ, ບຸນເກຼີ ແລະບຸນອື່ນໆ.


ສະເພາະງານສະເຫລີມສະຫລອງປີທ່ອງທ່ຽວລາວ 2018 ແລະສະເຫລີມສະ ຫລອງແກ້ວຫລັກເມືອງ ຄົບຮອບ 10 ປີ ຄັ້ງນີ້ໄດ້ມີຫລາຍກິດຈະກຳ ຈັດຂຶ້ນເປັນຕົ້ນການຍ່າງມາລາທອນເພື່ອສຸຂະພາບ, ແຂ່ງຂັນລົດຖີບ ແລະກິລາພື້ນເມືອງ ຊີງຂັນປີທ່ອງທ່ຽວລາວ 2018, ຊົມການສະແດງສິລະປະວັນນະຄະດີ, ທ່ຽວຊົມຜາທີ, ແຫ່ກອງບຸນ ຕົ້ນກະລາພຶກ ແລະກິດຈະກຳອື່ນໆ.

ຂ່າວ,ພາບ: ໄພມະນີ ທຳມະວົງສາ

ປະທານປະເທດ ຕ້ອນຮັບທູດປະເທດເພື່ອນມິດເຂົ້າຍື່ນສານຕາຕັ້ງ

ທ່ານ ບຸນ​ຍັງ ວໍລະ​ຈິດ ປະທານ​ປະເທດ​ແຫ່ງ ​ສປປ ລາວ ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ​ບັນດາ​ທູດ​ປະເທດ​ເພື່ອນ​ມິດ​ຄົນ​ໃໝ່ ປະຈຳ​ລາວ ວັນ​ທີ 17 ພຶດສະພາ 2018 ຢູ່​ທີ່​ທຳ​ນຽບ ປະທານ​ປະເທດ (ຫໍຄຳ) ມີ​ລາຍ​ລະອຽດ ຄື: ເວລາ 9:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Pratito Soeharyo ເອກ​ອັກ​ຄະ​ລັດ​ຖະ​ທູດ ສ ອິນ​ໂດ​ເນ​ເຊຍ ປະຈຳ​ລາວ ມີ​ສະຖານ​ເອກ​ອັກ​ຄະ​ລັດ​ຖະ​ທູດ​ຕັ້ງ​ຢູ່​ນະຄອນຫຼວງ​ວຽງ​ຈັນ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1957.

ເວລາ 9:30 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Kiattikhun Chartprasert ເອກ​ອັກຄະລາຊະທູດ ແຫ່ງ​ຣາ​ຊາ​ອະ​ນາ​ຈັກ​ໄທ​ປະຈຳ​ລາວ ມີ​ສຳນັກງານ​ຕັ້ງ​ຢູ່​ນະຄອນຫຼວງ​ວຽງ​ຈັນ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1950.

ເວລາ 10:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Jorge Rondon Uzcategui ເອກ​ອັກ​ຄະ​ລັດ​ຖະ​ທູດ ສ ໂບ​ລີ​ວາ​ຣຽນ ເວ​ເນ​ຊູ​ເອ​ລາ ປະຈຳ​ລາວ ມີ​ສຳນັກງານ​ໃຫຍ່​ຕັ້ງ​ຢູ່​ຮ່າ​ໂນ້ຍ ​ສສ ຫວຽດນາມ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1965.

ເວລາ 10:30 ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Mahmoud Hasan Nayel ເອກ​ອັກ​ຄະ​ລັດ​ຖະ​ທູດ​ແຫ່ງ ສ ອາ​ຣັບ ເອ​ຢິບ ປະຈຳ​ລາວ ມີ​ສຳນັກງານ​ໃຫຍ່ ຕັ້ງ​ຢູ່ນະຄອນຫຼວງ​ຮ່າ​ໂນ້ຍ ສສ ຫວຽດນາມ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ແຕ່​ປີ 1976.

ເວລາ 14:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mrs. Ana lucy Gentil Cabral petersen ເອກ​ອັກ​ຄະ​ລັດ​ຖະ​ທູດ ແຫ່ງ ສສ ເບຣ​ຊິນ ມີ​ສຳນັກງານ​ຕັ້ງ​ຢູ່​ບາງກອກ ປະເທດ​ໄທ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1975.

ເວລາ 15:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ​ຂອງ Mr. Kari Kahilouto ເອກ​ອັກ​ຄະ​ລັດ​ຖະ​ທູດ ປະເທດ​ແຟັງ​ລັງ ປະຈຳ​ລາວ ມີ​ສຳນັກງານ​ໃຫຍ່​ຕັ້ງ​ຢູ່ນະຄອນຫຼວງ​ຮ່າ​ໂນ້ຍ ສສ ຫວຽດນາມ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 1975.

ເວລາ 16:00 ໂມງ ຕ້ອນຮັບ​ການ​ເຂົ້າ​ຢ້ຽມ​ຄຳນັບ ແລະ ຍື່ນ​ສານ​ຕາ​ຕັ້ງ​ຂອງ Mr. Gunnar Snorri Gunnarsson ເອກ​ອັກ​ຄະ​ລັດ​ຖະ​ທູດ​ປະເທດອິດ​ສລັງ ມີ​ສຳນັກງານ​ໃຫຍ່​ຕັ້ງ​ຢູ່​ນະຄອນຫຼວງ​ປັກ​ກິ່ງ ສປ ຈີນ ແລະ ສ້າງຕັ້ງ​ສາຍ​ພົວພັນ​ການ​ທູດ​ຮ່ວມ​ກັນ​ປີ 2004 ເປັນຕົ້ນ​ມາ.

ໂອກາດ​ນີ້ ທ່ານ​ປະທານ​ປະເທດ ໄດ້​ໃຫ້ການ​ຕ້ອນຮັບ​ອັນ​ອົບ​ອຸ່ນ ພ້ອມ​ທັງ​ສະແດງ​ຄວາມ​ຍ້ອງຍໍ-ຊົມເຊີຍຕໍ່​ບັນດາ​ທ່ານ​ເອກ​ອັກ​ຄະ​ລັດ​ຖະ​ທູດ ​ທີ່​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຈາກ​ລັດຖະບານ ແລະ ປະຊາຊົນ ໃຫ້​ມາ​ດຳລົງ​ຕຳແໜ່ງ​ທີ່​ສຳຄັນ ແລະ ມີ​ກຽດ​ຢູ່ ​ສປປ ລາວ ຄັ້ງ​ນີ້ ເຊິ່ງ​ຖື​ເປັນ​ການ​ປະກອບສ່ວນ​ສຳຄັນ ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ຮ່ວມ​ມື​ທີ່​ມີ​ມາ​ແຕ່​ດົນ​ນານ​ແລ້ວ​ນັ້ນ ໃຫ້​ນັບ​ມື້​ແຕກ​ດອກ​ອອກ​ຜົນ​ຍິ່ງ​ຂຶ້ນ​ເປັນ​ກ້າວໆ ພ້ອມ​ກັບ​ສະແດງ​ຄວາມ​ເຊື່ອ​ໝັ້ນ​ວ່າ ບັນດາ​ທ່ານ​ທູດ ຈະ​ສືບຕໍ່​ໃຫ້ການ​ຮ່ວມ​ມື ແລະ ຊ່ວຍເຫຼືອ​ແກ່​ວຽກ​ງານ​ພັດທະນາເສດຖະກິດ-ສັງຄົມ​ຂອງ​ປະເທດ ໃຫ້​ສືບຕໍ່​ຂະຫຍາຍຕົວ​ຢູ່​ໃນ​ເວທີ​ພາກ​ພື້ນ-ສາກົນ ຢ່າງ​ຕໍ່​ເນື່ອງ​ຕື່ມ​ອີກ.

ພາບ-ຂ່າວ: ນສພ ວຽງຈັນໃຫ່ມ

8 ປະໂຫຍດດີໆຈາກຖົ່ວດໍາ..ທີ່ບໍ່ໜ້າເຊື້ອວ່າມັນຮັກສາສາລະພັດໂລກ

ໂປຼຣຕິນເປັນສານອາຫານທີ່ສໍາຄັນທີ່ສຸດຕໍ່ການຈະເລີນເຕີບໃຫຍ່ ແລະ ເປັນທີ່ຮູ້ຈັກກັນດີວ່າແຫຼ່ງອາຫານຂອງໂປຼຣຕິນໄດ້ມາຈາກຊີ້ນສັດ,ນົມ ແລະ ພືດ ໂດຍສະເພາະໃນທົ່ວເຊີ່ງເປັນແຫ່ງໂປຼຣຕິນທີ່ດີ ແລະ ມື້ນີ້ເຮົາຂໍມາແນະນຳໂປຼຣຕິນຈາກຖົ່ວຊະນິດໜື່ງເຊີ່ງຫຼາຍທ່ານອາດຍັງບໍ່ຮູ້ຈັກດີພໍນັ້ນຄືຖົ່ວດຳນອກຈາກຈະໃຫ້ໂປຼຣຕິນສູງແລ້ວຍັງເຕັມໄປດ້ວຍປະໂຫຍດຫຼາກຫຼາຍດັ່ງນີ້:

1. ລ້າງຜິດໃນຮ່າງກາຍ

ຖົ່ວດຳມີສານຟຣາໂວນອຍ ຫຼື ສານລ້າງສານຜິດໃນປະລິມານຕໍ່ກຼາມສູງທີ່ສຸດຮອງລົງມາເປັນຖົ່ວສີແດງ,ນ້ຳຕານ,ເຫຼືອງ ແລະ ຂາວ ຕາມລຳດັບເພາະໃນຖົ່ວດຳນັ້ນມີສານສຳຄັນຢ່າງແອນໂທໄຊຢານິນເຊີ່ງນັບເປັນໂຕລ້າງສານຜິດຊັ້ນດີໂດຍເມື່ອທຽບກັບການກິນຖົ່ວດຳໃນປະລິມານເທົ່າກັັບການກິນໝາກກ້ຽງແລ້ວຖົ່ວດຳຈະມີປະລິມານລ້າງສານຜິດຫຼາຍກວ່າໝາກກ້ຽງເຖີງ 10 ເທົ່າ ຄືທຽບໄດ້ກັບໝາກລາແຊັງ ແລະ ແອບເປີ້ນ ການເຮັດໃຫ້ຖົ່ວດຳສຸກນັ້ນຈະເຮັດໃຫ້ສູນເສຍໂຕລ້າງສານຜິດໄປແດ່ຈັກໜ້ອຍແຕ່ກໍ່ຍັງລ້າງສານຜິດໃນຮ່າງກາຍໄດ້ຢ່າງມີປະສິດທິພາບ

2. ໂລກຕຸ້ຍ

ຖົ່ວດຳນັ້ນອຸດົມໄປດ້ວຍສານທີ່ລົດຄວາມຕຸ້ຍ ແລະ ສານທີ່ກຳຈັດສານຜິດໃນຊ່ວງທຳອິດຂອງການລົດຫຸ່ນຖົ່ວດຳຈະດູດຊຶມສານທີ່ກຳຈັດສານຜິດອອກກ່ອນ ແລະ ເມື່ອສານຜິດທີ່ສະສົມຢູ່ໃນຮ່າງກາຍອອກໄປແລ້ວເຖີງຈະດູດຊຶມສານທີ່ລົດຄວາມຕຸ້ຍອອກເຊີ່ງຈະເຮັດໃຫ້ໄຂມັນໃນຮ່າງ ກາຍເລີ່ມສະຫຼາຍຢ່າງຈິງຈັງ ແລະ ຈາກການກວດສອບຂອງແພດສະໜັບສະໜູນວ່າຄຸນນະສົມບັດດີໃນຖົ່ວດຳຊ່ວຍໃຫ້ຜູ້ບໍລິໂພກຈ່ອຍລົງຢ່າງມີສຸຂະພາບທີ່ດີໄດ້ນຳເພາະໃນຖົ່ວດຳມີສັດສ່ວນຂອງໂປຼຣຕິນສູງເຖີງ 100/40 ແລະ ມີກົດໄຂມັນອີ່ມໂຕ 100/20 ເຊີ່ງໃນກົດໄຂມັນອິ່ມໂຕສາມາດປ້ອງກັນ ແລະ ຮັກສາໂລກມະເຮັງ,ເບົາຫວານ ແລະ ໂລກຕຸ້ຍໄດ້ ມີຄຸນຄ່າທາງໂພສະນາການອີກຫຼາຍຢ່າງເຊັ່ນ: ເສັ້ນໃຍອາຫານ, ຟົດຟໍຣັດ, ແຄສຊຽມ ,ເຫຼັກ, ວິຕາມິນບີ1 ແລະ 2 ໄນອາຊິນ

3. ປ້ອງກັນໂລກມະເຮັງ

ຜົນວິໄຈຕ່າງໆບົ່ງຊີ້ວ່າສານເຈນິຕິນໃນຖົ່ວມີປະໂຫຍດໃນການປ້ອງກັນໂລກມະເຮັງ ແລະ ໂລກໃນຜູ້ໃຫຍ່ຕ່າງໆໄດ້ຢ່າງດີລົດຄວາມສ່ຽງທີ່ຈະເປັນມະເຮັງລຳໄສ້, ທັງຍັງປ້ອງກັນມະເຮັງກະເພາະອາຫານເຊີ່ງມີຜົນວິໄຈລະບຸວ່າຄົນທີ່ດື່ມນົມຖົ່ວເຫຼືອງ, ຖົ່ວດຳເປັນປະຈຳມີຄວາມສ່ຽງເປັນມະເຮັງກະເພາະອາຫານໜ້ອຍກວ່າຄົນທີ່ບໍ່ດື່ມເລີຍເຖີງ 100/30 ປ້ອງກັນມະເຮັງປອດໄດ້ເຖີງ 100/50 ຍ້ອນວ່າຖົ່ວມີສານໂຊຟຣາໂວນເປັນສານສີປະເພດຟຣາໂວນອຍເຊີ່ງສານດັ່ງກ່າວປ້ອງກັນເຊສຈະເລີນເຕີບໃຫຍ່ຜິດປົກກະຕິຈາກບັນຫາການຫຼັ່ງຮໍໂມນຜິດປົກກະຕິຈົນກາຍເປັນໂລກຕຸ້ຍ ແລະ ພິເສດໄປກວ່ານັ້ນມັນສາມາດປ້ອງກັນມະເຮັງຕ່ອມລູກມາກທີ່ມີສາເຫດມາຈາກການຫຼັ່ງຮໍໂມນແອນໂດເຈນ(ຮໍໂມນເພດຊາຍ)ຫຼາຍເກີນໄປໄດ້ອີກນໍາ

4. ປ້ອງກັນຄວາມດັນໂລຫິດສູງ ແລະ ຫຼຸດຄໍເລສເຕີຣໍ

ເພາະໃນຖົ່ວດຳອຸດົມໄປດ້ວນວິຕາມິນອີ ແລະ ໂປຣຕັສຊຽມທີ່ຫຼຸດຄວາມດັນໂລຫິດໂດຍການຂະ ຫຍາຍເສັ້ນໂລຫິດໃຫ້ກວ້າງຂື້ນກັບແຄສຊຽມທີ່ເຮັດໃຫ້ກ້າມເນື້ອຂອງເສັ້ນເລືອດມີຄວາມແຂງແຮງຢືດຢຸ່ນຫຼາຍຂື້ນ

5. ບຳລຸງສະໝອງ

ເນື່ອງຈາກສານເລຊິຕິນໃນຖົ່ວດຳຊ່ວຍບຳລຸງສະໝອງຊ່ວຍການເຮັດວຽກຂອງສະໝອງຈື່ງມີຜົນດີຕໍ່ນັກຮຽນທີ່ກຳລັງຈະເສັງ,ຄົນໃນໄວເຮັດວຽກ ແລະ ສຳຫຼັບຜູ້ເຖົ້າກໍ່ສາມາກຊ່ວຍປ້ອງກັນອາໄຊເມີໄດ້ນຳລວມທັງຊ່ວຍແກ້ບັນຫາອາການນອນບໍ່ຫຼັບເທັກນິກຄືໜື້ງຖົ່ວດຳແລ້ວໃສ່ໄວ້ໃນໝອນເວ ລາຍັງອຸ່ນໆຈະຊ່ວຍແກ້ອາການນອນບໍ່ຫຼັບໄດ້

6. ປ້ອງກັນໂລກເບົາຫວານ

ຄວາມມະຫັດສະຈັນຂອງເສັ້ນໃຍອາຫານຊະນິດລະລາຍນ້ຳໃນຖົ່ວດຳສາມາດຫຼຸດຄວາມໄວໃນການດູດຊຶມກລູໂຄສໃຫ້ດູດຊຶມໃນຮ່າງກາຍຊ້າລົງຈື່ງຊ່ວຍຢັບຢັ້ງໂລກເບົາຫວານໄດ້

7. ບຳລຸງຜິວພັນ

ຖົ່ວດຳສົ່ງຜົນດີຕໍ່ຜິວພັນເພີ່ມຄວາມຊຸ່ມຊື່ນ ແລະ ກະຈ່າງໃສໃຫ້ຜິວໜ້າຊ່ວຍລົດຮອຍແດງຈາກສິວ ແລະ ປ້ອງກັນຝ້າດ້ວຍວິຕາມິນອີສານແອນໂທໄຊຢານິນໃນຖົ່ວດຳຈະເພີ່ມການເຮັດວຽກຂອງຄໍລາເຈນເພີ່ມຄວາມກະຊັບ ແລະ ຄືນຊີວິດຊີວາສູ່ຜິວໜ້າ

8. ຫຼຸດໂອກາດເປັນໂລກຫົວໃຈ

ຖົ່ວດຳນອກຈາກຈະມີໂປຼຣຕິນສູງຍັງມີຄາໂບໄຮເດດສູງມີໄຂມັນຕ່ຳແຖມຍັງອຸດົມໄປດ້ວຍກາກໃຍ ຫຼື ໄຟເບີ້ແລ້ວກໍ່ຍັງມີຜົນວິໄຈພົບວ່າຜູ້ທີ່ບໍລິໂພກຖົ່ວດຳໃນປະລິມານຫຼາຍຈະມີໂອກາດເປັນໂລກຫົວໃຈໜ້ອຍກວ່າຜູ້ທີ່ບໍ່ບໍລິໂພກເລີຍ

ອຸບັດຕິເຫດ ລົດໃຫຍ່ ຕຳລົດຈັັກ

ວັນທີ 19/5/2018 ເວລາ 18:31 ນາທີ ໄດ້ເກີດມີອຸບັດຕິເຫດລົດໃຫ່ຍຕຳລົດຈັກ ຈຸດເກີດເຫດ ໜອງປາ ຫລັກ11 ຊະນະສົມບູນ ແຂວງຈຳປາສັກ ມີຜູ້ບາດເຈັບ 01 ຄົນ
1 ເພດຊາຍ ອາຍຸ 45 ປີ ອາຊີບ ພະນັກງານ ລປພ ບ້ານ ນາແກວ ເມືອງ ຊະນະສົມບູນ ແຂວງຈຳປາສັກ ອາການເບື້ອງຕົ້ນ:ຂາເບື້ອງຊ້າຍຜິດຮູບແລະມີແຜເປີດຢູ່ຄໍ່ຕີນຊ້າຍ.

————————————
ບາດເຈັບອຸປະຕິເຫດສຸກເສີນ ໂທ 1623 ຫລື 0304912875 ຕະຫລອດ 24 ຊົ່ວໂມງ

ລາຍການອາຫານຈານແຊບ ແລະ ທິມຂ່າວເລົ່າເລື່ອງເມືອງລາວບຸກບໍລິຈາກທີ່ບ້ານສັນແຟນ

ໃນຄັ້ງວັນທີ 18 ພຶດສະພາທີ່ຜ່ານມາ ທາງເຈົ້າຂອງລາຍການອາຫານຈານແຊບ ແລະ ທີມຂ່າວເລົ່າເລື່ອງເມືອງລາວພ້ອມດ້ວຍຊ່າງພາບຂາເລາະໄດ້ຕ່າງໜ້າບັນດາຜູ້ບໍລິຈາກເຄື່ອງນຸ່ງຫົ່ມ ແລະ ທຶນຮອນທີ່ໄດ້ຈາກຜູ້ໃຈບຸນເຊັ່ນ: ບໍລິສັດເຫຼັກຟູຊາ,ພະອາຈານສົມເພັດ ທັມມະວົງ,ທະນາຄານຫວຽດຕິນ-ບໍລິສັດ ສີສົມບັດ ສິນເຊື່ອ,ຜະລິດຕະພັນສະບູຫອຍຫອມ,ບໍລິສັດ ເບທາໂກ ແລະ ອີກຫຼາຍບໍລິສັດ ແລະ ຫຼາຍໆຄົນທີ່ຮ່ວມບໍລິຈາກໃນເທື່ອນີ້

ພາຍຫຼັງເດີ່ນທາງມາຮອດເມືອງຄຳທາງທີມງານກໍ່ໄດ້ເຂົ້າພົບທ່ານຮອງເຈົ້າເມືອງ ເພື່ອເກັບຂໍ້ມູນໃນການເດີ່ນທາງໄປບ້ານສັນແຟນ.

ທ່ານ ທົງສະຫວັດ ມະນີລາ ຫົວໜ້າ ປ.ກ.ສ ເມືອງຄຳໄດ້ບອກກັບທາງທິມງານວ່າ ການເດີ່ນທາງໄລຍະນີ້ຖືວ່າມີຄວາມສ່ຽງເພາະເປັນໄລຍະຝົນ ຕ້ອງເບິ່ງຕາມສະພາບອາກາດອີກເທື່ອຖ້າໂຊກດີຝົນບໍ່ຕົກກໍ່ເດີ່ນທາງໄດ້ ຖ້າໂຊກບໍ່ດີ ກໍ່ເດີ່ນທາງເຂົ້າໄປບໍ່ໄດ້ ເພາະສະພາບເສັ້ນທາງມີຄວາມຍຸ້ງຍາກພໍສົມຄວນ

ເຊົ້າມື້ຕໍ່ມາຖືວ່າໂຊກເຂົ້າຂ້າງທິມງານ ເພາະຝົນບໍ່ຕົກດັ່ງນັ້ນທາງທິມງານຈິ່ງຈັດກຽມອຸປະກອນສຳຫຼັບເດີ່ນທາງ ແຕ່ການເດີ່ນທາງນັ້ນຕ້ອງໃຊ້ລົດທີ່ມີ 4H ເທົ່ານັ້ນຈິ່ງຈະໄປໄດ້ ແລະ ແລ້ວໂຊກກໍ່ເຂົ້າຂ້າງອີກເທື່ອເມື່ອມີທິມງານສະມາຄົມ Off Road ນະຄອນຫຼວງວຽງຈັນມາສົມທົບ ແລະ ສະມາຄົມກູ້ໄພ ກາແດງ 1625 ອີກ.

ການບໍລິຈາກຮອບນີ້ຖືວ່າມີບັນຍາກາດຄຶກຄື້ນພໍສົມຄວາມເພາະມີຫລາຍໜ່ວຍງານມາຮ່ວມສົມທົບກັນ ແຕ່ການເດີ່ນທາງກໍ່ລຳບາດພໍສົມຄວນ ແຕ່ຈັງໃດທິມງານກໍສູ້ຊົນຈົນເຖິງເປົ້າໝາຍ

ນະທີ່ນີ້ ທິມງານພວກເຮົາຕ້ອງສະແດງຄວາມຂອບໃຈ ແລະ ຮູ້ບຸນຄຸນຕໍ່ນ້ຳໃຈທຸກທ່ານໃນການບໍລິຈາກຄັ້ງນີ້ ຂໍໃຫ້ທ່ານຈະເລີນຂື້ນໃນທຸກໜ້າທີ່ການງານ

ທ່ານຮອງເຈົ້າເມືອງໄດ້ກ່າວເພີ່ມຕື່ມວ່າວາລະຕໍ່ໄປແມ່ນຢາກສະເໜີຂໍການຊ່ວຍເຫຼື່ອເປັນອຸປະກອນການກໍ່ສ້າງເປັນສ່ວນໃຫຍ່ ເພາະຈະໄດ້ເລີ່ມປຸກສ້າງເຮືອນຊານທີ່ພັກເຊົ່າໃຫ້ປະຊາຊົນ ຈິ່ງວອນຂໍໃຫ້ສັງຄົມ ແລະ ຜູ້ໃຈບຸນສືບຕໍ່ບໍລິຈາກເພື່ອຊາວເມືອງຄຳ ກໍ່ຄືຊາວບ້ານສັນແຟນ.

ໂຈນໃຈບາບປຸ້ນເງີນຄູບາ

ໃນວັນທີ19/5/2018 ເວລາ 08:30 ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າມີໂຈນລັດຕີເອົາເງີນຄູບາຢູ່ສວນເຈົ້າອານຸວົງ ເມືອງຈັນທະບູລີ ນະຄອນຫຼວງວຽງຈັນ.
ດັ່ງນັ້ນໜ່ວຍກູ້ຊີບ-ກູ້ໄພນະຄອນຫຼວງຈຶ່ງອອກກວດສອບເຫດພົບຜູ້ບາດເຈັບ1ຄົນເປັນຄູບາອາການເບື້ອງຕົ້ນແມ່ນຖືກຂອງແຂງກະທົບໃສ່ຫົວເຂົ່າ.


ດັ່ງນັ້ນໜ່ວຍກູ້ໄພນະຄອນຫຼວງຈຶ່ງໄດ້ປະຖົມພະຍາບານເບື້ອງຕົ້ນແລ້ວນຳສົ່ງໂຮງໝໍມະໂຫສົດ.
_______________________
#ພົບເຫດສຸກເສີນໂທແຈ້ງ1624
ເຂດ 1 ຈຸດເມືອງສີໂຄດຕະບອງ
ໂທ 02078991624 ຕະຫຼອດ24ຊົ່ວໂມງ
ບ້ານຍາພະ ເຂດສີໄຄ ເມືອງສີໂຄດຕະບອງ

ຊາຍຄົນຫນື່ງເອີ້ນດ່າ “ທຣັມ” ຖືກຍິງເຈັບຄາສະໜາມກ໊ອບ

ຊາຍຄົນໜື່ງເອີ້ນດ່າປະທານາທິບໍດີໂດນັລ ທຣັມ ເຂົ້າໄປໃນລ໋ອບບີ້ຂອງສະໜາມກ໊ອບທາງຕອນໃຕ້ຂອງລັດຟໍຣິດາ ເມື່ອເຊົ້າວັນສຸກທີ່ຜ່ານມາ ແຂວນທຸງຊາດບໍລິເວນລ໊ອບບີ້ ຈົນຕຳຫຼວດຍົກກຳລັງມາເກີດການຍິງຕໍ່ສູ້ກັນ ແຕ່ກໍ່ຖືກຈັບໂຕໄວ້ໄດ້ແລະໄດ້ຮັບບາດເຈັບ


ສຳນັກຂ່າວຕ່າງປະເທດລາຍງານຈາກເມືອງໄມອາມີ່ ລັດຟໍຣີດາ ປະເທດອາເມລິກາເມື່ອວັນທີ່ 18 ພຶດສະພາວ່າ ທ່ານເຣີນັນ ອໍກັນວິເດ ຫົວໜ້າຕຳຫຼວດ ເມືອງດໍຣັລ ລັດຟໍຣີດາ ເປີດເຜີຍວ່າ ຕຳຫຼວດຮັບແຈ້ງເຫດວ່າມີຄົນຮ້າຍພ້ອມອາວຸດປືນ1ຄົນ ໃນບໍລິເວນສະໜາມກ໊ອບຊື່ ທຣັມ ເນຊັ່ນແນລ ດໍຣັລ ກ໊ອບ ຄລັບ ໃກ້ກັບເມືອງໄມອາມີ່ເມື່ອເວລາປະມານ 01.30 ນາທີ ເຊົ້າວັນສຸກທີ່ 18 ພຶດສະພາຕາມເວລາທ້ອງຖິ່ນ ດັ່ງນັ້ນກຳລັງຕຳຫຼວດຈາກສະຖານີຕຳຫຼວດເມືອງດໍຣັລແລະສະຖານີໄມອາມີ່-ເດດ ທີ່ໃກ້ກັນຈິ່ງອອກມາທີ່ເກີດເຫດ ແລະປະເຊີນໜ້າກັບຄົນຮ້າຍຈື່ງເກີດການຍິງຕໍ່ສູ້ກັນ ຜົນປາກົດວ່າຄົນຮ້າຍຖືກຍິງໄດ້ຮັບບາດເຈັບແລະຖືກຄວບຄຸມໂຕໄວ້ໄດ້ແລ້ວ ສ່ວນເຈົ້າໜ້າທີ່ກໍ່ມີໄດ້ຮັບບາດເຈັບ 1 ຄົນເຊັ່ນກັນ ແຕ່ບໍ່ກ່ຽວຂ້ອງກັບການຍິງຕໍ່ສູ້
ທ່ານ ຣວນ ເປເຣຊ ຜູ້ກຳກັບຕຳຫຼວດສະຖານີຕຳຫຼວດໄມອາມີ່-ເດດ ກ່າວວ່າ ຊາຍຜູ້ກໍ່ເຫດເອີ້ນດ່າຂໍ້ຄວາມບາງຢ່າງກ່ຽວກັບປະທານາທິບໍດີໂດນັລ ທຣັມ ຜູ້ນຳອາເມລິກາເຊີ່ງເປັນເຈົ້າຂອງສະໜາມກ໊ອບທີ່ເກີດເຫດດ້ວຍ ເຂົາຍັງແຂວນທຸງຊາດອາເມລິກາເໜືອພື້ນທີ່ໃນຫ້ອງລ໋ອບບີ້ຂອງສະໂມສອນສະໜາມກ໊ອບແຫ່ງນີ້ດ້ວຍ ແຕ່ລະຫວ່າງເກີດເຫດນັ້ນປະທານາທິບໍດີໂດນັລ ທຣັມ ບໍ່ໄດ້ຢູ່ໃນສະໜາມກ໊ອບ